ᐃᑉᕈᐛ 2:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒋᓴᒪᓂᑐᐤ ᒪᒃ ᑭᔭ ᐎᔾ ᔅᒋ ᐛᐸᑎᔨᑯᓄᐤ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐊ ᒪᒥᔅᑲᒡ ᐃᑎᑦ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᑦ ᑭᔭ ᓂᓇᐧᑯᐤ ᐊ ᐃᓯ ᒪᒥᔅᑲᒡ ᐃᑐᑎᒪᒐᑦ᙮ ᑭᔭ ᒋ ᐃᑐᑐᐛᐤ ᑲ ᐸᔭᒋᓯᔨᒋ ᐊᒐᒂ ᒐᒋ ᒥᔭᔨᒋ ᐊᐛᔪᐛ ᓂᓇᐧᑯᐤ ᑭᔅᒋᐅᓇ, ᑕᓐ ᐊᓂᔭᔪᐛ ᐎᔾ ᒋᓴᒪᓂᑐᐤ ᐊ ᐃᑕᔨᑎᒥᐃᑯᑦ ᒐ ᐃᓯ ᒥᔨᐛᑦ᙮

ᐃᑉᕈᐛ 2:4 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:20

ᐊᑯ ᒪᒃ ᒋᔅᒋᓄᐊᒧᐛᑭᓐᒡ ᒥᓯᐛ ᒋ ᐃᑐᑕᐅᒡ ᐊ ᑭᒐᔅᒋᒧᒡ᙮ ᐅᑎᐸᔨᒋᒐᐛ ᒋ ᐎᒋᐃᑯᐅᒡ ᑭᔭ ᒋ ᐛᐸᑎᔨᐛᔪᐛ ᐊ ᑕᑈᒥᑭᓂᔨᒡ ᑕᓐ ᐊ ᐃᓯ ᑭᒐᔅᒋᒧᒡ ᐊᓂᔭ ᐅᒋ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᐊᒋ ᐃᑐᑕᒡ᙮ ᐊᒥᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:14

ᒋᓴᐅᒋᒪᐤ ᐊᕈᑦ ᒪᒃ ᒋ ᐸᑎᒻ ᑕᓐ ᑲ ᐃᔅᐱᔨᒡ, ᐛᔅ ᒋ ᒥᓯᑕᐱᔪᐤ ᑕᓐ ᐊ ᐃᑕᒋᒪᑭᓄᐅᑦ ᒋᓴᔅ᙮ ᐱᔅᒐ ᐊᐛᓐᒋ ᒋ ᐃᔅᒋᔄᐅᒡ, “ᐊᐎᒐ ᐅ ᒠᓐ ᐅᓯᑲᐃᑕᒐᐤ, ᒋ ᐅᓂᔅᑲᒐ ᓂᐳᐅᓂᒡ ᐅᒡ᙮ ᐊᔪᐅᒄ ᐅᔭ ᐛᒋ ᐃᑎᑦ ᐅᔭ ᒪᒥᔅᑲᒡ ᒐᒂᔪᐛ ᒐᒋ ᐃᑐᑕᐧᒃ᙮”

ᒠᓐ 15:26

“ᒋᑭ ᐸᒋ ᑎᑯᓯᓐ ᐊᓐ ᐊᐛᓐ ᒐ ᐎᒋᐃᑕᐧᒄ, ᐊᐅᒄ ᑲ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ᑕᑦ᙮ ᒋᑭ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ᐊᔨᒧᒥᒄ᙮

ᒠᓐ 4:48

ᒋ ᐃᑎᑯᐤ ᒪᒃ ᒋᓴᓴ, “ᓇᒪ ᓂᑕ ᒋᑭ ᐅᒋ ᐎ ᑕᑈᑕᓇᐛᐤ ᐸᑐᔅ ᐛᐱᒥᔭᒂ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᔭᓐ ᑭᔭ ᐊ ᐃᑐᑎᒪᓐ ᐊ ᒪᒥᔅᑲᑕᔨᑕᒂᒋ ᒐᒂᔪᐛ᙮”

ᐊᑈᔅᑕᓇᒡ 14:3

ᓇᐅᔅ ᒪᒃ ᒋ ᑕᐅᒡ ᐊᓐᑕ ᐊᓐᒡ ᐊᑈᔅᑕᓇᒡ᙮ ᒋ ᐊᔨᒧᒪᐅᒡ ᒪᒃ ᐅᑎᐸᔨᒋᒐᐛ ᐊᑲ ᓇᔅᒡ ᑯᔅᑕᒋᒡ᙮ ᐊᑯ ᒪᒃ ᑲ ᒥᔨᑯᒡ ᓱᐧᑲᑎᓯᐅᓂᔪᐤ ᒪᒥᔅᑲᒡ ᐛᐸᑎᔨᐛᐅᓇ ᒐᒋ ᐛᐸᑎᔨᐛᒡ ᑭᔭ ᒐᒋ ᐃᑐᑕᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ, ᐊᓐᑕ ᐊ ᐅᒋ ᓄᑯᑕᑭᓄᐎᒡ ᐊ ᑕᑈᒡ ᐊᓂᔭ ᑲ ᐃᓯ ᐛᐎᑕᒡ ᐊ ᒋᓴᐛᑐᑕᑕᐧᒄ ᐅᑎᐸᔨᒋᒐᐤ᙮

