ᐃᑉᕈᐛ 2:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒥᒄ ᒪᒃ ᒋ ᒋᔅᒐᔨᒪᓄᐤ ᐎᔾ ᒋᓴᔅ ᐊ ᐊᔭᑦ ᑎᐸᔨᒋᒐᐅᓂᔪᐤ ᒥᓯᐛ ᒐᒂᔪᐤ ᒐᒋ ᐅᒋᒪᐧᑲᑕᐧᒃ᙮ ᒋ ᐃᑐᑐᐛᑭᓄᐤ ᐛᐃᐱᔅᒋᔅ ᐊᑐᐎᔅ ᒐᒋ ᑎᐱᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓐᒋᓇ᙮ ᐅᔭ ᒪᒃ ᒋ ᐃᑐᑐᐛᑭᓄᐤ ᒐᒋ ᓂᒋᔅᑲᐧᒃ ᓂᐳᐅᓂᔪᐤ᙮ ᐊᐅᒄ ᐅᔭ ᐛᒋ ᒥᔭᑭᓄᐅᑦ ᒐᒋ ᒋᔅᑕᔨᑕᑯᓯᑦ ᑭᔭ ᒐᒋ ᐃᔅᐸᔨᑕᑯᓯᑦ ᐊᓂᔭ ᐊᒋ ᓂᒋᔅᑲᐧᒃ ᓂᓇᐧᑲᑕᔨᒧᐅᓂᔪᐤ ᐃᔅᐱ ᑲ ᓂᐸᐊᑭᓄᐅᑦ᙮ ᐊᓂᔭ ᒪᒃ ᒋᓴᒪᓂᑐᐤ ᓇᔅᒡ ᐊᒋ ᓴᒋᐊᑦ ᐊᐛᔪᐛ ᐅᑕ ᐊᔅᒋᒡ ᐊᔪᐅᒄ ᐊᓂᔭ ᐛᒋ ᓂᐱᔅᑎᒧᐛᑦ ᒋᓴᔅ ᒥᓯᐛ ᐊᐛᔪᐛ᙮

ᐃᑉᕈᐛ 2:9 Iomraidhean Croise

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᒪᑎᔪᐤ 16:28

ᒋ ᐎᑎᒪᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᐊᔅᒄ ᒐ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ᒋᓴᐅᒋᒪᐎᔨᒋ᙮”

ᒪᑎᔪᐤ 6:28

“ᒐᒂᓐ ᐛᒋ ᐊᔨᒪᔨᑎᒥᐃᑯᔭᒄ ᐊᐱᒋᑕᐅᓇ ? ᑭᓄᐛᐸᑎᒧᒄ ᒪ ᐛᐱᑯᓇ ᓂᑕᐅᒋᑕᑭᓂᒡ ᑕᓐ ᐊ ᐃᓯ ᒥᔪ ᓂᑕᐅᒋᒋ ᑭᔭ ᐊ ᐃᔅᐱᔅ ᒥᔽᓯᔨᒋ᙮ ᓇᒪ ᐊᑐᔅᒐᒥᑭᓇ, ᓇᒪ ᑭᔭ ᐛᑕᔅᐱᓱᒥᑭᓇ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:1

ᐊᑯ ᒋᓴᔅ ᐅᔭ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐃᑕᐅᒡ ᐱᔅᒐ ᐅᑕ ᒪᒂᒡ ᐊᐛᓐᒋ ᒐ ᐊᑲ ᐅᒋ ᓂᐱᒡ ᐸᑐᔅ ᐛᐸᑎᒺᑥᐛ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐸᒋ ᓄᑯᓂᔨᒡ ᓱᐧᑲᑎᓯᐅᓂᒡ᙮”

ᓗᒃ 9:27

ᑕᑈ ᒋᑦ ᐃᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᒐ ᐛᐸᑕᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᔪᐤ ᒪᒂᒡ ᐊᔅᒄ ᐊ ᐱᒪᑎᓯᒡ ᐅᑕ ᐊᔅᒋᒡ᙮”

