ᐃᑉᕈᐛ 10:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐊᑯ ᒪᒃ ᒐᒋ ᓇᑕᐧᒄ ᒋᓴᒪᓂᑐᐤ ᒋᓴᔅ ᐊ ᐅᒋᓴᐊᔭᒥᐊᐅᒋᒪᒥᔭᐧᒄ, ᓇᔅᒡ ᐊ ᑕᑈᑎᒪᐧᒄ ᒐ ᒥᔽᔨᑕᐧᒄ ᓇᑕᒂ, ᒐ ᐊᑲ ᐅᒋ ᐊᑐᐛᔨᒥᑕᐧᒄ᙮ ᒋᑭ ᒋ ᓇᑕᓄᐤ ᐛᔅ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᓇᔅᒡ ᒋ ᐸᔭᒋᑕᑭᓄᐛ ᒋᑕᐃᓄᐛ ᑭᔭ ᓇᒪ ᐊᑯ ᒋ ᒥᑯᔅᑲᑕᔨᑎᒥᐃᑯᐅᓇᓄᐤ ᑕᓐ ᑲᒋ ᐃᓯ ᒥᒋᑐᑎᒪᐧᒄ᙮ ᒋ ᐸᔭᒋᑕᑭᓄᐛ ᒋᔪᓄᐛ ᐊ ᒥᔽᑭᒥᒡ ᓂᐱᔾ ᐅᒋ᙮

ᐃᑉᕈᐛ 10:22 Iomraidhean Croise

ᑎᐱᑦ ᐅᓂᑭᒧᐅᓇ 111:1

ᒪᒥᒋᒥᐧᒄ ᑎᐸᔨᒋᒐᓱᐤ ! ᓂᑭ ᒪᒥᒋᒪᐤ ᑎᐸᔨᒋᒐᓱᐤ ᒥᓯᐛ ᓂᑕᐃᒡ, ᐊᓐᑕ ᐊ ᒪᒧᐎᒡ ᑲ ᑯᐃᔅᑯᑎᒡ ᑭᔭ ᐊᓐᑕ ᐊ ᒪᐅᒋᐃᑐᓇᓄᐅᒡ᙮

