ᐃᑉᕈᐛ 10:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᔅᒋ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ᑕᒡ ᐊᓐᒡ ᑲ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ᓂᒋᔅᑭᒪᒄ᙮ ᐃᔅᐱᔅ ᑲ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ᒪᔭᔨᒥᑯᔭᒄ ᔅᒋ ᒥᔽᔨᑕᓇᐛᐤ ᐛᔅ ᔅᒋ ᒋᔅᒐᔨᑕᓇᐛᐤ ᐊᑐᐎᔅ ᐊ ᒥᔽᒡ ᐊᓐ ᒐᒂᓐ ᑲ ᐃᓯ ᐊᔭᔭᒄ, ᑭᔭ ᑲᒋᒡ ᒐ ᑎᒂᒡ᙮

ᐃᑉᕈᐛ 10:34 Iomraidhean Croise

ᒪᑎᔪᐤ 19:21

ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᒥᓯᐛ ᒐᒂᓐ ᐛ ᐃᑐᑎᒧᐎᓇ ᒐᒋ ᑯᐃᔅᑯᑕᑎᓯᔨᓐ, ᐊᑕᐛᒐ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᑲ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᑐᑕᔨᓐ ᒐ ᐸᒋ ᓇᓴᐎᔨᓐ᙮”

ᓗᒃ 10:42

ᐸᐃᒄ ᐛᔅ ᐊᓐ ᒐᒂᓐ ᓇᔅᒡ ᓂᑐᐛᔨᑕᑯᓐ, ᒪᕆ ᒪᒃ ᓴᔅ ᒋ ᐎᔭᐸᑎᒪᓱᐤ ᐊᓂᔭ ᒐᒂᔪᐤ ᓇᔅᒡ ᐊ ᒥᔽᓯᔨᒡ ᐊ ᓂᑐᐛᔨᑕᑯᓂᔨᒡ᙮ ᓇᒪ ᒪᒃ ᐊᐛᔪᐛ ᒋᑭ ᒋ ᒥᔅᑭᒥᑯᐤ ᐊᓂᔭᔪᐤ᙮”

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 9:25

ᐊᑯ ᒪᒃ ᐊᓐ ᐊᐛᓐ ᑲ ᐎ ᑭᓄᐛᔨᑕᐧᒃ ᐅᐱᒪᑎᓯᐅᓐ, ᓂᐱᒐ ᒪᒃ ᑕᓐᑕ ᒐᒋ ᐅᒋ ᐎᒋᐃᑯᑦ ᐊᑎ ᒋ ᐎᐧᑯᒋᑎᒪᓱᒐ ᒥᓯᐛ ᒐᒂᔪᐤ ᐅᑕ ᐊᔅᒋᒡ ᐎᔾ ᑕᓐ ᑲ ᐃᓯ ᓂᑐᐛᔨᑕᐧᒃ ᒐᒋ ᐃᓯ ᐊᔭᑦ ?

ᐊᑈᔅᑕᓇᒡ 21:33

ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ᓂᑐᐛᐱᒪᑦ ᐊᓂᔭ ᑈᓚ, ᐊᑯ ᒂ ᒪᑯᓇᑦ᙮ ᒂ ᐃᑎᓱᐛᑦ ᒐᒋ ᒪᒋᒂᐱᐧᑲᑕᑭᓄᔨᒋ, ᓂᓱ ᐃᓴᒂᔭᐱᔭ ᐊ ᐊᐱᑎᓂᔨᒋ᙮ ᐊᑯ ᒂ ᐃᔅᒋᔄᑦ, “ᒐᒄ ᓇᐸᐤ ᐅ, ᑕᓐ ᑲ ᐃᑎᑦ ?”

