ᐃᑉᕈᐛ 1:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᓄᒡ ᒪᒃ, ᐅᔭ ᒪᔅᑕᔾ ᐊ ᒋᓯᑲᔨᒋ ᐅᑯᓴ ᐅᒋ ᐊᑯᑕ ᐛᒋ ᐃᔨᒥᐃᑕᐧᒄ᙮ ᐊᐅᒄ ᐅᔭ ᐅᑯᓴ ᒋᓴᒪᓂᑐᐤ ᑲ ᐊᐱᒋᐊᑦ ᒥᓯᐛ ᒐᒂᔪᐤ ᑲ ᐅᓯᑕᑦ ᑭᔭ ᐊᐅᒄ ᐅᔭ ᑲ ᐅᑎᓇᑦ ᒥᓯᐛ ᒐᒂᔪᐤ ᒐ ᐃᓯ ᒥᔭᑦ᙮

ᐃᑉᕈᐛ 1:2 Iomraidhean Croise

ᒐᓂᓯᔅ 49:1

ᐊᑯ ᒐᑭᑉ ᐛᓴᒪᑦ ᐅᑯᓴ ᒐᒋ ᓂᑐᐛᐱᒥᑯᑦ, ᐃᔅᐱ ᑕᑯᓯᓂᔨᒋ ᐊᑯ ᐊᑕᑦ, “ᐛᔅᑲᑲᐳᔅᑐᐅᒄ ᑭᔭ ᒋᑭ ᐎᑎᒪᑎᓇᐛᐤ ᒐ ᐃᓯᓇᑯᓯᔭᒄ ᐊᓐᑕ ᓂᑲᓄᒡ᙮

ᒪᑎᔪᐤ 13:39

ᐊᓐ ᒪᒃ ᐊᐛᓐ ᑲ ᐛᐧᑲᑕᑦ ᐊᓂᔭ ᑲ ᓂᑕᐅᒋᑕᔨᒋ ᐊᓐ ᑲ ᐛᐛᐱᓇᐧᒃ ᒥᒋ ᓱᒥᓇ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊᐅᒄ ᐊᓐ ᒥᒋᒥᓂᑐᐤ᙮ ᐊᓐ ᒪᒃ ᒐ ᐅᑎᒋᐱᔨᒡ ᒐᒋ ᒪᒧᓴᒋᓂᑭᓄᐅᒋ ᐊᓂᔭ ᓂᑕᐅᒋᑕᑭᓇ ᐊᐅᒄ ᐊᓐ ᒐ ᐃᔎᐱᔨᒡ ᐊᔅᒋᔾ᙮ ᐊᓐᒡ ᒪᒃ ᑲ ᒪᒧᓴᒋᓇᒡ ᐊᓂᔭ ᓂᑕᐅᒋᑕᑭᓇ ᑲ ᐃᔅᒋᔄᔭᓐ, ᐊᐅᑯᓐᒡ ᐊᓐᒡ ᐊᓐᒋᓐᒡ᙮”

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᒪᑎᔪᐤ 21:38

ᒥᒄ ᒪᒃ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᐃᔅᐱ ᐎᔭᐱᒪᒡ ᐊᓂᔭ ᐅᒋᒪᒧᐛᐛᐤ ᐅᑯᓯᔪᐛ ᒋ ᐃᑎᑐᐅᒡ, ‘ᐊᐅᑯᓂ ᐅᔭ ᐊᓐ ᒋᐅᒋᒪᒥᓄᐤ ᑎᐱᔨᐛ ᐅᑯᓴ᙮ ᐎᔾ ᒋᑭ ᐊᓱᐤ ᒥᔭᑭᓄᐤ ᐅᔭ ᓂᑕᐅᒋᑕᑭᓐ ᐊᔅᒋᔪᐤ᙮ ᓇᐸᐊᑕᐤ᙮ ᐊᑯ ᒪᒃ ᒋᔭᓄᐤ ᒐ ᑎᐱᔨᐛᐅᓯᐛᐧᒄ ᐅᔭ ᐅᑦ ᐊᔅᒋᔾ᙮’

ᒪᑎᔪᐤ 26:63

ᒋᓴᔅ ᒪᒃ ᓇᒪ ᐅᒋ ᒋᔅᑐᐤ᙮ ᐊᑯ ᒥᓐ ᒂ ᐃᑎᑯᑦ ᐊᓂᔭ ᒋᓴᐊᔭᒥᐊᐅᒋᒪᐛ, “ᑯᐃᔅᒄ ᒪ ᐸᒋ ᐎᑎᒧᐅᓇᓐ ᐊ ᐸᑕᔅᒃ ᐊᓐ ᐸᒪᑎᓯᑦ ᒋᓴᒪᓂᑐᐤ, ᐊᐅᒄ ᐊ ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ ?”