ᒠᓐ 1:29

ᒥᓐ ᒪᒃ ᐊᓂᔭ ᐎᔭᐱᓂᔨᒡ ᒠᓐ ᒋ ᐛᐱᒪᐤ ᒋᓴᓴ ᐊ ᐸᒋ ᓇᑎᑯᑦ, ᐊᑯ ᒂ ᐃᔅᒋᔄᑦ, “ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᐅᒄ ᐅᔭ ᒋᓴᒪᓂᑐᐤ ᐅᒪᔭᑕᓂᓯᒪ ᑲ ᐸᒋ ᐃᑎᓴᐛᑦ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᒠᓐ 10:17

“ᐊᐅᒄ ᐅᔭ ᐛᒋ ᓇᔅᒡ ᓴᒋᐃᑦ ᐅᑕᐎᒪᐤ ᓇᔅᒡ ᐊ ᐱᔅᑎᓂᓱᐅᒡ ᒐᒋ ᓂᐸᐃᑯᐅᒡ ᒐᒋ ᐅᒋ ᒥᓐ ᐱᒪᑎᓯᐅᒡ᙮

ᒠᓐ 12:32

ᐃᔅᐱ ᐅᐱᓂᑯᐅᔭᓇ ᐅᑕ ᐊᔅᒋᒡ ᐅᒋ, ᒥᓯᐛ ᐊᐛᓐ ᓂᑭ ᐃᑐᑐᐛᐤ ᒐᒋ ᐸᒋ ᓇᓯᑦ,” ᒋ ᐃᔅᒋᔄᐤ ᒋᓴᔅ᙮

ᒠᓐ 3:16

ᐛᔅ ᒋᓴᒪᓂᑐᐤ ᐊ ᐃᔅᐱᔅ ᒋ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᒥᔨᐛᐤ ᑲ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᒠᓐ 8:51

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮”

ᒠᓐ 8:52

ᐊᑯ ᐊᓂᔭᔪᐛ ᒍᐤ ᐃᔪᐛ ᑲ ᐃᑎᑯᑦ, “ᑭᔭ ᒋᔭᔅᑎᓇᐅᔭᒡ, ᑕᑈ ᐊ ᐱᒋᔅᑲᔅᒃ ᒥᒋ ᐊᒐᐧᒄ᙮ ᐊᑉᕋᐊᒻ ᒋ ᓂᐳᐤ ᒪᒃ ᐊᓐᒡ ᐅᒋᔅᒋᐛᐃᒐᓱᒡ ᒋ ᓂᐳᐅᒡ᙮ ᒋᔾ ᒪᒃ ᐊ ᐃᔅᒋᔄᔨᓐ ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮

ᐊᑈᔅᑕᓇᒡ 2:33

“ᒋ ᐊᔭᑭᓄᐤ ᒋᓴᔅ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊ ᒋᔅᑕᔨᑕᑯᐊᑭᓄᐅᑦ᙮ ᐊᑯ ᐅᑕᐎᔭ ᒋᓴᒪᓂᑐᐛ ᑲ ᒥᔨᑯᑦ ᐊᓂᔭᔪᐤ ᒥᔨᐛᐅᓂᔪᐤ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᐛᔨᒋ ᐊᐅᑯᓐ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ᙮ ᐅ ᒪᒃ ᐊᓄᒡ ᑲ ᐃᓯ ᐛᐱᒥᔭᒡ ᐊ ᑎᔭᒡ ᑭᔭ ᑲ ᐃᓯ ᐸᑐᐅᔭᒡ ᐊ ᐃᓯ ᐃᔨᒥᔭᒡ ᒋᓴᔅ ᓂ ᓯᒋᓂᒪᑯᓇᓐ ᑲ ᐸᔭᒋᓯᔨᒋ ᐊᒐᒂ ᐅ ᒐᒋ ᑎᔭᒡ᙮ ᐎᔾ ᒋᓴᔅ ᐊᔭᐤ ᒋᓴᐅᒋᒪᐅᓂᔪᐤ ᐅᔭ ᒐᒋ ᐃᑎᑦ᙮