ᐊᑈᔅᑕᓇᒡ 28:20

ᐊᐅᒄ ᐅ ᐛᒋ ᐎᓴᒥᑎᑯᒡ᙮ ᔅᒋ ᐎ ᐎᑎᒪᑎᓇᐛᐤ ᒐᒂᓐ ᐛᒋ ᒪᑯᓂᑯᐅᔭᓐ, ᐊᐅᒄ ᐅ ᐊ ᐊᑐᔅᑯᐅᒃ ᙭ ᐊᓂᔭ ᐃᔅᕋᐃᓪ ᐃᔪᒡ ᑲ ᐊᔅᐸᔨᒧᑐᑐᐛᒡ᙮”

ᐊᑈᔅᑕᓇᒡ 5:41

ᐊᓐᒡ ᒪᒃ ᐊᑈᔅᑕᓇᒡ ᒋ ᔅᑐᑕᐅᒡ ᐊᓐᑕ ᑲ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ᓯᒋᔭᓯᒡ ᐊᒋ ᑕᐱᒐᔨᒥᑯᒡ ᒋᓴᒪᓂᑐᐛ ᒐᒋ ᓂᓇᐧᑲᑕᔨᒧᒡ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮

2 ᑯᕆᓐᑎᔭᓇ 5:1

ᐛᔅ ᒋ ᒋᔅᒐᔨᑕᓇᓄᐤ ᐅᔭ ᒋᔭᓄᐛ ᒧᔭᒻ ᒥᒋᐛᐸ ᐃᓯᓇᑯᓇ᙮ ᐸᐃᒂᐤ ᐊ ᒋᓯᑲᒡ ᒋᑭ ᓂᑎᓂᑭᓄᐛ᙮ ᐊᓐᑕ ᒪᒃ ᒋᒋᒋᓯᑯᒡ ᒋᑭ ᒥᔨᑯᓇᓄᐤ ᒥᔪᐛ ᑲᒋᒡ ᒐ ᐱᒪᑎᓯᒥᑲᒋ, ᒧᔭᒻ ᒥᒋᐛᐸ ᐊ ᐃᑕᔨᑕᒂᒋ ᑲᒋᒡ ᒐ ᑎᒂᒋ᙮ ᓇᒪᐎᔾ ᐎ ᐊᓄᒡ ᑲ ᐅᓯᑕᑭᓄᐅᒡ ᒥᒋᐛᑉ ᑲ ᐃᑕᔨᑕᒂᒡ ᒋᑭ ᐅᒋ ᐃᑕᔨᑕᑯᓇ᙮ ᒋᓴᒪᓂᑐᐤ ᒪᒃ ᒋᑦ ᐊᔭᔅᑯᔅᑎᒪᑭᓄᐤ ᐅᔭ᙮

ᐃᐱᓯᔭᓇ 3:1

ᓂᔾ ᑈᓪ, ᐊ ᐊᑐᔅᑯᐅᒃ ᒋᓴᔅ ᙭ ᑭᔭ ᐊ ᐛᐎᒋᐃᑎᑯᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᒄ ᐛᒋ ᑕᔭᓐ ᑲᒪᑯᓄᐛᓯᐅᒋᐛᐱᒡ᙮

ᐃᐱᓯᔭᓇ 4:1

ᐊᒋ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ᓯᒋᒥᑎᑯᒡ ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ ᒐᒋ ᐃᓯ ᐱᒪᑎᓯᔭᒄ᙮

ᐃᐱᓯᔭᓇ 6:20

ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ ᒐᒋ ᐛᐎᑎᒧᒡ ᐅᒥᔽᒋᒧᐅᓐ ᐊᑎ ᒪᒂᒡ ᐅᑕ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ᙮ ᐸᒋ ᐊᔭᒥᐊᔅᑎᒧᐅᒄ ᒪᒃ ᒐᒋ ᓱᒋᑕᐊᔭᓐ ᑭᔭ ᒐᒋ ᐃᔅᒋᔄᔭᓐ ᑕᓐ ᐊ ᐃᓯ ᓂᑐᐛᔨᒥᑦ ᒋᓴᒪᓂᑐᐤ᙮