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᒪᑎᔪᐤ 3:17

ᐊᑯ ᒂ ᐸᑐᐛᒡ ᐊᐛᔪᐛ ᐊᓐᑕ ᒋᒋᒋᓯᑯᒡ ᐅᒡ ᐊ ᐃᔅᒋᔄᔨᒋ, “ᐊᐅᑯᐤ ᓂᑯᔅ ᑲ ᓴᒋᐃᒃ ᑭᔭ ᓇᔅᒡ ᑕᑈ ᑲ ᓂᓇᐊᔨᑎᒥᐃᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:1

ᐊᑯᑕ ᐅᑕ ᒐᒋᐱᔨᒡ ᒥᔽᒋᒧᐅᓐ ᐊ ᐊᔨᒧᒪᑭᓄᐅᑦ ᒋᓴᔅ ᙭ ᒋᓴᒪᓂᑐᐤ ᐅᑯᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:6

“ᒐᒃ ᒥᒄ ᐸᐃᒄ ᓇᐸᐛ ᒂ ᑕᔨᒋ ᐊᓐᑕ ᐊ ᑕᑦ ᐊᓐ ᐅᒋᒪᐤ, ᐊᔪᐅᒄ ᐅᔭ ᑎᐱᔨᐛ ᐅᑯᓴ᙮ ᐊᔪᐅᒄ ᐅᔭ ᒂ ᐃᑎᓴᐛᑦ, ᒐᒃ ᐊ ᐃᑕᔨᑕᐧᒃ, ‘ᒋᑭ ᒋᔅᑕᔨᒪᐅᒡ ᐅᔭ ᓂᑯᓴ᙮’ ”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:7

“ᒥᒄ ᒪᒃ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᒋ ᐃᑎᑐᒡ, ‘ᐊᐅᒄ ᒐ ᐊᓱᐤ ᒥᔭᑭᓄᐅᑦ ᐊᔅᒄ ᐅᔭ ᐊᔅᒋᔪᐤ, ᐊᔅᑎᒧᒄ, ᓂᐸᐊᑕᐤ, ᒋᔭᓄᐤ ᒥᔅᑯᒡ ᒐ ᐊᓱᐤ ᒥᔨᑯᐅᔭᐧᒄ ᐅ ᐊᔅᒋᔾ᙮’

ᒠᓐ 1:10

ᐅᑕ ᐊᔅᒋᒡ ᒋ ᑕᐤ ᐃᔨᒧᐅᓐ᙮ ᐊᑎ ᐎᔾ ᐊᒋ ᐅᓯᑕᑦ ᐅᔭ ᐊᔅᒋᔪᐤ ᐃᔭᐱᒡ ᓇᒪ ᐅᒋ ᒋᔅᒐᔨᒥᑯᐤ ᐊᐛᔪᐛ ᐃᔅᐱ ᑲ ᑎᑯᓯᐧᒃ᙮

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᒠᓐ 1:3

ᐃᔨᒧᐅᓂᒡ ᐊᑯᑕ ᒥᓯᐛ ᒐᒂᓐ ᑲ ᐅᒋ ᐅᓯᑕᑭᓄᐅᒡ᙮ ᓇᒪ ᒐᒂᓐ ᐅᒋ ᐅᓯᑕᑭᓄᐤ ᐊᑲ ᐎᔾ ᐅᒋ ᐅᓯᑕᑦ ᐃᔨᒧᐅᓐ᙮

ᒠᓐ 13:3

ᒋᓴᔅ ᒋ ᒋᔅᒐᔨᑎᒻ ᐅᑕᐎᒪᐛ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᒥᓯᐛ ᒐᒂᔪᐤ ᒐᒋ ᐃᑐᑕᐧᒃ, ᑭᔭ ᒋ ᒋᔅᒐᔨᑎᒻ ᒋᓴᒪᓂᑐᐛ ᐊ ᑕᔨᒋ ᐊ ᐅᒋᑦ ᑭᔭ ᒥᓐ ᑲᐤ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᒐ ᐃᑐᑕᑦ᙮

