ᐃᑉᕈᐛ 13:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᑭᔭ ᒥᓐ ᑯᑎᒡ ᒐᒂᓐ ᒐ ᐃᑎᑎᑯᒡ, ᒥᓯᐛ ᐊᐛᓐ ᒋᐸ ᒋᔅᑕᔨᑎᒥᐃᑯᐤ ᓂᐳᐅᓂᔪᐤ᙮ ᐊᓐ ᓇᐸᐤ ᑭᔭ ᐎᐛ ᒥᒄ ᐎᔨᐛᐤ ᒋᐸ ᐎᐸᒥᑐᐅᒡ᙮ ᓇᒪ ᒋᐸ ᐅᒋ ᐱᓯᒂᑎᓯᐅᒡ᙮ ᐛᔅ ᒋᓴᒪᓂᑐᐤ ᒐᔅᑎᓇᔅ ᒋᑭ ᑎᐸᔅᑯᓇᐤ ᐊᓂᔭ ᑲ ᐎᓂᓱᐃᑕᑎᓯᔨᒋ ᑭᔭ ᐊᓂᔭ ᑲ ᐱᓯᒂᑎᓯᔨᒋ᙮

ᐃᑉᕈᐛ 13:4 Iomraidhean Croise

ᒐᓂᓯᔅ 2:21

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐃᑐᑐᐛᑦ ᓇᐸᐛ ᒐᒋ ᒥᔪᒂᒧᐎᒋ, ᒪᒂᒡ ᐅᑎᓂᐸ ᓇᐸᐤ,

ᒐᓂᓯᔅ 2:24

ᐊᐅᑯᓐ ᐛᒋ ᐃᓯᓇᒂᒡ, ᒥᓯᐛ ᓇᐸᐤ ᒐ ᓂᑭᑕᑦ ᐅᑕᐎᔭ ᑭᔭ ᐅᑲᐎᔭ ᑭᔭ ᒪᒧᐤ ᒐᒋ ᑕᑦ ᐎᐛ ᐊ ᑕᔨᒋ ᑭᔭ ᒂ ᐃᓯᓇᑯᓯᒡ ᒧᔭᒻ ᐸᐃᒄ ᐊᐛᓐ᙮

1 ᑯᕆᓐᑎᔭᓇ 5:13

ᒋᓴᒪᓂᑐᐤ ᐊᐅᒄ ᑕᐸᔅᑯᓇᑦ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐃᒐᓇᐧᒄ ᐊᓐ ᓇᐸᐤ ᑲ ᒥᒐᑎᓯᑦ ᐊᓐᑕ ᐊ ᑕᔭᒄ ᐊ ᑕᑦ᙮”

1 ᑯᕆᓐᑎᔭᓇ 6:18

ᒋᑎᓯᒧᑎᒥᒄ ᐎᓂᓱᐤ ᐱᒪᑎᓯᐅᓐ᙮ ᑯᑎᑲ ᒥᒋᑐᑎᒧᐅᓇ ᓇᒪ ᐎᔭᔅᑐᑕᒐᒥᑭᓇ ᒥᔭᒡ᙮ ᐎᓂᓱᐅᓂᒡ ᐊ ᐃᓯ ᐱᒪᑎᓯᑦ ᐊᐛᓐ ᐎᔾ ᑎᐱᔨᐛ ᐎᔪᐤ ᐅᓂᑐᑎᒻ᙮

1 ᑯᕆᓐᑎᔭᓇ 6:9

ᐊᑲᐎᔾ ᐎᔭᓯᐃᓱᒄ᙮ ᒋ ᒋᔅᒐᔨᑕᓇᐛᒐ ᐊᓐᒡ ᐊᐛᓐᒋ ᑲ ᒥᒐᑎᓯᒡ ᓇᒪ ᒋᑭ ᐅᒋ ᒥᔨᑯᐅᒡ ᒋᓴᒪᓂᑐᐛ ᐊᓐᑕ ᐅᒋᓴᐅᒋᒪᐅᓂᔨᒡ ᒐᒋ ᑕᒡ᙮ ᒪᒃ ᐊᓐᒡ ᐊᐛᓐᒋ ᒥᓯᐛ ᐎᓂᓱᐅᓂᒡ ᑲ ᐃᓯ ᐱᒪᑎᓯᒡ, ᑭᔭ ᒪᒃ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᒪᒃ ᐊᓐᒡ ᑲ ᐅᓂᑐᑐᐛᒡ ᐅᐎᒋᒪᑭᓄᐛᐛ ᑭᔭ ᒪᒃ ᐊᓐᒡ ᑲ ᒋᓯᐧᑯᐛᑭᓄᐎᒡ ᓇᐸᐅᒡ ᐊ ᐎᐸᒪᑭᓄᐎᒡ ᑭᔭ ᒪᒃ ᐊᓐᒡ ᓇᐸᐅᒡ ᑲ ᐎᐸᒥᑐᒡ, ᑭᔭ ᐃᔎᐅᒡ ᑲ ᐎᐸᒥᑐᒡ᙮