ᐱᓕᐱᔭᓇ 1:7

ᑕᑈᐅᓂᒡ ᒪᒃ ᐅ ᒋ ᐊᑎ ᐃᓯ ᒪᒥᑐᓇᔨᒥᑎᓇᐛᐤ ᐛᔅ ᒋᓴᒋᐃᑎᓇᐛᐤ᙮ ᐛᔅ ᒥᓯᐛ ᐊ ᑎᓯᔭᒄ ᔅᒋ ᒥᔨᑯᐅᓇᐛᐤ ᒋᓴᐛᑎᓯᐅᓐ ᒧᔭᒻ ᑕᓐ ᑲ ᐃᓯ ᒥᔨᑯᐅᔭᓐ ᓂᔾ ᐊᑎ ᐅᑕ ᒪᒂᒡ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᑭᔭ ᒪᒂᒡ ᑲᒋ ᒋᔅᐸᐛᑐᑎᒪᓐ ᒥᔽᒋᒧᐅᓐ ᑭᔭ ᑲᒋ ᐊᑐᔅᑲᔅᑎᒪᓐ ᒐᒋ ᑕᑈᑕᑭᓄᐅᒡ᙮

ᑯᓚᓯᔭᓇ 1:5

ᐊᓐᑕ ᐅᔅᑭᒡ ᑲ ᐛᐎᑎᒪᑯᐅᔭᒄ ᒥᔽᒋᒧᐅᓐ, ᐅ ᑕᑈᐅ ᐃᔨᒧᐅᓐ ᑲ ᐃᓯᓂᐧᑲᑕᒡ, ᐊᑯᑕ ᑲ ᐸᑎᒪᒄ ᑕᓐ ᐊ ᐃᓯ ᑎᒂᒡ ᐊᔅᐸᔨᒧᐅᓂᒡ᙮ ᐊᑯ ᒪᒃ ᐊᔅᐸᔨᒧᐅᓐ ᐊᔭᔭᒄ ᐊᑯᑕ ᐛᒋ ᐃᓯᓇᒂᒡ ᒐᒋ ᑕᑈᔭᔨᒪᒄ ᙭ ᑭᔭ ᒐᒋ ᓴᒋᐃᐛᔭᒄ᙮ ᐅ ᒪᒃ ᑕᓐ ᐊ ᐃᓯ ᐊᔅᐸᔨᒧᔭᒄ ᒋᒋᒋᓯᑯᒡ ᑭᓄᐛᔨᑕᑭᓄᐤ᙮

1 ᑎᒧᑎ 6:19

ᐅᔭᔪᐤ ᒪᒃ ᐃᑐᑕᒂᐛ ᐊᑯᑕ ᒐᒋ ᐅᒋ ᐊᔭᒡ ᒋᒋᐛ ᐛᔪᑎᓯᐅᓂᔪᐤ ᐊᓐᑕ ᓂᔅᑕᒥᒡ, ᐊᑯᑕ ᑭᔭ ᒋᒋᐛ ᒐᒋ ᐅᒋ ᒋᔅᒐᔨᑕᒡ ᐱᒪᑎᓯᐅᓂᔪᐤ ᐅᑕ ᐊᔅᒋᒡ᙮

2 ᑎᒧᑎ 1:16

ᓂᑦ ᐊᔭᒥᐊᔅᑎᒧᒪᔪᐛ ᐅᓂᓯᑈᕋᔅ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ ᐊ ᑕᔨᒋ ᒐᒋ ᒋᔅᑎᒪᒐᔨᒥᑯᒡ ᒋᓴᒪᓂᑐᐛ ᐛᔅ ᒧᔅ ᒋ ᑎᑯᓂᔪᐤ ᑕᓐ ᑲᒋ ᐃᓯ ᐸᒋ ᐛᐎᒋᐃᑦ ᐅᓂᓯᐳᕋᔅ, ᓇᒪ ᓇᔅᒡ ᐅᒋ ᓴᒂᔨᒧᐃᑯᐤ ᐊ ᒋᐸᐅᑯᐎᒡ᙮