ᒠᓐ 13:32

ᐊᑯ ᒪᒃ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐊ ᓄᑯᑕᑭᓄᔨᒡ ᐅᑯᓯᓯᒪᐛ ᐊ ᑕᔨᒋ ᐅᒋ, ᐊᑯ ᐎᔾ ᒋᓴᒪᓂᑐᐤ ᒐ ᐛᐸᑎᔭᑦ ᐃᔪᐛ ᑕᓐ ᐊᔅᐱᔅ ᒋᔅᑕᔨᑕᑯᓯᔨᒋ ᐅᑯᓯᓯᒪᐛ᙮”

ᒠᓐ 15:15

ᓇᒪ ᐊᑯ ᐊᐱᒋᐊᑭᓐᒡ ᒋᑭ ᐅᒋ ᐃᓯᓂᐧᑲᑎᑎᓇᐛᐤ ᐛᔅ ᐊᐱᒋᐊᑭᓐ ᓇᒪ ᒋᔅᒐᔨᑎᒻ ᑕᓐ ᐊ ᐃᑎᔨᒋ ᐅᒋᒪᒪ᙮ ᓂᔾ ᒪᒃ ᐎ ᓂᐎᒐᐛᑭᓂᒡ ᔅᒋ ᐃᓯᓂᐧᑲᑎᑎᓇᐛᐤ ᐛᔅ ᒥᓯᐛ ᒐᒂᔪᐛ ᑲ ᐃᓯ ᐎᑎᒧᐅᑦ ᓄᑕᐎᔾ ᔅᒋ ᐎᑎᒪᑎᓇᐛᐤ᙮

ᒠᓐ 16:15

ᒥᓯᐛ ᑕᓐ ᑲ ᐃᓯ ᒥᔨᑦ ᐅᑕᐎᒪᐤ ᓂ ᑎᐱᔨᐛᐅᓯᓐ᙮ ᐊᐅᑯᓐ ᐛᒋ ᐃᑎᑎᑯᒡ ᒐ ᐊᓱᐤ ᐛᐎᑎᒪᑕᒄ ᐅ ᐊᒐᐧᒄ ᑕᓐ ᐊᓂᔭᔪᐛ ᑲ ᐃᓯ ᐊᔨᒧᑎᒧᒡ᙮”

ᒠᓐ 17:2

ᐛᔅ ᔅᒋ ᒥᔭᐤ ᑎᐸᔨᒋᒐᐅᓂᔪᐤ ᒥᓯᐛ ᐊᐛᔪᐛ ᒐᒋ ᑎᐸᔨᒪᑦ᙮ ᐊᑯ ᒪᒃ ᑲᒋᒡ ᐱᒪᑎᓯᐅᓂᔪᐤ ᒐᒋ ᒥᔭᑦ ᒥᓯᐛ ᐊᓂᔭ ᐊᐛᔪᐛ ᑲ ᒥᔨᑦ᙮

ᒠᓐ 3:16

ᐛᔅ ᒋᓴᒪᓂᑐᐤ ᐊ ᐃᔅᐱᔅ ᒋ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᒥᔨᐛᐤ ᑲ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᒠᓐ 3:25

ᐱᔅᒐ ᒪᒃ ᐊᓂᔭᔪᐛ ᒠᓐ ᐅᒋᔅᒋᓄᐊᒧᐛᑭᓇ ᑭᔭ ᑯᑎᑭᒡ ᒍᐤ ᐃᔪᒡ ᒋ ᒥᒋᐱᔪᒡ ᐊ ᐊᔨᒧᑕᒡ ᐊᔭᒥᐊᐅ ᐸᔭᒋᐃᐛᐅᓂᔪᐤ᙮

ᒠᓐ 5:26

ᐛᔅ ᐎᔾ ᐅᑕᐎᒪᐤ ᐊ ᑕᑦ ᐅᒋᐱᔪᐤ ᐱᒪᑎᓯᐅᓂᔪᐤ, ᒥᔭᐤ ᒪᒃ ᐅᑯᓯᓯᒪᐛ ᑭᔭ ᐎᔾ ᐊ ᑕᔨᒋ ᒐᒋ ᐅᒋᐱᔨᒡ ᐱᒪᑎᓯᐅᓂᔪᐤ᙮

ᒠᓐ 5:27

ᒋ ᒥᔭᐤ ᑭᔭ ᐅᑯᓯᓯᒪᐛ ᑎᐸᔨᒋᒐᐅᓂᔪᐤ ᒐᒋ ᑎᐸᔅᑯᓂᒐᔨᒋ ᐛᔅ ᐎᔾ ᐊᐅᒄ ᐃᔪᐤ ᐅᑯᓯᓴᓐ᙮”

