ᐃᑉᕈᐛ 10:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᓱᒃ ᒪᒃ ᒪᒥᑐᓇᔨᑎᒥᐃᑯᒄ ᓂᔅᑎᒻ ᑕᓐ ᑲ ᐃᓯ ᐸᑎᒪᒄ ᐊ ᐊᔨᒧᒪᑭᓄᐅᑦ ᙭᙮ ᒪᒥᑐᓇᔨᑎᒧᒄ ᑕᓐ ᑲ ᐃᓯ ᓱᒋᑲᐳᐅᔭᒄ ᑲ ᓂᓇᐧᑲᒋᐃᑯᐅᔭᒄ ᐃᔅᐱ ᑲ ᐱᒪᒋᐅᔭᒄ᙮ ᓇᔅᒡ ᑕᑈ ᒋ ᔭᐃᑎᓐ ᒋᑕᑈᑎᒧᐅᓄᐛᐤ᙮

ᐃᑉᕈᐛ 10:32 Iomraidhean Croise

ᐊᑈᔅᑕᓇᒡ 26:18

ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:12

ᒋᑦ ᐊᔅᐸᔨᒧᑐᑐᐛᐛᐤ ᒋᓴᒪᓂᑐᐤ ᒧᔅ ᒪᒃ ᒥᔽᔨᑎᒧᒄ᙮ ᓱᒃ ᐎ ᓱᒐᔨᒧᒄ ᓂᓇᐧᑲᑕᔨᒧᔭᑯ᙮ ᒧᔅ ᑭᔭ ᐊᔭᒥᐊᒄ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᐱᓕᐱᔭᓇ 3:16

ᐃᔭᐱᒡ ᒪᒃ, ᒧᓯᓇᐤ ᒥᓯᐛ ᓂᓇᑭᑐᐛᔨᑎᒥᐃᑯᑕᐤ ᑕᓐ ᓴᔅ ᑲ ᐃᓯ ᒋᔅᑯᑎᒪᑯᐅᔭᐧᒄ᙮

ᑯᓚᓯᔭᓇ 2:1

ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ ᐊᑎ ᐊ ᐊᔨᒥᐅᔭᓐ ᒋᔨᐛᐤ ᐊ ᐎ ᐎᒋᐃᑎᑯᒡ ᑭᔭ ᐊᓐᒡ ᐊᓂᔭ ᐅᑕᓇᔪᐤ ᓚᐅᑎᓯᔭ ᑲ ᐃᓯᓂᐧᑲᑕᔨᒡ ᐊ ᑕᒡ ᑭᔭ ᒥᓯᐛ ᐊᓐᒡ ᑯᑎᑭᒡ ᐊᔅᒄ ᐊᑲ ᒋᔅᒐᔨᒥᒡ᙮

ᐃᑉᕈᐛ 12:4

ᓂᐦᐃ, ᔅᒋ ᐅᔅᑯᐎᔅᑕᓐ ᒐ ᐊᑲ ᒋ ᒥᒋᑐᑎᒥᓐ᙮ ᒥᒄ ᒪᒃ ᓇᒪ ᐊᔅᒄ ᒋ ᐅᒋ ᐃᔅᐱᔅ ᓂᒋᔅᑲᓐ ᐊ ᓂᓇᐧᑲᑕᔨᒧᔨᓐ ᒐᒋ ᐃᓯᓇᒂᒡ ᓇᔅᒡ ᒐᒋ ᐎ ᓂᐸᐃᑯᔨᓐ ᒋᑕᑈᑎᒧᐅᓐ ᐅᒡ᙮

ᐃᑉᕈᐛ 5:12

ᓴᔅ ᒋᐸ ᒋᔅᑯᑎᒧᐛᐛᐅᒡ ᐊᐛᓐᒋ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐛᔅ ᓴᔅ ᐛᔅᑭᒡ ᑲ ᐅᒋ ᑕᑈᑎᒪᒄ ᒋᔨᐛᐤ ᒥᔽᒋᒧᐅᓐ᙮ ᒥᒄ ᒪᒃ ᓇᑐᐛᔨᑕᑯᓂᒂ ᒥᓐ ᒐᒋ ᒋᔅᑯᑎᒪᑯᐅᔭᒄ ᑕᓐ ᑲ ᐃᓯ ᒋᔅᑯᑎᒪᑯᐅᔭᒄ ᐅᔅᑭᒡ ᑲ ᒋᒋ ᑕᑈᑎᒪᒄ ᒧᔭᒻ ᐅᔅᒋᐛᓯᒡ ᒥᒄ ᒋᒋᓇᐳᔭ ᑲ ᒥᓂᐊᑭᓄᐎᒡ ᒋᑦ ᐃᑕᔨᑕᑯᓯᓇᐛᐤ᙮ ᐛᔅ ᓇᒪ ᒋ ᒥᒍᐅᒡ ᐎᔭᓯᔪᐤ ᐅᔅᒋᐛᓯᒡ᙮