ᐊᑈᔅᑕᓇᒡ 3:13

ᐊᓂᔭᔪᐛ ᒋᓴᒪᓂᑐᐛ ᑲ ᐊᑐᔅᑯᐛᒡ ᐊᓂᔭᐧᑲ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᑭᔭ ᐅᑕᒡ ᒍᑕᐎᓄᒡ ᒋᔅᑕᔨᑕᑯᐊᐤ ᐊᓂᔭᔪᐛ ᐅᑦ ᐊᐱᒋᐊᑭᓇ, ᐊᐅᒄ ᐅᔭ ᒋᓴᓴ᙮ ᒋᔨᐛᐤ ᒪᒃ ᔅᒋ ᐃᑐᑐᐛᐛᐤ ᒐᒋ ᐱᔅᑎᓇᑭᓄᐅᑦ ᐊᓐᑕ ᕈᒻ ᒋᓴᐅᒋᒪᐤ ᐊ ᑕᔨᒋ᙮ ᐊᒋ ᐊᑐᐛᔨᒪᒄ ᐅᑎᔅᑯᐤ ᑈᓚᑕ ᐊ ᑕᔨᒋ, ᐊᑎ ᐃᔅᐱᔅ ᑈᓚᑦ ᑲ ᐎ ᐱᔅᑎᓇᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:18

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᒧᔭᒻ ᐸᐃᒄ ᐊᐛᓐ ᐅᒥᒋᑥᐅᓇ ᐅᒋ ᒥᓯᐛ ᐊᐛᓐ ᐊ ᐃᓯ ᐊᑕᒪᔨᑕᑯᓯᑦ ᒥᒋᑥᐅᓂᔪᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒋᓴᔅ ᒪᒃ ᐅᑯᐃᔅᑯᑕᑎᓯᐅᓂᒡ ᐊᑯᑕ ᐛᒋᐱᔨᒡ ᒋᓴᒪᓂᑐᐤ ᒥᓯᐛ ᐅᑯᐃᔅᑯᑕᑎᓯᐅᒡ ᒐᒋ ᐃᓯ ᑭᓄᐛᐱᒥᑯᒡ ᑭᔭ ᒐᒋ ᒥᔭᑦ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:8

ᒋᓴᒪᓂᑐᐤ ᒪᒃ ᐎᔾ ᓇᔅᒡ ᔅᒋ ᐛᐸᑎᔨᑯᓄᐤ ᑕᓐ ᐊᔅᐱᔅ ᓴᒋᐃᑕᐧᒄ, ᒋ ᐱᔅᑎᓇᐤ ᙭ᑕ ᒐᒋ ᓂᐱᔅᑎᒪᑎᔨᑕᐧᑯ ᐊᔅᒄ ᒪᒂᒡ ᒥᒋᑥᐅᓂᒡ ᐊᒋ ᐃᑕᐛᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3

ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:32

ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮

2 ᑯᕆᓐᑎᔭᓇ 5:15

ᒥᓯᐛ ᐊᐛᔪᐛ ᒋ ᓂᐱᔅᑎᒧᐛᐤ ᙭᙮ ᐊᑯᑕ ᒪᒃ ᐛᒋ ᐱᑯᓴᔨᑕᒂᒡ ᐊᓐᒡ ᑲ ᐱᒪᑎᓯᒡ ᐊᑲ ᐊᑯ ᒥᒄ ᐎᔨᐛᐤ ᐊ ᐃᓯ ᓇᐊᔨᑕᒡ ᒐᒋ ᐃᓯ ᐱᒪᑎᓯᒡ ᒪᒃ ᒐᒋ ᐱᒪᑎᓯᒡ ᒐᒋ ᓇᐊᔨᑎᒥᐊᒡ ᐊᓂᔭᔪᐛ ᑲ ᓂᐸᐊᑭᓄᔨᒋ ᑭᔭ ᑲ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᑲᓚᓯᔭᓇ 4:4

ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

1 ᑎᒧᑎ 2:6

ᐊᐅᒄ ᒪᒃ ᐅ ᓇᐸᐤ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒐᒋ ᐅᒋ ᐎᐧᑯᒋᐊᑦ ᒥᓯᐛ ᐊᐛᔪᐛ ᐅᒥᒋᑥᐅᓂᔨᒡ ᐅᒡ᙮ ᐊᑯᑕ ᒪᒃ ᑲ ᐅᑎᒋᐱᔨᒡ ᐊᓐᑕ ᒐ ᒥᔪᐱᔨᒡ ᒋᓴᒪᓂᑐᐤ ᒐᒋ ᓄᑯᑕᑦ ᑕᓐᑕ ᒐᒋ ᐅᒋ ᐱᒪᒋᐊᑦ ᒥᓯᐛ ᐊᐛᔪᐛ᙮

ᐃᑉᕈᐛ 1:9

ᔅᒋ ᓴᒋᑕᓐ ᑯᐃᔅᑯᑕᑎᓯᐅᓐ ᐊᑯ ᒥᒐᑎᓯᐅᓐ ᔅᒋ ᐛᐧᑲᑕᓐ᙮ ᐊᐅᒄ ᒪᒃ ᐛᒋ ᐎᔭᐱᒥᑕᓐ ᓂᔾ ᒋᒋᓴᒪᓂᑐᒻ, ᑭᔭ ᑲ ᒋᔅᑕᔨᑕᑯᐃᑕᓐ ᐊ ᑐᒥᔅᑯᓂᑕᓐ ᒐᒋ ᐃᔭᔨᓐ ᒧᒋᒐᔨᑎᒧᐅᓐ᙮ ᒋᔾ ᒪᐅᒡ ᒋ ᒋᔅᑕᔨᑕᑯᐃᑎᓐ ᐃᔅᐱᔅ ᐎ ᒋᐎᒐᐛᑭᓂᒡ᙮”

ᐃᑉᕈᐛ 10:5

ᐊᐅᒄ ᒪᒃ ᐛᒋ ᐃᔅᒋᔄᑦ ᒋᓴᔅ ᐃᔅᐱ ᒐ ᑎᑯᓯᐧᒃ ᐅᑕ ᐊᔅᒋᒡ, “ᒋᓴᒪᓂᑐᐤ, ᓇᒪ ᒋ ᓂᑐᐛᔨᑕᓐ ᒥᑐᔅᑕᐊᒪᒐᐅᓐ ᑭᔭ ᐱᔅᑎᓂᒐᐅᓐ᙮ ᐊᐅᒄ ᐅ ᐛᒋ ᒥᔨᓐ ᐅ ᒥᔪᐤ ᑲ ᐊᔭᔭᓐ ᑕᐱᔅᑯᓐ ᓇᐸᐤ ᒐᒋ ᐃᓯᓇᑯᓯᔭᓐ᙮

ᐃᑉᕈᐛ 11:5

ᒥᓐ ᑯᑎᒃ ᓇᐸᐤ ᐃᓄᒃ ᒋ ᐃᓯᓂᐧᑲᓱᐤ, ᑭᔭ ᐎᔾ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᒋ ᐃᑕᑭᓄᐤ ᐊᒋ ᓇᐊᔨᑎᒪᐊᑦ ᒋᓴᒪᓂᑐᐛ, ᐛᔅ ᒋ ᑕᑈᔭᔨᒪᐤ ᒋᓴᒪᓂᑐᐛ ᑲ ᐃᔅᐱᔅ ᐱᒪᑎᓯᑦ᙮ ᐊᐅᒄ ᒪᒃ ᐅᔭ ᐛᒋ ᐅᑎᓂᑯᑦ ᒋᓴᒪᓂᑐᐛ ᒋᒋᒋᓯᑯᒡ ᐃᔅ᙮ ᓇᒪ ᐅᒋ ᓂᐳᐤ ᐃᓄᒃ᙮ ᓯᔅᒋᑯᒡ ᓇᒪ ᐅᒋ ᑕᐤ ᐊᓐᑕ ᒪᒂᒡ ᑭᔭ ᓇᒪ ᐅᒋ ᒥᔅᑲᑯᐤ ᐊᐛᔪᐛ ᐛᔅ ᒋᓴᒪᓂᑐᐛ ᒋ ᐸᒋ ᐅᑎᓂᑯᐤ ᒋᒋᒋᓯᑯᒡ ᐃᔅ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 2:7

