ᐃᑉᕈᐛ 13:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒋᓴᔅ ᙭ ᓇᒪ ᓂᑕ ᐃᔭᒡ ᒋᑭ ᐅᒋ ᐃᑕᔨᑕᑯᓱᐤ᙮ ᑕᓐ ᑲ ᐃᑕᔨᑕᑯᓯᑦ ᐅᑕᑯᓯᒡ, ᐊᐅᑯᓐ ᐊ ᐃᑕᔨᑕᑯᓯᑦ ᐊᓄᒡ ᑭᔭ ᐊᐅᑯᓐ ᒐ ᐃᑕᔨᑕᑯᓯᑦ ᑲᒋᒡ᙮

ᐃᑉᕈᐛ 13:8 Iomraidhean Croise

ᒐᓂᓯᔅ 21:33

ᐊᑉᕋᐊᒻ ᐛᒋᓇᑭᓇᑎᒂ ᒋ ᓂᑕᐅᒋᐊᐤ ᐊᓐᑕ ᐱᕐ-ᓯᐸ, ᐊᑯᑕ ᑭᔭ ᑲ ᓂᑐᑕᒺᑦ ᐅᑦ ᐃᓯᓂᐧᑲᓱᐅᓂᔪᐤ ᑎᐸᔨᒋᒐᓱᐛ ᒋᓴᒪᓂᑐᐛ ᒧᔅ ᑲᒋᒡ ᐸᒪᑎᓯᔨᒋ᙮

ᑎᐱᑦ ᐅᓂᑭᒧᐅᓇ 103:17

ᒪᒃ ᐅᒋᔅᑎᒪᒐᔨᒋᒐᐅᓐ ᑎᐸᔨᒋᒐᓱᐤ ᑲᒋᒡ ᑭᔭ ᑲᒋᒡ ᒋᒋᔅᑲᑯᔪᐛ ᐊᓂᔭᔪᐛ ᑲ ᓇᓂᒋᔅᑕᑯᑦ, ᑭᔭ ᐅᑯᐃᔅᑯᑕᑎᓯᐅᓐ ᐊᐛᓴ ᐅᑦ ᐊᐛᓯᒥᓯᔪᐛ;

ᑎᐱᑦ ᐅᓂᑭᒧᐅᓇ 90:2

ᐊᒺᔭ ᐅᒋ ᑎᒂᒋ ᐱᔅᑯᑎᓇᐛ, ᐊᒺᔭ ᑭᔭ ᐅᒋ ᐅᓯᑕᔨᓐ ᐊᔅᒋᔾ ᑭᔭ ᒥᓯᐛ ᒐᒂᓐ ᐊᓐᑕ ᐊ ᑎᒂᒡ, ᒧᔅ ᑲᒋᒡ ᐅᒋ ᑭᔭ ᒧᔅ ᑲᒋᒡ ᐃᓯ ᒋ ᒋᓴᒥᓂᑐᐅᓐ᙮

ᑎᐱᑦ ᐅᓂᑭᒧᐅᓇ 90:4

ᐛᔅ ᒐᓯᐱᔪᐛ ᐱᐳᓇ ᒋᔾ ᐊ ᐃᓯ ᑭᓄᐛᐸᑎᒥᓐ ᒧᔭᒻ ᐅᑕᑯᓯᒡ, ᓴᔅ ᑲ ᐎᒪᐱᔨᒋ, ᑭᔭ ᒧᔭᒻ ᐸᐃᒂᐤ ᐊ ᐛᒋᐎᓇᓂᐎᒡ ᐊ ᑎᐱᔅᑲᒡ ᐃᓯᓇᑯᓐ᙮

ᐊᒃᓱᑕᔅ 3:14

ᒋᓴᒪᓂᑐᐤ ᒋ ᐃᑕᐤ ᒧᓱᓴ, “ᓂᔾ ᐅ ᒧᔅ ᑲᒋᒡ ᒋᓴᒪᓂᑐᐤ᙮ ᒋᔭᒻ ᒐ ᐃᑎᑥᐤ, ‘ᓂᔾ ᓂᑦ ᐊᐎᓐ, ᓂᒋ ᐃᑎᓴᐅᒃ !’ ”

2 ᑯᕆᓐᑎᔭᓇ 1:19

ᐛᔅ ᒋᓴᔅ ᙭ ᒋᓴᒪᓂᑐᐤ ᐅᑯᓴ ᐊᓐ ᑲ ᐊᔨᒧᑎᒪᑕᒡ, ᓂᔭᓐ ᑭᑈ ᓴᓂᔅ, ᑎᒧᑎ ᑭᔭ ᓂᔾ, ᒐᔅᑎᓇᑕᔨᑕᑯᓱᐤ ᑕᓐ ᐊ ᐃᔅᒋᔄᑦ, ᓇᒪ ᓂᑕ ᑭᑭᒋᔭᐤ᙮ “ᓂᐦᐃ” ᐊ ᐃᔅᒋᔄᒋ, ᒐᔅᑎᓇᑕᔨᑕᑯᓂᔪᐤ ᐊᓂᔭ ᓂᐦᐃ ᐊ ᐃᔅᒋᔄᑦ᙮