ᐃᑉᕈᐛ 6:10

ᓂᐦᐃ, ᒋᑕᑈᐅᒐᔨᒥᑎᓇᐛᐤ ᐊᒋ ᐱᒪᒋᐅᔭᒄ᙮ ᓂ ᒋᔅᒐᔨᒪᐤ ᒋᓴᒪᓂᑐᐤ ᑯᐃᔅᒄ ᐊ ᐃᑐᑐᐛᑦ ᒥᓯᐛ ᐊᐛᔪᐛ᙮ ᒋ ᒋᔅᒐᔨᒥᑯᐛᐤ ᑕᓐ ᑲ ᐃᓯ ᒥᔪᑐᑎᒺᒄ ᑭᔭ ᑕᓐ ᑲ ᐃᓯ ᓄᑯᑐᐛᒄ ᐊ ᓴᒋᐊᒄ ᐊᒋ ᐎᒋᐃᒪᑯ ᑲ ᑕᑈᑎᒥᔨᒋ ᑭᔭ ᐊᔅᒄ ᐊ ᐎᒋᐃᒪᑯ᙮ ᓇᒪ ᒪᒃ ᒋᑭ ᐅᒋ ᐅᓂᒋᔅᒋᓱᐤ ᐅᔭ᙮

ᐃᑉᕈᐛ 6:4

ᑕᐅᒡ ᐊᐛᓐᒋ ᐊ ᓂᔅᑐᑕᒡ ᑕᓐ ᑲ ᐃᓯ ᒋᔅᑯᑎᒧᐛᑭᓄᐎᒡ ᒋᓴᓴ ᐊ ᐊᔨᒧᒪᑭᓄᔨᒋ᙮ ᒋ ᒥᔨᑯᐅᒡ ᒋᓴᒪᓂᑐᐛ ᐊᓂᔭᔪᐛ ᒪᐅᒡ ᑲ ᒋᔅᑕᔨᑕᑯᓂᔨᒋ ᒥᔨᐛᐅᓇ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐅᒡ᙮ ᐃᔭᐱᒡ ᒪᒃ ᒋᒋᐛ ᒋ ᐊᑎ ᒋᐛᑲᐳᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᒪᒃ ᒋᑭ ᒋ ᐎᒋᐊᑭᓄᐎᒡ ᐅᒡ ᒥᓐ ᒐᒋ ᒂᔅᑲᑎᓯᒡ᙮

2 ᒠᓐ 1:8

ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑕᔭᒄ ᐊᓐ ᑎᐸᐊᒪᑯᓯᐅᓐ ᑲ ᐊᑐᔅᒐᔅᑎᒪᒄ ᒐᒋ ᐊᔭᔭᒄ, ᑕᑈ ᒐᒋ ᒥᔅᑭᒪᒄ ᒥᓯᐛ ᑕᓐ ᐊ ᐃᓯ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮

ᒋᔅᒐᔨᑕᑯᑕᒐᐅᓐ 2:5

ᒋᔅᒋᓯᒄ ᒪ ᑕᓐ ᑲ ᐃᔅᐱᔅ ᓴᒋᐃᔭᒄ ᐅᔅᑭᒡ᙮ ᐊᐅᑯᓐ ᐊ ᒪᒃ ᐊ ᐃᔅᐱᔅ ᓴᒋᐃᔭᒄ ᐊᓄᒡ᙮ ᒂᔅᑲᑎᓯᒄ ᑭᔭ ᑲᐤ ᐃᑎᒄ ᑕᓐ ᑲᒋ ᐃᑎᔭᒄ ᐊᔅᒄ ᓇᔅᒡ ᐊᒋ ᓴᒋᐃᔭᒄ᙮ ᐛᔅ ᐊᑲ ᒂᔅᑲᑎᓯᔭᒂ, ᓂᑭ ᑎᑯᓯᓐ ᒐ ᐅᑎᓂᒪᓐ ᐊᓐ ᒋᐛᔅᑕᓂᐱᒪᑭᓇᑎᑯᐛᐤ᙮

ᒋᔅᒐᔨᑕᑯᑕᒐᐅᓐ 3:3

ᒋᔅᒋᓯᒄ ᒪ ᑕᓐ ᑲ ᐃᓯ ᐸᑎᒪᒄ ᐊᓐᑕ ᐸᒋ ᑭᔭ ᑕᓐ ᑲ ᐃᓯ ᒋᔅᑯᑎᒪᑯᔭᒄ᙮ ᓂᓇᐃᑎᒧᒄ ᑭᔭ ᐃᑐᑎᒧᒄ ᐊᓐ ᑲ ᐃᓯ ᒋᔅᑯᑎᒪᑯᔭᒄ᙮ ᑭᔭ ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑐᑎᒧᐅᓄᐛᐛ᙮ ᐛᔅ ᒐ ᐊᑲ ᐅᒋ ᐅᓂᔅᑲᐛᒂ, ᓂᑭ ᑎᑯᓯᓐ ᒐ ᐸᒋ ᑎᐸᔅᑯᓂᑎᑯᒡ᙮ ᓇᒪ ᒪᒃ ᒋᑭ ᐅᒋ ᒋᔅᒐᔨᒥᓇᐛᐤ ᑕᐃᔅᐱ ᐊᓐ ᒐ ᑎᑯᓯᓂᔭᓐ ᒧᔭᒻ ᑲᒋᒧᑎᑦ ᐊ ᐃᔅᐱᔅ ᐊᑲ ᒋᔅᒐᔨᒪᑭᓄᐅᑦ ᑕᐃᔅᐱ ᒐ ᑎᑯᓯᐧᒃ᙮