ᐃᑉᕈᐛ 10:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓂᑭ ᐊᔨᒧᑕᓐ ᐊᑐᐎᔅ ᐊᓂᔭ ᒍᐤ ᐎᓱᐛᐅᓇ᙮ ᐊᓐᒡ ᐃᔪᒡ ᐅᔭ ᐎᓱᐛᐅᓇ ᑲ ᓂᓇᑭᑐᐛᔨᑎᒥᐃᑯᒡ ᐊᑯᑕ ᑲ ᐅᒋ ᒋᔅᒐᔨᑕᒡ ᑕᓐ ᒐ ᐃᔅᐱᔅ ᒥᔪᑐᑎᒧᐛᑦ ᒋᓴᒪᓂᑐᐤ ᐃᔪᐛ᙮ ᒥᒄ ᒪᒃ ᓇᒪ ᓇᔅᒡ ᐅᒋ ᒋᔅᒐᔨᑎᒥᐊᑭᓄᐅᒡ ᑕᓐ ᒐ ᐃᓯ ᐊᑐᐎᔅ ᒥᔪᑐᑎᒪᒐᑦ ᒋᓴᒪᓂᑐᐤ ᐊᓐᑕ ᓂᔅᑕᒥᒡ ᒋᓴᓴ ᐅᒡ᙮ ᓇᒪ ᐊᐛᓐ ᓇᔅᒡ ᐅᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ ᑭᔭ ᓇᒪ ᐊᐛᓐ ᓇᔅᒡ ᐅᒋ ᑯᐃᔅᑯᓇᑯᓱᐤ ᐊᓐᑕ ᐃᔅ ᒋᓴᒪᓂᑐᐛ ᐊ ᑕᔨᒋ ᒥᒄ ᐊᓂᔭ ᐊ ᓂᐸᐊᑭᓄᔨᒋ ᐊᐛᓯᓴ ᐊ ᒥᑐᔅᑕᐊᒪᓄᒡ ᐊᓯᑯᒻ ᐱᐳᓇ᙮

ᐃᑉᕈᐛ 10:1 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3

ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

ᑯᓚᓯᔭᓇ 2:17

ᒧᔭᒻ ᒥᒄ ᐊ ᑎᑲᔅᑕᑎᒡ ᐊᓐ ᑕᓐ ᐊᔅᒄ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ ᐃᓯᓇᑯᓇ ᐅᔭ᙮ ᓴᔅ ᒪᒃ ᒋ ᑎᑯᓯᓐ ᐊᓐ ᒋᒋᐛ ᐊ ᐃᑕᔨᑕᑯᓯᑦ ᐊᐛᓐ, ᐊᐅᒄ ᒋᓴᔅ᙮

ᐃᑉᕈᐛ 10:22

ᐊᑯ ᒪᒃ ᒐᒋ ᓇᑕᐧᒄ ᒋᓴᒪᓂᑐᐤ ᒋᓴᔅ ᐊ ᐅᒋᓴᐊᔭᒥᐊᐅᒋᒪᒥᔭᐧᒄ, ᓇᔅᒡ ᐊ ᑕᑈᑎᒪᐧᒄ ᒐ ᒥᔽᔨᑕᐧᒄ ᓇᑕᒂ, ᒐ ᐊᑲ ᐅᒋ ᐊᑐᐛᔨᒥᑕᐧᒄ᙮ ᒋᑭ ᒋ ᓇᑕᓄᐤ ᐛᔅ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᓇᔅᒡ ᒋ ᐸᔭᒋᑕᑭᓄᐛ ᒋᑕᐃᓄᐛ ᑭᔭ ᓇᒪ ᐊᑯ ᒋ ᒥᑯᔅᑲᑕᔨᑎᒥᐃᑯᐅᓇᓄᐤ ᑕᓐ ᑲᒋ ᐃᓯ ᒥᒋᑐᑎᒪᐧᒄ᙮ ᒋ ᐸᔭᒋᑕᑭᓄᐛ ᒋᔪᓄᐛ ᐊ ᒥᔽᑭᒥᒡ ᓂᐱᔾ ᐅᒋ᙮

