ᐃᑉᕈᐛ 4:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᑯ ᒪᒃ ᓱᒃ ᑯᒋᑕᑕᐤ ᒐᒋ ᐱᒐᔭᐧᒄ ᐊᓐᑕ ᐊ ᑎᒂᒡ ᐊᔪᐛᐳᐅᓐ᙮ ᓱᒃ ᐃᔭᒂᒥᑕᐤ ᒐ ᐊᑲ ᒋ ᓄᑕᔅᑭᒪᐧᒄ ᒐᒋ ᐱᒐᔭᐧᒄ ᐊᓐᑕ ᐊ ᑎᒂᒡ ᐊᔪᐛᐳᐅᓐ᙮ ᐊᑲ ᓂᓇᐃᑐᐛᒂ ᒋᓴᒪᓂᑐᐤ ᒋᑭ ᓄᑕᔅᑲᓇᓄᐤ ᐊᓐᑕ ᒐᒋ ᐱᒐᔭᐧᒄ ᒧᔭᒻ ᐊᓂᔭᐧᑲ ᐃᔅᕋᐃᓪ ᐃᔪᒡ ᐊᓐᑕ ᐸᒋ ᐅᑕᒡ ᑲ ᐃᓯ ᓄᑕᔅᑲᒡ᙮

ᐃᑉᕈᐛ 4:11 Iomraidhean Croise

ᒪᑎᔪᐤ 11:12

ᑲ ᐃᔅᐱᔅ ᒋᒋᐱᔨᑕᑦ ᒪᒃ ᒠᓐ ᐅᓯᑲᐃᑕᒐᐤ ᐊ ᑭᒐᔅᒋᒧᑦ, ᐅᑕ ᒪᒃ ᐃᔅ ᐊᓄᒡ, ᒧᔅ ᐎ ᓯᓱᒐᔨᒧᑕᑭᓄᐤ ᒋᒋᒋᓯᒄ ᒋᓴᐅᒋᒪᐅᓐ, ᑭᔭ ᑲ ᐊᒂᑕᔨᑕᑯᓯᒡ ᐊᐛᓐᒋ ᓇᔅᒡ ᓱᒃ ᐊ ᒪᓯᒐᒡ ᐎᔨᐛᐤ ᐊ ᐎ ᒪᑯᓂᒪᓱᒡ᙮

ᒪᑎᔪᐤ 7:13

“ᐱᒐᒄ ᑲ ᓴᑯᐛᒡ ᐃᔎᑕᒻ, ᐛᔅ ᐃᔨᑭᔅᑲᐤ ᐃᔎᑕᒻ᙮ ᑭᔭ ᐛᑎᓐ ᒪᔅᑭᓄᐤ ᓂᓱᐅᓇᑎᓯᐅᓂᒡ ᐊ ᐃᑎᒧᒡ᙮ ᒥᒐᑐᐅᒡ ᒪᒃ ᐊᐛᓐᒋ ᐸᒧᑕᒡ ᐊᓂᔭᔪᐤ ᒪᔅᑭᓇᔪᐤ᙮

ᓗᒃ 13:24

“ᒥᒐᑦ ᐊᐛᓐᒋ ᒋᑭ ᑯᒋᑕᐅᒡ ᒐᒋ ᐱᒐᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᓇᒪ ᒪᒃ ᒋᑭ ᒋ ᐃᑐᐅᒡ᙮ ᒋᔨᐛᐤ ᒪᒃ ᓱᒃ ᑯᒋᑕᒄ ᒐᒋ ᐱᒐᔭᒄ ᐊᓐᑕ ᐅᒋ ᐊᓐ ᑲ ᓴᑯᐛᒡ ᒋᐱᔎᐤ᙮

