ᐃᑉᕈᐛ 12:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒪᒥᑐᓇᔨᒪᐧᒄ ᒪ ᒋᓴᔅ ᑕᓐ ᑲ ᐃᔅᐱᔅ ᒋ ᓂᓇᐧᑲᑕᔨᒧᑦ᙮ ᒋ ᐛᐧᑲᑎᑯᐤ ᐊᓂᔭ ᑲ ᒥᒐᑎᓯᔨᒋ᙮ ᒪᒥᑐᓇᔨᒪᐧᒄ ᒋᓴᔅ ᑭᔭ ᒐ ᓱᒋᑲᐳᐅᔭᒄ, ᓇᒪ ᒋᑭ ᐅᒋ ᐎ ᓄᑎᐳᓂᓇᐛᐤ ᐊ ᑕᑈᑎᒪᒄ᙮

ᐃᑉᕈᐛ 12:3 Iomraidhean Croise

ᒪᑎᔪᐤ 11:19

ᐊᑯ ᒪᒃ ᐃᔪᐤ ᐅᑯᓯᓴᓐ ᒋ ᒥᒋᓱᐤ ᑭᔭ ᒋ ᒥᓄᐤ, ᒋ ᐃᔅᒋᔄᔪᐛ ᒪᒃ ᐊᐛᔪᐛ, ‘ᑭᓄᐛᐱᒪᐧᒄ ᒪ ᐅ ᓇᐸᐤ, ᑕᑈ ᒥᔅᑎ ᒥᒋᓱᐤ ᑭᔭ ᑕᑈ ᐎᒋᐸᐤ, ᐊ ᐅᐎᒐᐛᑭᓂᑦ ᐅᒥᒐᑎᓯᐛ, ᑭᔭ ᐊᓂᔭᔪᐛ ᓂᑎᒥᒄ ᑲ ᐃᑎᔨᒋ ᑲ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ᙮’ ᒥᒄ ᒪᒃ ᑕᓐ ᐊ ᐃᓯ ᐱᒪᑎᓯᑦ ᐊᐛᓐ ᐊᑯᑕ ᐊ ᓄᑯᓂᔨᒡ ᑕᓐ ᐊ ᐃᓯ ᑭᒐᑕᐛᔨᑕᐧᒃ᙮”

ᒪᑎᔪᐤ 12:24

ᒥᒄ ᒪᒃ ᐃᔅᐱ ᑲ ᐸᑐᐛᒡ ᐊᓐᒡ ᐸᕆᓯᔨᒡ ᐊᓂᔭ ᐊ ᐃᔅᒋᔄᔨᒋ, ᒋ ᐃᑕᐅᒡ, “ᐸᐃᓪᓯᐳᓪ, ᐊᓂᔭ ᒥᒋ ᐊᒐᐧᑯᒡ ᐅᒋᒪᒧᐛᐛ ᐊᔪᑯᓐ ᐊᓂᔭ ᑲ ᒥᔨᑯᑦ ᒥᑕᐅᓂᔪᐤ ᒐᒋ ᐎᐎᑎᓴᐛᔨᒋ ᒥᒋ ᐊᒐᒂ᙮”

ᒪᑎᔪᐤ 15:2

“ᑕᓐ ᐊ ᐃᑎᒡ ᐊᓐᒡ ᒋᒋᔅᒋᓄᐊᒧᐛᑭᓐᒡ ᐛᒋ ᐊᑲ ᓂᓇᐃᑕᒡ ᐊᓂᔭ ᐃᑐᐅᓂᔪᐤ ᐊᓂᔭᐧᑲ ᒍᑕᐎᓄᐅᒡ ᑲ ᐊᓱᐤ ᒥᔨᑕᐧᑯᒡ ? ᐛᔅ ᓇᒪ ᐃᑐᑎᒧᒡ ᐎᔨᐛᐤ ᒐᒋ ᒋᔅᑕᐸᐅᑕᒡ ᐅᑎᒋᐛᐛ ᐊᔅᒄ ᐊ ᐊᑲ ᒥᒋᓱᒡ᙮”

