ᐃᑉᕈᐛ 3:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᑯ ᒪᒃ ᒪᒥᑐᓇᔨᑎᒧᒄ ᑕᓐ ᐊ ᐃᔅᒋᔄᑦ ᑲ ᐸᔭᒋᓯᑦ ᐊᒐᐧᒄ, “ᓱᒃ ᓂᑐᑐᐛᐧᒄ ᒋᓴᒪᓂᑐᐤ ᑕᓐ ᐊ ᐃᑎᑕᒄ ᐊ ᐃᔨᒥᐃᑕᒄ ᐊᓄᒡ ᑲᓯᑲᔨᒡ᙮

ᐃᑉᕈᐛ 3:7 Iomraidhean Croise

ᑎᐱᑦ ᐅᓂᑭᒧᐅᓇ 81:11

ᒪᒃ ᓂᑦ ᐃᔨᒥᒡ ᓇᒪᐎᔾ ᓂ ᐅᒋ ᓂᑐᑕᑯᒡ; ᐃᔅᕋᐃᓪ ᒪᒃ ᓇᒪ ᓂ ᐅᒋ ᓂᑐᐛᔨᒥᒃ᙮

ᑎᐱᑦ ᐅᓂᑭᒧᐅᓇ 81:13

ᐅ, ᑭᒪ ᓂᑦ ᐃᔨᒥᒡ ᒋ ᓂᑐᑐᐅᒡ, ᑭᔭ ᐃᔅᕋᐃᓪ ᒋ ᐱᒧᑕᑕᒡ ᓂᑦ ᐃᓯᑥᐅᓇ !

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᒪᑎᔪᐤ 22:43

ᐊᑯ ᒋᓴᔅ ᐊᑕᑦ, “ᒐᒂᔪᐤ ᒪᒃ ᐅᑎᐸᔨᒋᒐᐤ ᐛᒋ ᐃᓯᓂᐧᑲᑎᑯᑦ ᑎᐱᑕ ? ᐛᔅ ᑎᐱᑦ, ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᒐᒋ ᐃᔅᒋᔄᑦ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:36

ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᐊᓂᔭ ᑎᐱᑦ ᒐᒋ ᐃᔅᒋᔄᑦ, ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ, ᐅᑕ ᐸᒋ ᐊᐱᔾ ᓂᒥᔪᐅᓂᒡ ᐸᑐᔅ ᒋ ᓴᐧᑯᒋᐃᒂᐛ ᐊᓐᒡ ᑲ ᐛᐧᑲᑎᔅᒡ᙮

ᒠᓐ 10:16

ᑯᑎᑭᒡ ᒪᔭᑕᓂᓯᒡ ᓂ ᑭᓄᐛᔨᒪᐅᒡ ᐊᑲ ᐅᒋᒡ ᐅᑕ ᐅᔭ ᒪᔭᑕᓂᓯᐅᒋᐛᐱᔪᐤ᙮ ᑭᔭ ᐎᔨᐛᐤ ᒪᒃ ᔭᐃᑕᔾ ᓂᑭ ᐸᓱᐛᐅᒡ᙮ ᒋᑭ ᓂᔅᑐᑎᒧᒡ ᑭᔭ ᐎᔨᐛᐤ ᓂᐸᑕᑯᓱᐅᓂᔪᐤ ᑭᔭ ᒐ ᐸᐃᒂᒡ ᒪᔭᑕᓂᓯᐅᒋᐛᑉ ᑭᔭ ᒋᑭ ᐸᐃᑯᓱᐤ ᐊᓐ ᒪᔭᑕᓂᓯᐅ-ᐃᔪᐤ᙮”

ᒠᓐ 10:27

ᓂᑐᑎᒧᒡ ᓂᐸᑕᑯᓱᐅᓂᔪᐤ ᓂᒪᔭᑕᓂᓯᒥᒡ᙮ ᑭᔭ ᓂ ᒋᔅᒐᔨᒪᐅᒡ, ᑭᔭ ᐱᔭᒋ ᓇᓴᐅᒡ᙮

ᒠᓐ 10:3

ᓴᓂᒪᑯᐤ ᒪᒃ ᐊᓂᔭᔪᐤ ᑲ ᑭᓄᔎᑐᐛᔨᒋ ᐊᓐᑕ ᒪᔭᑕᓂᓯᐅᒋᐛᐱᒡ᙮ ᐊᓂᔭ ᒪᒃ ᒪᔭᑕᓂᓴ ᓂᔅᑐᑎᒥᔪᐛ ᐅᐸᑕᑯᓱᐅᓐ ᐃᔅᐱ ᑎᔭᑈᑕᒋ ᐛᔅ ᐎᔾ ᐊᓂᔭᔪᐛ ᐅᒪᔭᑕᓂᓯᒪ᙮ ᐊᑯ ᒪᒃ ᐱᔭᒋ ᐎᐎᔨᒋ ᐊᑯ ᐊ ᐊᑎ ᓇᓴᐅᑯᑦ᙮

