ᐃᑉᕈᐛ 4:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐃᔭᐱᒡ ᒪᒃ ᒋᑭ ᐅᑎᒋᐱᔪᐤ ᒐᒋ ᐊᔽᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᒧᔭᒻ ᑲ ᐃᓯ ᐊᔽᐱᔨᒋ ᒋᓴᒪᓂᑐᐛ ᐃᔅᐱ ᑲ ᓂᔄᐅᑕᒡ ᒋᓯᑲᔨᒡ᙮

ᐃᑉᕈᐛ 4:9 Iomraidhean Croise

ᑎᐱᑦ ᐅᓂᑭᒧᐅᓇ 47:9

ᐅᒋᓴᐅᒋᒪᓯᒧᐛᐛ ᐃᔪᒡ ᒪᒧᐤ ᒪᐅᒋᐃᑐᔪᐛ, ᐅᑦ ᐃᔨᒥᔪᐛ ᐅᑎ ᐅᒋᓴᒪᓂᑐᒪ ᐊᑉᕋᐊᒻ: ᐛᔅ ᐊᔅᒋᔾ ᐊᒂᓇᐅᓱᐛᑭᓇ ᐅᑦ ᐊᔭᓂᐤ ᒋᓴᒪᓂᑐᐤ: ᓇᔅᒡ ᒋᔅᑕᒋᒪᑭᓄᐤ᙮

ᐊᒃᓱᑕᔅ 16:30

ᐊᑯ ᐃᔅᕋᐃᓪ ᐃᔪᒡ ᒂ ᐊᔅᑕᔭᔅᑯᓯᒡ ᓂᔄᐅᑕᒡ ᒋᓯᑯᔪᐤ᙮

ᒪᑎᔪᐤ 1:21

ᒋᑭ ᓇᐸᓯᐎᔪᐛ ᐊᓂᔭ ᐅᑦ ᐊᐛᓯᒪ, ᒋᓴᔅ ᒋᑭ ᐃᓯᓂᐧᑲᑕᐛᐤ, ᐛᔅ ᐊᐅᒄ ᐅ ᒐ ᐱᒪᒋᐊᑦ ᐅᑦ ᐃᔨᒪ ᐅᒥᒐᑎᓯᐅᓂᔨᒡ ᐅᒡ᙮” ᐊᐅᑯᐤ ᐅᔭ ᑲ ᐃᑎᑯᑦ ᒍᓯᑉ ᐊᓂᔭ ᐊᓐᒋᓇ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᐃᑉᕈᐛ 11:25

ᐊᔪᐛᒃ ᒋ ᐃᑕᔨᑎᒻ ᑭᔭ ᐎᔾ ᒐᒋ ᓂᓇᐧᑲᒋᐊᑭᓄᐅᑦ ᒧᔭᒻ ᐊ ᐃᓯ ᓂᓇᐧᑲᒋᐊᑭᓄᔨᒋ ᒋᓴᒪᓂᑐᐛ ᐅᑦ ᐃᔨᒥᔪᐛ, ᐃᔅᐱᔅ ᐎᔾ ᒥᒐᑎᓯᐅᓂᒡ ᒐᒋ ᐃᓯ ᐱᒪᑎᓯᑦ ᒥᒄ ᐛᐃᐱᔅᒋᔅ ᐊ ᒥᔽᔨᑎᒥᐃᐛᔨᒡ᙮

ᐃᑉᕈᐛ 3:11

ᐊᒋ ᒋᔄᐃᒡ ᓂᒋ ᓇᔅᐱᒡ ᐃᔅᒋᔄᓐ ᐊᓐ ᑲ ᐃᔅᒋᔄᔭᓐ ᓇᒪ ᓂᑕ ᒋᑭ ᐅᒋ ᐱᒐᐅᒡ ᐊᓐᑕ ᑲ ᐃᓯ ᐊᔭᔅᑯᔅᑎᒧᐅᒂᐤ ᒐᒋ ᐊᔽᐱᒡ᙮”