ᐛᐃᐱᔅᒋᔅ ᔅᒋ ᐃᑐᑐᐛᐤ ᐊᑐᐎᔅ ᒐᒋ ᑎᐱᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓐᒋᓇ᙮ ᑭᔭ ᐃᔭᐱᒡ ᔅᒋ ᐃᑐᑐᐛᐤ ᒐᒋ ᒋᔅᑕᔨᑕᑯᓯᑦ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

ᐃᑉᕈᐛ 8:3

ᐊᓐ ᐊᐛᓐ ᑲ ᐎᔭᔨᒪᑭᓄᐅᑦ ᒐᒋ ᒋᓴᐊᔭᒥᐊᐅᒋᒪᐅᑦ ᐊᐅᒄ ᐊᓐ ᑲ ᐸᑕᐛᑦ ᐊᓂᔭᔪᐛ ᐃᔪᐛ ᐅᐱᔅᑎᓂᒐᐅᓂᔪᐤ ᑭᔭ ᐅᒥᑐᔅᑕᐊᒪᒐᐅᓂᔪᐤ ᐊᓐᑕ ᒋᓴᒪᓂᑐᐛ ᐊ ᑕᔨᒋ᙮ ᐊᑯ ᒪᒃ ᑭᔭ ᒋᔭᓄᐤ ᒋᒋᓴᐊᔭᒥᐊᐅᒋᒪᒥᓄᐤ ᙭ ᑭᔭ ᐎᔾ ᒋᐸ ᑎᑯᓂᔪᐤ ᒐᒂᔪᐤ ᐊ ᐃᓯ ᐱᔅᑎᓂᒧᐛᑦ ᒋᓴᒪᓂᑐᐛ᙮

1 ᐱᑕᕐ 1:21

ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ᐊᔅᐸᔨᒧᑐᑐᐛᒄ᙮

1 ᒠᓐ 2:2

᙭ ᔅᒋ ᓂᐱᔅᑎᒪᑭᓄᐤ ᒐᒋ ᐅᒋ ᐛᐸᔨᑎᒪᑯᔭᐧᒄ ᒋᒥᒋᑥᐅᓄᐛ᙮ ᓇᒪ ᒪᒃ ᒥᒄ ᒋᔭᓄᐤ ᒋᒥᒋᑥᐅᓄᐛ ᒋᑭ ᒋ ᐛᐸᔨᑎᒪᑯᓇᓄᐤ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ᑕᑦ ᒋᑭ ᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ᙮

ᒋᔅᒐᔨᑕᑯᑕᒐᐅᓐ 19:12

ᐅᔅᒋᓯᒂ ᒧᔭᒻ ᐃᔅᑯᑕᔪᐤ ᐊ ᒋᐧᑲᔭᔅᑐᐛᔨᒡ ᐊ ᐎᐧᑯᔭᐱᔨᒋ ᐃᓯᓇᑯᓂᔪᐛ᙮ ᒥᒐᓂᔪᐛ ᒋᓴᐅᒋᒪᐅᑯᓂᔎᐅᓇ ᐊ ᒋᔅᑲᐧᒃ᙮ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ᑕᑦ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮ ᒥᒄ ᐎᔾ ᒋᔅᒐᔨᑎᒻ ᐊᓂᔭ ᐃᓯᓂᐧᑲᓱᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