ᑎᐱᑦ ᐅᓂᑭᒧᐅᓇ 119:10

ᒥᓯᐛ ᓂᑕᐃᒡ ᔅᒋ ᐅᒋ ᓇᓂᑐᐛᔨᒥᑎᓐ: ᐅ ᐊᑲᐎᔾ ᓇᐊᔨᒥ ᒐᒋ ᐅᓂᒥᑎᒪᔭᓐ ᒋᐎᓱᐛᐅᓇ ᐅᒡ᙮

ᑎᐱᑦ ᐅᓂᑭᒧᐅᓇ 119:145

ᓂᒋ ᑕᑈᓐ ᒥᓯᐛ ᓂᑕᐃᒡ: ᓂᑐᑐᐎ ᐅ ᑎᐸᔨᒋᒐᓱᐤ: ᓂᑭ ᑭᓄᐛᔨᑕᓐ ᒋᑦ ᐃᑎᓱᐛᐅᓇ᙮

ᑎᐱᑦ ᐅᓂᑭᒧᐅᓇ 119:2

ᓱᐛᔨᑕᑯᓱᐅᒡ ᐊᓐᒡ ᑲ ᑭᓄᐛᔨᑎᒺᒡ ᐅᑎᐸᒋᒧᐅᓂᔪᐛ, ᑭᔭ ᑲ ᓇᓂᑐᐛᔨᒪᒡ ᒥᓯᐛ ᐅᑕᐃᐛᐛᒡ᙮

ᑎᐱᑦ ᐅᓂᑭᒧᐅᓇ 119:34

ᒥᔨ ᓂᔅᑐᑎᒧᐅᓐ, ᐊᑯ ᒐ ᑭᓄᐛᔨᑎᒪᓐ ᒋᐎᓱᐛᐅᓐ; ᓂᐦᐃ, ᓂᑭ ᓇᑭᑐᐛᔨᑕᓐ ᒥᓯᐛ ᓂᑕᐃᒡ᙮

ᑎᐱᑦ ᐅᓂᑭᒧᐅᓇ 119:58

ᓂᒋ ᓂᑐᑎᒪᓐ ᒋᒋᓴᐛᑎᓯᐅᓐ ᒥᓯᐛ ᓂᑕᐃᒡ; ᒋᔅᑎᒪᒐᔨᒥ ᐊ ᐃᔅᒋᔄᒥᑭᒡ ᒋᑦ ᐃᔨᒧᐅᓐ᙮

ᑎᐱᑦ ᐅᓂᑭᒧᐅᓇ 119:69

ᐅᒋᔅᑕᔨᒧᐅᒡ ᓂᒋ ᑭᑭᒋᔭᐛᑕᒋᒥᑯᒡ; ᒥᒄ ᓂᑭ ᑭᓄᐛᔨᑕᓐ ᒋᐎᓱᐛᐅᓇ ᒥᓯᐛ ᓂᑕᐃᒡ᙮

ᑎᐱᑦ ᐅᓂᑭᒧᐅᓇ 119:7

ᒋᑭ ᒪᒥᒋᒥᑎᓐ ᐊ ᑯᐃᔅᑯᑕᐊᔭᓐ, ᐃᔅᐱ ᒋ ᒋᔅᒐᔨᑎᒪᓇ ᒋᑯᐃᔅᑯᑕᑎᓱᐎ-ᑎᐸᔅᑯᓂᒐᐅᓇ᙮

ᑎᐱᑦ ᐅᓂᑭᒧᐅᓇ 119:80

ᐊᑯᔅ ᓂᑕᐃ ᒋᑭ ᓱᑲᔅᑕᐤ ᒋᑦ ᐃᑎᓱᐛᐅᓂᒡ; ᒐ ᐊᑲ ᒋ ᓴᒂᔨᒧᔭᓐ᙮

ᑎᐱᑦ ᐅᓂᑭᒧᐅᓇ 32:11

ᓯᒋᔭᓯᔅᑕᐧᒄ ᑎᐸᔨᒋᒐᓱᐤ, ᒥᔽᔨᑎᒧᒄ ᒪᒃ, ᒋᔨᐛᐤ ᑲ ᑯᐃᔅᑯᑕᑎᓯᔭᒄ: ᒋᔄᐛᒄ ᐊ ᑕᑈᔭᒄ ᒪᒃ ᐊᔅᐱᔅ ᒥᔽᔨᑎᒪᒄ, ᒥᓯᐛ ᒋᔨᐛᐤ ᑲ ᑯᐃᔅᑯᑕᐊᔭᒄ᙮

ᑎᐱᑦ ᐅᓂᑭᒧᐅᓇ 51:10

ᐅᓯᑕᒧᐎ ᐱᒋᔪᐤ ᐸᔭᒋ ᒥᑕᐃ; ᑭᓄᐛᐃᑎᒧᐎ ᒪᒃ ᑯᐃᔅᒄ ᐊᒐᐧᒄ ᒐᒋ ᐱᒋᔅᑯᐎᑦ᙮

ᑎᐱᑦ ᐅᓂᑭᒧᐅᓇ 73:28

ᒪᒃ ᒥᔽᓯᔪᐤ ᓂᔾ ᒐᒋ ᐸᔄᐱᒥᒄ ᒋᓴᒪᓂᑐᐤ: ᓂᒋ ᒪᒥᓯᑐᑐᐛᐤ ᑎᐸᔨᒋᒐᓱᐤ ᒋᓴᒪᓂᑐᐤ, ᒐᒋ ᐎᑎᒪᓐ ᒪᒃ ᒥᓯᐛ ᒋᑦ ᐊᑐᔅᒐᐅᓐ᙮

ᑎᐱᑦ ᐅᓂᑭᒧᐅᓇ 84:11

ᐛᔅ ᑎᐸᔨᒋᒐᓱᐤ ᒋᓴᒪᓂᑐᐤ ᐱᓯᒧᐅᐤ ᑭᔭ ᐊᒂᓇᐅᓱᐛᑭᓂᐅᐤ: ᑎᐸᔨᒋᒐᓱᐤ ᒋᑭ ᒥᔨᐛᐤ ᒥᔪᐧᑲᒐᐅᓂᔪᐤ ᑭᔭ ᒋᔅᑕᔨᑕᑯᓱᐅᓂᔪᐤ: ᓇᒪ ᒐᒂᔪᐤ ᑲ ᒥᔽᓯᔨᒡ ᒋᑭ ᒋᓴᑎᓂᒧᐛᐤ ᐊᓂᔭᔪᐛ ᑯᐃᔅᒄ ᑲ ᐱᒧᑕᔨᒋ᙮

ᑎᐱᑦ ᐅᓂᑭᒧᐅᓇ 9:1

ᒋᑭ ᒪᒥᒋᒥᑎᓐ, ᐅ ᑎᐸᔨᒋᒐᓱᐤ, ᒥᓯᐛ ᓂᑕᐃᒡ ᐅᒡ; ᓂᑭ ᐛᐸᑎᔨᐛᓐ ᒥᓯᐛ ᒋᒪᒥᔅᑲᒡ-ᐃᑐᐅᓇ᙮

ᑎᐱᑦ ᐅᓂᑭᒧᐅᓇ 94:15

ᒪᒃ ᑎᐸᔅᑯᓂᒐᐅᓐ ᒋᑭ ᒋᐛ ᓇᑕᒧᒪᑭᓐ ᑯᐃᔅᑯᑕᑎᓯᐅᓐ, ᒥᓯᐛ ᑭᔭ ᑲ ᑯᐃᔅᑯᑕᐊᒡ ᒋᑭ ᓇᓴᐊᒧᒡ᙮

ᐊᒃᓱᑕᔅ 29:4

ᒐ ᐸᓱᐛᑯᒡ ᐊᕋᓐ ᑭᔭ ᐅᑯᓴ ᐊᓐᑕ ᐛᒋ ᐱᒐᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᒐ ᒋᔅᑕᐸᐎᑥᐤ᙮

ᒪᑎᔪᐤ 3:11

“ᓂᐱᔾ ᓂᔾ ᒋ ᓯᑲᐃᑕᑎᓇᐛᐤ ᐊ ᓄᒂᒡ ᐊ ᐎ ᒂᔅᑲᑎᓯᔭᒄ, ᒥᒄ ᒪᒃ ᑯᑎᒃ ᐊᐛᓐ ᒋᑭ ᑎᑯᓯᓄᐤ ᐊᔪᐛᒃ ᐊ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᓇᒪ ᒪᒃ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇᔭᐱᔭ᙮ ᐎᔾ ᒪᒃ ᒋᑭ ᓯᑲᐃᑕᑯᐛᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᐃᔅᑯᑕᔪᐤ᙮

ᓗᒃ 1:1

ᒋᔾ ᑎᔪᐱᓚᔅ, ᒋᑭ ᐊᔨᒧᑎᒪᑎᓐ ᐊᓐ ᒥᔽᒋᒧᐅᓐ ᑕᓐ ᑲ ᐃᓯ ᐱᒪᑎᓯᑦ ᒋᓴᔅ ᐅᑕ ᐊᔅᒋᒡ ᒪᒂᒡ ᐊ ᑕᔭᒡ ᑲ ᑕᑦ᙮ ᒥᒐᑦ ᐊᐛᓐᒋ ᒋ ᑯᒋᑕᐅᒡ ᒐᒋ ᒥᓯᓇᐊᒡ ᐊᓂᔭ ᑕᓐ ᑲ ᐃᓯ ᐱᒪᑎᓯᔨᒋ ᒋᓴᓴ᙮

ᒠᓐ 3:5

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓐ, ᓇᒪ ᐊᐛᓐ ᒋᑭ ᒋ ᐱᒐᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐸᑐᔅ ᓂᐱᒡ ᑭᔭ ᐊᒐᐧᑯᐅᓂᒡ ᐅᒋ ᐱᒪᑎᓯᒐ᙮

ᒠᓐ 8:9

ᐃᔅᐱ ᑲ ᐸᑐᐛᒡ ᐅᔭ ᐊ ᐃᔅᒋᔄᔨᒋ, ᐸᐸᐃᒄ ᒋ ᐊᑎ ᔅᑐᑕᐅᒡ, ᓂᔅᑎᒻ ᐊᓐᒡ ᑲ ᒋᓴᐃᔪᒡ᙮ ᒐᒃ ᒥᒄ ᐎᔾ ᒋᓴᔅ ᒋ ᑕᐤ ᐊᓐᑕ ᑭᔭ ᐊᓂᔭᔪᐛ ᐃᔎᐛ᙮

ᐊᑈᔅᑕᓇᒡ 22:16

ᒪᒋ ᒪᒃ, ᐊᑲᐎᔾ ᓂᓇᐧᑲᐎᔾ᙮ ᐱᓯᑯ, ᒐ ᓯᑲᐃᑕᑯᔨᓐ, ᑭᔭ ᒐ ᐛᐸᔨᑎᒪᑯᔨᓐ ᒋᒥᒋᑥᐅᓇ ᐊ ᑕᑈᑎᑦ ᐅᑎᐸᔨᒋᒐᐤ ᒐᒋ ᐛᐸᔨᑎᒪᔅᒃ᙮’ ”

ᐊᑈᔅᑕᓇᒡ 8:21

ᓇᒪ ᒋᑭ ᒋ ᐎᒋᑐᔅᒐᒥᓇᓐ, ᐛᔅ ᓇᒪ ᑯᐃᔅᑯᓇᑯᓐ ᒋᐱᒪᑎᓯᐅᓐ ᐊᓐᑕ ᒋᓴᒪᓂᑐᐤ ᐊ ᑕᑦ᙮

1 ᑯᕆᓐᑎᔭᓇ 6:11

ᐱᔅᒐ ᐊᓐᑕ ᐊ ᑎᓯᔭᒄ ᐊᐅᑯᓐ ᑲᒋ ᐃᓯ ᐱᒪᑎᓯᔭᒄ᙮ ᒥᒄ ᒪᒃ ᓴᔅ ᔅᒋ ᒋᔅᑕᐸᐅᐎᑯᓇᐛᐤ, ᔅᒋ ᐸᔭᒋᐃᑯᓇᐛᐤ, ᑭᔭ ᔅᒋ ᑯᐃᔅᑯᓇᑯᐃᑯᓇᐛᐤ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᑭᔭ ᒋᓴᒪᓂᑐᐤ ᐅᑦ ᐊᒐᐧᑯᒡ ᐃᔅ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

ᐃᐱᓯᔭᓇ 3:12

ᐅ ᒪᒃ ᙭ ᐊ ᐎᒐᐛᐧᒄ ᑭᔭ ᐊ ᑕᑈᔭᔨᒪᐧᒄ ᒋᓱᒋᑕᐊᓇᓄᐤ ᒐᒋ ᓇᑎᐧᒄ ᒋᓴᒪᓂᑐᐤ ᓇᔅᒡ ᐊ ᑕᑈᔭᔨᒪᐧᒄ᙮

ᐃᐱᓯᔭᓇ 5:26

ᐊᔪᐅᒄ ᐅᔭ ᑲ ᐃᑎᑦ ᙭ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᔅᑎᓇᑦ ᐅᒪᒧᐊᔭᒥᐊᐛ ᐃᔅᐱ ᑲ ᐸᔭᒋᐊᑦ, ᓂᐱᒡ ᐊᒋ ᒋᔅᑕᐸᐅᐎᔭᑦ ᐊᓂᔭ ᑕᓐ ᑲ ᐃᓯ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮

ᐃᐱᓯᔭᓇ 6:5

ᒋᔨᐛᐤ ᑲ ᐊᑐᔅᑯᐛᒄ ᐊᐛᓐ ᒋᐸ ᓂᓇᐃᑐᐛᐛᐅᒡ ᐊᓐᒡ ᒋᐅᒋᒪᒧᐛᐅᒡ᙮ ᐃᔭᒂ ᐃᑕᔨᒪᐧᑯᒡ ᑭᔭ ᐃᔭᒂᒥᔅᑐᐛᐧᑯᒡ ᑭᔭ ᑯᐃᔅᒄ ᐃᓯ ᐊᑐᔅᑯᐛᐧᑯᒡ ᒧᔭᒻ ᑕᓐ ᒋᐸ ᐃᓯ ᐊᑐᔅᑯᐛᐛᐤ ᙭᙮