ᒪᑎᔪᐤ 21:23

ᐃᔅᐱ ᒪᒃ ᒋᓴᔅ ᑲ ᐱᒐᑦ ᐊᓂᔭ ᒍᐤ ᒋᓴᐊᔭᒥᐊᐅᒋᐛᐱᔪᐤ, ᒪᒂᒡ ᒪᒃ ᐊ ᒋᔅᑯᑎᒪᒐᑦ, ᒋ ᐸᒋ ᓇᑎᑯᐤ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᑭᔭ ᒋ ᐃᑎᑯᐤ, “ᐊᐛᓐ ᑲ ᒥᔨᔅᒃ ᒐᒋ ᐃᑐᑎᒥᓐ ᐅ ? ᐊᐛᓐ ᑲ ᐃᑎᓱᒥᔅᒃ ᐅᔭ ᒐᒋ ᐃᑐᑎᒧᑦ ?”

ᒪᑎᔪᐤ 21:46

ᒋ ᐎ ᒪᑯᓇᐅᒡ ᒪᒃ ᐊᓂᔭ ᒋᓴᓴ, ᒥᒄ ᒋ ᑯᔅᑕᐅᒡ ᐊᓂᔭ ᐃᔪᐛ ᑕᓐ ᒐ ᐃᑎᔨᒋ ᐛᔅ ᐊᓐᒡ ᐃᔪᒡ ᓇᔅᒡ ᒋ ᒐᔅᑎᓇᑕᔨᑎᒧᒡ ᒋᓴᓴ ᐊ ᒋᔅᒋᐛᐃᒐᓯᐅᔨᒋ᙮

ᒪᑎᔪᐤ 22:15

ᐊᑯ ᒂ ᔅᑐᑕᒡ ᐊᓐᒡ ᐸᕆᓯᔨᒡ, ᒋ ᐃᔨᒥᑐᐅᒡ ᑕᓐᑕ ᒐᒋ ᐅᒋ ᐎᔭᓴᐊᒡ ᒋᓴᓴ ᐊ ᑯᒂᒋᒪᒡ ᒐᒂᔪᐤ᙮

ᓗᒃ 14:1

ᐸᐃᒂᐤ ᒪᒃ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋᓴᔅ ᒋ ᐃᑐᑕᐤ ᒐᒋ ᒥᒋᓱᐛᑦ ᐊᓐᑕ ᐎᒋᔨᒡ ᐊᓂᔭ ᐸᐃᒄ ᑲ ᓂᑲᓇᔨᑕᑯᓯᔨᒋ ᐸᕆᓯᐊ᙮ ᐊᑯ ᒪᒃ ᒋ ᑕᐅᒡ ᐊᓐᑕ ᐃᔪᒡ ᓇᔅᒡ ᐊ ᓂᓇᑭᑐᐛᔨᒪᒡ ᒋᓴᓴ ᒐ ᐃᑎᒂᓂ᙮

ᓗᒃ 15:2

ᐸᕆᓯᔨᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᐊᔨᒧᒪᐅᒡ ᒋᓴᓴ ᐊ ᐃᔅᒋᔄᒡ, “ᐅ ᓇᐸᐤ ᐎᒐᐛᑭᓂᑐᐛᐤ ᐊᓂᔭ ᑲ ᒥᒐᑎᓯᔨᒋ ᑭᔭ ᐎᒋ ᒥᒋᓱᒪᐤ᙮”