ᒠᓐ 5:25

ᑯᐃᔅᒄ ᒋ ᐎᑎᒪᑎᓇᐛᐤ ᓴᔅ ᐊ ᐅᑎᒋᐱᔨᒡ ᐊᓐ ᑎᐸᐃᑭᓐ ᐅ ᒐ ᐃᔅᐱᔨᒡ, ᓴᔅ ᒪᒃ ᐃᔅᐱᔪᐤ, ᐊᓐᒡ ᑲ ᓂᐱᒡ ᒋᑭ ᐸᑎᒺᐅᒡ ᒋᓴᒪᓂᑐᐛ ᐅᑯᓯᔪᐛ ᐅᐸᑕᑯᓱᐅᓂᔪᐤ᙮ ᐊᓐᒡ ᒪᒃ ᑲ ᐸᑎᒺᒡ ᒋᑭ ᐱᒪᑎᓯᐅᒡ᙮

ᐊᑈᔅᑕᓇᒡ 1:16

ᐊᑯ ᒂ ᐃᑕᑦ, “ᓂᐧᑲᓂᓯᑐᒄ, ᐊᓐ ᑲ ᐃᓯ ᓂᑲᓐ ᐎᑕᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔭᐃᑕᔾ ᒋ ᓂᑐᐛᔨᑕᑯᓐ ᒥᓯᐛ ᒐᒋ ᐃᔅᐱᔨᒡ᙮ ᐊᐅᒄ ᐅᔭ ᑲ ᐸᔭᒋᓯᑦ ᐊᒐᐧᒄ ᑲ ᐃᓯ ᒥᔭᑦ ᐊᓂᔭ ᑎᐱᑕ ᒐᒋ ᓂᑲᓐ ᐎᑎᒥᔨᒋ ᑕᓐ ᒐ ᐃᑎᔨᒂᓂ ᒍᑎᓴ᙮ ᐊᐅᒄ ᐅ ᒍᑎᔅ ᑲ ᐃᑐᑕᐊᑦ ᐊᓯᒪᑭᓂᓴ ᒋᓴᓴ ᐊ ᑕᔨᒋ ᒐᒋ ᒪᑯᓇᔨᒋ᙮

ᐊᑈᔅᑕᓇᒡ 28:25

ᒋ ᒥᒋᐱᔨᐃᑐᔪᐛ ᒐᒃ ᐅᔭ ᐊᑲ ᑕᑈᑎᒥᔨᒋ, ᐊᑯ ᒂ ᐊᑎ ᔅᑐᑕᔨᒋ ᐃᔅᐱ ᐅᔭ ᑲ ᐃᔅᒋᔄᑦ ᑈᓪ, “ᑕᑈ ᒧᔭᒻ ᒋ ᐃᓯ ᐎᑎᒧᑯᐱᓇ ᑲ ᐸᔭᒋᓯᑦ ᐊᒐᐧᒄ ᑕᓐ ᑲ ᐃᑕᑦ ᒋᑦ ᐃᔨᒧᐛᐛ ᐊᓂᔭᔪᐛ ᐅᒋᔅᒋᐛᐃᒐᓱᐤ ᐊᐃᓴᔭ ᐊᒋ ᐊᐱᒋᐊᑦ ᒐᒋ ᐃᓯ ᐎᑎᒧᐛᔨᒋ,

ᐊᑈᔅᑕᓇᒡ 8:29

ᐊᑯ ᒪᒃ ᑲ ᐸᔭᒋᓯᑦ ᐊᒐᐧᒄ ᐊᑕᑦ ᐱᓕᐸ, “ᒥᒋᒪ ᐃᑐᑕ ᓇᑕ ᒪᒃ ᐊᓐ ᑎᑎᐱᑕᐸᓇᔅᒄ᙮”

ᐃᑉᕈᐛ 10:15

ᑭᔭ ᑲ ᐸᔭᒋᓯᑦ ᐊᒐᐧᒄ ᑭᔭ ᐎᔾ ᒋᑦ ᐃᔨᒥᐃᑯᓄᐤ ᐊ ᐎᑎᒪᑕᐧᒄ ᑕᑈ ᐊ ᑕᑈᒥᑭᓂᔨᒡ ᐅᔭ᙮ ᒋ ᐎᑎᒻ ᑕᓐ ᓴᔅ ᑲ ᐃᔅᒋᔄᑯᐱᓇᓂ ᒋᓴᒪᓂᑐᐛ᙮ ᒋ ᐃᔅᒋᔄᐤ,

ᐃᑉᕈᐛ 3:13

ᐊᓯᑯᒻ ᒋᓯᑲᐛ ᒪᒃ ᓯᒋᒥᑐᒄ ᐊᔅᒄ ᒪᒂᒡ ᐊ ᑕᐛᒡ ᐅ ᒐᒋ ᐃᑎᔭᒄ᙮ ᐊᑯ ᒪᒃ ᓇᒪ ᐛᒋ ᐸᐃᒄ ᐊ ᑎᓯᔭᒄ ᒋᑭ ᐅᒋ ᐎᔭᓯᒥᑯᓇᐛᐤ ᒐᒋ ᑕᑈᑎᒪᒄ ᐊᑲ ᓴᓯᑲᓐ ᐃᓯᓇᒂᒡ ᒥᒐᑎᓯᐅᓐ᙮ ᐛᔅ ᐊᑯᑕ ᒐ ᐅᒋᐱᔨᒡ ᐊ ᓱᒋᔅᑎᒂᓇᔭᒄ᙮