ᐃᑉᕈᐛ 7:11

ᐃᔅᐱᔅ ᐊᓐᒡ ᐃᔅᕋᐃᓪ ᐃᔪᒡ ᑲ ᒥᔭᑭᓄᐅᒡ ᐊᓂᔭ ᐎᓱᐛᐅᓂᔪᐤ, ᐊᓂᔭᔪᐛ ᐊᔭᒥᐊᐅᒋᒪᐛ ᓕᐸᐃ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᔨᒋ ᒋ ᐊᔨᒧᑎᒪᑯᐅᒡ ᐅᔭ ᐎᓱᐛᐅᓂᔪᐤ᙮ ᒋ ᐃᓯᓇᑯᓂᑯᐱᓇ ᒪᒃ ᒐᒋ ᐱᒪᒋᐅᒡ ᐊᐛᓐᒋ ᐊᓂᔭ ᑲ ᐃᓯ ᐊᑐᔅᒐᔨᒋ ᐅᔭ ᐊᔭᒥᐊᐅᒋᒪᐛ ᐅᒋ ᓇᒪ ᒋᐸ ᐅᒋ ᓂᑐᐛᔨᑕᑯᓂᔪᐤ ᒥᓐ ᒐᒋ ᑕᑦ ᐊᐛᓐ ᐊ ᐊᔭᒥᐊᐅᒋᒪᐅᑦ ᒧᔭᒻ ᒪᓪᑭᓴᑕᒃ ᐊ ᐃᑕᔨᑕᑯᓯᑦ᙮ ᒥᒄ ᒪᒃ ᓇᒪ ᐅᒋ ᐱᒪᒋᐅᒡ ᐊᐛᓐᒋ ᒥᒄ ᐊᓂᔭ ᐅᑦ ᐊᑐᔅᒐᐅᓂᔪᐤ ᐊᓂᔭᔪᐛ ᐊᔭᒥᐊᐅᒋᒪᐛ ᐅᒡ᙮ ᐊᑯ ᑭᑈ ᑲ ᓂᑐᐛᔨᑕᒂᒡ ᒥᓐ ᑯᑎᒃ ᒋᓴᐊᔭᒥᐊᐅᒋᒪᐤ ᒐᒋ ᑕᑦ ᒧᔭᒻ ᒪᓪᑭᓴᑕᑲ ᑲ ᐃᑕᔨᑕᑯᓯᔨᒋ ᒐᒋ ᐃᑕᔨᑕᑯᓯᑦ᙮ ᓇᒪ ᐎ ᐊᕋᓇ ᑲ ᐃᑕᔨᑕᑯᓯᔨᒋ ᒋᐸ ᐅᒋ ᐃᑕᔨᑕᑯᓱᐤ᙮

ᐃᑉᕈᐛ 8:5

ᐅᒡ ᒪᒃ ᐊᔭᒥᐊᐅᒋᒪᐅᒡ ᐅᑕ ᐊᔅᒋᒡ ᑲ ᐊᔭᒥᐊᐅᒋᒪᐤ ᐊᐱᑎᓯᒡ ᐊᓐᑕ ᒍᐤ ᐊᔭᒥᐊᐤ ᒥᒋᐛᐱᒡ ᒋ ᐊᑐᔅᒐᐅᒡ᙮ ᐊᓂᔭ ᒪᒃ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᑲ ᐊᑐᔅᒐᒡ ᒧᔭᒻ ᐊᓐ ᒋᒋᐛ ᐊᔭᒥᐊᐤ ᒥᒋᐛᑉ ᒋᒋᒋᓯᑯᒡ ᑲ ᑎᒂᒡ ᐊ ᐃᓯᓇᒂᒡ ᒋ ᐃᓯᓇᑯᓂᔪᐤ᙮ ᐛᔅ ᐃᔅᐱ ᒧᓱᔅ ᒐ ᐎᔨᑲᐳᐅᑕᑦ ᐊᓂᔭ ᐊᔭᒥᐊᐤ ᒥᒋᐛᐱᔪᐤ, ᒋ ᐃᑎᑯᐤ ᒋᓴᒪᓂᑐᐛ, “ᐊᓐᑕ ᐱᔅᑯᑎᓇᒡ ᐊ ᑕᔨᓐ ᑲ ᐛᐸᑎᔨᑕᓐ ᑕᓐ ᒐ ᐃᓯᑕᔨᓐ ᐊᐅᑯᓐ ᐊᓐ ᒐ ᐃᓯᑕᔨᓐ᙮”

