ᐃᑉᕈᐛ 5:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐊᑯ ᐊᓐᒡ ᑲ ᒋᓴᐃᔪᐛᔨᑕᒡ ᓴᔅ ᐎᔭᓯᔪᐤ ᒥᒍᐅᒡ᙮ ᒋ ᒋᔅᑯᑎᒪᓱᐅᒡ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᒡ ᐊᓯᑯᒻ ᒋᓯᑲᐛ ᐊ ᑯᒋᑕᒡ ᑯᐃᔅᒄ ᒐᒋ ᐃᓯ ᐱᒪᑎᓯᒡ᙮ ᐊᐅᒄ ᒪᒃ ᐛᒋ ᓂᔅᑐᐅᓇᒡ ᑯᐃᔅᑯᑕᑎᓯᐅᓂᔪᐤ ᑭᔭ ᒥᒐᑎᓯᐅᓂᔪᐤ᙮

ᐃᑉᕈᐛ 5:14 Iomraidhean Croise

ᒐᓂᓯᔅ 3:5

ᒋᓴᒪᓂᑐᐤ ᒋ ᐃᔅᒋᔄᐤ ᐅᔭ ᐅᓴᒻ ᒋᔅᒐᔨᑎᒻ ᒥᒍᐛᒂ ᐊᓂᔭ ᒥᓂᓴ ᒋᑭ ᑭᒐᑕᐛᔨᑕᑯᓯᓇᐛᐤ, ᒋᑭ ᒋᔅᒐᔨᑕᓇᐛᐤ ᐊ ᒥᔽᒡ ᑭᔭ ᒪᔭᑎᓯᐅᓐ, ᒧᔭᒻ ᒋᓴᒪᓂᑐᐤ᙮”

ᑎᐱᑦ ᐅᓂᑭᒧᐅᓇ 119:103

ᑕᑈ ᓂ ᓯᐅᔅᐱᑕᓐ ᒋᑦ ᐃᔨᒧᐅᓇ ! ᓂᐦᐃ ᐅᔅᑕ ᓂ ᐎᔅᑕᓐ ᐃᔅᐱᔅ ᑲᓯᐛᓯᐛᐳᔾ᙮

ᒪᑎᔪᐤ 5:48

ᒧᔭᒻ ᒍᑕᐎᔾ ᒋᒋᒋᓯᑯᒡ ᐊ ᑕᑦ ᐊᔅᐱᔅ ᓇᔅᒡ ᑯᐃᔅᑯᓯᑦ ᐊᐅᑯᓐ ᒧᔭᒻ ᑭᔭ ᒋᔾ ᒋᐸ ᐃᓯ ᑯᐃᔅᑯᓯᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:1

ᐊᑲᐎᔾ ᐊᑐᐛᔨᒪᐧᒄ ᐊᓐ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ᙮ ᐊᑲᐎᔾ ᒋᑭ ᐅᒋ ᒋᐧᑲᓇᑯᐎᑐᓇᐛᐤ ᐊ ᐃᔭᔨᒧᑎᒪᒄ ᐊᓂᔭᔪᐛ ᒐᒂᔪᐛ ᐊᑲ ᐸᐃᑯᓄᒡ ᐃᑕᔨᑎᒥᐃᑯᔭᒄ᙮

