ᐃᑉᕈᐛ 3:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᓯᑯᒻ ᒋᓯᑲᐛ ᒪᒃ ᓯᒋᒥᑐᒄ ᐊᔅᒄ ᒪᒂᒡ ᐊ ᑕᐛᒡ ᐅ ᒐᒋ ᐃᑎᔭᒄ᙮ ᐊᑯ ᒪᒃ ᓇᒪ ᐛᒋ ᐸᐃᒄ ᐊ ᑎᓯᔭᒄ ᒋᑭ ᐅᒋ ᐎᔭᓯᒥᑯᓇᐛᐤ ᒐᒋ ᑕᑈᑎᒪᒄ ᐊᑲ ᓴᓯᑲᓐ ᐃᓯᓇᒂᒡ ᒥᒐᑎᓯᐅᓐ᙮ ᐛᔅ ᐊᑯᑕ ᒐ ᐅᒋᐱᔨᒡ ᐊ ᓱᒋᔅᑎᒂᓇᔭᒄ᙮

ᐃᑉᕈᐛ 3:13 Iomraidhean Croise

ᐊᑈᔅᑕᓇᒡ 11:23

ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ᒥᔽᔨᑎᒻ᙮ ᒋ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:11

ᒋᓴᒪᓂᑐᐤ ᐅᑦ ᐃᑎᓱᐛᐅᓂᒡ ᒋ ᐅᒋ ᓇᐃᐱᔨᐃᓱᒥᑭᓐ ᒥᒋᑥᐅᓐ ᒐᒋ ᐎᔭᓯᒥᑯᔭᓐ᙮ ᐊᐅᒄ ᒪᒃ ᐅ ᒥᒋᑥᐅᓐ ᑲ ᓂᐸᐃᑯᔭᓐ᙮

ᐃᐱᓯᔭᓇ 4:22

ᔅᒋ ᐎᑎᒪᑯᓇᐛᐤ ᒐ ᓂᓱᐅᓇᒋᐃᑯᔭᒄ ᐊᓐ ᑲ ᐎᔭᓯᒥᑯᔭᒄ ᒋᒥᒋᓂᑐᐛᔨᑎᒧᐅᓄᐛᐛ, ᑭᔭ ᔅᒋ ᐃᑎᑯᓇᐛᐤ ᒐᒋ ᐛᐱᓂᒪᒄ ᐛᔅᑭᒡ ᑕᓐ ᑲᒋ ᐃᑕᑎᓯᔭᒄ ᐊ ᒥᒋᑐᑎᒪᒄ᙮

1 ᑕᓴᓗᓂᔭᓇ 2:11

ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐛᐎᒋᐃᑕᒡ ᒧᔭᒻ ᐅᑕᐎᒪᐤ ᐊ ᐃᓯ ᐛᐎᒋᐊᑦ ᐅᑦ ᐊᐛᓯᒪ᙮

1 ᑕᓴᓗᓂᔭᓇ 4:18

ᐛᐎᒋᐃᑐᒄ ᒪᒃ ᐊ ᐛᐎᑎᒪᑐᔭᒄ ᑕᓐ ᑲ ᐃᔅᒋᔄᔭᒡ᙮

1 ᑕᓴᓗᓂᔭᓇ 5:11

ᐊᐅᒄ ᒪᒃ ᐅ ᒐ ᐅᒋ ᓯᒋᒥᑐᔭᒄ ᑭᔭ ᒐ ᐅᒋ ᒥᔽᔨᒧᐃᑐᔭᒄ ᒧᔭᒻ ᑕᓐ ᐊ ᐃᑎᔭᒄ ᐊᓄᒡ᙮

2 ᑎᒧᑎ 4:2

ᒐ ᐛᐎᑎᒥᓐ ᒋᓴᒪᓂᑐᐤ ᐅᑦ ᐃᔨᒧᐅᓐ, ᓱᐧᒃ ᐛᐎᑕ ᐊᑎ ᐊᓐᑕ ᐊᑲ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒪᒃ ᐊᓐᑕ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒋᔅᒐᔨᑕᑯᑕ ᑕᑈᐅᓐ, ᒋᑕᐊᒪᒐ ᐊ ᐅᓂᑐᑕᑭᓄᐅᒡ, ᑭᔭ ᐛᐎᑎᒪᒐ ᑭᔭ ᒧᔅ ᐎ ᓯᐱᔪᐛᓯ ᑭᔭ ᒧᔅ ᒋᔅᑯᑎᒪᒐ᙮

ᐃᑉᕈᐛ 13:22

ᓂᐧᑲᓂᓯᑐᒄ, ᒋ ᒥᓯᓇᐊᒪᑎᓇᐛᐤ ᐅ᙮ ᓇᒪ ᒥᒄ ᓇᔅᒡ ᒋᓏᐤ᙮ ᔅᒋ ᒥᓯᓇᐊᒪᑎᓇᐛᐤ ᒐᒋ ᒥᔽᔨᒧᐃᑎᑯᒡ ᑕᑈᑎᒧᐅᓂᒡ ᐃᔅ᙮ ᐊᑯ ᒪᒃ ᒋ ᓯᒋᒥᑎᓇᐛᐤ ᓱᒃ ᒐᒋ ᓂᓇᐃᑎᒪᒄ ᑕᓐ ᑲ ᐃᑎᑎᑯᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:14

ᑯᒂᒋᐊᑭᓄᐤ ᐊᐛᓐ ᒐᒋ ᒥᒋᑐᑕᐧᒃ ᐃᔅᐱ ᐸᔅᒐᐱᑎᑯᒋ ᐎᔾ ᑎᐱᔨᐛ ᐅᒥᒋ ᓂᑐᐛᔨᑎᒧᐅᓐ ᑭᔭ ᐊ ᑯᒂᑕᔨᑕᐧᒃ ᒐᒋ ᒥᒋᑐᑕᐧᒃ᙮