ᒠᓐ 9:29

ᓂ ᒋᔅᒐᔨᑕᓇᓐ ᒧᓱᔅ ᐊᒋ ᐃᔨᒥᐃᑯᑦ ᒋᓴᒪᓂᑐᐛ, ᒥᒄ ᒪᒃ ᓇᒪ ᓂ ᒋᔅᒐᔨᒪᓇᓐ ᐅ ᓇᐸᐤ ᐎᔾ ᑕᓐᑕ ᐛᒋᒂ᙮”

ᐊᑈᔅᑕᓇᒡ 10:36

ᒋᔅᒐᔨᑕᓇᐛᐤ ᐊᓐ ᐃᔨᒧᐅᓐ ᒋᓴᒪᓂᑐᐤ ᑲ ᐃᑎᓴᒧᐛᑦ ᐃᔅᕋᐃᓪ ᐃᔪᐛ, ᐊ ᐛᐎᑎᒧᐛᑦ ᒥᔽᒋᒧᐅᓂᔪᐤ ᐊᓐᑕ ᒐᒋ ᐅᒋ ᐊᔭᔨᒋ ᒋᔭᒪᔨᑎᒧᐅᓂᔪᐤ ᒋᓴᔅ ᙭ᑕ ᐅᒡ᙮ ᐛᔅ ᐎᔾ ᒋᓴᔅ ᒥᓯᐛ ᐊᔭᐤ ᑎᐸᔨᒋᒐᐅᓂᔪᐤ᙮

ᐊᑈᔅᑕᓇᒡ 2:17

ᐃᔅᐱ ᒪᔅᑕᔾ ᐊᑎ ᒋᓯᑲᒐ ᒪᐅ ᒐ ᐃᑐᑎᒪᓐ ᒋ ᐃᔅᒋᔄᐤ ᒋᓴᒪᓂᑐᐤ, ᒥᓯᐛ ᐊᐛᓐ ᓂᑭ ᓯᒋᓂᒧᐛᐤ ᓂᑦ ᐊᒐᒂ, ᒋᑯᓱᐛᐅᒡ ᑭᔭ ᒋᑕᓂᓱᐛᐅᒡ ᒋᑭ ᒋᔅᒋᐛᐃᒐᐅᒡ᙮ ᐅᔅᒋᓂᒋᓱᐅᒡ ᒋᑭ ᐛᐸᑎᒧᒡ ᐛᐸᑎᔨᐛᐅᓇ ᐊᑯ ᒋᓴᐃᔪᒡ ᓂᓇᐧᑯᐤ ᒋᑭ ᐃᓯ ᐳᐛᒧᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:4

ᐊᓂᔭᔪᐛ ᒪᒃ ᒋᓴᒪᓂᑐᐛ ᒋ ᐅᑯᓯᑐᑕᑯᐤ᙮ ᒋᓴᒪᓂᑐᐛ ᒪᒃ ᐊᒋ ᐅᓂᔅᑲᓂᑯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᓂᐳᐅᓂᒡ ᐅᒡ ᐊᑯᑕ ᑲ ᐅᒋ ᐛᐸᑎᔨᐛᑦ ᑲ ᐸᔭᒋᓯᑦ ᐊᒐᐧᒄ ᑕᑈ ᒋᓴᒪᓂᑐᐤ ᐅᑯᓯᓴ ᐊ ᐊᐎᔨᒋ ᒋᓴᓴ ᐊᓂᔭᔪᐤ ᐅᒋ ᐊᒋ ᓱᒐᔨᑕᑯᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:17

ᐊᑯ ᒪᒃ ᐊ ᐅᑦ ᐊᐛᓯᒥᑕᑕᐧᒄ ᒋᓴᒪᓂᑐᐤ ᒐᔅᑎᓇᔅ ᒋᑭ ᒥᔨᑯᓄᐤ ᐊᓂᔭᔪᐛ ᑲ ᐃᓯ ᒥᔽᓯᔨᒋ ᓱᐛᔨᒋᒐᐅᓇ ᑲ ᐊᔭᔅᑯᔅᑎᒧᐛᑦ ᐅᑦ ᐊᐛᓯᒪ᙮ ᑭᔭ ᑕᐱᔅᑯᓐ ᒋᓴᔅ ᑭᔭ ᒋᔭᓄᐤ ᒋᑭ ᐊᔭᓇᓄᐤ ᑕᓐ ᑲ ᐃᓯ ᐊᔭᔅᑯᔅᑎᒧᐛᑭᓄᐅᑦ ᒋᓴᔅ᙮ ᐛᔅ ᒧᔭᒻ ᐎᒋ ᓂᓇᐧᑲᑕᔨᒧᒪᒂ ᒋᓴᔅ ᐊᓂᔭ ᐊ ᑕᑈᔭᔨᒪᐧᒄ ᑭᔭ ᒋᔭᓄᐤ ᒋᑭ ᒋᔅᑕᔨᑕᑯᐃᑯᓇᓄᐤ ᒋᔅᑕᔨᑕᑯᐊᑭᓄᐅᒐ᙮