ᓗᒃ 16:14

ᐃᔅᐱ ᒪᒃ ᐸᕆᓯᔨᒡ ᐱᔭᑕᒡ ᐅᔭᔪᐤ ᒋ ᒪᔭᔨᒪᐅᒡ ᒋᓴᓴ, ᐛᔅ ᒋ ᓴᒋᑕᐅᒡ ᓱᓇᔭᔪᐤ᙮

ᓗᒃ 2:34

ᐊᑯ ᐊᓐ ᒋᓴᐃᔪᐤ ᓯᒥᐅᓐ ᒥᓯᐛ ᑲ ᓱᐛᔨᒪᑦ, ᐊᑯ ᒂ ᐃᑕᑦ ᐊᓂᔭ ᒪᕆᔨᒋ, ᒋᓴᓴ ᐅᑲᐎᔪᐛ, “ᐅ ᐊᐛᔅ ᒋ ᐅᑎᓂᑯᐤ ᒋᓴᒪᓂᑐᐛ, ᒋᑭ ᐃᑐᑐᐛᐤ ᐊᓂᔭ ᐃᔅᕋᐃᓪ ᐃᔪᐛ ᒐᒋ ᐸᒋᓯᓂᔨᒋ, ᐊᑯ ᐊᓂᔭᔪᐛ ᑲ ᑕᑈᔭᔨᒥᑯᑦ ᒋᑭ ᐅᐱᑲᐳᐛᐤ᙮ ᐅ ᐊᐛᔅ ᒋᑭ ᐛᐸᑎᔨᐛᐤ ᒋᓴᒪᓂᑐᐛ ᐅᐱᒪᒋᐃᑯᓯᐅᓂᔪᐤ, ᒥᒄ ᒪᒃ ᒥᒐᑦ ᐊᐛᔪᐛ ᒋᑭ ᓂᔅᑯᔅᑕᑯᐤ᙮

ᓗᒃ 5:21

ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒂ ᐊᑎ ᐊᔨᒧᑎᒺᒡ ᐅᔭ ᑲ ᐃᔅᒋᔄᔨᒋ ᐊ ᐃᔅᒋᔄᒡ᙮ “ᐸᔅᑕᒧᐤ ᐅ ᓇᐸᐤ ᐊ ᐃᔅᒋᔄᑦ, ‘ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮’ ᓇᒪ ᐊᐛᓐ ᒋᑭ ᒋ ᐛᐸᔨᑎᒧᐛᐤ ᐊᐛᔪᐛ ᐅᒥᒋᑥᐅᓂᔪᐛ, ᒥᒄ ᒋᓴᒪᓂᑐᐤ᙮”

ᒠᓐ 10:20

ᒥᒐᑦ ᒪᒃ ᐊᓐᒡ ᒍᐤ ᐃᔪᒡ ᒋ ᐃᑕᐅᒡ, “ᒥᒋ ᐊᒐᒂ ᐱᒋᔅᑲᑯᐤ᙮ ᒋᔎᐤ᙮ ᒐᒂᓐ ᐛᒋ ᓂᑐᑐᐛᒄ ?”

ᒠᓐ 18:22

ᐃᔅᐱ ᒪᒃ ᒋᓴᔅ ᑲ ᐃᔅᒋᔄᑦ ᐅᔭ, ᐸᐃᒄ ᐊᓂᔭ ᑲᒪᑯᓄᐛᓯᔨᒋ ᒋ ᐅᑕᒥᒂᐅᑯᐤ ᐊ ᐃᑎᑯᑦ, “ᓇᒪᐎᔾ ᐊ ᒋᑭ ᒋ ᐃᓯ ᐃᔨᒪᐊᐤ ᒋᓴᐊᔭᒥᐊᐅᒋᒪᐤ ?”

ᒠᓐ 5:16

ᐊᓐᒡ ᒪᒃ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᐊᑯᑕ ᒂ ᐅᒋ ᒋᒋᐱᔨᒡ ᐊ ᒪᔭᔨᒪᒡ ᒋᓴᓴ ᐊᓂᔭ ᐅᒋ ᐊᒋ ᒥᓏᒋᐊᔨᒋ ᐊᓂᔭ ᓇᐸᐛ ᐊ ᒍᐤ ᐊᔭᒥᐊᐅᒋᓯᑲᔨᒡ᙮