ᓗᒃ 16:16

“ᐊᔅᒄ ᐊᑲ ᐅᒋ ᑎᑯᓯᐧᒃ ᒠᓐ ᐅᓯᑲᐃᑕᒐᐤ ᒥᒄ ᐊᓂᔭ ᒧᓱᔅ ᑲ ᒥᓯᓇᐊᐧᒃ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᐊᓂᔭ ᑕᓐ ᑲ ᐃᓯ ᐎᑎᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᐅᑯᓐ ᐊᓂᔭᔪᐛ ᒥᒄ ᑲ ᐊᐱᑕᒡ ᐊ ᒋᔅᑯᑎᒪᒐᒡ᙮ ᐊᑯ ᒪᒃ ᑲ ᐃᔅᐱᔅ ᑕᑦ ᒠᓐ ᐊᑯ ᒥᔽᒋᒧᐅᓐ ᑲ ᐛᐎᑕᑭᓄᐅᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐊ ᐊᔨᒧᑕᑭᓄᐎᒡ᙮ ᓱᒃ ᒪᒃ ᒥᒐᑦ ᐊᐛᓐ ᐊᔨᐧᑭᒻ ᐎᔾ ᐱᒐᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᒠᓐ 6:27

ᐊᑲᐎᔾ ᐊᑐᔅᒐᒄ ᒥᒄ ᐊ ᐎ ᐱᐧᑯᑎᒪᓱᔭᒄ ᒥᒋᒻ ᐊᓐ ᒐ ᐃᔭᔪᐛᒡ, ᐃᔭᐱᒡ ᐎ ᐱᐧᑯᑎᒪᓱᒃ ᐊᓐ ᒥᒋᒻ ᑲᒋᒡ ᒐ ᑎᒂᒡ᙮ ᐃᔪᐤ ᐅᑯᓯᓴᓐ ᒋᑭ ᒥᔨᑯᐛᐤ ᒥᒋᒥᔪᐤ ᒐ ᐊᑲ ᓂᑕ ᐅᒋ ᔭᔪᓂᔨᒡ᙮ ᐛᔅ ᒋᓴᒪᓂᑐᐤ ᐅᑕᐎᒪᐤ ᒋ ᓄᑯᑕᐤ ᑕᑈ ᐊ ᓇᐊᔨᒪᑦ᙮”

ᐊᑈᔅᑕᓇᒡ 26:19

“ᑭᔭ ᒋᓴᐅᒋᒪᐤ ᐊᒃᕆᐸ, ᓂᒋ ᓂᓇᐃᑕᓐ ᐅ ᑲ ᐃᑎᓱᒥᑯᔭᓐ ᒋᒋᒋᓯᑯᒡ ᐅᒡ᙮

ᐃᐱᓯᔭᓇ 2:2

ᐊᐅᑯᓐ ᑲ ᐃᓯ ᐱᒪᑎᓯᔭᒄ ᐊᔅᒄ ᐊᒋ ᓇᓴᐊᒪᒄ ᑕᓐ ᐊ ᐃᑎᓇᓄᐅᒡ ᐅᑕ ᐊᔅᒋᒡ ᑭᔭ ᐊᔅᒄ ᐊᒋ ᓇᓴᐛᒄ ᐊᓐ ᑲ ᐅᒋᒪᐧᑲᑕᐧᒃ ᒋᓯᑯᔪᐤ, ᐊᓐ ᐊᒐᐧᒄ ᑲ ᐃᓯ ᐊᑐᔅᒐᑦ ᐊ ᐱᒋᔅᑯᐛᑦ ᐊᓂᔭᔪᐛ ᐊᐛᔪᐛ ᐊᑲ ᓂᓇᐃᑐᐛᔨᒋ ᒋᓴᒪᓂᑐᐛ᙮