ᐊᑈᔅᑕᓇᒡ 4:10

ᒋᔅᒐᔨᑎᒥᒄ ᒥᓯᐛ ᐊᑎᓯᔭᒄ ᑭᔭ ᒥᓯᐛ ᐃᔅᕋᐃᓪ ᐃᔪᒡ ᐅᑦ ᐃᓯᓂᐧᑲᓱᐅᓐ ᐅᒋ ᐊᓐ ᒋᓴᔅ ᙭ ᓇᓴᕆᑎᒡ ᑲ ᐅᒋᑦ ᐊᓐ ᑲ ᒋᔅᑕᔎᑕᒄ ᒋᐱᔭᑎᑯᒡ ᑭᔭ ᒋᓴᒪᓂᑐᐤ ᑲ ᐅᓂᔅᑲᓇᑦ ᓂᐳᐅᓂᒡ ᐅᒡ, ᐊᐅᑯᐤ ᐅᒋ ᐅᐛ ᐃᔪᐤ ᒋᑦ ᐅᑎᔅᑯᑲᐳᔅᑕᑯᐛᐤ ᐊᒋ ᒥᓏᒋᐊᑭᓄᐅᑦ᙮

ᐊᑈᔅᑕᓇᒡ 5:32

ᓂᔭᓐ ᒪᒃ ᓂ ᑎᐸᑐᑕᓇᓐ ᐛᔅ ᓂᒋ ᐛᐸᑕᓇᓐ ᐅᔭ ᑲ ᐃᔅᐱᔨᒋ, ᑭᔭ ᑲ ᐸᔭᒋᓯᑦ ᐊᒐᐧᒄ ᐊᓂᔭᔪᐛ ᒋᓴᒪᓂᑐᐤ ᑲ ᒥᔭᑦ ᐊᐛᔪᐛ ᑲ ᓂᓇᐃᑕᑯᑦ ᑭᔭ ᐎᔾ ᐎᑎᒪᒐᐤ ᐊ ᑕᑈᒥᑭᓂᔨᒡ ᐊᓂᔭᔪᐤ ᑲ ᐃᔅᐱᔨᒡ᙮”

ᐃᐱᓯᔭᓇ 1:5

ᐊ ᓴᒋᐃᑕᐧᒄ ᒋᓴᒪᓂᑐᐤ ᐊᔪᐅᒄ ᐅᔭ ᐛᒋ ᐃᑕᔨᒥᑕᐧᒄ ᐎᔾ ᒐᒋ ᐅᑦ ᐊᐛᓯᒥᑐᑕᑕᐧᒄ ᒋᓴᔅ ᙭ᑕ ᐊ ᑕᔨᒋ ᐅᒡ᙮ ᐊᔪᐅᒄ ᐅᔭ ᑲ ᐃᓯ ᓇᐊᔨᑎᒥᐃᑯᑦ ᒐᒋ ᐃᑎᑦ ᑭᔭ ᐊᔪᐅᒄ ᐅᔭ ᑲ ᐎ ᐃᑎᑦ᙮

ᐃᐱᓯᔭᓇ 1:9

ᒋ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐎ ᐃᑐᑕᐧᒃ, ᔅᒋ ᒥᔨᑯᓄᐤ ᒐᒋ ᒋᔅᒐᔨᑎᒺᐧᒄ ᐊᓂᔭ ᑕᓐ ᓴᔅ ᑲ ᐃᓯ ᐎᔭᔨᑕᐧᒃ ᐊᑲ ᐅᒋ ᒋᔅᒐᔨᑎᒥᔨᒋ ᐊᐛᔪᐛ᙮ ᒋᑭ ᐃᑐᑎᒻ ᒪᒃ ᐊᓂᔭ ᑕᓐ ᐛ ᐃᑐᑕᐧᒃ ᙭ᑕ ᐊ ᑕᔨᒋ ᐅᒡ᙮

ᐃᐱᓯᔭᓇ 4:7

ᐛᔅ ᙭ ᐸᐸᐃᒄ ᔅᒋ ᒥᔨᑯᓄᐤ ᒥᔨᐛᐅᓇ ᐊ ᓱᐛᔨᒥᑕᐧᒄ᙮

ᐃᑉᕈᐛ 6:4

ᑕᐅᒡ ᐊᐛᓐᒋ ᐊ ᓂᔅᑐᑕᒡ ᑕᓐ ᑲ ᐃᓯ ᒋᔅᑯᑎᒧᐛᑭᓄᐎᒡ ᒋᓴᓴ ᐊ ᐊᔨᒧᒪᑭᓄᔨᒋ᙮ ᒋ ᒥᔨᑯᐅᒡ ᒋᓴᒪᓂᑐᐛ ᐊᓂᔭᔪᐛ ᒪᐅᒡ ᑲ ᒋᔅᑕᔨᑕᑯᓂᔨᒋ ᒥᔨᐛᐅᓇ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐅᒡ᙮ ᐃᔭᐱᒡ ᒪᒃ ᒋᒋᐛ ᒋ ᐊᑎ ᒋᐛᑲᐳᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᒪᒃ ᒋᑭ ᒋ ᐎᒋᐊᑭᓄᐎᒡ ᐅᒡ ᒥᓐ ᒐᒋ ᒂᔅᑲᑎᓯᒡ᙮