1 ᑯᕆᓐᑎᔭᓇ 7:38

ᓇᒪ ᒐᒂᓐ ᐃᓂᔪᐤ ᓇᐸᐤ ᐊ ᐎ ᓂᐳᐅᑦ ᒐᒋ ᓂᐳᐅᑦ, ᒥᒄ ᒪᒃ ᐃᐛᒃ ᒥᔪᐱᔪᐤ ᐊᓐ ᓇᐸᐤ ᐊᑲ ᑲ ᐎ ᓂᐳᐅᑦ᙮

1 ᑯᕆᓐᑎᔭᓇ 9:5

ᓇᒪᐎᔾ ᐊ ᒪᒃ ᓂᐸ ᒋ ᓂᐳᐅᓐ ᑭᔭ ᓂᔾ ᑭᔭ ᓂᐸ ᒋ ᐱᐸᐎᒐᐛᐤ ᓂᐅ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐊᐅᑯᓐ ᐊ ᐃᑎᒡ ᐊᓐᒡ ᑯᑎᑭᒡ ᐊᑈᔅᑕᓇᒡ ᑭᔭ ᐅᑎᐸᔨᒋᒐᐤ ᐎᐧᑲᓂᓴ ᑭᔭ ᐱᑕᕐ ᐊᐅᑯᓐ ᐊ ᐃᑎᑦ᙮

2 ᑯᕆᓐᑎᔭᓇ 5:10

ᐛᔅ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᒋᑭ ᐅᑎᔅᑯᑲᐳᔅᑐᐛᓄᐤ ᙭ ᐊᓐᑕ ᐊ ᐱᑦ ᒐᒋ ᑎᐸᔅᑯᓂᑕᐧᒄ ᐊᑯ ᒪᒃ ᒥᓯᐛ ᐸᐸᐃᒄ ᒐ ᒥᔨᑕᐧᒄ ᑕᓐ ᐊᓐ ᐊ ᐃᑕᔨᑕᒂᒡ ᒐᒋ ᒥᔨᑯᐛᐅᐧᑯᐱᓇ ᒥᒄ ᑕᓐ ᑲ ᐃᑐᐛᐛᒂ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᔭᐧᒄ, ᑲ ᒥᔪ ᐃᑐᐛᐛᒂ ᑭᔭ ᒪᒃ ᐊᑲ ᐅᒋ ᒥᔪ ᐃᑐᐛᐛᒂ᙮

ᑲᓚᓯᔭᓇ 5:19

ᐱᔭᑭᔅᒡ ᓂᔅᑐᓇᑯᓂᔪᐤ ᑕᓐ ᐊ ᐃᑎᑦ ᐊᐛᓐ ᓂᑎᒥᒄ ᑲ ᐎ ᐃᓯ ᓂᓇᐊᔨᑎᒥᐃᓱᑦ᙮ ᒥᔽᔨᑎᒻ ᐊ ᐱᓯᒂᑎᓯᑦ, ᐊ ᐎᓂᓱᐤ ᐃᑎᑦ, ᐊ ᐎᓂᓱᐤ ᐱᒪᑎᓯᑦ, ᐊ ᐎᓂᓱᐤ ᒪᒥᑐᓇᔨᑕᐧᒃ,

ᑲᓚᓯᔭᓇ 5:21

ᐎᒋ ᒧᔅᑕᓇᔨᑎᒧᒡ, ᒧᔅ ᒋᔎᐸᐅᒡ, ᑭᔭ ᒪᒧᐎᑐᐅᒡ ᒐᒋ ᐎᓂᓱᐤ ᐃᑐᑕᑐᒡ, ᑭᔭ ᓇᔅᒡ ᓇᒪ ᒋ ᒥᒪᔅᑎᓂᒧᒡ ᒐ ᐃᓯ ᒪᒥᒋᑐᑕᒡ᙮ ᓴᔅ ᔅᒋ ᐃᔭᒂᒥᑎᓇᐛᐤ ᒥᓐ ᒪᒃ ᒋᑭ ᐃᔭᒂᐃᑎᓇᐛᐤ ᐊᓐᒡ ᐅᔭ ᑲ ᐃᓯ ᐱᒪᑎᓯᒡ ᓇᒪ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᒋᑭ ᐅᒋ ᐃᓯ ᑎᐸᔨᑕᑯᓱᐅᒡ᙮

