ᐃᑉᕈᐛ 13:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑲ ᐎ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᓴᒋᑕᔭᒄ ᓱᓇᔭᐤ᙮ ᒋᐸ ᒥᔽᔨᑕᓇᐛᐤ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᒋᓴᒪᓂᑐᐤ ᒋ ᐃᔅᒋᔄᐤ, “ᓇᒪ ᓂᑕ ᒋᑭ ᐅᒋ ᓂᑭᑎᑎᓇᐛᐤ, ᓇᒪ ᓂᑕ ᒋᑭ ᐅᒋ ᐃᓯᓇᑯᓯᓇᐛᐤ ᒐ ᐊᑲ ᒋ ᐃᔭᐱᑕᔨᒥᑎᑯᒡ᙮”

ᐃᑉᕈᐛ 13:5 Iomraidhean Croise

ᒐᓂᓯᔅ 28:15

ᐛᐸᑕ ᓂᑦ ᐊᓱᑎᒪᒐᓐ ᒐ ᐎᒐᐅᑕᓐ ᑭᔭ ᒐ ᑭᓄᐛᔨᒥᑕᓐ ᒥᒄ ᐊᓐᑕ ᐊ ᐃᑐᑕᔨᓐ ᑭᔭ ᑲᐤ ᒋᑭ ᐸᓱᐅᑎᓐ ᐅᑕ ᐊᔅᒋᒡ᙮ ᓇᒪ ᒋᑭ ᒋ ᓂᑭᑎᑎᓐ ᐸᑎᒪ ᒋ ᐃᑐᑎᒪᓇ ᒥᓯᐛ ᐊᓐ ᑲ ᐊᓱᑎᒪᑕᓐ᙮”

ᒐᓂᓯᔅ 30:31

ᐊᑯ ᓚᐸᓐ ᑲ ᑯᒂᒋᒪᑦ, “ᑕᓐ ᒐ ᐃᔅᐱᔅ ᒋᓯᐧᑲᑕᓐ ?” ᒐᑭᑉ ᒋ ᐃᑕᐤ, “ᐊᑲ ᒋᓯᐧᑯᐎ ᒐᒂᓐ᙮ ᒥᒄ ᐅ ᐃᑐᑎᒧᐎᓇ ᐸᐃᒄ ᒐᒂᓐ᙮ ᒥᓐ ᓂᑭ ᓯᒪᐅᒡ ᑭᔭ ᓂᑭ ᑭᓄᐛᔨᒪᐅᒡ ᒋᑦ ᐊᐛᓯᓯᒥᒡ᙮

ᒐᓂᓯᔅ 31:5

ᐃᔅᐱ ᑕᑯᓯᓂᔨᒋ ᒂ ᐃᑕᑦ, “ᓂ ᒋᔅᒐᔨᒪᐤ ᐊᑲ ᒥᔪ ᐃᑕᔨᒥᑦ ᒍᑕᐎᐛᐤ ᒧᔭᒻ ᐅᔅᑭᒡ ᑲ ᑐᑐᐅᑦ᙮ ᒥᒄ ᓇᒪ ᓂ ᑯᔅᑕᒋᓐ, ᐛᔅ ᐊᓂᔭ ᑲ ᐊᑐᔅᒐᔅᑐᐛᑦ ᒋᓴᒪᓂᑐᐛ ᓄᑕᐎᔾ, ᓇᒪ ᓂ ᐅᒋ ᓂᑭᑎᑯᔪᐛ᙮ ᓇᓂᑎᒻ ᐊ ᑕᐤ ᐊ ᑕᐅᒡ᙮

ᑎᐱᑦ ᐅᓂᑭᒧᐅᓇ 10:3

ᐛᔅ ᐅᒥᒋᑥᐤ ᒪᒪᑕᑯᒧᐤ ᐊ ᐃᓯ ᐱᑯᓴᔨᒧᑦ ᐅᑕᐃᒡ, ᑭᔭ ᒥᔽᒋᒪᐤ ᑲ ᐊᔅᐳᓂᓯᔨᒋ, ᐛᐧᑲᑕᐤ ᑎᐸᔨᒋᒐᓱᐛ᙮

ᑎᐱᑦ ᐅᓂᑭᒧᐅᓇ 119:36

ᐃᑎᔅᑕ ᓂᑕᐃ ᒋᑎᐸᒋᒧᐅᓂᒡ ᐃᓯ, ᐊᑲ ᒪᒃ ᒧᔅᑕᓇᒪᒐᐅᓂᒡ ᐃᓯ᙮

ᑎᐱᑦ ᐅᓂᑭᒧᐅᓇ 37:25

ᓂᒋ ᐸᒋ ᐅᔅᒋᓂᒋᓱᐅᓐ, ᐊᓄᒡ ᒪᒃ ᓂ ᒋᓴᐃᔪᐅᓐ; ᐊᔅᑯ ᒪᒃ ᓇᒪᐎᔾ ᓄᒋ ᐛᐱᒪᐤ ᐅᑯᐃᔅᑯᑕᑎᓯᐤ ᐊ ᐛᐱᓇᑭᓄᐅᑦ, ᑭᔭ ᒪᒃ ᐅᑦ ᐊᐛᓯᒥᓴ ᐊ ᐸᑯᓯᑕᔨᒋ ᐸᒂᓯᑭᓇ᙮

ᑎᐱᑦ ᐅᓂᑭᒧᐅᓇ 37:28

ᐛᔅ ᑎᐸᔨᒋᒐᓱᐤ ᓴᒋᑕᐤ ᑎᐸᔅᑯᓂᒐᐅᓂᔪᐤ, ᓇᒪ ᑭᔭ ᐛᐱᓇᐤ ᐅᐸᔭᒋᓯᒪ; ᑲᒋᒡ ᑭᓄᐛᔨᒪᐅᒡ: ᒪᒃ ᐅᑦ ᐊᐛᓯᒥᓱᐛᐛ ᐅᒥᒋᑥᐅᒡ ᒋᑭ ᒋᒥᓱᐛᑭᓄᔪᐛ᙮

ᐊᒃᓱᑕᔅ 2:21

ᒧᓱᔅ ᒋ ᓂᔅᑯᒧᐤ ᒐᒋ ᑕᐛᑦ ᐊᓐᑕ ᒐᑎᕈᐛ ᐊ ᑕᔨᒋ᙮ ᐊᑯ ᒐᑎᕈᐤ ᒋ ᒥᔭᐤ ᐊᓂᔭ ᒧᓱᓴ ᐸᐃᒄ ᐅᑕᓂᓴ ᒐᒋ ᐎᒋᒪᔨᒋ᙮ ᓯᐳᕋ ᒋ ᐃᓯᓂᐧᑲᓱᔨᐛ ᐊᓂᔭ ᐅᑕᓂᓴ᙮

ᐊᒃᓱᑕᔅ 20:17

ᐊᑲᐎᔾ ᒋᑭ ᒧᔅᑕᓂᒧᐛᐤ ᒋᒡ ᐃᔪᐤ ᐎᒡ, ᐊᑲᐎᔾ ᒋᑭ ᒧᔅᑕᓂᒧᐛᐤ ᒋᒡ ᐃᔪᐤ ᐎᐛ, ᐊᑲᐎᔾ ᑭᔭ ᐅᑦ ᐊᑐᔅᒐᔭᑭᓂᒪ, ᑭᔭ ᐅᑦ ᐊᑐᔅᒐᔭᑭᓂᔎᒪ, ᑭᔭ ᐅᓇᐸᒥᔅᑐᓯᒪ ᑭᔭ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᒥᒄ ᒐᒂᔪᐤ ᑕᐱᔨᐛᐅᓯᑦ᙮”

ᒪᑎᔪᐤ 6:19

ᐊᑲᐎᔾ ᒪᐅᒋᑎᒪᓱᒄ ᐛᔪᑎᓯᐅᓐ ᐅᑕ ᐊᔅᒋᒡ, ᐊᓐᑕ ᒐ ᓂᓱᐅᓇᒋᑕᒡ ᒥᓐᑐᓯᒡ ᑭᔭ ᒐ ᐊᒂᒂᐱᔅᑲᒋ ᐊᓐᑕ ᑭᔭ ᑲᓂᑕᐅᒋᒧᑎᒡ ᒐᒋ ᒋᒧᑎᒡ᙮

ᒪᑎᔪᐤ 6:25

“ᐊᐅᒄ ᒪᒃ ᐛᒋ ᐃᑎᑎᑯᒡ ᒐ ᐊᑲ ᐊᔨᒪᔨᑎᒪᒄ ᒐᒂᓐ ᒐ ᒥᒋᔭᒄ ᑭᔭ ᒐᒂᓐ ᒐ ᒥᓂᔭᒄ ᒐᒋ ᐅᒋ ᐱᒪᑎᓯᔭᒄ ᑭᔭ ᒪᒃ ᒐᒂᓐ ᒐ ᒋᔅᑭᒪᒄ᙮ ᓇᒪ ᓇ ᐅᔅᑕ ᒋᔅᑕᔨᑕᑯᓐ ᐱᒪᑎᓯᐅᓐ ᐃᔅᐱᔅ ᒥᒋᒻ, ᒪᒃ ᑭᔭ ᒥᔪᐤ ᐃᔅᐱᔅ ᐊᐱᒋᑕᐅᓇ ?

ᒪᑎᔪᐤ 6:34

ᐊᑲᐎᔾ ᐊᔨᒪᔨᑎᒧᒄ ᑕᓐ ᒐ ᐃᔅᐱᔨᒡ ᒐ ᐛᐸᒡ, ᐛᔅ ᒐ ᐛᐸᒡ ᒋᑭ ᐊᔨᒪᔨᑎᒧᒥᑭᓐ᙮ ᐛᔅ ᓴᔅ ᐃᔅᐱᔪᐤ ᑕᓐ ᒐ ᐃᓯ ᐊᔨᒪᔨᑎᒥᓐ ᐊᓄᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:22

ᒪᒃ ᒐ ᐱᓯᒂᑎᓯᑦ, ᒪᒃ ᒐᒋ ᒧᔅᑕᓂᒧᐛᑦ ᐊᐛᔪᐛ ᒐᒂᔪᐤ ᐊ ᐃᓯ ᐊᔭᔨᒋ, ᒪᒃ ᒐᒋ ᒥᒋᑥᑦ, ᒪᒃ ᒐᒋ ᐎᔭᓯᐃᐛᑦ, ᒪᒃ ᒐᒋ ᐎᓂᓱᐛᑎᓯᑦ, ᒪᒃ ᒐᒋ ᐅᑕᔨᑕᐧᒃ, ᑭᔭ ᒐᒋ ᒥᒋ ᐊᔨᒧᒪᑦ ᐊᐛᔪᐛ, ᒪᒃ ᓇᔅᒡ ᒋᒋᐛ ᒐᒋ ᐃᑕᔨᒥᓱᑦ, ᑭᔭ ᒐᒋ ᒋᔎᐤ ᐱᒪᑎᓯᑦ᙮

ᓗᒃ 3:14

ᐊᑯ ᒪᒃ ᐊᓯᒪᑭᓂᓯᒡ ᑭᔭ ᐊᐅᑯᓐ ᑲ ᐃᓯ ᑯᒂᒋᒐᒧᒡ, “ᓂᔭᓐ ᒪᒃ ᐎ ᑕᓐ ᓂᐸ ᑎᓇᓐ ?” ᒠᓐ ᒋ ᐃᑕᐤ, “ᐊᑲᐎᔾ ᐊᔨᐧᑭᒥᐃ ᐊᐛᓐ ᒐᒋ ᒥᔨᔅᒃ ᓱᓇᔭᔪᐤ ᑭᔭ ᐊᑲᐎᔾ ᓂᑐᐎᔾ ᐃᓯ ᒪᒥᓯᒻ ᐊᐛᓐ᙮ ᒋᐸ ᓇᐊᔨᑕᓇᐛᐤ ᐊᓐ ᐊ ᐃᔅᐱᔅ ᒋᓯᐧᑲᑯᐅᔭᒄ᙮”

ᓗᒃ 8:14

ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊᓐᑕ ᐊ ᑲᓱᑕᐛᔨᒋ ᒥᔅᑯᓯᔭ ᐊ ᑎᑯᓂᔨᒋ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᐛᓐᒋ ᑲ ᓂᑐᑎᒧᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒥᒄ ᒪᒃ ᐊᓂᔭ ᐅᑕᑈᑎᒧᐅᓄᐛᐤ ᒐᒃ ᓂᓱᐅᓇᒋᑕᑭᓄᐅᔪᐤ ᐛᓴ ᐊ ᐊᔨᒪᔨᑎᒥᐃᑯᒡ ᐊ ᐃᔅᐱᔨᒡ ᐅᐱᒪᑎᓯᐅᓄᐛᒡ ᑭᔭ ᐛᔪᑎᓯᐅᓂᔪᐤ ᐊ ᒪᒥᑐᓇᔨᑎᒥᐃᑯᒡ, ᑭᔭ ᒥᒄ ᐊᔅᒋᔪᐤ ᒐᒂᔪᐛ ᐊ ᒪᒥᑐᓇᔨᑎᒥᐃᑯᒡ ᒐᒋ ᐅᒋ ᒥᔽᔨᑕᒡ᙮ ᐊᑯ ᒪᒃ ᓇᒪ ᒋ ᐃᓯ ᓂᑕᐅᒍᐅᒡ ᑕᓐ ᐊᓂᔭᔪᐤ ᒋᐸ ᐃᓯ ᓂᑕᐅᒍᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:29

