ᐃᑉᕈᐛ 3:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓄᒡ ᒐᓯᑲᒡ ᐊ ᐸᑐᐛᒄ ᒋᓴᒪᓂᑐᐤ ᐊ ᐃᔨᒥᐃᑕᒄ ᐊᑲᐎᔾ ᒥᔅᑯᐅᑕᒄ ᒋᑕᐃᐛᐛ ᒧᔭᒻ ᑲ ᐃᑎᒡ ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛᐅᒡ ᐊᒋ ᓂᔅᑯᔅᑐᐛᒡ ᒋᓴᒪᓂᑐᐛ᙮ ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ᙮

ᐃᑉᕈᐛ 3:15 Iomraidhean Croise

ᑎᐱᑦ ᐅᓂᑭᒧᐅᓇ 95:7

ᐛᔅ ᐎᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ; ᒋᔭᓄᐤ ᒪᒃ ᒋ ᐅᑦ ᐃᔨᒥᑐᑕᑯᓄᐤ ᐊᓯᒥᑕᐧᒄ, ᑭᔭ ᒍᒪᔭᑕᓂᓯᒥᑐᑕᑯᓄᐤ ᑲᓄᐛᔨᒥᑕᐧᒄ᙮ ᐊᓄᒡ ᒐᓯᑲᒡ, ᐛᐸᑐᐛᒂ ᑲ ᐃᔨᑦ᙮

ᐃᑉᕈᐛ 10:29

ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮

ᐃᑉᕈᐛ 10:38

ᓂᑦ ᐃᔨᒥᒡ ᑲ ᑯᐃᔅᑯᑕᑎᓯᒡ ᒋᑭ ᑕᑈᑎᒧᒡ ᑭᔭ ᒋᑭ ᐱᒪᑎᓯᐅᒡ, ᒥᒄ ᒪᒃ ᐊᓐ ᐊᐛᓐ ᒐ ᒋᐛᑲᐳᒂ, ᓇᒪ ᓂᑭ ᐅᒋ ᒥᔽᔨᑎᒥᐃᒄ᙮

ᐃᑉᕈᐛ 4:7

ᒋ ᒐᔅᑎᓇᑕᔨᑎᒥᐃᑯᓇᓄᐤ ᒪᒃ ᐅ ᐛᔅ ᒋᓴᒪᓂᑐᐤ ᒥᓐ ᒋ ᒥᔨᐛᐤ ᐊ ᒋᓯᑲᔨᒡ ᒐᒋ ᐱᒐᓄᐎᒡ ᐊᓐᑕ, ᐊᐅᒄ ᐊᓄᒡ ᒐᓯᑲᒡ᙮ ᐊᔪᐅᒄ ᐅᔭ ᑲ ᐃᓯ ᐎᑎᒧᐛᑯᐱᓇ ᒋᓴᒪᓂᑐᐤ ᐊᓂᔭᐧᑲ ᒋᐛᐧᑯᒪᑭᓄᐛ ᒪᒂᒡ ᐸᐧᑯᑎᔅᑭᒥᑲᒡ ᑲ ᑕᔨᒋ᙮ ᒥᒐᑐᐤ ᐱᐳᓇ ᒪᒃ ᐊᓐᑕ ᐃᔅ ᓂᔅᑕᒥᒡ ᑎᐱᑦ ᒋ ᐊᐱᒋᐃᑯᐤ ᒋᓴᒪᓂᑐᐛ ᐅᔭ ᒐᒋ ᐃᑕᔨᒋ ᐅᑦ ᐃᔨᒥᔪᐛ, “ᐊᓄᒡ ᒐᓯᑲᒡ ᐸᑐᐛᒂ ᒋᓴᒪᓂᑐᐤ ᐊ ᐃᔨᒥᐃᑕᒄ ᐊᑲᐎᔾ ᓱᒐᔨᒧᒄ᙮ ᐊᑲᐎᔾ ᐃᑎᒄ ᒐ ᐊᑲ ᒋ ᓂᑐᑐᐛᒄ᙮”