ᒐᓂᓯᔅ 9:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒥᓯᐛ ᐊᐛᓯᓯᒡ, ᐱᔭᓱᐅᒡ, ᒥᓐᑐᓯᒡ, ᑭᔭ ᓂᒪᓯᒡ ᒋᑭ ᑯᔅᑎᑯᐛᐅᒡ᙮ ᒋ ