ᐃᑉᕈᐛ 1:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐅᑯᓯᓯᒪᐛ ᒪᒃ ᐊ ᐊᔨᒧᒪᑦ ᒋ ᐃᔅᒋᔄᐤ, “ᒋᔾ ᒋᓴᒪᓂᑐᐤ, ᒋᐅᒋᒪᐅᓐ ᑲᒋᒡ ᒋᑭ ᑎᑯᓐ, ᑯᐃᔅᒄ ᒋᑦ ᐃᑎᓐ ᐊ ᐅᒋᒪᐎᔨᓐ ᐊᓐᑕ ᒋᐅᒋᒪᐅᓂᒡ᙮

ᐃᑉᕈᐛ 1:8 Iomraidhean Croise

ᑎᐱᑦ ᐅᓂᑭᒧᐅᓇ 145:13

ᒋᒋᓴᒋᒪᐅᓐ ᑲᒋᒡ ᐅᒋᒪᐅᓄᐤ, ᑭᔭ ᒋᑎᐸᔨᒋᒐᐅᓐ ᐱᒥᐱᔪᐤ ᒥᓯᐛ ᒐ ᐊᑎ ᐊᓂᔅᒐ ᐱᒪᑎᓯᓇᓄᐅᒡ᙮

ᑎᐱᑦ ᐅᓂᑭᒧᐅᓇ 72:7

ᒪᒂᒡ ᐊ ᐅᒋᓯᑲᒥᑦ ᐅᑯᐃᔅᑯᑕᑎᓯᐤ ᒋᑭ ᒥᔽᐱᒪᐅᓯᐤ, ᑭᔭ ᒥᔅᑎ ᒋᔭᒪᔨᑎᒧᐅᓂᔪᐤ ᒐ ᐃᔅᐱᔅ ᑕᔨᒋ ᑎᐱᔅᑲᐤ ᐱᓯᒺ᙮

ᑎᐱᑦ ᐅᓂᑭᒧᐅᓇ 99:4

ᒋᓴᐅᒋᒪᐤ ᐅᒥᔅᑯᐅᓯᐅᓂᒡ ᑭᔭ ᓴᒋᑕᐤ ᑎᐸᔅᑯᓂᒐᐅᓂᔪᐤ; ᒋᑦ ᐊᔨᑎᔅᑕᓐ ᑯᐃᔅᑯᑐᐅᓐ, ᒋ ᑎᐱᑐᑕᓐ ᑎᐸᔅᑯᓂᒐᐅᓐ ᑭᔭ ᑯᐃᔅᑯᑕᑎᓯᐅᓐ ᒐᑭᐱᒡ᙮

ᒪᑎᔪᐤ 1:23

“ᐃᔎᔅ ᐊᑲ ᐊᔅᒄ ᐅᒋ ᒋᔅᒐᔨᒥᑯᑦ ᓇᐸᐛ ᒋᑭ ᐊᔭᐛᐤ ᐊᐛᓴ, ᒋᑭ ᓇᐸᓯᐎᔪᐛ ᒪᒃ, ᐃᒪᓄᐃᓪ ᒋᑭ ᐃᓯᓂᐧᑲᑕᑭᓄᐤ᙮” ᒋᓴᒪᓂᑐᐤ ᐊ ᐸᒋ ᑕᑦ ᐅᑕ ᐊ ᑕᔭᐧᒄ ᐃᔅᒋᔄᒥᑭᓐ ᐅ ᐃᓯᓂᐧᑲᓱᐅᓐ᙮

ᓗᒃ 1:75

ᐸᔭᒋᓯᐅᓂᒡ ᑭᔭ ᑯᐃᔅᑯᑕᑎᓯᐅᓂᒡ ᒥᓯᐛ ᑕᑐᐤ ᒋᓯᑲᐛ ᒐ ᐃᔅᐱᔅ ᐱᒪᑎᓯᔭᐧᒄ᙮

ᒠᓐ 10:30

ᓂᔾ ᑭᔭ ᓄᑕᐎᔾ ᓂ ᐸᐃᑯᐅᓇᓐ᙮”

ᒠᓐ 10:33

ᒋ ᐃᑎᑯᐤ ᒪᒃ ᐊ ᐃᓯ ᐎᑎᒪᑯᑦ, “ᓇᒪᔭᐤ ᐎ ᒥᔪᑐᑎᒪᒐᐅᓐ ᐛᒋ ᐎ ᐱᒧᓯᓇᑕᐅᑕᒡ, ᒋ ᐸᔅᑕᒧᓐ ᐊᐅᒄ ᐛᒋ ᐎ ᓂᐸᐃᑕᒡ᙮ ᒋᑦ ᐃᔅᒋᔄᓐ ᐊ ᒋᓴᒪᓂᑐᐎᔨᓐ ᒥᒄ ᒪᒃ ᐊ ᓇᐸᐎᔨᓐ᙮”

ᒠᓐ 20:28

ᐊᑯ ᑥᒥᔅ ᒂ ᐃᑕᑦ, “ᓂᑎᐸᔨᒋᒐᓯᒻ ᑭᔭ ᓂᒋᓴᒪᓂᑐᒻ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:5

ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐅᒡ᙮ ᐊᑯᑕ ᑭᔭ ᐎᔾ ᒋᓴᔅ ᙭ ᑲ ᐅᒋ ᐊᓂᔅᒐ ᐱᒪᑎᓯᑦ ᐃᔅᐱ ᓇᐸᐛ ᑲ ᐃᓯᐊᑭᓄᐅᑦ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐱᒥᐱᔨᑕᑦ, ᑲᒋᒡ ᒋᑭ ᐎ ᒪᒥᒋᒪᑭᓄᐤ᙮ ᐊᒥᓐ᙮

1 ᑯᕆᓐᑎᔭᓇ 15:25

ᐛᔅ ᐎᔾ ᒋᑭ ᐅᒋᒪᐤ ᙭ ᐸᑐᔅ ᒋᓴᒪᓂᑐᐛ ᒋ ᓴᒂᔨᒐᓂ ᒥᓯᐛ ᐊᓂᔭᔪᐛ ᑲ ᐛᐧᑲᑎᑯᑦ ᙭ ᑭᔭ ᒋ ᒥᔨᑯᒐ ᓇᔅᒡ ᒐᒋ ᑎᐸᔨᒪᑦ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

2 ᐱᑕᕐ 1:11

ᐊᑯᑕ ᑭᔭ ᒐᒋ ᐅᒋ ᒥᒄ ᐃᓯ ᐱᑎᑲᐃᑯᐅᔭᒄ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐅᒋᒪᐅᓂᒡ, ᐊᓂᔭ ᑲᒋᒡ ᒐ ᑎᑯᓂᔨᒡ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