ᐃᑉᕈᐛ 11:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐛᔅᑭᒡ ᐊᓐᑕ, ᓇᐸᐤ ᐊᐳᓪ ᐊᒋ ᐃᓯᓂᐧᑲᓱᑦ ᒋ ᑕᑈᔭᔨᒪᐤ ᒋᓴᒪᓂᑐᐛ ᐊᓂᔭ ᒪᒃ ᐅᒋ ᒋ ᒥᑐᔅᑕᐊᒪᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᓇᔅᒡ ᒪᒃ ᒋ ᓇᐊᔨᑎᒥᐊᐤ ᒋᓴᒪᓂᑐᐛ᙮ ᐊᓂᔭ ᐅᔅᑕᓴ ᑲᐃᓐ ᑭᔭ ᐎᔾ ᒋ ᒥᑐᔅᑕᐊᒪᔪᐛ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᐊᓂᔭ ᐊᐳᓪ ᑕᓐ ᑲ ᐃᓯ ᑕᑈᔭᔨᒪᑦ ᒋᓴᒪᓂᑐᐛ ᐊᔪᐅᒄ ᐊᓂᔭ ᑲ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒪᒃ ᐅᔭ ᐛᒋ ᐃᑕᑭᓄᐅᑦ ᐊᐳᓪ ᐊᒋ ᑯᐃᔅᑯᑕᑎᓯᑦ᙮ ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᓇᔅᒡ ᐊᒋ ᓇᐊᔨᒥᑯᑦ ᐛᔅ ᒋ ᐅᑎᓂᒺᐤ ᑕᓐ ᑲ ᐃᓯ ᒥᑐᔅᑕᐊᒪᔨᒋ᙮ ᐊᑯ ᒪᒃ ᐊᓄᒡ, ᐊᑎ ᓴᔅ ᐊᒋ ᓂᐱᑦ ᐊᐳᓪ, ᒋ ᒋᔅᑯᑎᒪᑯᓇᓄᐤ ᒐᒋ ᑕᑈᔭᔨᒪᐧᒄ ᒋᓴᒪᓂᑐᐤ ᐊ ᒪᒥᑐᓇᔨᑎᒪᐧᒄ ᑕᓐ ᑲ ᐃᓯ ᑕᑈᑕᐧᒃ ᐎᔾ ᐊᐳᓪ᙮

ᐃᑉᕈᐛ 11:4 Iomraidhean Croise

ᒐᓂᓯᔅ 4:10

ᐊᑯ ᑎᐸᔨᒋᒐᓱᐤ ᐊᑕᑦ, “ᓂ ᐛᐸᑕᓐ ᑲ ᐃᓯ ᓂᐸᐃᑦ ᒋᓯᒻ᙮ ᒧᔭᒻ ᐊ ᑕᑈᑎᑯᐅᒡ ᐅᒥᐧᒄ ᐊ ᐃᑎᑯᒡ ᒐᒋ ᐊᓏᔨᒥᒋ ᐊᐛᔪᐛ ᑲ ᓂᐸᐃᑯᑦ᙮

ᒐᓂᓯᔅ 4:15

ᑎᐸᔨᒋᒐᓱᐤ ᐃᑕᐤ, “ᓇᒪ, ᓂᐸᐃᔅᒐ ᐊᐛᓐ, ᓂᔄᐅᑕᒡ ᑕᑥᐤ ᐊᔨᒥᓂᔨᒡ ᓂᑭ ᐊᓏᔨᒪᐤ ᑲ ᐃᔅᐱᔅ ᐊᓏᔨᒥᑕᓐ᙮” ᑎᐸᔨᒋᒐᓱᐤ ᒂ ᒥᓯᓇᐛᑦ ᑲᐃᓇ, ᒐ ᐊᑲ ᐊᐛᓐ ᓂᐸᐊᑦ ᓂᒋᔅᑯᐛᒐ᙮

ᒐᓂᓯᔅ 4:25

ᐊᑕᒻ ᒥᓐ ᒋ ᐎᐸᒪᐤ ᐎᐛ ᑭᔭ ᒋ ᐊᓱᐛᐱᒪᐅᓱᔪᐛ, ᒋ ᐅᑯᓱᐤ ᑭᔭ ᓴᑦ ᒋ ᐃᓯᓂᐧᑲᑕᐤ (ᒥᔨᐛᐅᓐ ᐊ ᐃᑥᒥᑲᒡ) ᐛᔅ ᐃᔅᒋᔄᐤ, “ᒋᓴᒪᓂᑐᐤ ᓂᒋ ᒥᔨᒄ ᑯᑎᑲ ᐊᐛᓴ, ᒐᒋ ᒥᔅᑯᑎᔅᑯᐛᑦ ᐊᐳᓚ, ᑲᐃᓐ ᑲ ᓂᐸᐊᑦ᙮”

ᒐᓂᓯᔅ 4:8

ᑲᐃᓐ ᒂ ᐃᑕᑦ ᐊᐳᓚ, “ᐊᔅᑎᒻ ᐃᑐᑕᑕᐤ ᓄᒋᒥᒡ᙮” ᑲᒋ ᑕᒡ ᒪᒃ ᐊᓐᑕ ᓄᒋᒥᒡ, ᓯᔅᒋᑯᒡ ᐛᑕᒪᐛᑦ ᑲᐃᓐ ᐅᓯᒪ ᑭᔭ ᒂ ᓂᐸᐊᑦ᙮

ᒪᑎᔪᐤ 23:35

ᒋᔨᐛᐤ ᒪᒃ ᒋᑭ ᐊᓂᔅᒐ ᒪᑎᑯᔅᑲᑯᓇᐛᐤ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐊᓐᒡ ᑲ ᓂᐸᐊᒡ ᒥᓯᐛ ᐊᓂᔭ ᑲ ᑯᐃᔅᑯᑕᑎᓯᔨᒋ ᐊᐛᔪᐛ, ᐊᐳᓪ ᐊ ᑕᑦ ᐅᒋ ᐊᓐᑕ ᒪᒃ ᐃᔅ ᓴᑲᕋᔭ, ᐸᕋᑲᔭ ᐅᑯᓴ᙮ ᓴᑲᕋᔭ ᒪᒃ ᑎᔅᑐᐎᒡ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒪᒃ ᒪᐅᒡ ᐊ ᐸᔭᒐᔨᑕᒂᒡ ᒋᓴᐊᔭᒥᐊᐅᒋᐛᑉ ᐊᑯᑕ ᑲ ᓂᐸᐊᑭᓄᐅᑦ᙮

ᓗᒃ 11:51

ᐊᓐᑕ ᐊᓂᔭ ᐅᒋᔅᒋᐛᐃᒐᓱᐤ ᐊᐳᓪ ᑲ ᐃᓯᓂᐧᑲᓱᑦ ᐊ ᐅᒋ ᒋᒋᐱᔨᒡ ᐊᓐᑕ ᒪᒃ ᐃᔅ ᐊᓂᔭ ᓴᑲᕋᔭ ᑕᓐ ᑲ ᐃᓯ ᓂᐸᐊᑭᓄᐅᑦ᙮ ᐱᑎᑭᒥᒡ ᒋᓴᐊᔭᒥᐊᐅᒋᐛᐱᒡ ᒋ ᓂᐸᐊᑭᓄᐤ ᓴᑲᕋᔭ ᑎᔅᑐᐎᒡ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒪᒃ ᒪᐅᒡ ᐊ ᐸᔭᒐᔨᑕᒂᒡ ᒋᓴᐊᔭᒥᐊᐅᒋᐛᑉ᙮ ᓂᐦᐃ, ᑕᑈ ᒋᑦ ᐃᑎᓇᐛᐤ, ᐊᓐᒡ ᐃᔪᒡ ᑲ ᐱᒪᑎᓯᒡ ᐊᓄᒡ ᐎᔨᐛᐤ ᒋᑭ ᐊᓂᔅᒐ ᒪᑎᑯᔅᑲᑯᒡ ᒥᓯᐛ ᐊᓂᔭ ᑕᓐ ᑲ ᐃᓯ ᐅᓂᑐᑐᐛᑭᓄᐎᒡ᙮”

ᑕᐃᑕᔅ 1:16

ᐃᔅᒋᔄᐅᒡ ᐊ ᒋᔅᒐᔨᒪᒡ ᒋᓴᒪᓂᑐᐛ ᒥᒄ ᒪᒃ ᐊᓂᔭ ᐊ ᐃᑕᑎᓯᒡ ᓄᑯᓂᔪᐤ ᐊᑲ ᑕᑈ ᒋᔅᒐᔨᒪᒡ ᒋᓴᒪᓂᑐᐛ ᐛᔅ ᓇᔅᒡ ᒥᒐᑎᓯᐅᒡ᙮ ᓇᒪ ᓇᔅᒡ ᓂᓇᐃᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᐃᑕᔨᑕᑯᓱᐅᒡ ᒐᒋ ᒥᔪᑐᑕᒡ᙮