ᐃᑉᕈᐛ 9:11

ᐊᑯ ᒪᒃ ᙭ ᓴᔅ ᐊᒋ ᑎᑯᓯᐧᒃ ᒐ ᐅᒋᓴᐊᔭᒥᐊᐅᒋᒪᒥᔭᐧᒄ ᐊᑯ ᐎᔾ ᒪᔪ ᓱᐛᔨᒥᑕᐧᒄ᙮ ᒋ ᐱᒐᐤ ᐎᔾ ᐊᓂᔭ ᐊᔭᒥᐊᐤ ᒥᒋᐛᐱᔪᐤ ᐊᓂᔭ ᐊᑲ ᐅᑕ ᐊᔅᒋᒡ ᐅᒋᒥᑭᓂᔨᒡ᙮ ᓇᒪ ᓇᐸᐛ ᐅᒋ ᐅᓯᑕᔪᐛ ᐅᔭ ᒥᒋᐛᐱᔪᐤ᙮ ᐊᔪᐅᒄ ᐅᔭ ᒪᐅᒡ ᑲ ᒋᔅᑕᔨᑕᑯᓂᔨᒡ ᐃᔅᐱᔅ ᐊᓂᔭ ᑲᒋ ᐊᐱᑎᓂᔨᒡ ᐅᑕ ᐊᔅᒋᒡ᙮

ᐃᑉᕈᐛ 9:23

ᒋ ᓂᑐᐛᔨᑕᑯᓐ ᐅ ᒐᒋ ᐃᑎᓇᓄᐅᒡ ᒐᒋ ᐸᔭᐧᑲᒋ ᒥᓯᐛ ᐅᔭ ᒐᒂᔪᐛ᙮ ᐅ ᐊ ᐃᑎᓇᓄᐅᒡ ᒥᒄ ᐎ ᓄᑯᑕᑭᓄᐤ ᑕᓐ ᐊ ᐃᑕᔨᑕᒂᒋ ᐊᓂᔭ ᒋᒋᐛ ᒐᒂᔪᐛ ᐊᓐᑕ ᒋᒋᒋᓯᑯᒡ ᐊ ᑎᒂᒋ᙮ ᒐᔅᑎᓇᔅ ᒪᒃ ᐅᔅᑕ ᐊ ᒥᔽᒋ ᒥᑐᔅᑕᐊᒪᒐᐅᓇ ᓂᑐᐛᔨᑕᑯᓇ ᐛᔅ ᐊᑐᐎᔅ ᒋᒋᐛ ᐃᑕᔨᑕᑯᓇ ᐊᓂᔭᔪᐛ ᒐᒂᔪᐛ ᐊᓐᑕ ᒋᒋᒋᓯᑯᒡ ᐊ ᑎᒂᒋ᙮

ᐃᑉᕈᐛ 9:25

ᐊᓐ ᒋᓴᐊᔭᒥᐊᐅᒋᒪᐤ ᑲᒋ ᐱᒐᑦ ᐊᓐᑕ ᑲ ᐸᔭᐧᑭᓂᔨᒡ ᐸᐃᒂᐤ ᐸᐃᒄ ᐱᐳᓇ ᒧᔅ ᒋ ᒥᑐᔅᑕᐊᒪᐤ ᐊᐛᓯᓴ ᐊᓯᑯᒻ ᐱᐳᓇ, ᐊᐅᒄ ᐅᔭ ᑲᒋ ᐃᑎᑦ ᒐᒋ ᐅᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᐸᐃᒂᐤ ᙭ ᐎᔾ ᑎᐱᔨᐛ ᐅᐱᒪᑎᓯᐅᓐ ᒋ ᐱᔅᑎᓂᒻ᙮