1 ᑯᕆᓐᑎᔭᓇ 2:6

ᐊᓐᒡ ᐊᐛᓐᒋ ᑲ ᒥᔪ ᓂᑕᐅᒋᒡ ᑕᑈᑎᒧᐅᓂᒡ ᓂ ᓂᔅᑐᑕᑯᓇᓂᒡ ᑭᒐᑕᐛᔨᑎᒧᓂᒡ ᐊ ᐃᓯ ᐃᔨᒥᐃᒋᒡ᙮ ᓇᒪᐎᔾ ᒪᒃ ᐊᓐ ᑭᒐᑕᐛᔨᑎᒧᐅᓐ ᐊᐛᓐᒋ ᐅᑕ ᐊᔅᒋᒡ ᒋᒋᐛ ᑲ ᐃᑕᔨᑕᒡ ᑲ ᐊᔨᒧᑎᒪᓐ᙮ ᓇᒪᐎᔾ ᑭᔭ ᐊᓐ ᑭᒐᑕᐛᔨᑎᒧᐅᓐ ᒋᒋᐛ ᒐᒂᓐ ᑲ ᐃᑕᔨᑕᒡ ᐊᓐᒡ ᐊᐛᓐᒋ ᑲ ᐅᒋᒪᐅᒡ᙮ ᐛᔅ ᐊᓂᔭ ᐎᔨᐛᐤ ᐅᑭᒐᑕᐛᔨᑎᒧᐅᓄᐛᐤ ᒋᑭ ᐃᔎᐱᔪᐤ᙮

ᐃᐱᓯᔭᓇ 1:18

ᓂ ᓂᑐᑎᒪᓐ ᑭᔭ ᒐᒋ ᒋᔅᒐᔨᑎᒺᒄ ᒐᒂᔪᐤ ᐊᓂᔭ ᑲ ᒥᔨᑕᒄ ᒋᓴᒪᓂᑐᐤ ᒐᒋ ᐊᔅᐸᔨᒧᑐᑎᒺᒄ ᐃᔅᐱ ᑲ ᐅᑎᓂᑕᒄ᙮ ᑭᔭ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᐛᔪᑎᓂᔨᒋ ᐊ ᒋᔅᑕᔨᑕᑯᓂᔨᒋ ᒥᔪ ᒥᔨᐛᐅᓇ ᑕᓐ ᐊ ᐃᓯ ᐊᔭᔅᑯᔅᑎᒧᐛᑦ ᑲ ᑕᑈᑎᒥᔨᒋ ᒐ ᒥᔭᑦ᙮

ᐃᐱᓯᔭᓇ 4:13

ᐊᐅᒄ ᒪᒃ ᐅ ᒐ ᐃᓯ ᐎᒋᐃᑯᔭᐧᒄ ᐸᑐᔅ ᒥᓯᐛ ᒪᒧᐤ ᐸᐃᑯᓄᒡ ᐃᓯ ᑕᑈᑎᒪᒂ ᑭᔭ ᓇᔅᒡ ᒥᓯᐛ ᒋᔅᒐᔨᒪᒂ ᒋᓴᒪᓂᑐᐤ ᐅᑯᓴ ᑕᓐ ᐊ ᐃᑕᔨᑕᑯᓯᔨᒋ᙮ ᑭᔭ ᐸᑐᔅ ᓇᔅᒡ ᒋ ᐃᓯ ᓂᑕᐅᒋᔭᒂ, ᐊᓐ ᐊ ᐃᑕᔨᑕᑯᓯᑦ ᙭ ᐃᑕᔨᑕᑯᓯᔭᒂ᙮

ᐱᓕᐱᔭᓇ 3:15

ᒥᓯᐛ ᒪᒃ ᒋᔭᓄᐤ ᑲ ᓂᔅᑐᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐊᐅᑯᐤ ᒋᐸ ᐃᑕᔨᑕᓇᓄᐤ ᑕᓐ ᑲ ᐃᓯ ᐊᔨᒧᑎᒪᓐ᙮ ᒧᔭᒻ ᐊᑲ ᑕᑈᑐᔭᒂ ᑕᓐ ᑲ ᐃᓯ ᐊᔨᒧᑎᒪᓐ, ᒋᓴᒪᓂᑐᐤ ᒋᑭ ᒥᔪ ᐛᐸᑎᔨᑯᐛᐤ᙮