1 ᑎᒧᑎ 4:2

ᐊᑯ ᒪᒃ ᐊᓂᔭ ᒐ ᐃᓯ ᐛᐎᔭᓯᒧᐛᒡ ᐅᒡ ᓂᑎᒥᒄ ᐊ ᐃᓯ ᒋᔅᑯᑎᒪᒐᒡ ᐊᑯᑕ ᒐ ᐅᒋ ᐱᐸᑕᒂᒋ ᐅᔭ ᒥᒋ ᒋᔅᑯᑎᒪᒐᐅᓇ᙮ ᐅᒡ ᒪᒃ ᒐ ᐱᐸᐎᔭᓯᒧᐛᒡ ᒐᒃ ᓇᒪ ᓇᔅᒡ ᒐᒂᓂᒡ ᒋᑭ ᐅᒋ ᐃᑕᔨᑎᒥᐃᑯᐅᒡ ᑕᓐ ᐊ ᐃᓯ ᒥᒋ ᒋᔅᑯᑎᒪᒐᒡ ᒐ ᐃᔅᐱᔅ ᐊᑲ ᒋᔅᒐᔨᑕᒡ ᑕᓐ ᐊᓂᔭᔪᐤ ᑕᑈᐅᓂᔪᐤ ᑭᔭ ᑕᓐ ᐊᓂᔭᔪᐤ ᐎᔭᓯᒧᐛᐅᓂᔪᐤ᙮ ᓇᒪ ᓇᔅᒡ ᒋᑭ ᐅᒋ ᐊᔨᒪᔨᑎᒧᒡ ᑕᓐ ᐊ ᐃᓯ ᒥᒋ ᒋᔅᑯᑎᒪᒐᒡ᙮

ᑕᐃᑕᔅ 3:5

ᔅᒋ ᐱᒪᒋᐃᑯᓄᐤ᙮ ᓇᒪ ᐎ ᑕᓐ ᑲ ᐃᓯ ᒋᒥᔪᑐᑎᒪᐧᒄ ᒋ ᐅᒋ ᐱᒪᒋᐃᑯᓄᐤ ᒥᒄ ᐊᓂᔭ ᒋᓴᒪᓂᑐᐤ ᐊᒋ ᒋᔅᑎᒪᒐᔨᒥᑕᐧᒄ ᐊᑯᑕ ᑲ ᐅᒋ ᐱᒪᒋᐃᑕᐧᒄ᙮ ᑲ ᐸᔭᒋᓯᑦ ᐊᒐᐧᒄ ᔅᒋ ᐸᔭᒋᐃᑯᓄᐤ ᑭᔭ ᒥᓐ ᔅᒋ ᐅᔅᒋᐃᑯᓄᐤ᙮

ᐃᑉᕈᐛ 10:1

ᓂᑭ ᐊᔨᒧᑕᓐ ᐊᑐᐎᔅ ᐊᓂᔭ ᒍᐤ ᐎᓱᐛᐅᓇ᙮ ᐊᓐᒡ ᐃᔪᒡ ᐅᔭ ᐎᓱᐛᐅᓇ ᑲ ᓂᓇᑭᑐᐛᔨᑎᒥᐃᑯᒡ ᐊᑯᑕ ᑲ ᐅᒋ ᒋᔅᒐᔨᑕᒡ ᑕᓐ ᒐ ᐃᔅᐱᔅ ᒥᔪᑐᑎᒧᐛᑦ ᒋᓴᒪᓂᑐᐤ ᐃᔪᐛ᙮ ᒥᒄ ᒪᒃ ᓇᒪ ᓇᔅᒡ ᐅᒋ ᒋᔅᒐᔨᑎᒥᐊᑭᓄᐅᒡ ᑕᓐ ᒐ ᐃᓯ ᐊᑐᐎᔅ ᒥᔪᑐᑎᒪᒐᑦ ᒋᓴᒪᓂᑐᐤ ᐊᓐᑕ ᓂᔅᑕᒥᒡ ᒋᓴᓴ ᐅᒡ᙮ ᓇᒪ ᐊᐛᓐ ᓇᔅᒡ ᐅᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ ᑭᔭ ᓇᒪ ᐊᐛᓐ ᓇᔅᒡ ᐅᒋ ᑯᐃᔅᑯᓇᑯᓱᐤ ᐊᓐᑕ ᐃᔅ ᒋᓴᒪᓂᑐᐛ ᐊ ᑕᔨᒋ ᒥᒄ ᐊᓂᔭ ᐊ ᓂᐸᐊᑭᓄᔨᒋ ᐊᐛᓯᓴ ᐊ ᒥᑐᔅᑕᐊᒪᓄᒡ ᐊᓯᑯᒻ ᐱᐳᓇ᙮