ᐃᑉᕈᐛ 11:2

ᐊᓂᔭ ᒪᒃ ᑲ ᐃᔅᐱᔅ ᒋ ᑕᑈᑕᒡ ᐊᓂᔭᐧᑲ ᐛᔅᑭᒡ ᐊᐛᓐᒋ ᐊᔪᐅᒄ ᐅᔭ ᓇᔅᒡ ᑲ ᓇᐊᔨᑎᒥᔨᒋ ᒋᓴᒪᓂᑐᐛ᙮

ᐃᑉᕈᐛ 12:1

ᒪᒥᑐᓇᔨᒪᑕᐅᒋ ᒪ ᐊᓐᒡ ᑲ ᒥᒐᑎᒡ ᐊᐛᓐᒋ ᓇᔅᒡ ᑲ ᐛᐸᑎᔨᐛᒡ ᐊ ᑕᑈᔭᔨᒪᒡ ᒋᓴᒪᓂᑐᐛ᙮ ᐅᔭ ᐊᒋ ᐃᑎᒡ, ᐊᐅᑯᓐ ᑭᔭ ᒋᔭᓄᐤ ᒋᐸ ᐃᑎᓇᓄᐤ᙮ ᐊᑯ ᒪᒃ ᐊᓐ ᐅᒋ ᑭᔭ ᒋᔭᓄᐤ ᐳᓂᑕᑕᐤ ᒥᓯᐛ ᐊᓂᔭ ᒐᒂᔪᐛ ᐊ ᐅᓇᐃᑯᔭᐧᒄ ᒐᒋ ᐃᑕᑎᓯᔭᐧᒄ ᐊᓂᔭ ᑕᓐ ᐊ ᐃᓯ ᓂᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᑕᑎᓯᐛᐧᒄ᙮ ᑭᔭ ᒥᓯᐛ ᐛᐱᓇᑕᐤ ᐊᓂᔭ ᒥᒋᑥᐅᓇ ᑲ ᐎ ᑎᐸᔨᒥᑯᔭᐧᒄ, ᑭᔭ ᒐ ᐱᒥᐸᔨᑐᔭᐧᒄ ᐊᓐᑕ ᐊ ᑯᒂᒋᔅᑭᑕᐅᑐᓇᓄᐅᒡ ᐊᓐᑕ ᐊᒐᐧᑯᐅᓂᒡ ᐃᔅ ᐸᑐᔅ ᒋ ᐅᑎᑎᒪᒂ ᐊᓐᑕ ᓇᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᔅᐸᑕᐛᐧᒄ᙮

ᐃᑉᕈᐛ 12:24

ᑭᔭ ᒋᓴᔅ ᑕᐤ ᐊᓐᑕ, ᐊᓐ ᑲ ᐅᔅᒋᑕᐛᑦ ᒋᓴᒪᓂᑐᐛ ᐅᓂᔅᑯᒧᐅᓂᔪᐤ᙮ ᐊᓂᔭ ᙭ ᐊᒋ ᐅᓂᑕᑦ ᐅᒥᐧᒄ ᒋᔭᓄᐤ ᐅᒋ, ᐊᑯᑕ ᐛᒋ ᑎᒂᒡ ᐛᐸᔨᑎᒪᒐᐅᓐ᙮ ᐊᓂᔭ ᒪᒃ ᐎᔾ ᐊᐳᓪ ᐊᒋ ᐅᓂᑕᑦ ᐅᒥᐧᒄ ᑲ ᓂᐸᐊᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑎᒪᐧᒄ ᒐᒋ ᑎᐸᐊᒧᐛᑭᓄᐅᑦ ᒐᒂᔪᐤ ᐊ ᐃᑐᑐᐛᑭᓄᐅᑦ ᐊᐛᓐ᙮