2 ᑎᒧᑎ 2:9

ᐛᔅ ᐊ ᐛᐎᑎᒪᓐ ᐅ ᒥᔽᒋᒧᐅᓐ ᐊᐅᒄ ᐛᒋ ᓂᓇᐧᑲᑕᔨᒧᔭᓐ, ᑭᔭ ᒧᔭᒻ ᐊᐛᓐ ᐊᒋ ᒥᒋᑐᑕᐧᒃ ᑲᒋ ᒪᒪᒋᒂᐱᔅᑲᐛᑭᓄᐅᑦ ᐊᐅᑯᓐ ᐊ ᐃᑐᑕᑯᐅᔭᓐ, ᒥᒄ ᒪᒃ ᓇᒪ ᒋᑭ ᒋ ᒪᒪᒋᒂᐱᔅᑲᐃᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮

2 ᑎᒧᑎ 4:8

ᓴᔅ ᐊᔭᔅᑯᔅᑕᐤ ᐊᓐ ᒋᓴᐅᒋᒪᐅᑯᓂᔎᐅᓐ ᐊᓂᔭ ᒐ ᒥᔭᑭᓄᐅᒡ ᐊᓐᒡ ᒐ ᑯᐃᔅᑯᑕᑎᓯᒡ᙮ ᐊᐅᒄ ᒪᒃ ᐅᔭ ᒐ ᐸᒋ ᒥᔨᑦ ᐅᑎᐸᔨᒋᒐᐤ ᐊᓐ ᑯᐃᔅᒄ ᑲ ᐃᓯ ᑎᐸᔅᑯᓂᒐᑦ ᒥᓐ ᐸᒋ ᑎᑯᓯᒐ᙮ ᓇᒪ ᒪᒃ ᒥᒄ ᓂᔾ ᓂᑭ ᐅᒋ ᒥᔨᑯᐅᓐ ᐅ ᐊ ᐃᓯᓇᒂᒡ ᐊᑯᓂᔎᐅᓐ, ᒥᓯᐛ ᐊᓐᒡ ᓴᒋᐃᐛᐅᓂᒡ ᑲ ᐃᓯ ᐱᑯᓴᔨᒧᒡ ᐅᑎᐸᔨᒋᒐᐛ ᒥᓐ ᒐ ᑎᑯᓯᓂᔨᒋ ᑭᔭ ᐎᔨᐛᐤ ᒋᑭ ᒥᔭᑭᓄᐅᒡ᙮

ᐃᑉᕈᐛ 11:16

ᐃᔭᐱᒡ ᒪᒃ, ᐅᒡ ᐃᔪᒡ ᒋ ᓇᓂᑐᐛᔨᑎᒧᒡ ᐊᔅᒋᔪᐤ ᐊᑐᐎᔅ ᐊ ᒥᔽᔨᒡ ᐃᔅᐱᔅ ᐊᓂᔭ ᑲ ᓂᑭᑕᒡ᙮ ᒋ ᒧᔅᑕᓇᔨᑎᒧᒡ ᐊᓐᑕ ᒋᒋᒋᓯᑯᒡ ᒋᒋᐛ ᒐᒋ ᐎᒋᒡ᙮ ᐊᑯ ᒪᒃ ᒋᓴᒪᓂᑐᐤ ᓇᒪ ᓴᒂᔨᒧᐃᑯᐤ ᓄᑕᐎᓇᓐ ᐊ ᐃᓯᓂᐧᑲᑎᑯᑦ ᐛᔅ ᓴᔅ ᒋ ᐊᔭᔅᑯᔅᑎᒧᐛᐤ ᐅᑕᓇᔪᐤ ᐊᓐᑕ ᒋᒋᐛ ᒐ ᑕᔨᒋ᙮

ᐃᑉᕈᐛ 13:14

ᐅᑕ ᐊᔅᒋᒡ ᓇᒪ ᑎᑯᓐ ᐅᑕᓇᐤ ᐊᓐᑕ ᑲᒋᒡ ᒐᒋ ᑕᔭᐧᒄ᙮ ᒧᔭᒻ ᒥᒄ ᐊ ᓴᐳᑐᐛᑕᔭᐧᒄ ᒋᑦ ᐃᓯᓇᑯᓯᓇᓄᐤ ᐊ ᐎ ᐃᑐᑕᔭᐧᒄ ᐊᓐᑕ ᐊᓐ ᐅᑕᓇᐤ ᑲᒋᒡ ᒐ ᑎᒂᒡ᙮