ᐃᑉᕈᐛ 10:19

ᓂᐧᑲᓂᓯᑐᒄ, ᐊᓂᔭ ᒋᓴᔅ ᐊᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ, ᐊᑯ ᒪᒃ ᒥᒄ ᒐᒋ ᐃᓯ ᐱᒐᔭᐧᒄ ᐊᑲ ᓴᒋᓯᔭᐧᒄ ᐊᓐᑕ ᒪᐅᒡ ᐸᔭᐧᑭᓂᔨᒡ ᒋᓴᒪᓂᑐᐤ ᐊ ᑕᑦ᙮

ᐃᑉᕈᐛ 11:28

ᒧᓱᔅ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᒋ ᒋᒋᐱᔨᑕᐤ ᒐᒋ ᑎᑯᓂᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ, ᐊᓯᑯᒻ ᐱᐳᓇ ᒪᒃ ᐅ ᒋ ᐃᑐᑕᑭᓄᐤ᙮ ᐊᓂᔭ ᒪᒃ ᒧᓱᔅ ᐊ ᑕᑈᔭᔨᒪᑦ ᒋᓴᒪᓂᑐᐛ ᒋ ᐃᑎᓱᐛᐤ ᒐᒋ ᐅᓯᔄᐛᐱᔨᑕᑭᓄᔨᒋ ᐊᐛᓯᓴ ᐅᒥᐧᑯᔪᐤ ᐊᓐᑕ ᔅᑐᐧᑭᓂᒡ ᑭᔭ ᐊᓂᔭ ᐊᓐᒋᓇ ᑲ ᓂᐸᐃᐛᔨᒋ ᒐ ᐊᑲ ᒋ ᓂᓱᐅᓇᒋᐊᔨᒋ ᐊᓂᔭ ᓂᔅᑎᒧᓴᓇ ᑲ ᓇᐸᓯᐎᔨᒋ ᐃᔅᕋᐃᓪ ᐃᔪᐛ ᐊ ᑕᔨᒋ᙮

ᐃᑉᕈᐛ 12:24

ᑭᔭ ᒋᓴᔅ ᑕᐤ ᐊᓐᑕ, ᐊᓐ ᑲ ᐅᔅᒋᑕᐛᑦ ᒋᓴᒪᓂᑐᐛ ᐅᓂᔅᑯᒧᐅᓂᔪᐤ᙮ ᐊᓂᔭ ᙭ ᐊᒋ ᐅᓂᑕᑦ ᐅᒥᐧᒄ ᒋᔭᓄᐤ ᐅᒋ, ᐊᑯᑕ ᐛᒋ ᑎᒂᒡ ᐛᐸᔨᑎᒪᒐᐅᓐ᙮ ᐊᓂᔭ ᒪᒃ ᐎᔾ ᐊᐳᓪ ᐊᒋ ᐅᓂᑕᑦ ᐅᒥᐧᒄ ᑲ ᓂᐸᐊᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑎᒪᐧᒄ ᒐᒋ ᑎᐸᐊᒧᐛᑭᓄᐅᑦ ᒐᒂᔪᐤ ᐊ ᐃᑐᑐᐛᑭᓄᐅᑦ ᐊᐛᓐ᙮

ᐃᑉᕈᐛ 4:16

ᐊᑲ ᓄᒋᑕᐤ ᒐ ᐸᒋ ᓇᑎᒪᐧᒄ ᐊᓐ ᒥᔪᐧᑲᒐᐅ-ᒋᒋᑕᑎᐳᐛᑭᓐ, ᒐᒋ ᒋᓴᐛᑐᑕᑯᐅᔭᐧᒄ, ᑭᔭ ᒐᒋ ᒥᔨᑯᐅᔭᐧᒄ ᒥᔪᐧᑲᒐᐅᓐ ᒐ ᐎᒋᐃᑯᔭᐧᒄ ᐸᒋ ᑲᑯᐃᑐ ᑎᔭᒂ᙮