ᐃᑉᕈᐛ 5:1

ᒥᓯᐛ ᒋᓴᐊᔭᒥᐊᐅᒋᒪᐤ ᒪᒂᒡ ᐅᑦ ᐃᔨᒪ ᐊ ᑕᔨᒋ ᒋ ᐅᒋ ᐅᑎᓇᑭᓄᐤ ᒐᒋ ᐊᑐᔅᑯᐛᑦ ᒋᓴᒪᓂᑐᐛ ᐎᔨᐛᐤ ᐅᒋ᙮ ᒋ ᐱᔅᑎᓂᒐᔅᑎᒧᐛᐤ ᐊᓂᔭᔪᐛ ᐃᔪᐛ ᑭᔭ ᒋ ᒥᑐᔅᑕᐊᒪᐤ ᒐᒋ ᐛᐸᔨᑎᒧᐛᑭᓄᔨᒋ ᐊᓂᔭᔪᐛ ᐃᔪᐛ ᐅᒥᒋᑥᐅᓂᔪᐛ᙮

ᐃᑉᕈᐛ 9:22

ᐊᓐ ᐎᓱᐛᐅᓐ ᑲ ᐊᐱᑎᒡ ᐊ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ, ᐃᑎᔅᑕᐤ ᒥᓯᐛ ᒐᒂᓐ ᒐᒋ ᐸᔭᒋᑕᑭᓄᐅᒡ ᒥᐧᒄ ᐊ ᐊᐱᑎᒡ ᐊᐅᑯᓐ ᒪᒃ ᑲ ᐃᑐᑕᑭᓄᐅᒋ ᒥᓯᐛ ᒐᒂᔪᐛ ᐱᑎᑭᒥᒡ ᐊᓐᑕ ᒥᒋᐛᐱᒡ ᑲ ᑎᒂᒋ, ᒋ ᐱᒋᑕᐱᔨᑕᑭᓄᐤ ᒥᐧᒄ ᐊᓐᑕ ᐊ ᐊᑎ ᑎᒂᒋ ᐊᓂᔭ ᒐᒂᔪᐛ ᒋᓴᒪᓂᑐᐤ ᐊ ᑕᑦ ᐊ ᐃᓯ ᐊᐱᑎᒋ᙮ ᐛᔅ ᐸᑐᔅ ᒥᐧᒄ ᑲ ᐅᒋᑯᐅᒡ ᐊᑯ ᐃᔭᒄ ᒐ ᑎᒂᒡ ᐛᐸᔨᑎᒪᒐᐅᓐ᙮

2 ᐱᑕᕐ 2:8

ᐛᔅ ᐊᑯᑕ ᑲ ᑕᑦ ᓗᑦ ᐊᓐ ᑯᐃᔅᒄ ᑲ ᐃᓯ ᐱᒪᑎᓯᑦ ᓇᐸᐤ᙮ ᐊᓯᑯᒻ ᒋᓯᑲᐛ ᒪᒃ ᒋ ᒥᓯᒥᔅᑲᑯᐤ ᐅᑦ ᐊᒐᐧᑯᒡ ᑕᓐ ᑲ ᐃᓯ ᐸᑕᐧᒃ ᑭᔭ ᑕᓐ ᑲ ᐃᓯ ᐛᐸᑕᐧᒃ ᐊ ᐃᓯ ᐱᒪᑎᓯᓇᓄᐎᒡ᙮

ᒍᑦ 1:11

ᑕᑈ ᒋᑭ ᐊᒂᒡ ᒥᒋᐱᔪᐅᒡ᙮ ᒧᔭᒻ ᐊᓂᔭ ᑲᐃᓇ ᑲ ᐃᑎᔨᒋ ᐊᐅᑯᓐ ᐊ ᐃᑎᒡ᙮ ᒋ ᐱᔅᑕᔨᒥᓱᐅᒡ ᒧᔭᒻ ᐊᓂᔭ ᐸᓚᒻ ᑲ ᐃᓯ ᒥᒋᑐᑎᒥᔨᒋ ᒐᒋ ᐃᓯ ᒥᒋᑐᑕᒡ ᒥᒄ ᓱᓇᔭᔪᐤ ᐊ ᐎ ᒪᐅᒋᑎᒪᓱᒡ᙮ ᑭᔭ ᒧᔭᒻ ᐊᓂᔭ ᑯᕋ ᑲ ᐃᓯ ᓱᒐᔨᒧᔨᒋ, ᐊᐅᑯᓐ ᐊ ᐃᓯ ᓱᒐᔨᒧᒡ᙮ ᐊᐅᑯᓐ ᒪᒃ ᐊ ᐃᓯ ᓂᓱᐅᓇᑎᓯᒡ ᑭᔭ ᐎᔨᐛᐤ᙮