1 ᑯᕆᓐᑎᔭᓇ 2:7

ᒋᓴᒪᓂᑐᐤ ᐅᑭᒐᑕᐛᔨᑎᒧᐅᓐ ᐊᐅᒄ ᑲ ᐊᔨᒧᑎᒪᑕᒡ ᐊᓐ ᐊᑲ ᐅᒋ ᒋᔅᒐᔨᑕᑯᑕᑭᓄᐅᒡ ᐅᑕ ᐸᒋ ᐅᑕᒡ᙮ ᐊᔅᒄ ᐊᑲ ᐅᒋ ᐅᓯᑕᑦ ᒋᓴᒪᓂᑐᐤ ᐅᔭ ᐊᔅᒋᔪᐤ, ᓴᔅ ᒋ ᐎᔭᔨᑎᒻ ᑕᓐ ᒐ ᐃᑎᑦ ᐊᓐᑕ ᓂᔅᑕᒥᒡ ᐊᓐᑕ ᒐᒋ ᐅᒋ ᒋᔅᑕᔨᑕᑯᐃᑕᐧᒄ᙮

1 ᑯᕆᓐᑎᔭᓇ 8:6

ᒋ ᒋᔅᒐᔨᑕᓇᓄᐤ ᐎ ᒋᔭᓄᐤ ᒥᒄ ᐊ ᐸᐃᑯᓯᑦ ᒋᓴᒪᓂᑐᐤ ᐊᓐ ᐛᑕᐎᒪᐅᑦ, ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ᙮ ᒥᓯᐛ ᒐᒂᓐ ᒋᓴᒪᓂᑐᐤ ᐊ ᑕᑦ ᐅᒋᐱᔪᐤ, ᑭᔭ ᐊᐅᒄ ᐸᒪᑎᓯᔅᑐᐛᐧᒄ᙮ ᑭᔭ ᒥᒄ ᐸᐃᑯᓱᐤ ᐅᑎᐸᔨᒋᒐᐤ, ᐊᐅᒄ ᒋᓴᔅ ᙭᙮ ᐎᔾ ᐅᒋ ᐛᒋ ᑎᒂᒡ ᒥᓯᐛ ᒐᒂᓐ ᑲ ᐅᓯᑕᑭᓄᐅᒡ, ᑭᔭ ᐎᔾ ᐅᒋ ᐛᒋ ᐊᔭᔭᐧᒄ ᐱᒪᑎᓯᐅᓐ᙮

ᑲᓚᓯᔭᓇ 4:4

ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

ᐃᐱᓯᔭᓇ 1:10

ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᑎᐸᐱᔨᒡ ᐊᓂᔭ ᑲ ᐎ ᐃᑐᑕᐧᒃ ᒋᓴᒪᓂᑐᐤ ᒋᑭ ᒪᒧᐅᓂᒻ ᒥᓯᐛ ᒐᒂᔪᐤ ᙭ᑕ ᒐ ᓂᑲᓂᔅᑭᒥᔨᒋ, ᒥᓯᐛ ᑕᓐ ᐊ ᐃᓯ ᑎᑯᓂᔨᒡ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ᙮

ᐃᐱᓯᔭᓇ 3:9

ᑭᔭ ᓂᔾ ᓂᒋ ᒥᔨᒄ ᒥᓯᐛ ᐊᐛᔪᐛ ᒐᒋ ᒋᔅᒐᔨᑎᒥᐃᒥᒋ ᐊᓂᔭ ᒐᒂᔪᐤ ᐊᑲ ᐅᒋ ᒋᔅᒐᔨᑕᑯᓂᔨᒡ ᑲ ᐃᓯ ᐎᔭᔨᑎᒥᑯᐱᓇ ᒋᓴᒪᓂᑐᐤ ᒐ ᐃᑐᑕᐧᒃ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ ᒋ ᑭᓄᐛᔨᑎᒧᑯᐱᓇ ᒥᒄ ᐅᔭ ᑕᓐ ᑲ ᐃᓯ ᐎᔭᔨᑎᒥᑯᐱᓇ ᒐ ᐃᑐᑕᐧᒃ ᐊᓐᑕ ᓂᔅᑕᒥᒡ᙮

