ᐃᑉᕈᐛ 11:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐊᔪᐛᒃ ᒋ ᐃᑕᔨᑎᒻ ᑭᔭ ᐎᔾ ᒐᒋ ᓂᓇᐧᑲᒋᐊᑭᓄᐅᑦ ᒧᔭᒻ ᐊ ᐃᓯ ᓂᓇᐧᑲᒋᐊᑭᓄᔨᒋ ᒋᓴᒪᓂᑐᐛ ᐅᑦ ᐃᔨᒥᔪᐛ, ᐃᔅᐱᔅ ᐎᔾ ᒥᒐᑎᓯᐅᓂᒡ ᒐᒋ ᐃᓯ ᐱᒪᑎᓯᑦ ᒥᒄ ᐛᐃᐱᔅᒋᔅ ᐊ ᒥᔽᔨᑎᒥᐃᐛᔨᒡ᙮

ᐃᑉᕈᐛ 11:25 Iomraidhean Croise

ᑎᐱᑦ ᐅᓂᑭᒧᐅᓇ 47:9

ᐅᒋᓴᐅᒋᒪᓯᒧᐛᐛ ᐃᔪᒡ ᒪᒧᐤ ᒪᐅᒋᐃᑐᔪᐛ, ᐅᑦ ᐃᔨᒥᔪᐛ ᐅᑎ ᐅᒋᓴᒪᓂᑐᒪ ᐊᑉᕋᐊᒻ: ᐛᔅ ᐊᔅᒋᔾ ᐊᒂᓇᐅᓱᐛᑭᓇ ᐅᑦ ᐊᔭᓂᐤ ᒋᓴᒪᓂᑐᐤ: ᓇᔅᒡ ᒋᔅᑕᒋᒪᑭᓄᐤ᙮

ᑎᐱᑦ ᐅᓂᑭᒧᐅᓇ 84:10

ᐛᔅ ᐸᐃᑯ ᒋᓯᑲᐛ ᒋ ᒪᐛᒋᐃᑐᐅᒋᐛᐱᒡ ᐃᐛᒃ ᒥᔽᓱᐤ ᐃᔅᐱᔅ ᒐᓯᐱᔪᐤ᙮ ᐊᐛᔅᑕ ᓂᑭ ᐎ ᑭᓄᐎᔎᑐᐛᐤ ᐎᒋᒡ ᓂᒋᓴᒪᓂᑐᒻ, ᐃᔅᐱᔅ ᒐᒋ ᐎᒋᔭᓐ ᒥᒐᑎᓯᐤ ᒥᒋᐛᐱᒡ᙮

ᒪᑎᔪᐤ 13:21

ᒧᔭᒻ ᒪᒃ ᐊᓐ ᓂᑕᐅᒋᑕᑭᓐ ᐊᑲ ᔭᐃᒡ ᓂᑕᐅᒋᓂᔨᒋ ᐅᑎᐱᔭ ᐊᐅᒄ ᐊ ᐃᓯᓇᑯᓯᒡ ᐊᓐᒡ, ᓇᒪ ᓇᐅᔅ ᑕᑈᑎᒧᒡ᙮ ᐃᔅᐱ ᒪᒃ ᐊ ᒥᒋᐱᔨᓇᓄᐎᒡ ᒪᒃ ᐊ ᓂᓇᐧᑲᑕᔨᒧᓇᓄᐎᒡ ᐊ ᑎᑯᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐅᒋ, ᑎᐛᒡ ᐳᓂᐅᒡ ᐊ ᑕᑈᑕᒡ᙮

ᓗᒃ 16:25

“ᐊᑯ ᐊᑉᕋᐊᒻ ᒂ ᐃᑕᑦ, ‘ᒋ ᒋᔅᒋᓯᓐ ᐊ, ᓂᑯᓴ, ᒪᒂᒡ ᑲ ᐱᒪᑎᓯᔨᓐ ᐊᓐᑕ ᐊᔅᒋᒡ ᒥᔪ ᒐᒂᓐ ᔅᒋ ᐊᔭᓐ, ᓚᓴᕋᔅ ᒪᒃ ᓇᒪ ᐅᒋ ᒥᔪ ᐊᔭᐤ ᒐᒂᔪᐤ᙮ ᐊᑯ ᒪᒃ ᐊᓄᒡ ᒥᔽᔨᒧᐤ ᐎᔾ ᐅᑕ, ᒋᔾ ᒪᒃ ᒋ ᓂᓇᐧᑲᑕᔨᒧᓐ᙮