ᐃᑉᕈᐛ 3:15

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓄᒡ ᒐᓯᑲᒡ ᐊ ᐸᑐᐛᒄ ᒋᓴᒪᓂᑐᐤ ᐊ ᐃᔨᒥᐃᑕᒄ ᐊᑲᐎᔾ ᒥᔅᑯᐅᑕᒄ ᒋᑕᐃᐛᐛ ᒧᔭᒻ ᑲ ᐃᑎᒡ ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛᐅᒡ ᐊᒋ ᓂᔅᑯᔅᑐᐛᒡ ᒋᓴᒪᓂᑐᐛ᙮ ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ᙮

ᐃᑉᕈᐛ 4:7

ᒋ ᒐᔅᑎᓇᑕᔨᑎᒥᐃᑯᓇᓄᐤ ᒪᒃ ᐅ ᐛᔅ ᒋᓴᒪᓂᑐᐤ ᒥᓐ ᒋ ᒥᔨᐛᐤ ᐊ ᒋᓯᑲᔨᒡ ᒐᒋ ᐱᒐᓄᐎᒡ ᐊᓐᑕ, ᐊᐅᒄ ᐊᓄᒡ ᒐᓯᑲᒡ᙮ ᐊᔪᐅᒄ ᐅᔭ ᑲ ᐃᓯ ᐎᑎᒧᐛᑯᐱᓇ ᒋᓴᒪᓂᑐᐤ ᐊᓂᔭᐧᑲ ᒋᐛᐧᑯᒪᑭᓄᐛ ᒪᒂᒡ ᐸᐧᑯᑎᔅᑭᒥᑲᒡ ᑲ ᑕᔨᒋ᙮ ᒥᒐᑐᐤ ᐱᐳᓇ ᒪᒃ ᐊᓐᑕ ᐃᔅ ᓂᔅᑕᒥᒡ ᑎᐱᑦ ᒋ ᐊᐱᒋᐃᑯᐤ ᒋᓴᒪᓂᑐᐛ ᐅᔭ ᒐᒋ ᐃᑕᔨᒋ ᐅᑦ ᐃᔨᒥᔪᐛ, “ᐊᓄᒡ ᒐᓯᑲᒡ ᐸᑐᐛᒂ ᒋᓴᒪᓂᑐᐤ ᐊ ᐃᔨᒥᐃᑕᒄ ᐊᑲᐎᔾ ᓱᒐᔨᒧᒄ᙮ ᐊᑲᐎᔾ ᐃᑎᒄ ᒐ ᐊᑲ ᒋ ᓂᑐᑐᐛᒄ᙮”

ᐃᑉᕈᐛ 9:8

ᐊᐅᒄ ᒪᒃ ᐅᔭ ᐊ ᐃᓯ ᒋᔅᑯᑎᒪᑯᔭᐧᒄ ᑲ ᐸᔭᒋᓯᑦ ᐊᒐᐧᒄ ᐅᔭ ᐅᒡ᙮ ᐊᓐ ᐊᔅᒄ ᒪᒂᒡ ᐊ ᑎᒂᒡ ᐊᓐ ᓂᔅᑎᒻ ᑲᐱᔅᒋᒐᔭᒡ ᓇᒪ ᐊᐛᓐ ᒋᑭ ᒋ ᐱᒐᐤ ᐊᓐᑕ ᐊᓂᔭ ᒪᐅᒡ ᑲ ᐸᔭᒋᓯᒥᑭᓂᔨᒡ ᑲ ᐃᓯᓂᐧᑲᑕᔨᒡ ᐊ ᐱᔅᒋᒐᔭᔨᒡ᙮

2 ᐱᑕᕐ 1:21

ᐛᔅ ᑕᐸ ᐛᒋ ᐸᐃᒄ ᒋᔅᒋᐛᐃᒐᐅᓐ ᓇᐸᐤ ᐅᑦ ᐃᑕᔨᑎᒧᐅᓂᒡ ᐅᒋ ᐅᒋᐱᔪᐤ᙮ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐅᒡ ᐅᒡ ᓇᐸᐅᒡ ᒐᒋ ᐎᑕᒡ ᑕᓐ ᑲ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐎᑕᒡ᙮

ᒋᔅᒐᔨᑕᑯᑕᒐᐅᓐ 3:20

ᓂᑐᑎᒧᒄ᙮ ᓂ ᓂᐳᐅᓐ ᒋᐱᔎᒡ ᐊ ᑎᑥᐛᐃᒐᔭᓐ᙮ ᐊᓐ ᐊᐛᓐ ᒐ ᐸᑐᐅᒂ ᐱᑎᑲᐃᒐ ᒪᒃ, ᓂᑭ ᐱᒐᐛᓐ ᐊᓐᑕ ᐊ ᑕᑦ ᑭᔭ ᒐ ᐎᒋᒥᒋᓱᒥᑐᔭᒡ᙮