ᒠᓐ 7:12

ᒥᒐᑦ ᒪᒃ ᐊᐛᔪᐛ ᒋ ᐊᔨᒧᒥᑯᐤ ᐊᓐᑕ ᑲ ᑕᔨᒋ᙮ ᐱᔅᒐ ᐊ ᐃᔅᒋᔄᔨᒋ, “ᓇᔅᒡ ᑕᑈ ᒥᔽᔨᑕᑯᓱᐤ ᐅ ᓇᐸᐤ᙮” ᐊᑯ ᑯᑎᑲ ᐊ ᐃᔅᒋᔄᔨᒋ, “ᓇᒪ ᒥᔽᔨᑕᑯᓱᐤ, ᐎᔭᓯᒪᐤ ᐊᐛᔪᐛ᙮”

ᒠᓐ 8:13

ᐊᑯ ᐊᓐᒡ ᐸᕆᓯᔨᒡ ᒂ ᐃᑕᒡ, “ᒥᒄ ᒋᔾ ᒋ ᑎᐸᒋᒥᑎᓱᓐ, ᓇᒪ ᑕᑈᒥᑭᓐ ᐊᓐ ᑲ ᐃᔅᒋᔄᔨᓐ᙮”

ᒠᓐ 8:52

ᐊᑯ ᐊᓂᔭᔪᐛ ᒍᐤ ᐃᔪᐛ ᑲ ᐃᑎᑯᑦ, “ᑭᔭ ᒋᔭᔅᑎᓇᐅᔭᒡ, ᑕᑈ ᐊ ᐱᒋᔅᑲᔅᒃ ᒥᒋ ᐊᒐᐧᒄ᙮ ᐊᑉᕋᐊᒻ ᒋ ᓂᐳᐤ ᒪᒃ ᐊᓐᒡ ᐅᒋᔅᒋᐛᐃᒐᓱᒡ ᒋ ᓂᐳᐅᒡ᙮ ᒋᔾ ᒪᒃ ᐊ ᐃᔅᒋᔄᔨᓐ ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮

ᒠᓐ 8:59

ᐊᑯ ᑲ ᒪᒧᓴᒋᓇᒡ ᐊᓯᓂᔭ ᒐ ᐸᐱᒧᓯᓇᑕᐛᒡ᙮ ᒥᒄ ᒪᒃ ᒋᓴᔅ ᒋ ᑲᓱᔅᑐᐛᐤ ᐊᑯ ᑲ ᐎᐎᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮

ᒠᓐ 9:40

ᐱᔅᒐ ᒪᒃ ᐊᓐᒡ ᐸᕆᓯᔨᒡ ᒋ ᑕᐅᒡ ᐊᓐᑕ ᑭᔭ ᒋ ᐸᑐᐛᐅᒡ ᐊᓂᔭ ᑲ ᐃᔅᒋᔄᔨᒋ ᐊᑯ ᑲ ᑯᒂᒋᒪᒡ ᐊ ᐃᑕᒡ, “ᒋᑦ ᐃᔅᒋᔄᓐ ᐊ ᑭᔭ ᓂᔭᓐ ᐊᑲ ᐛᐸᑎᒪᒡ ?”

1 ᑯᕆᓐᑎᔭᓇ 15:58

ᐊᐅᒄ ᒪᒃ ᐅ ᐛᒋ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 4:1

ᓇᔅᒡ ᑕᑈ ᓂᒋ ᓱᐛᔨᒥᑯᓇᓐ ᒋᓴᒪᓂᑐᐤ ᐅᔭ ᐊᑐᔅᒐᐅᓂᔪᐤ ᐊᒋ ᒥᔨᒥᑦ᙮ ᐊᐅᒄ ᒪᒃ ᐛᒋ ᐊᑲ ᐎ ᐳᓂᔭᒡ᙮

2 ᑯᕆᓐᑎᔭᓇ 4:16

ᐊᐅᑯᓐ ᒪᒃ ᐛᒋ ᐊᑲ ᓂᑕ ᐎ ᐳᓂᔭᒡ᙮ ᐊ ᐊᑎ ᐅᑕ ᐅᔅᒡ ᒋᔪᓇᒡ ᐊᔭᔅᒃ ᐊ ᐊᑎ ᓂᓱᐅᓇᑎᓯᔭᐧᒄ, ᐊᓯᑯᒻ ᒋᓯᑲᐛ ᒥᔅᑯᐊᑭᓄᐅᒡ ᒋᑦ ᐊᒐᐧᑯᓄᐅᒡ᙮