ᐊᑈᔅᑕᓇᒡ 7:34

ᓇᔅᒡ ᓂᒋ ᐛᐱᒪᐅᒡ ᑕᓐ ᐊᔅᐱᔅ ᓂᓇᐧᑲᑕᔨᒧᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ᙮ ᓂ ᐸᑐᐛᐅᒡ ᐊ ᒪᒡ ᐊᑯ ᒪᒃ ᑕᑯᓯᓂᔭᓐ ᒐᒋ ᐎᐧᑯᒋᐃᒂᐤ᙮ ᐊᔅᑎᒻ ᒪᒃ, ᒥᓐ ᒋᑭ ᐃᑎᓴᐅᑎᓐ ᐊᓐᑕ ᐃᒋᑉᑎᒡ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:3

ᐊᐅᒄ ᒪᒃ ᐛᒋ ᐃᓯᓇᑯᓯᔭᐧᒄ ᐃᔭᐱᒡ ᐊ ᒧᒋᒐᔨᑎᒪᐧᒄ ᐊᑎ ᐊᓐᑕ ᒪᒂᒡ ᐊ ᐊᔨᒥᐅᔭᐧᒄ, ᐛᔅ ᒋ ᒋᔅᒐᔨᑕᓇᓄᐤ ᐊᓐᑕ ᐊᓐ ᐊ ᐊᔨᒥᐅᔭᐧᒄ ᐊᑯᑕ ᐛᒋ ᐊᑐᐎᔅ ᓱᒐᔨᑕᑯᓯᔭᐧᒄ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

ᑯᓚᓯᔭᓇ 1:24

ᓂ ᒥᔽᔨᑕᓐ ᒪᒃ ᐊ ᓂᓇᐧᑲᑕᔨᒧᐃᑯᐅᔭᓐ ᒋᔨᐛᐤ ᐅᒋ, ᑭᔭ ᓂᔭᓯᒡ ᓄᐅᔅᒋᑕᓐ ᐊᓂᔭ ᑕᓐ ᐊ ᐃᓯ ᓄᑕᐱᔨᒡ ᙭ ᐅᐎᓯᒐᔨᑎᒧᐅᓂᒡ, ᒐᒋ ᐎᒋᐃᒂᐤ ᒪᒧᐤ ᑲ ᐊᔭᒥᐊᐛᑎᓯᒡ, ᙭ ᐎᔪᐤ᙮

2 ᑎᒧᑎ 1:8

ᐊᑲᐎᔾ ᒪᒃ ᒋᑭ ᐅᒋ ᓇᓂᑲᐎᔅᑎᒺᓐ ᒋᑎᐸᔨᒋᒐᓯᒥᓄᐤ ᐅᒥᔽᒋᒧᐅᓐ ᒐᒋ ᐊᔨᒧᑎᒧᑦ᙮ ᑭᔭ ᐊᑎ ᐅ ᒪᒂᒡ ᐊ ᒋᐸᐅᑯᐅᔭᓐ ᙭ ᐅᒋ ᐊᑲᐎᔾ ᒋᑭ ᐅᒋ ᓴᒂᔨᒧᓐ ᐊ ᐎᒐᐛᑭᓂᑕᑕᓐ᙮ ᐊᔭᔅᑯᐎᔅᑕ ᐃᔭᐱᒡ ᑕᓐ ᒐ ᐃᓯ ᓂᓇᐧᑲᑕᔨᒧᔨᓐ ᐊ ᐛᐎᑎᒥᓐ ᒥᔽᒋᒧᐅᓐ ᐛᔅ ᒋᑭ ᒥᔨᒄ ᒋᓴᒪᓂᑐᐤ ᒥᔅᑯᓯᐅᓂᔪᐤ᙮