ᐃᑉᕈᐛ 1:5

ᒋᓴᒪᓂᑐᐤ ᓇᒪ ᓂᑕ ᐅᒋ ᐃᑕᐤ ᐊᓐᒋᓇ ᐊ ᐃᔨᒪᐊᑦ, “ᒋᔾ ᓂᑯᔅ, ᐊᓄᒡ ᐅ ᑲ ᒋᓯᑲᒡ ᓂᔾ ᒍᑕᐎᑐᑕᐅᓐ᙮” ᑭᔭ ᓇᒪ ᓂᑕ ᐅᒋ ᐃᑕᐤ ᐊᓐᒋᓇ ᐊ ᐊᔨᒧᒪᑦ, “ᓂᔾ ᓂᑭ ᐅᑕᐎᑐᑕᒄ ᑭᔭ ᐎᔾ ᒐ ᐅᑯᓯᔭᓐ᙮”

ᐃᑉᕈᐛ 1:8

ᐅᑯᓯᓯᒪᐛ ᒪᒃ ᐊ ᐊᔨᒧᒪᑦ ᒋ ᐃᔅᒋᔄᐤ, “ᒋᔾ ᒋᓴᒪᓂᑐᐤ, ᒋᐅᒋᒪᐅᓐ ᑲᒋᒡ ᒋᑭ ᑎᑯᓐ, ᑯᐃᔅᒄ ᒋᑦ ᐃᑎᓐ ᐊ ᐅᒋᒪᐎᔨᓐ ᐊᓐᑕ ᒋᐅᒋᒪᐅᓂᒡ᙮

ᐃᑉᕈᐛ 11:3

ᐊᓐ ᑕᓐ ᐊ ᐃᓯ ᑕᑈᑎᒪᐧᒄ ᐊᑯᑕ ᐛᒋ ᓂᔅᑐᑎᒪᐧᒄ ᒋᓴᒪᓂᑐᐤ ᐊᒋ ᐅᓯᑕᑦ ᐅᔭ ᐊᔅᒋᔪᐤ, ᒥᒄ ᒋ ᐃᔨᒧᐤ ᒂ ᐅᒋ ᑎᑯᓂᔨᒡ᙮ ᐊᓂᔭᔪᐛ ᒐᒂᔪᐛ ᐊᑲ ᓄᒂᒋ, ᐊᑯᑕ ᑲ ᐅᒋ ᐅᓯᑕᑦ ᒋᓴᒪᓂᑐᐤ ᐊᓂᔭ ᒐᒂᔪᐛ ᐊ ᐛᐸᑎᒪᐧᒄ᙮

ᐃᑉᕈᐛ 2:3

ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ᐎᑎᒪᑭᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ᐛᐸᑎᔨᑯᓄᐅᒡ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ᐸᑐᐛᐅᒡ ᑕᓐ ᑲ ᐃᔅᒋᔄᔨᒋ ᒋᓴᓴ᙮

ᐃᑉᕈᐛ 3:6

ᐊᓂᔭ ᒪᒃ ᒋᓴᒪᓂᑐᐛ ᐊ ᐅᑯᓯᑐᑕᑯᑦ ᒋᓴᔅ, ᑯᐃᔅᒄ ᐃᓯ ᐊᑐᔅᑯᐛᐤ ᒋᓴᒪᓂᑐᐛ ᐊ ᓂᑲᓂᔅᑯᐅᒪᑦ ᐅᑦ ᐃᔨᒥᔪᐛ᙮ ᙭ ᐊᐅᒄ ᒋᓴᒪᓂᑐᐤ ᐅᑯᓯᓴ᙮ ᒋᔭᓄᐤ ᒪᒃ ᒋᑭ ᐅᑦ ᐃᔨᒥᑐᑕᑭᓄᐤ ᒋᓴᒪᓂᑐᐤ, ᒧᔭᒻ ᓱᒋᑕᐊᔭᒂ ᑕᑈᑎᒧᐅᓂᒡ ᑭᔭ ᓱᒃ ᒥᒪᒋᒥᓂᒪᒂ ᑕᓐ ᐊ ᐃᓯ ᐊᔅᐸᔨᒧᔭᐧᒄ᙮