ᐃᑉᕈᐛ 6:11

ᒋ ᐱᑯᓴᔨᒥᑎᓇᓐ ᒥᓯᐛ ᒧᓯᓇᐤ ᒐᒋ ᒥᔪᑐᑎᒪᒄ ᐱᐃᒻ ᐊᑎ ᐃᔎᐱᔨᒂᐛ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐ ᒐᔅᑎᓇᐅᔭᒄ ᑕᑈ ᒐ ᒥᔨᑕᒄ ᒋᓴᒪᓂᑐᐤ ᒥᓯᐛ ᑕᓐ ᐛ ᐃᓯ ᒥᔨᑕᒄ᙮

ᐃᑉᕈᐛ 7:19

ᐛᔅ ᐊᓂᔭᔪᐛ ᐎᓱᐛᐅᓇ ᒧᓱᔅ ᑲ ᐱᔅᑎᓇᐧᒃ ᓇᒪ ᐅᒋ ᐃᑐᑕᑯᐅᒡ ᐃᔪᒡ ᒐᒋ ᑯᐃᔅᑯᑕᑎᓯᒡ᙮ ᒥᒄ ᒪᒃ ᑯᑎᒡ ᒐᒂᓐ ᐅᔅᑕ ᐊ ᒥᔽᒡ ᒋ ᒥᔨᑯᓇᓄᐤ, ᐊᐅᒄ ᐊᔅᐸᔨᒧᐅᓐ᙮ ᐊᔅᐸᔨᒧᐅᓐ ᐊᔭᐛᒂ ᐊᐅᒄ ᒐ ᐎᒋᐃᑯᔭᐧᒄ ᒐᒋ ᐸᓱᐛᐱᒪᐧᒄ ᒋᓴᒪᓂᑐᐤ᙮

ᐃᑉᕈᐛ 9:10

ᐅ ᐊ ᐃᑎᓇᓄᐅᒡ ᐊ ᒥᔨᐛᓄᒋ ᒥᔨᐛᐅᓇ ᑭᔭ ᒥᑐᔅᑕᐊᒪᒐᐅᓇ ᐊᑯᓐ ᐊᑎᔅᑕᒡ ᓂᔅᑯᒧᐅ ᒥᓯᓇᐃᑭᓂᒡ ᒐᒋ ᐃᑎᓇᓄᐅᒡ᙮ ᒥᒄ ᐎᑎᒧᐛᑭᓄᐎᒡ ᐊᓐᑕ ᐊᐛᓐᒋ ᒐᒂᔪᐤ ᒐᒋ ᒥᒋᒡ ᑭᔭ ᒐᒂᔪᐤ ᒐᒋ ᒥᓂᒡ ᑭᔭ ᑕᓐ ᒐ ᐃᓯ ᓂᓇᐧᑯᐤ ᐃᑎᒡ ᐊᓐᑕ ᒐᒋ ᐅᒋ ᐃᓯᓇᑯᓯᒡ ᐊ ᐸᔭᒋᓯᒡ᙮ ᐅᔭ ᒐᒂᔪᐛ ᓇᒪ ᒋ ᐎᒋᐃᑯᓇᓄᐤ ᒐᒋ ᒋᔅᒐᔨᑎᒪᐧᒄ ᑕᑈ ᒐᒋ ᐛᐸᔨᑎᒪᑯᐛᒂ᙮ ᐊᐅᒄ ᐅᔭ ᒪᒂᒡ ᒐ ᐎᒋᐃᑯᔭᐧᒄ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᐃᑐᑕᑕᐧᒄ ᒋᓴᒪᓂᑐᐤ ᓇᔅᒡ ᒐᒋ ᑯᐃᔅᑯᓇᑯᐃᑕᐧᒄ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐅᒡ᙮