ᐃᐱᓯᔭᓇ 5:5

ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐊᓐ ᐊᐛᓐ ᐎᓂᓱᐅᓂᒡ ᑲ ᐃᓯ ᐱᒪᑎᓯᑦ ᑭᔭ ᓂᑎᒥᒄ ᑲ ᐊᐃᑎᑦ ᑭᔭ ᒧᔅ ᑲ ᒧᔅᑕᓇᔨᑕᐧᒃ ᒐᒂᔪᐤ ᒐᒋ ᐊᔭᑦ ᓇᒪ ᒋᑭ ᒋ ᐎᒋᐃᐛᐤ ᒋᓴᒪᓂᑐᐛ ᑭᔭ ᙭ᑕ ᐅᒋᒪᐅᓂᔨᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒧᔭᒻ ᒥᓂᑐᐧᑲᓇ ᐊ ᐊᔭᒥᐊᔅᑐᐛᑦ ᐃᓯᓇᑯᓂᔪᐤ ᐅᔭ ᐊ ᐃᑎᑦ᙮

1 ᑕᓴᓗᓂᔭᓇ 4:6

ᐊᑲᐎᔾ ᒪᒃ ᐊᐛᓐ ᐅᔭ ᒋᑭ ᐅᒋ ᐎ ᐃᓯ ᐅᓂᑐᑐᐛᐤ ᐎᐧᑲᓂᓴ᙮ ᔅᒋ ᐎᑎᒪᑎᓇᓐ ᓱᒃ ᐊᒋ ᐃᔭᒂᒥᑕᒡ ᐅᑎᐸᔨᒋᒐᐤ ᒐ ᐛᐛᓯᐊᑦ ᒥᓯᐛ ᐊᐛᔪᐛ ᐅᔭ ᑲ ᐃᓯ ᐅᓂᑐᑎᒥᔨᒋ᙮

1 ᑎᒧᑎ 3:12

ᑭᔭ ᐊᓐ ᑲ ᐎᒋᐃᐛᑦ ᐊᔭᒥᐊᐅᒋᐛᐱᒡ ᒋᐸ ᐸᐃᑯᐊᐤ ᐎᐛ ᓇᐳᐅᒂ ᑭᔭ ᔭᐃᑕᔾ ᒋᐸ ᒥᔪ ᓂᑕᐅᒋᓇᐤ ᐅᑦ ᐊᐛᓯᒪ ᑭᔭ ᒋᐸ ᒥᔪ ᓂᓇᑭᑐᐛᔨᑎᒥᐃᑯᐤ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ᙮

1 ᑎᒧᑎ 3:2

ᐊᓐ ᒪᒃ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ᐱᒪᑎᓯᑦ, ᑭᔭ ᒐᒋ ᒥᔪ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ᙮ ᐊᓐ ᐊᐛᓐ ᑲ ᒥᔽᔨᑕᐧᒃ ᒪᓐᑕᐛ ᐊ ᐱᑎᑲᐊᑦ ᐊᐅᑯᓐ ᒋᐸ ᐃᑕᔨᑕᑯᓱᐤ᙮ ᒋᐸ ᑭᔅᒋᐤ ᑭᔭ ᐊ ᒋᔅᑯᑎᒪᒐᑦ᙮

1 ᑎᒧᑎ 3:4

ᓂᑐᐛᔨᑕᑯᓱᐤ ᑭᔭ ᐅ ᐊᐛᓐ ᒐᒋ ᒥᔪ ᓂᓇᑭᑐᐛᔨᑕᐧᒃ ᐊᓐᑕ ᐊ ᐸᐃᑯᔅᑲᓇᓯᑦ ᑭᔭ ᒋᐸ ᐃᑐᑐᐛᐤ ᐅᑦ ᐊᐛᓯᒪ ᒐᒋ ᓂᓇᐃᑕᑯᑦ ᐊ ᒋᔅᑕᔨᒥᑯᑦ᙮