ᐃᑉᕈᐛ 4:14

ᓱᒃ ᒪᒃ ᒪᒥᒋᒥᓇᑕᐤ ᐊᓐ ᑲ ᐃᓯ ᐛᐎᑎᒪᐧᒄ ᐊ ᐃᓯ ᑕᑈᑎᒪᐧᒄ ᐛᔅ ᒋ ᑭᓄᐛᔨᒪᓄᐤ ᐊ ᒋᔅᑕᔨᑕᑯᓯᑦ ᒋᓴᐊᔭᒥᐊᐅᒋᒪᐤ ᓴᔅ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᐊ ᑕᑦ, ᐊᐅᒄ ᒋᓴᔅ, ᒋᓴᒪᓂᑐᐤ ᐅᑯᓴ᙮

ᐃᑉᕈᐛ 5:8

ᐊᑎ ᐊᒋ ᐅᑯᓯᑐᑕᑯᑦ ᒋᓴᒪᓂᑐᐛ ᒋᓴᔅ, ᐃᔭᐱᒡ ᒋ ᓂᑐᐛᔨᑕᑯᓂᔪᐤ ᒐᒋ ᒋᔅᒐᔨᑎᒥᐊᑭᓄᐅᑦ ᓇᔅᒡ ᒐᒋ ᓂᓇᐃᑐᐛᑦ ᐊ ᐱᔅᑕᔨᒥᑎᓱᔅᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒐᒋ ᓂᓇᐧᑲᒋᐊᑭᓄᐅᑦ᙮ ᐊᑯᑕ ᑲ ᐅᒋ ᒋᔅᒐᔨᑎᒥᐊᑭᓄᐅᑦ ᒐᒋ ᓂᓇᐃᑐᐛᑦ ᒋᓴᒪᓂᑐᐛ᙮

ᐃᑉᕈᐛ 7:28

ᐊᓐ ᐛᔅᑭᒡ ᐎᓱᐛᐅᓐ ᐊᐅᒄ ᐊᓐ ᑲᒋ ᐊᐱᑎᒡ ᐊ ᒥᔅᑯᑐᓇᑭᓄᐅᑦ ᐊᐛᓐ ᒐ ᒋᓴᐊᔭᒥᐊᐅᒋᒪᐅᑦ, ᓇᒪ ᒪᒃ ᓇᔅᒡ ᐅᒋ ᑯᐃᔅᑯᑕᑎᓯᐅᒡ ᐅᒡ ᑲ ᐅᑎᓇᑭᓄᐎᒡ᙮ ᐸᑎᒪ ᒪᒃ, ᐃᔅᐱ ᑲ ᐱᔅᑎᓇᐧᒃ ᐊᔭᒥᐊᐅ ᐎᓱᐛᐅᓂᔪᐤ ᒋᓴᒪᓂᑐᐤ, ᐊᑯ ᒂ ᓇᔅᐱᒡ ᑕᑈᑦ ᐅᑯᓴ ᒐ ᒋᓴᐊᔭᒥᐊᐅᒋᒪᐎᔨᒋ᙮ ᓴᔅ ᒪᒃ ᒋ ᐃᑐᑎᒻ ᐅᔭ᙮ ᑲᒋᒡ ᓇᔅᒡ ᑯᐃᔅᑯᑕᑎᓯᐤ ᒋᓴᔅ ᐊ ᒋᓴᐊᔭᒥᐊᐅᒋᒪᐅᑦ᙮

ᐃᑉᕈᐛ 7:3

ᐅ ᑲ ᐃᓯ ᐎᑎᒪᑎᑯᒡ ᐊᐅᒄ ᒥᒄ ᐅᔭ ᐊ ᐃᔅᐱᔅ ᒋᔅᒐᔨᒪᑭᓄᐅᑦ ᒪᓪᑭᓴᑕᒃ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑕᐎᑦ ᑭᔭ ᒪᒃ ᐊᐛᔪᐛ ᑲ ᐅᑲᐎᑦ᙮ ᓇᒪ ᒋ ᒋᔅᒐᔨᒪᓄᐤ ᐊᐛᔪᐛ ᑲ ᐅᑦ ᐊᓂᔅᑯᑕᐸᓂᑦ᙮ ᑭᔭ ᓇᒪ ᒋ ᒋᔅᒐᔨᑎᒺᓇᓄᐤ ᑕᐃᔅᐱ ᑲ ᐱᒪᑎᓯᑦ ᑭᔭ ᑕᐃᔅᐱ ᑲ ᓂᐱᑦ᙮ ᓇᒪ ᒋ ᒋᔅᒐᔨᑕᓇᓄᐤ ᐛᔅ ᓇᒪ ᓇᔅᒡ ᐅᒋ ᐊᔨᒧᒪᑭᓄᐤ ᒥᓯᓇᐃᑭᓂᒡ᙮ ᐅ ᑲ ᐃᓯ ᐎᑎᒪᑎᑯᒡ, ᒧᔭᒻ ᒋᓴᒪᓂᑐᐤ ᐅᑯᓴ ᑲᒋᒡ ᐊ ᐊᔭᒥᐊᐅᒋᒪᐎᔨᒋ, ᑭᔭ ᐎᔾ ᒪᓪᑭᓴᑕᒃ ᑲᒋᒡ ᐊᔭᒥᐊᐅᒋᒪᐅ᙮