ᐃᑉᕈᐛ 13:3

ᒪᒥᑐᓇᔨᒪᐧᑯᒡ ᐊᓐᒡ ᐊᐛᓐᒋ ᑲᒪᑯᓄᐛᓯᐅᒋᐛᐱᒡ ᐊ ᑕᒡ᙮ ᒧᔭᒻ ᑭᔭ ᒋᔨᐛᐤ ᐊ ᑕᔭᒄ ᐊᓐᑕ ᐊᓂᔭ ᐊ ᑕᒡ ᒐᒋ ᐃᓯ ᒪᒥᑐᓇᔨᑎᒪᒄ᙮ ᒪᒥᑐᓇᔨᒪᐧᑯᒡ ᑭᔭ ᐊᓐᒡ ᑲ ᓂᓇᐧᑲᒋᐊᑭᓄᐎᒡ ᒧᔭᒻ ᑭᔭ ᒋᔨᐛᐤ ᐊ ᓂᓇᐧᑲᒋᐃᑯᔭᒄ ᒧᔭᒻ ᐎᔨᐛᐤ ᐊ ᐃᓯ ᓂᓇᐧᑲᒋᐊᑭᓄᐎᒡ ᒐᒋ ᐃᑕᔨᑎᒪᒄ᙮

ᐃᑉᕈᐛ 9:15

ᐊᑯ ᒪᒃ ᐎᔾ ᑎᐱᔨᐛ ᐅᒥᐧᑯᒡ ᐅᒡ ᒋᓴᔅ ᒋ ᐅᓯᑕᐤ ᐊ ᐅᔅᑲᔨᒡ ᓂᔅᑯᒧᐅᓂᔪᐤ᙮ ᐊᑯ ᒪᒃ ᐊᓐᒡ ᒋᓴᒪᓂᑐᐛ ᑲ ᑕᑈᑎᑯᒡ ᒐᒋ ᐅᑦ ᐃᔨᒥᑐᑕᑯᒡ ᑲᒋᒡ ᒐ ᐊᔭᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᒥᔨᑯᒡ᙮ ᒋᓴᓴ ᐅᓂᐳᐅᓂᔨᒡ ᐅᒡ ᐊᑯᑕ ᐊ ᑎᒂᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ᒥᒋᑐᑕᒡ ᐊᔅᒄ ᐊᒋ ᐊᐱᑎᓂᔨᒡ ᐛᔅᑭᒡ ᓂᔅᑯᒧᐅᓂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:2

ᓂᐧᑲᓂᓯᑐᒄ, ᒥᔽᔨᑎᒧᒄ ᓂᓇᐧᑯᐤ ᐊ ᐃᓯ ᑯᒂᒋᐃᑯᐅᔭᒄ᙮

1 ᐱᑕᕐ 1:4

ᑭᔭ ᐸᑯᓴᔨᒧᔭᐧᒄ ᒐᒋ ᐊᔭᔭᐧᒄ ᐊᓐ ᑕᓐ ᐊ ᐃᓯ ᐊᔭᑦ ᒋᓴᒪᓂᑐᐤ ᒐ ᐃᓯ ᒥᔭᑦ ᐅᑦ ᐃᔨᒪ ᒐᒋ ᑎᐱᔨᐛᐅᓯᔨᒋ᙮ ᒋᒋᒋᓯᑯᒡ ᒪᒃ ᔅᒋ ᑭᓄᐛᔨᑎᒪᑯᐛᐤ ᐊᓐᑕ ᒐ ᐊᑲ ᓂᑕ ᐎᓂᐱᔨᒡ, ᑭᔭ ᒐ ᐊᑲ ᓂᑕ ᐅᓂᑎᓂᔨᒡ ᒪᒃ ᒐᒋ ᐸᓯᑯᓇᑯᓂᔨᒡ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