2 ᑯᕆᓐᑎᔭᓇ 1:20

ᒋᓴᒪᓂᑐᐤ ᐊᐱᒋᐊᐤ ᒋᓴᓴ ᒐᔅᑎᓇᔅ ᒐᒋ ᐃᑐᑕᐧᒃ ᑕᓐ ᑲ ᐃᔅᒋᔄᑦ ᒐ ᐃᑐᑕᐧᒃ ᑭᔭ ᒐ ᐊᑎ ᒋᔅᑕᔨᑕᑯᐊᑭᓄᐅᑦ᙮

ᐃᑉᕈᐛ 1:12

ᐊᔅᒄ ᐸᐃᒂᐤ ᐊ ᒋᓯᑲᒡ ᒋᑭ ᒂᔅᒋᓇᑯᑕᓐ ᒋᒋᒋᓯᒄ ᑭᔭ ᐊᔅᒋᔾ᙮ ᒧᔭᒻ ᐊᑯᐱᔅᒋᔅ ᐊ ᓄᑎᒪᒋᓂᑭᓄᐅᒡ ᐊᐅᑯᓐ ᒐ ᐃᑐᑎᒥᓐ᙮ ᒥᒄ ᒪᒃ ᒋᔾ ᒧᔅ ᐸᐃᑯᓄᒡ ᒋᑭ ᐃᑕᔨᑕᑯᓯᓐ, ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᒋᐱᒪᑎᓯᐅᓐ᙮”

ᒋᒥᔅ ᐅᒥᓯᓇᐊᒪᒐᐅᓐ 1:17

ᒥᓯᐛ ᒥᔨᐛᐅᓐ ᑲ ᒥᔽᓯᒡ ᑭᔭ ᑲ ᒋᔭᒪᐅᓯᒥᑲᒡ ᐊᓐᑕ ᐃᔅᐱᒥᒡ ᐅᒋᐱᔪᐤ, ᐊᓐᑕ ᒋᓴᒪᓂᑐᐤ ᐊ ᑕᑦ᙮ ᐊᐅᒄ ᒋᓴᒪᓂᑐᐤ ᑲ ᐅᓯᑕᑦ ᒥᓯᐛ ᐛᔅᑕᐅᓂᔪᐤ ᐊᓐᑕ ᒋᓯᑯᒡ᙮ ᒧᔅ ᐸᐃᑯᓄᒡ ᐃᑕᔨᑕᑯᓱᐤ, ᓇᒪ ᐃᓯᓇᑯᓱᐤ ᒧᔭᒻ ᐊ ᑎᑲᔅᑕᑎᒡ ᒐᒂᓐ ᐛᐃᐱᔅᒋᔅ ᒥᒄ ᒐᒋ ᓄᒂᒡ᙮

ᒍᑦ 1:25

ᒋᑭ ᒥᔭᑭᓄᐤ ᒋᔅᑕᔨᑕᑯᓱᐅᓂᔪᐤ, ᒋᓴᐅᒋᒪᐅᓂᔪᐤ, ᓱᐧᑲᑎᓯᐅᓂᔪᐤ ᑭᔭ ᑎᐸᔨᒐᐅᓂᔪᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒋ, ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᒋᔅᒐᔨᑕᑯᑕᒐᐅᓐ 1:11

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ, “ᒥᓯᓇᐊ ᑕᓐ ᒐ ᐃᓯ ᐛᐸᑎᒥᓐ ᐊᓄᒡ ᐊᑯ, ᒐ ᐃᑎᓴᐊᒧᐅᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐸ ᐃᐱᓴᔅ, ᓯᒥᕆᓇ, ᐸᕐᑲᒪᒻ, ᑕᔭᑕᐃᕋ, ᓴᕐᑎᔅ, ᐱᓚᑕᓪᐱᔭ ᑭᔭ ᓚᐅᑎᓯᔭ ᐊ ᑕᒡ᙮” ᐊᐅᒄ ᐅᔭ ᑲ ᐸᒋ ᐃᓯᑦ᙮

ᒋᔅᒐᔨᑕᑯᑕᒐᐅᓐ 1:4

ᓂᔾ ᒠᓐ, ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᒥᓯᓇᐊᒪᑎᓇᐛᐤ ᐊᓐᑕ ᑲ ᑕᔭᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᐊᐃᓴ ᑲ ᐃᓯᓂᐧᑲᑕᒡ ᐊᔅᒋᔾ᙮ ᒋᓴᒪᓂᑐᐤ, ᐊᓐ ᐊᓄᒡ ᐊ ᑕᑦ ᑭᔭ ᒧᔅ ᑲ ᐸᒋ ᑕᑦ, ᑭᔭ ᐊᓐ ᒐ ᑎᑯᓯᐧᒃ, ᒋᑭ ᓱᐛᔨᒥᑯᐛᐤ ᑭᔭ ᒋᑭ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮ ᑭᔭ ᐊᓐᒡ ᓂᔄᐅᑕᒡ ᐊᒐᐧᑯᒡ ᐅᑎᔅᑯᐤ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ ᐊ ᑕᒡ, ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 1:8

“ᐊᐅᒄ ᓂᔾ ᓴᔅ ᑲ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ,” ᐊᐅᒄ ᐊ ᐃᔅᒋᔄᑦ ᒋᓴᒪᓂᑐᐤ ᐅᑎᐸᔨᒋᒐᐤ, ᐊᓐ ᒪᐅᒡ ᑲ ᓱᐧᑲᑎᓯᑦ, ᐊᓐ ᐊ ᑕᑦ ᐊᓄᒡ, ᐊᓐ ᒧᔅ ᑲ ᐸᒋ ᑕᑦ ᑭᔭ ᐊᓐ ᒐ ᑎᑯᓯᐧᒃ᙮