ᐃᑉᕈᐛ 9:26

ᐛᔅ ᒧᔭᒻ ᒪᒃ ᐸᐃᒂᐤ ᐊᒋ ᐱᔅᑕᔨᒥᑎᓱᑦ ᓇᒪ ᐅᒋ ᓂᑐᐛᔨᑕᑯᓂᔪᐤ ᒧᓯᓇᐤ ᒐᒋ ᐱᔅᑎᓂᓱᑦ ᒐᒋ ᓂᓇᐧᑲᒋᐊᑭᓄᐅᑦ᙮ ᒋ ᓂᑐᐛᔨᑕᑯᓂᑯᐱᓇ ᒪᒃ ᐅᔭ ᒐᒋ ᐃᑎᑦ ᒧᓯᓇᐤ ᐊᐅᑯᓐ ᒋᐸ ᐸᒋ ᐃᑐᐤ ᑲ ᐃᔅᐱᔅ ᑎᒂᒡ ᐅ ᐊᔅᒋᔾ᙮ ᐃᔅᐱ ᒪᒃ ᐛᑎᒋᐱᔨᒋ ᐅᔭ ᐊ ᐸᒋ ᒋᓯᑲᒋ ᐸᐃᒂᐤ ᒥᒄ ᒋ ᐱᔅᑎᓂᒻ ᐅᐱᒪᑎᓯᐅᓐ ᒐᒋ ᐅᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

1 ᐱᑕᕐ 1:20

ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᒋᓴᒪᓂᑐᐛ ᒋ ᐅᑎᓂᑯᐤ ᙭ ᐅᔭ ᒐ ᐃᑐᑕᐧᒃ᙮ ᐊᐅᑯᐤ ᒪᒃ ᐅᔭ ᐊ ᐊᑎ ᒪᔅᑕᔾ ᒋᓯᑲᔨᒋ ᒋᔨᐛᐤ ᐅᒋ ᐛᒋ ᓄᑯᐊᑭᓄᐅᑦ᙮

2 ᐱᑕᕐ 3:3

ᓂᔅᑎᒻ ᒪᒃ ᒐᒂᓐ ᐛ ᐃᑎᑎᑯᒡ, ᒐ ᐎ ᒋᔅᒋᓯᔭᒄ ᐃᔅᐱ ᐊᑎ ᐸᓱᓇᑯᒐ ᒐ ᑎᑯᓯᐧᒃ ᐅᑎᐸᔨᒋᒐᐤ, ᒋᑭ ᑕᐅᒡ ᒪᔭᔨᒐᓱᐅᒡ, ᓇᔅᒡ ᒋᑭ ᑎᐸᔨᒥᑯᐅᒡ ᐅᒥᒋᓂᑐᐛᔨᑎᒧᐅᓄᐛᐛ ᐅᒡ᙮ ᒋᑭ ᒪᔭᔨᒥᑯᐛᐅᒡ᙮

ᒍᑦ 1:18

ᔅᒋ ᐃᑎᑯᐛᐅᒡ, “ᐅᑎᒋᐱᔨᒂᐛ ᒪᔅᑕᔾ ᐊ ᒋᓯᑲᒋ, ᒋᑭ ᑕᐅᒡ ᓇᐸᐅᒡ ᐊ ᒪᔭᔨᒥᑕᑯᒡ, ᒥᒄ ᑕᓐ ᐊ ᐃᓯ ᓂᑎᒥᒄ ᐃᑕᔨᑕᒡ ᒐᒋ ᐃᑎᒡ ᐊᓂᔭ ᐊᑲ ᒋᓴᒪᓂᑐᐛᑎᓯᒡ, ᐊᐅᑯᓐ ᒐ ᐃᑎᒡ᙮”