ᐃᑉᕈᐛ 4:1

ᒋᓴᒪᓂᑐᐤ ᒪᒃ ᒋ ᐃᔅᒋᔄᐤ ᒐᔅᑎᓇᔅ ᒐ ᐊᔭᔅᑯᔅᑎᒧᐛᑦ ᐅᑦ ᐃᔨᒪ ᑕᓐᑕ ᒐ ᐊᔽᐱᔨᒋ᙮ ᐊᔅᒄ ᒪᒃ ᐅ ᐊᓄᒡ ᒐᓯᑲᒡ ᒋᑭ ᒋ ᐱᒐᓇᓄᐤ ᑭᔭ ᒋᔭᓄᐤ ᐊᓐᑕ ᒐᒋ ᐊᔽᐱᔭᐧᒄ᙮ ᐊᑯ ᒪᒃ ᐃᔭᒂᒥᑕᐤ ᒐ ᐊᑲ ᒋ ᐃᓯ ᐱᒪᑎᓯᔭᐧᒄ ᒐᒋ ᐅᒋ ᐃᑕᔨᒥᑕᐧᒄ ᒋᓴᒪᓂᑐᐤ ᐊᑲ ᒋᔅᑕᔨᑕᑯᓱᐛᐧᒄ ᐊᓐᑕ ᒐᒋ ᐱᒐᐛᐧᒄ᙮

ᐃᑉᕈᐛ 4:10

ᐊᓐ ᒪᒃ ᐊᐛᓐ ᑲ ᒥᔅᑲᐧᒃ ᒋᓴᒪᓂᑐᐛ ᐅᑦ ᐊᔪᐛᐳᐅᓂᔪᐤ ᒋᑭ ᐊᔅᑕᔭᔅᑯᐃᓱᐤ ᑕᓐ ᑲ ᐃᑕᐱᑎᓯᑦ ᒧᔭᒻ ᒋᓴᒪᓂᑐᐛ ᑲ ᐃᑎᔨᒋ᙮

ᐃᑉᕈᐛ 4:3

ᒋᔭᓄᐤ ᒪᒃ ᔅᒋ ᑕᑈᑕᓇᓄᐤ ᐊᐅᒄ ᒪᒃ ᐅ ᐛᒋ ᐱᒐᔭᐧᒄ ᐊᓐᑕ ᒐ ᐊᔽᐱᔭᐧᒄ᙮ ᒧᔭᒻ ᑲ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᒪᒂᒡ ᑲ ᒋᔄᓯᔭᓐ, ᓂᒋ ᒐᔅᑎᓇᒡ ᐃᔅᒋᔄᓐ ᒐ ᐊᑲ ᓂᑕ ᐅᒋ ᐱᒐᒡ ᐊᓐᑕ ᑲ ᐊᔭᔅᑯᔅᑎᒧᐅᒂᐤ ᒐ ᐊᔽᐱᒡ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᐊᑎ ᓴᔅ ᐊᒋ ᒋᔅᑕᑦ ᐅᑦ ᐊᑐᔅᒐᐅᓐ ᐃᔅᐱ ᑲ ᐅᓯᑕᑦ ᐅᔭ ᐊᔅᒋᔪᐤ᙮

ᐃᑉᕈᐛ 4:8

ᐊᓂᔭ ᐊᔅᒋᔪᐤ ᐊᓐᑕ ᑲ ᐃᑐᑕᐃᒪᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᐧᑲ ᒐᓱᐛ, ᓇᒪᔭᐤ ᐊᓐᑕ ᑲ ᑎᑯᓂᔨᒡ ᒋᒋᐛ ᒐ ᐊᔽᐱᔨᒋ᙮ ᐊᑯ ᒪᒃ ᐸᑎᒪ ᐊᓐᑕ ᒋᓴᒪᓂᑐᐤ ᒋ ᐃᑕᐤ ᐊᔅᒄ ᒐ ᐅᑎᒋᐱᔨᒡ ᐊᓂᔭ ᐊ ᒋᓯᑲᔨᒡ ᒐ ᐱᒐᔨᒋ ᐅᑦ ᐃᔨᒪ ᐊᓐᑕ ᒋᒋᐛ ᒐ ᐊᔽᐱᔨᒋ᙮