ᐃᑉᕈᐛ 10:32

ᓱᒃ ᒪᒃ ᒪᒥᑐᓇᔨᑎᒥᐃᑯᒄ ᓂᔅᑎᒻ ᑕᓐ ᑲ ᐃᓯ ᐸᑎᒪᒄ ᐊ ᐊᔨᒧᒪᑭᓄᐅᑦ ᙭᙮ ᒪᒥᑐᓇᔨᑎᒧᒄ ᑕᓐ ᑲ ᐃᓯ ᓱᒋᑲᐳᐅᔭᒄ ᑲ ᓂᓇᐧᑲᒋᐃᑯᐅᔭᒄ ᐃᔅᐱ ᑲ ᐱᒪᒋᐅᔭᒄ᙮ ᓇᔅᒡ ᑕᑈ ᒋ ᔭᐃᑎᓐ ᒋᑕᑈᑎᒧᐅᓄᐛᐤ᙮

ᐃᑉᕈᐛ 11:37

ᐱᔅᒐ ᒋ ᓂᐸᐊᑭᓄᐎᒡ ᐊ ᐸᐱᐳᒧᓯᓇᑕᐛᑭᓄᐎᒡ, ᐱᔅᒐ ᐊᐱᑐᐎᔪᐤ ᒋ ᐃᓯ ᒋᒧᐳᔭᑭᓄᐎᒡ, ᐱᔅᒐ ᒋ ᓂᐸᐊᑭᓄᐎᒡ ᓂᑐᐱᔪᐅ-ᒧᐧᑯᒪᓇ ᐊ ᐊᐱᑎᓂᔨᒋ᙮ ᐱᔅᒐ ᐊᓐᒡ ᐃᔪᒡ ᒋ ᐃᑐᑐᐛᑭᓄᐎᒡ ᒐᒋ ᐱᐸᒥᑎᓱᒧᒡ᙮ ᒪᔭᑕᓂᓴ ᑭᔭ ᑲ ᐅᑦ ᐊᔅᑭᓂᓯᔨᒋ ᑲ ᐊᐱᓯᓯᔨᒋ ᐊᐛᓯᓴ ᐅᓯᑭᔪᐛ ᒋ ᐅᒋ ᐅᓯᑕᐅᒡ ᐅᑦ ᐊᐱᒋᑕᐅᓄᐛᐛ ᐊ ᒋᔅᑲᒡ, ᓇᒪ ᐅᒋ ᑎᑯᓂᔪᐤ ᑕᓐᑕ ᒐᒋ ᐎᒋᒡ, ᒥᓯᐛ ᒐᒂᔪᐤ ᒋ ᐃᓯ ᓄᑕᐱᔪᐅᒡ᙮ ᑭᔭ ᒋ ᒥᔅᑎ ᐛᐎᓯᒐᔨᑎᒥᐊᑭᓄᐎᒡ ᑭᔭ ᓇᔅᒡ ᒋ ᓂᓇᐧᑲᒋᐊᑭᓄᐎᒡ᙮

ᐃᑉᕈᐛ 4:9

ᐃᔭᐱᒡ ᒪᒃ ᒋᑭ ᐅᑎᒋᐱᔪᐤ ᒐᒋ ᐊᔽᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᒧᔭᒻ ᑲ ᐃᓯ ᐊᔽᐱᔨᒋ ᒋᓴᒪᓂᑐᐛ ᐃᔅᐱ ᑲ ᓂᔄᐅᑕᒡ ᒋᓯᑲᔨᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:20