ᐃᐱᓯᔭᓇ 5:6

ᐃᔭᒂᒥᔅᑐᐛᐧᑯᒡ ᒪᒃ ᒐ ᐊᑲ ᒋ ᐎᔭᓯᒥᑕᑯᒡ ᐊᓐᒡ ᑲ ᒥᔽᔨᑕᒡ ᐅᔭᔪᐤ ᐃᑕᑎᓯᐅᓂᔪᐤ ᐛᔅ ᓂᑎᒥᒄ ᒋᑭ ᐃᓯ ᒋᔅᒋᓄᑕᐃᑯᐛᐅᒡ᙮ ᐅᔭ ᐊ ᐃᑕᑎᓯᒡ ᐊᓐᒡ ᐊᑲ ᓂᓇᐃᑐᐛᒡ ᒋᓴᒪᓂᑐᐛ ᐊᔪᐅᒄ ᐅᔭ ᐛᒋ ᐅᑎᑕᐅᑯᐛᒡ ᐅᑦ ᐊᐧᑯᔪᐛᓱᐅᓂᔪᐤ᙮

ᐱᓕᐱᔭᓇ 2:12

ᐊᑯ ᒪᒃ ᓂᐧᑲᓂᓯᑐᒄ, ᒧᔅ ᔅᒋ ᓂᓇᐃᑐᓇᐛᐤ ᐊᔅᒄ ᒪᒂᒡ ᐊᓐᑕ ᐱᓕᐸᐃᒡ ᑲ ᑕᔭᓐ᙮ ᐊᑐᐎᔅ ᐃᑕᔨᑕᑯᓐ ᐊᓄᒡ ᒧᔅ ᒐᒋ ᓂᓇᐃᑎᒪᒄ ᑕᓐ ᑲ ᐃᓯ ᐎᑎᒪᑎᑯᒡ ᒪᒂᒡ ᐅ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ ᓱᒃ ᐊᑐᔅᒐᒄ ᒐᒋ ᒋᔅᑕᐛᒄ ᐊᓂᔭ ᑲ ᐃᓯ ᒋᒋᐱᔨᑕᑦ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᐃᔅᐱ ᑲ ᐱᒪᒋᐃᑕᒄ᙮ ᐃᑐᑎᒧᒄ ᐅ ᐊ ᒋᔅᒋᓯᔭᒄ ᒋᓴᒪᓂᑐᐤ ᐊᐅᒄ ᒋᐸ ᑯᔅᑕᑭᓄᐤ ᑭᔭ ᐎᔾ ᒋᐸ ᒋᔅᑕᔨᒪᑭᓄᐤ᙮

ᑯᓚᓯᔭᓇ 3:6

ᐅᔭ ᐊ ᐃᓯ ᐱᒪᑎᓯᒡ ᐊᐛᓐᒋ ᓇᔅᒡ ᑕᑈ ᒋᔄᐊᐅᒡ ᒋᓴᒪᓂᑐᐛ᙮ ᒋᑭ ᐛᐛᓯᐃᑯᐅᒡ ᒪᒃ᙮

ᑕᐃᑕᔅ 1:16

ᐃᔅᒋᔄᐅᒡ ᐊ ᒋᔅᒐᔨᒪᒡ ᒋᓴᒪᓂᑐᐛ ᒥᒄ ᒪᒃ ᐊᓂᔭ ᐊ ᐃᑕᑎᓯᒡ ᓄᑯᓂᔪᐤ ᐊᑲ ᑕᑈ ᒋᔅᒐᔨᒪᒡ ᒋᓴᒪᓂᑐᐛ ᐛᔅ ᓇᔅᒡ ᒥᒐᑎᓯᐅᒡ᙮ ᓇᒪ ᓇᔅᒡ ᓂᓇᐃᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᐃᑕᔨᑕᑯᓱᐅᒡ ᒐᒋ ᒥᔪᑐᑕᒡ᙮

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

ᐃᑉᕈᐛ 3:12

ᓂᐧᑲᓂᓯᑐᒄ, ᐃᔭᒂᒥᒄ ᒐ ᐊᑲ ᒋ ᑕᑦ ᐊᐛᓐ ᐊᓐᑕ ᐊ ᑎᓯᔭᒄ ᐊ ᒥᒋᑕᐊᑦ ᐊ ᐊᔭᑦ ᐊᓏᑎᒧᐅᓂᔪᐤ ᐛᔅ ᒐᒃ ᒋᑭ ᒋ ᐃᓯᓇᑯᓂᔪᐤ ᒐᒋ ᐊᑎ ᓂᑭᑕᑦ ᒋᓴᒪᓂᑐᐛ ᐊᓂᔭᔪᐛ ᐸᒪᑎᓯᔨᒋ᙮

ᐃᑉᕈᐛ 3:18

ᒋ ᐃᑎᑯᐛᑯᐱᓇ ᒋᓴᒪᓂᑐᐛ, ᓇᒪ ᒋᑭ ᐅᒋ ᐱᒐᐅᒡ ᐊᓐᒡ ᐃᔪᒡ ᑲ ᒥᒐᑎᓯᒡ ᐊᓂᔭ ᐊᔅᒋᔪᐤ ᐊᓐᑕ ᑲ ᐊᔭᔅᑯᔅᑎᒧᐅᒂᐤ ᒐ ᐊᔽᐱᒡ᙮ ᐊᔪᐅᒄ ᐅᔭ ᑲ ᐃᑕᑦ ᒋᓴᒪᓂᑐᐤ ᐊᓂᔭ ᐊᐛᔪᐛ ᐊᑲ ᓇᔅᒡ ᐅᒋ ᐎ ᓂᓇᐃᑕᑯᑦ᙮

ᐃᑉᕈᐛ 4:6

ᐊᑎ ᐊᒋ ᐃᓯᓇᑯᓯᒡ ᐊᓐᒡ ᓂᔅᑎᒻ ᑲ ᐎᑎᒧᐛᑭᓄᐎᒡ ᒥᔽᒋᒧᐅᓂᔪᐤ ᐊᑲ ᐅᒋ ᐎ ᑕᑈᑕᒡ ᑭᔭ ᐊᑲ ᐅᒋ ᐊᐱᓯᑕᒡ ᑭᔭ ᑭᑈ ᓇᒪ ᐛᐛᒡ ᐅᒋ ᐅᑎᓴᐸᑎᒧᒡ᙮ ᐊᔅᒄ ᒪᒃ ᓇᐃᐱᔪᐤ ᒐᒋ ᐱᒐᓄᐅᒡ ᐊᓐᑕ ᒐᒋ ᐊᔽᐱᓇᓄᐅᒡ᙮

ᐃᑉᕈᐛ 6:11

ᒋ ᐱᑯᓴᔨᒥᑎᓇᓐ ᒥᓯᐛ ᒧᓯᓇᐤ ᒐᒋ ᒥᔪᑐᑎᒪᒄ ᐱᐃᒻ ᐊᑎ ᐃᔎᐱᔨᒂᐛ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐ ᒐᔅᑎᓇᐅᔭᒄ ᑕᑈ ᒐ ᒥᔨᑕᒄ ᒋᓴᒪᓂᑐᐤ ᒥᓯᐛ ᑕᓐ ᐛ ᐃᓯ ᒥᔨᑕᒄ᙮

2 ᐱᑕᕐ 2:6

ᒋᓴᒪᓂᑐᐤ ᑭᔭ ᒋ ᓂᓱᐅᓇᒋᑕᐤ ᐊᓂᔭ ᐅᑕᓇᐛ ᓱᑕᒻ ᑭᔭ ᑯᒧᕋ ᑲ ᐃᓯᓂᐧᑲᑕᔨᒋ ᐃᔅᑯᑕᔪᐤ ᐊᒋ ᐊᐱᒋᑕᑦ᙮ ᐊᑯᑕ ᑲ ᐅᒋ ᐛᐸᑎᔨᐛᑦ ᑕᓐ ᒐ ᐃᑐᑐᐛᑦ ᐊᓂᔭ ᐊᑲ ᓇᔅᒡ ᐊᐱᑕᔨᒥᑯᑦ᙮