1 ᑕᓴᓗᓂᔭᓇ 5:21

ᒥᓯᐛ ᓂᑐ ᒋᔅᒐᔨᑎᒧᒄ ᑕᓐ ᐊ ᐃᓇᓄᐅᒡ ᑎᔭᑈᒥᑭᓂᒂ, ᑕᑈᒥᑲᒐ ᒪᒃ, ᐊᑯ ᐃᔭᒄ ᒐᒋ ᐅᑎᓂᒪᒄ᙮

1 ᑎᒧᑎ 4:7

ᐊᑲᐎᔾ ᐊᐱᒋᑕ ᐊᓂᔭ ᐊᑲ ᒐᒂᓐ ᐃᑕᐱᑎᔨᒋ ᓂᑐᐎᔾ ᑎᐸᒋᒧᐅᓇ ᐊ ᑭᒐᔅᒋᒧᔨᓐ ᒪᒃ ᐊ ᒋᔅᑯᑎᒪᒐᔨᓐ ᒧᔭᒻ ᑕᑈ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐃᑕᐸᒋᑕᔨᓐ᙮ ᐅᔅᑕ ᐎ ᒋᔅᑯᑎᒪᓱ ᑕᓐᑕ ᐊᑐᐎᔅ ᒐᒋ ᐅᒋ ᓂᓇᐊᔨᑎᒥᐃᑦ ᒋᓴᒪᓂᑐᐤ᙮

ᐃᑉᕈᐛ 6:1

ᓂᑲᓄᒡ ᐊᑯ ᐃᓯ ᐊᒋᑕᐤ᙮ ᒋᔅᑯᑎᒪᓱᑕᐤ ᐊᓂᔭᔪᐛ ᐊᑐᐎᔅ ᐊ ᐊᑎ ᐊᔨᒥᓂᔨᒋ ᒐᒂᔪᐛ ᐛᔅ ᐊᐅᑯᓂ ᒐ ᐎᒋᐃᑯᔭᐧᒄ ᐊᑐᐎᔅ ᒐᒋ ᓂᑕᐅᒋᔭᐧᒄ ᒋᑕᑈᑎᒧᐅᓇᒡ᙮ ᓇᒪ ᒧᓯᓇᐤ ᒋᐸ ᐅᒋ ᐃᑎᓇᓄᐤ ᒥᒄ ᐊᓐ ᐅᔅᑭᒡ ᑲ ᐃᓯ ᐸᑎᒪᐧᒄ ᙭ ᐊ ᐃᓯ ᐊᔨᒧᒪᑭᓄᐅᑦ ᒐᒋ ᒋᔅᑯᑎᒪᑯᐅᔭᐧᒄ, ᐛᔅ ᓴᔅ ᒋ ᒋᔅᒐᔨᑕᓇᓄᐤ ᐊᓐ᙮ ᓇᒪ ᓂᑐᐛᔨᑕᑯᓐ ᒥᓐ ᒐᒋ ᒋᔅᑯᑎᒪᑯᐅᔭᐧᒄ ᒐ ᐊᑲ ᒋ ᐱᒪᒋᐊᑭᓄᐅᑦ ᐊᐛᓐ ᒥᒄ ᐊᓂᔭ ᐊ ᒥᔪᑐᑕᐧᒄ᙮ ᓇᒪ ᑭᔭ ᓂᑐᐛᔨᑕᑯᓐ ᒥᓐ ᒐᒋ ᐊᔨᒧᑎᒪᑯᐅᔭᐧᒄ ᒐᒋ ᑕᑈᔭᔨᒪᐧᒄ ᒋᓴᒪᓂᑐᐤ,

ᒋᒥᔅ ᐅᒥᓯᓇᐊᒪᒐᐅᓐ 3:2

ᒥᓯᐛ ᐊᐛᓐ ᒥᒐᑥᐤ ᐅᓂᐱᔪᐤ᙮ ᐊᓐ ᐊᐛᓐ ᐊᑲ ᓂᑕ ᐅᓂᐱᔨᑦ ᑕᓐ ᐊ ᐃᔅᒋᔄᑦ ᓇᒪ ᑎᑯᓂᔪᐤ ᒥᒐᑎᓯᐅᓂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᒋ ᐃᑐᐤ ᒐᒋ ᓂᓇᑭᑐᐛᔨᑕᐧᒃ ᒥᓯᐛ ᑕᓐ ᐊ ᐃᑎᑦ᙮