1 ᐱᑕᕐ 2:10

ᐊᓐᑕ ᐛᔅᑭᒡ ᓇᒪ ᒋ ᐅᒋ ᐅᑦ ᐃᔨᒥᑕᑯᐛᐤ ᒋᓴᒪᓂᑐᐤ, ᐊᑯ ᒪᒃ ᐊᓄᒡ ᐛ ᐅᑦ ᐃᔨᒥᑕᑕᒄ᙮ ᐊᓐᑕ ᐛᔅᑭᒡ ᓇᒪ ᒋ ᐅᒋ ᒋᔅᑎᒪᒐᔨᒥᑯᐛᐤ, ᐊᑯ ᒪᒃ ᐊᓄᒡ ᐊᑯ ᒐᑎᒪᒐᔨᒥᑕᒄ᙮

ᒋᔅᒐᔨᑕᑯᑕᒐᐅᓐ 14:13

ᒥᓐ ᒐᒂᓐ ᑲ ᐃᔅᐱᔨᒡ᙮ ᓂᒋ ᐸᑐᐛᐤ ᐊᐛᓐ ᒋᒋᒋᓯᑯᒡ ᐊ ᐅᒋ ᐃᔨᒥᑦ᙮ ᒪᐅ ᑲ ᐃᔅᒋᔄᑦ, “ᒥᓯᓇᐊ ᐅ᙮ ᐅᑕ ᐃᔅ ᓂᔅᑕᒥᒡ ᓱᐛᔨᑕᑯᓱᐅᒡ ᐊᓐᒡ ᒐ ᓂᐱᒡ ᐊᔅᒄ ᐊ ᐎᒐᐛᒡ ᒋᓴᓴ᙮” ᐊᑯ ᑲ ᐸᔭᒋᓯᑦ ᐊᒐᐧᒄ ᒂ ᐃᔅᒋᔄᑦ, “ᓂᐦᐃ, ᑕᑈ ᓱᐛᔨᑕᑯᓱᐅᒡ᙮ ᒋ ᐊᔨᒥᐅᐅᒡ ᐊ ᓇᓴᐛᒡ ᒋᓴᓴ ᑭᔭ ᐊᑯ ᒐ ᐊᔽᐱᒡ᙮ ᑕᓐ ᐊ ᐃᓯ ᒪᒧᐤ ᑭᓄᐛᐸᑕᑭᓄᔨᒋ ᑲ ᐃᓯ ᐸᒋ ᐊᐱᒋᐃᑯᒡ ᒋᓴᒪᓂᑐᐤ ᒋᑭ ᐎᒐᐅᑯᒡ᙮”

ᒋᔅᒐᔨᑕᑯᑕᒐᐅᓐ 21:4

ᒋᑭ ᑲᓯᔭᐸᐛᐤ ᒪᒃ ᑕᑥᐤ ᐊ ᐅᒋᐧᑯᐛᐱᔨᒋ᙮ ᓇᒪ ᐊᑯ ᒋᑭ ᐅᒋ ᑎᑯᓂᔪᐤ ᓂᐳᐅᓂᔪᐤ ᒪᒃ ᒥᓯᒪᔨᑎᒧᐅᓂᔪᐤ᙮ ᓇᒪ ᑭᔭ ᐊᑯ ᒋᑭ ᐅᒋ ᑎᑯᓂᔪᐤ ᒪᐅᓂᔪᐤ ᒪᒃ ᐊ ᐎᓯᒐᔨᑕᑭᓄᐎᒡ᙮ ᐛᔅ ᒥᓯᐛ ᐊᓐ ᐛᔅᑭᒡ ᑲ ᐃᔅᐱᔨᒡ ᒐᒂᓐ ᓇᒪ ᓴᔅ ᑎᑯᓐ᙮”