ᐃᑉᕈᐛ 9:19

ᒋ ᒋᔅᒋᓯᑐᐛᐛᐤ ᐊ ᐊᓂᔭ ᒧᓱᔅ ? ᐃᔅᐱ ᒥᓯᐛ ᐊᓂᔭ ᐎᓱᐛᐅᓇ ᑲ ᐃᔨᒥᑐᐛᑦ ᐅᑦ ᐃᔨᒪ, ᐊᑯ ᒂ ᐅᑎᓂᒺᑦ ᐊ ᐅᔅᒋᐱᒪᑎᓯᔨᒋ ᒥᔅᑐᓯᓴ ᐅᒥᐧᑯᔪᐤ, ᒂ ᒪᒧᐱᔨᑕᑦ ᓂᐱᔪᐤ ᐊᓐᑕ ᒥᐧᑯᒡ ᑭᔭ ᑲ ᐊᒂᐱᐧᑲᑕᐧᒃ ᐊ ᒥᒂᓯᔨᒡ ᒪᔭᑕᓂᓴ ᐅᐱᐎᔪᐤ, ᒂ ᐊᑯᑕᑦ ᐊᓐᑕ ᒥᐧᑯᒡ ᐊᑯ ᒂ ᐱᒋᑕᐱᔨᑕᑦ ᐊᓐᑕ ᐃᔅ ᐊᓂᔭᔪᐛ ᐎᓱᐛᐅᒥᓯᓇᐃᑭᓇ ᐊ ᑎᑯᓂᔨᒋ ᑭᔭ ᐊᓐᑕ ᐃᔪᐛ ᐊ ᑕᔨᒋ᙮

ᒋᒥᔅ ᐅᒥᓯᓇᐊᒪᒐᐅᓐ 1:6

ᒥᒄ ᒪᒃ ᐊᑲᐎᔾ ᒋᑭ ᐅᒋ ᐊᓏᑎᒻ ᐊᓐ ᐊᐛᓐ ᑲ ᓂᑐᑎᒪᑦ᙮ ᐛᔅ ᐊᓐ ᐊᐛᓐ ᑲ ᐊᓏᑕᐧᒃ ᒧᔭᒻ ᑭᔅᑭᓐ ᐊᓐᑕ ᓴᑲᐃᑭᓂᒡ ᐊᐅᑯᓐ ᐊ ᐃᓯᓇᑯᓯᑦ, ᒥᒄ ᑕᓐᑕ ᐊ ᐃᓯ ᔪᑎᓂᔨᒡ ᐊᑯᑕ ᐊ ᐃᑕᐅᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 4:8

ᐸᓱᐛᐱᒪᐧᒄ ᒋᓴᒪᓂᑐᐤ ᑭᔭ ᒐ ᐸᓱᐛᐱᒥᑕᒄ ᑭᔭ ᒋᔨᐛᐤ᙮ ᑲᓯᑎᒐᒄ ᒋᔨᐛᐤ ᐅᒥᒋᑥᐅᒡ, ᐊᑯ ᒋᔨᐛᐤ ᑲ ᐊᔭᒥᐊᐧᑲᓱᔭᒄ ᐸᔭᒋᑕᒄ ᒋᑕᐃᐛᐛ᙮

1 ᐱᑕᕐ 1:2

ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮

1 ᐱᑕᕐ 3:21

ᐊᓐ ᒪᒃ ᓂᐱᔾ, ᒧᔭᒻ ᓯᑲᐃᑕᒐᐅᓐ ᒋ ᐃᓯᓇᑯᓐ, ᓯᑲᐃᑕᒐᐅᓂᔪᐤ ᒪᒃ ᐊᔪᐅᒄ ᐸᒪᒋᐃᑯᑦ ᐊᐛᓐ ᑲ ᑕᑈᑕᐧᒃ᙮ ᒥᒄ ᒪᒃ ᐊ ᓯᑲᐃᑐᐛᑭᓄᐅᑦ ᐊᐛᓐ ᓇᒪ ᐎᔪᐤ ᒋᔅᑕᐸᐅᑕᑭᓄᐅᔪᐤ᙮ ᓄᑯᑕᐤ ᒋᓴᒪᓂᑐᐛ ᐊ ᐃᑕᑦ ᑕᑈ ᙭ᑕ ᒐ ᓇᓴᐛᑦ᙮ ᐱᒪᒋᐃᑯᐤ ᐊ ᓯᑲᐃᑐᐛᑭᓄᐅᑦ ᐊᓂᔭ ᐅᒋ ᒋᓴᔅ ᙭ᑕ ᐊᒋ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