ᑲᓚᓯᔭᓇ 6:9

ᐊᑲᐎᔾ ᒋᑭ ᐅᒋ ᑕᔅᑎᑲᒋᓇᓄᐤ ᐊ ᒥᔪᑐᑎᒪᐧᒄ᙮ ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᒥᔨᑯᐅᔭᐧᒄ ᒋᑎᐸᐊᒪᑯᓯᐅᓄᐛ ᐊᑲ ᐳᓂᔭᒂ ᐊ ᒥᔪᑐᑎᒪᐧᒄ᙮

2 ᑕᓴᓗᓂᔭᓇ 3:13

ᒥᓯᐛ ᓂᐧᑲᓂᓯᑐᒄ ᒋᑦ ᐃᑎᓇᐛᐤ, ᐊᑲᐎᔾ ᐱᒋᔅᑲᒋᒄ ᐊ ᒥᔪᑐᑎᒪᒄ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 12:5

ᔅᒋ ᐅᓂᒋᔅᒋᓯᓇᐛᐤ ᐊ ᑕᓐ ᑲ ᐃᑎᑕᒄ ᒋᓴᒪᓂᑐᐤ ? ᔅᒋ ᐎ ᓯᒋᒥᑯᐛᐤ, ᒋᔨᐛᐤ ᑎᐱᔨᐛ ᐅᑦ ᐊᐛᓯᒪ᙮ ᒋ ᐃᔅᒋᔄᐤ, “ᓂᑯᓴ, ᐃᔅᐱ ᐅᑎᐸᔨᒋᒐᐤ ᐊ ᑯᐃᔅᑯᓂᔅᒃ ᓱᒃ ᐃᔭᒂ ᐃᓯ ᐅᑎᓇ᙮ ᐊᑲᐎᔾ ᐃᑕᔨᑕ ᐃᔅᐱ ᐊ ᐎ ᑯᐃᔅᑯᓂᔅᒃ᙮

ᐃᑉᕈᐛ 3:1

ᓂᐧᑲᓂᓯᑐᒄ ᑲ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ᑕᑈᑎᒪᐧᒄ᙮

1 ᐱᑕᕐ 2:23

ᑲ ᒪᔭᔨᒪᑭᓄᐅᑦ ᓇᒪ ᔭᐃᑕᔾ ᐅᒋ ᒪᔭᔨᒐᐤ ᑕᓐ ᑲ ᐃᓯ ᒪᔭᔨᒪᑭᓄᐅᑦ᙮ ᑲ ᓂᓇᐧᑲᒋᐊᑭᓄᐅᑦ ᓇᒪ ᐅᒋ ᐎ ᓯᓴᒋᒧᐛᐤ ᐊ ᐊᔨᒧᑕᐧᒃ ᑕᓐ ᒐᒋ ᐃᓯ ᐃᔪᐛᐃᔨᒧᑦ᙮ ᐅᔅᑕ ᓇᔅᒡ ᒋ ᐊᔅᐸᔨᒧᑐᑕᐛᐤ ᐊᓂᔭ ᑲ ᒐᔅᑎᓇᑕᔨᑕᑯᓯᔨᒋ ᒐᔅᑎᓇᔅ ᑯᐃᔅᒄ ᒐ ᐃᓯ ᑎᐸᔅᑯᓂᒐᔨᒋ᙮

ᒋᔅᒐᔨᑕᑯᑕᒐᐅᓐ 2:3

ᒧᔅ ᔅᒋ ᓯᐱᔪᐛᓯᓇᐛᐤ ᐊ ᓂᒋᔅᑭᒪᒄ ᒐᒂᓐ᙮ ᔅᒋ ᐊᔨᒥᐅᓇᐛᐤ ᑭᔭ ᐊ ᓇᓴᐅᔭᒄ᙮ ᓇᒪ ᒪᒃ ᒋ ᐅᒋ ᓄᑎᐳᓂᓇᐛᐤ ᐊ ᑕᑈᑎᒪᒄ᙮