ᐱᒋᔅᑲᑯᐅᒡ ᓂᓇᐧᑯᐤ ᒥᒐᑎᓯᐅᓂᔪᐤ ᑭᔭ ᒪᔭᑎᓯᐅᓂᔪᐤ, ᑭᔭ ᐱᒋᔅᑲᑯᐅᒡ ᒧᔅᑕᓂᒪᒐᐅᓂᔪᐤ ᑭᔭ ᐛᐧᑲᑕᔨᒧᐅᓂᔪᐤ᙮ ᓇᔅᒡ ᐱᒋᔅᑲᑯᐅᒡ ᐅᑕᔨᒧᐅᓂᔪᐤ, ᑭᔭ ᒧᔅ ᐎ ᓂᐸᐃᐛᐅᒡ, ᑭᔭ ᒧᔅ ᒪᒥᒋᐱᔭᐊᐅᒡ ᐊᐛᔪᐛ, ᐱᓯᒄ ᑭᔭ ᐛᐎᔭᓯᒧᐛᐅᒡ, ᑭᔭ ᓇᔅᒡ ᐱᒋᔅᑲᑯᐅᒡ ᐛᐧᑲᓱᐛᐅᓂᔪᐤ᙮ ᐱᒋᔅᒂᑲᑐᐛᐅᒡ ᑭᔭ,

1 ᑯᕆᓐᑎᔭᓇ 5:11

ᒥᓐ ᒪᒃ ᐸᐃᒂᐤ ᓂᑭ ᒥᓯᓇᐊᓐ ᒐᔅᑎᓇᔅ ᒐᒋ ᓂᔅᑐᑎᒪᒄ ᐊᐛᓐᒋ ᑲ ᐊᔨᒧᒥᒂᐤ᙮ ᐊᑲᐎᔾ ᐎᒐᐛᑭᓂᒄ ᐊᐛᓐ ᐊ ᐃᔅᒋᔄᑦ ᐊ ᑕᑈᔭᔨᒪᑦ ᒋᓴᓴ, ᒥᓯᐛ ᓂᓇᐧᑯᐤ ᐎᓂᓱᐅᓂᒡ ᐊ ᐃᓯ ᐱᒪᑎᓯᒂ, ᐊ ᒧᔅᑕᓂᒪᒐᒂ ᒐᒂᔪᐛ ᑭᔭ ᒪᒃ ᐊ ᐊᔭᒥᐊᔅᑐᐛᒂ ᒥᓂᑐᐧᑲᓇ ᑭᔭ ᒪᒃ ᓂᑎᒥᒄ ᐊ ᐃᑕᒋᒪᒂ ᐊᐛᔪᐛ, ᑭᔭ ᒪᒃ ᐊ ᐎᒋᐸᒂ ᑭᔭ ᒪᒃ ᐊ ᐎᒋ ᑲᒐᒧᑎᒂ᙮ ᐊᑲᐎᔾ ᐛᐛᒡ ᐎᒋᒥᒋᓱᒪᐧᒃ ᐊᐛᓐ ᐅᔭ ᐊ ᐃᑕᑎᓯᑦ᙮

1 ᑯᕆᓐᑎᔭᓇ 6:10

ᑭᔭ ᒪᒃ ᐊᓐᒡ ᑲᓂᑕᐅᒋᒧᑎᒡ, ᑭᔭ ᒪᒃ ᐊᓐᒡ ᒧᔅ ᑲ ᒧᔅᑕᓇᔨᑕᒡ ᒐᒂᔪᐛ, ᑭᔭ ᒪᒃ ᐊᓐᒡ ᑲ ᐎᒋᐸᒡ, ᑭᔭ ᒪᒃ ᐊᓐᒡ ᓂᑎᒥᒄ ᑲ ᐃᑕᒋᒪᒡ ᑯᑎᑲ ᐊᐛᔪᐛ, ᑭᔭ ᒪᒃ ᑲᒋᒧᑎᒡ, ᓇᒪ ᐛᒋ ᐸᐃᒄ ᐅᒡ ᒋᑭ ᐅᒋ ᐊᓂᔅᒐ ᐊᔭᐅᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