ᐊ ᒋᔄᓯᑦ ᐊᐛᓐ ᓇᒪ ᑯᐃᔅᒄ ᒋ ᐃᑐᑎᒻ ᐊᓂᔭ ᑲ ᐃᓯ ᓂᑐᐛᔨᒥᑯᑦ ᒋᓴᒪᓂᑐᐛ ᒐᒋ ᐃᑐᑕᐧᒃ᙮

ᒋᒥᔅ ᐅᒥᓯᓇᐊᒪᒐᐅᓐ 5:5

ᒋᔨᐛᐤ ᑲ ᐛᔪᑎᓯᔭᒄ, ᒥᓯᐛ ᒐᒂᓐ ᒐᒋ ᐊᔭᔭᒄ ᐊᐅᑯᓐ ᐱᓯᒄ ᐊ ᐃᓯ ᐱᒪᑎᓯᔭᒄ ᐅᑕ ᐊᔅᒋᒡ ᑭᔭ ᒥᒄ ᒋᔨᐛᐤ ᒋ ᐎ ᓂᓇᐊᔨᑎᒥᐃᓱᓇᐛᐤ᙮ ᐊᑯ ᒪᒃ ᒧᔭᒻ ᐊᐛᓯᓯᒡ ᐊ ᑕᒋᐳᒡ ᓴᔅ ᐊ ᐃᓯᓇᑯᓯᒡ ᒐᒋ ᓂᐸᐊᑭᓄᐎᒡ, ᐊᐅᑯᓐ ᐊ ᐃᓯᓇᑯᓯᔭᒄ᙮

1 ᐱᑕᕐ 2:10

ᐊᓐᑕ ᐛᔅᑭᒡ ᓇᒪ ᒋ ᐅᒋ ᐅᑦ ᐃᔨᒥᑕᑯᐛᐤ ᒋᓴᒪᓂᑐᐤ, ᐊᑯ ᒪᒃ ᐊᓄᒡ ᐛ ᐅᑦ ᐃᔨᒥᑕᑕᒄ᙮ ᐊᓐᑕ ᐛᔅᑭᒡ ᓇᒪ ᒋ ᐅᒋ ᒋᔅᑎᒪᒐᔨᒥᑯᐛᐤ, ᐊᑯ ᒪᒃ ᐊᓄᒡ ᐊᑯ ᒐᑎᒪᒐᔨᒥᑕᒄ᙮

ᒋᔅᒐᔨᑕᑯᑕᒐᐅᓐ 18:7

ᒧᔭᒻ ᑲ ᐃᔅᐱᔅ ᒋ ᒋᔅᑕᔨᑕᑯᐃᓱᒡ ᐅᒡ ᐃᔪᒡ ᑭᔭ ᒧᔭᒻ ᑲ ᐃᔅᐱᔅ ᓇᔅᒡ ᒥᓯᐛ ᒋ ᐃᓯ ᒪᒥᔽᔨᑎᒥᐃᓱᒡ ᓂᓇᐧᑯᐤ ᐊ ᐎ ᐃᓯ ᐛᐛᒋᐃᓱᒡ, ᐊᐅᑯᓐ ᒧᔭᒻ ᐃᑐᑐᐛᐧᑯᒡ ᒐᒋ ᐃᔅᐱᔅ ᒥᒐᔨᑕᒡ ᑕᓐ ᒐ ᐃᔅᐱᔅ ᓂᓇᐧᑲᑕᔨᒧᐊᑭᓄᐎᒡ᙮ ᐛᔅ ᐅ ᐅᑕᓇᐤ ᒧᔭᒻ ᐊ ᒪᒥᒋᒧᑦ ᐊᐛᓐ ᐅᑕᐃᒡ ᐊᐅᑯᓐ ᐊ ᐊᐃᒡ᙮ ᐃᔅᒋᔄᒥᑭᓐ, ‘ᒧᔭᒻ ᒋᓴᐅᒋᒪᔎᐤ ᓂᑦ ᐊᐱᓐ᙮ ᓇᒪᔭᐤ ᑲ ᐸᐃᑯᓯᑦ ᐃᔎᐤ ᓂᔾ᙮ ᑭᔭ ᓇᒪ ᐎ ᓂᔾ ᓂᑕ ᓂᑭ ᐅᒋ ᒧᓯᑕᓐ ᑕᓐ ᐊ ᐃᓯ ᒥᓯᒪᔨᑕᐧᒃ ᐃᔎᐤ ᐊ ᐅᓇᐊᑦ ᐅᓇᐸᒪ᙮’