1 ᑎᒧᑎ 4:3

ᒋᑭ ᐎ ᒋᑕᐊᒪᒐᐅᒡ ᒐᒋ ᓂᐳᐅᓇᓄᐎᒡ᙮ ᑭᔭ ᒋᑭ ᑎᑯᓂᔪᐤ ᒥᒋᒥᔪᐤ ᐊ ᐎ ᒋᑕᐊᒪᒐᒡ ᒐᒋ ᒥᒋᓇᓄᐎᒡ᙮ ᒋᓴᒪᓂᑐᐤ ᒪᒃ ᒋ ᐅᓯᑕᐤ ᐅᔭ ᒥᒋᒥᔪᐤ ᒐᒋ ᒥᒋᔨᒋ ᐊ ᓂᓇᔅᑯᒧᔨᒋ ᐊᓂᔭ ᑲ ᑕᑈᑎᒥᔨᒋ ᑭᔭ ᑲ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

1 ᑎᒧᑎ 5:14

ᐅᔅᑕ ᒪᒃ ᒥᔽᔪᐤ ᐊᑯᔅ ᒥᓐ ᒐᒋ ᓂᐳᐅᒡ ᐅᒡ ᐃᔎᐅᒡ ᑲ ᐸᐃᑯᓯᒡ ᐊᔅᒄ ᑲ ᐅᔅᒋᐱᒪᑎᓯᒡ, ᑭᔭ ᒐᒋ ᐊᑎ ᐊᔭᐛᒡ ᐊᐛᓴ ᑭᔭ ᒐᒋ ᒥᔪ ᓂᓇᑭᑐᐛᔨᑕᒡ ᐎᒋᐛᐛ᙮ ᐅᔭ ᒪᒃ ᐃᑐᑕᒂᐛ ᓇᒪ ᓂᑎᒥᒄ ᒋᑭ ᐅᒋ ᐃᓯ ᐃᔭᔨᒺᐧᑲᑕᑯᐅᒡ ᐊᐛᔪᐛ᙮

ᑕᐃᑕᔅ 1:6

ᒋᐸ ᒥᔪ ᐊᔨᒧᒪᑭᓄᐤ, ᒋᐸ ᐸᐃᑯᐊᐤ ᐎᐛ, ᑭᔭ ᐅᑦ ᐊᐛᓯᒪ ᒋᐸ ᑕᑈᔭᔨᒪᔪᐛ ᒋᓴᓴ᙮ ᓇᒪ ᒋᐸ ᐅᒋ ᐊᒂᑕᔨᑕᑯᓯᔪᐛ, ᒋᐸ ᒥᔪ ᐱᓯᒋᑎᒥᔪᐛ᙮

ᐃᑉᕈᐛ 12:16

ᑭᔭ ᐃᔭᒂᒥᒄ ᐊᑲ ᐛᐛᒡ ᐸᐃᒄ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔭᒄ ᒪᒃ ᒐᒋ ᐃᓯᓇᑯᓯᔭᒄ ᐊᑲ ᐊᐱᑕᔨᒪᒄ ᒋᓴᒪᓂᑐᐤ ᒧᔭᒻ ᐊᓂᔭ ᐃᓴᐅ ᑲ ᐃᑎᑦ᙮ ᒋ ᐱᔅᑎᓂᒻ ᐊᓂᔭ ᑕᓐ ᐊᔅᒄ ᒋᐸ ᐊᓱᐤ ᒥᔭᑭᓄᐤ ᐎᔾ ᐊ ᐅᔅᑕᓯᒪᐅᑦ, ᐊᑯ ᐸᐃᒄ ᐎᔭᑭᓐ ᒥᒋᒥᔪᐤ ᐃᔭᐱᒡ ᒂ ᐅᑎᓇᐧᒃ᙮

ᒋᔅᒐᔨᑕᑯᑕᒐᐅᓐ 22:15

ᐊᓐᒡ ᒪᒃ ᑲ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐅᒡ, ᐊᓐᒡ ᐎᓂᓱᐅᓂᒡ ᑲ ᐃᓯ ᐱᒥᐧᑯᐛᒡ ᐊᐛᔪᐛ, ᐊᓐᒡ ᑲ ᓂᐸᐃᐛᒡ ᑭᔭ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᓇᒪ ᒋᑭ ᒋ ᐱᒐᐅᒡ ᐊᓂᔭᔪᐤ ᐅᑕᓇᔪᐤ᙮