2 ᑯᕆᓐᑎᔭᓇ 4:9

ᓂ ᓂᓇᐧᑲᒋᐃᑯᐅᓇᓐ, ᒥᒄ ᒪᒃ ᒧᔅ ᓂᐎᒐᐅᑯᓇᓐ ᒋᓴᒪᓂᑐᐤ᙮ ᓇᓂᑯᑎᓂᔾ ᓂ ᓂᒋᐛᐸᐅᑯᓇᓐ, ᒥᒄ ᒪᒃ ᓇᒪ ᓄᐅᓇᒋᐃᑯᐅᓇᓐ᙮

ᐃᐱᓯᔭᓇ 5:3

ᒋᔨᐛᐤ ᐊ ᑕᑈᑎᒪᒄ ᓇᒪ ᓇᔅᒡ ᒋᐸ ᐅᒋ ᑎᑯᓐ ᐎᓂᓱᐅᓐ ᐊᓐᑕ ᐊ ᑕᔭᒄ᙮ ᓇᒪ ᑭᔭ ᒋᐸ ᐅᒋ ᑎᑯᓐ ᓂᑎᒥᒄ ᐃᑐᐅᓐ ᑭᔭ ᒧᔅᑕᓇᔨᑎᒧᐅᓐ᙮

ᐃᐱᓯᔭᓇ 5:5

ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐊᓐ ᐊᐛᓐ ᐎᓂᓱᐅᓂᒡ ᑲ ᐃᓯ ᐱᒪᑎᓯᑦ ᑭᔭ ᓂᑎᒥᒄ ᑲ ᐊᐃᑎᑦ ᑭᔭ ᒧᔅ ᑲ ᒧᔅᑕᓇᔨᑕᐧᒃ ᒐᒂᔪᐤ ᒐᒋ ᐊᔭᑦ ᓇᒪ ᒋᑭ ᒋ ᐎᒋᐃᐛᐤ ᒋᓴᒪᓂᑐᐛ ᑭᔭ ᙭ᑕ ᐅᒋᒪᐅᓂᔨᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒧᔭᒻ ᒥᓂᑐᐧᑲᓇ ᐊ ᐊᔭᒥᐊᔅᑐᐛᑦ ᐃᓯᓇᑯᓂᔪᐤ ᐅᔭ ᐊ ᐃᑎᑦ᙮

ᑯᓚᓯᔭᓇ 3:5

ᓂᓱᐅᓇᒋᑕᒄ ᒥᒐᑎᓯᐅᓐ ᑕᓐ ᐊ ᐃᓯ ᑎᒂᒡ ᒋᐱᒪᑎᓯᐅᓄᐛᒡ᙮ ᓂᓱᐅᓇᒋᑕᒄ ᐎᓂᓱᐤ ᐱᒪᑎᓯᐅᓐ, ᐎᓂᓱᐤ ᒪᒥᑐᓇᔨᑎᒧᐅᓐ, ᒥᒋ ᓂᑐᐛᔨᑎᒧᐅᓐ, ᑭᔭ ᐊᓐ ᐊ ᒧᔅᑕᓇᔨᑎᒪᒄ ᒐᒋ ᐛᔪᐅᒡ ᐊᔭᔭᒄ ᒐᒂᓐ ᐅᑕ ᐊᔅᒋᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒐᒋ ᐛᔪᐅᒡ ᐊᔭᑦ ᒐᒂᔪᐛ ᒧᔭᒻ ᐊ ᐅᒥᓂᑐᐧᑲᓂᒥᑦ ᐊᓂᔭ ᒐᒂᔪᐛ ᐃᓯᓇᑯᓂᔪᐤ᙮

1 ᑎᒧᑎ 3:3

ᐊᑯ ᒪᒃ ᓇᒪᐎᔾ ᑲ ᐎᒋᐸᑦ ᐊᐛᓐ ᒋᐸ ᐅᒋ ᐃᑕᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐅᐛᓴᒪᔨᑕᑯᓱᐤ ᐊᑎ ᐊᑲ ᐛ ᓂᓇᐊᔨᑎᒥᐃᑯᒋ ᒐᒂᔪᐤ, ᒋᐸ ᒋᔭᒪᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐛᒋᐱᔪᐤ ᒐᒋ ᒥᒋᐱᔭᐊᑦ ᐊᐛᔪᐛ, ᑭᔭ ᓇᒪ ᒋᐸ ᐅᒋ ᐃᑕᔨᑎᒥᐃᑯᐤ ᒐᒋ ᒥᔅᑎ ᐛᔪᐅᒡ ᐊᔭᑦ ᓱᓇᔭᔪᐤ᙮

2 ᐱᑕᕐ 2:14

ᓇᒪ ᓂᑕ ᐳᓂᐱᔪᐤ ᓂᑐᐎᔾ ᐊ ᐃᓯ ᑭᓄᐛᐱᒪᒡ ᐃᔎᐛ᙮ ᓇᒪ ᒋ ᐳᓂᑕᐅᒡ ᒥᒋᑐᑎᒧᐅᓂᔪᐤ᙮ ᐛᐎᔭᓯᒪᐅᒡ ᑭᔭ ᐊᓂᔭ ᐊᐛᔪᐛ ᐊᑲ ᐊᔨᒋᑲᐳᔨᒋ ᑕᑈᑎᒧᐅᓂᒡ᙮ ᓴᑭᔅᒋᓇᔪᐤ ᐅᑕᐃᐛᒡ ᒧᔅᑕᓂᒪᒐᐅᓂᔪᐤ᙮ ᒪᔭᑎᓯᐅᒡ ᐅᒡ ᐅᔭ ᑲ ᐃᑕᔨᑕᑯᓯᒡ,

2 ᐱᑕᕐ 2:3

ᐊᓂᔭ ᒪᒃ ᒐ ᐃᔅᐱᔅ ᐎ ᐛᔪᐅᒡ ᐊᔭᒡ ᐅᒡ ᓂᑐᐎᔾ ᒋᔅᑯᑎᒪᒐᓱᐅᒡ, ᓂᑎᒥᒄ ᑎᐸᒋᒧᐅᓇ ᒋᑭ ᐛᐎᑎᒪᑯᐛᐅᒡ᙮ ᐊᑯᑕ ᒪᒃ ᓇᓂᑎᒻ ᐊᓂᔭ ᓂᑎᒥᒄ ᐊ ᐃᑕᒋᒧᔅᑕᑕᑯᒡ ᒐ ᐅᒋ ᐎ ᐃᑕᐱᒋᐃᑕᑯᒡ ᒐᒋ ᐅᒋ ᐅᓱᓇᔭᓂᒥᐧᑲᓱᒡ᙮ ᐊᐅᑯᓐᒡ ᒪᒃ ᐅᒡ ᓴᔅ ᐛᔅᑭᒡ ᑲ ᐊᔭᔅᑯᔅᑕᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᑭᔭ ᒧᔅ ᒋ ᒐᔅᑎᓇᒋᔅᑕᔪᐤ ᑕᓐ ᒐ ᐃᓯ ᓂᓱᐅᓇᑎᓯᒡ᙮

ᒍᑦ 1:11

ᑕᑈ ᒋᑭ ᐊᒂᒡ ᒥᒋᐱᔪᐅᒡ᙮ ᒧᔭᒻ ᐊᓂᔭ ᑲᐃᓇ ᑲ ᐃᑎᔨᒋ ᐊᐅᑯᓐ ᐊ ᐃᑎᒡ᙮ ᒋ ᐱᔅᑕᔨᒥᓱᐅᒡ ᒧᔭᒻ ᐊᓂᔭ ᐸᓚᒻ ᑲ ᐃᓯ ᒥᒋᑐᑎᒥᔨᒋ ᒐᒋ ᐃᓯ ᒥᒋᑐᑕᒡ ᒥᒄ ᓱᓇᔭᔪᐤ ᐊ ᐎ ᒪᐅᒋᑎᒪᓱᒡ᙮ ᑭᔭ ᒧᔭᒻ ᐊᓂᔭ ᑯᕋ ᑲ ᐃᓯ ᓱᒐᔨᒧᔨᒋ, ᐊᐅᑯᓐ ᐊ ᐃᓯ ᓱᒐᔨᒧᒡ᙮ ᐊᐅᑯᓐ ᒪᒃ ᐊ ᐃᓯ ᓂᓱᐅᓇᑎᓯᒡ ᑭᔭ ᐎᔨᐛᐤ᙮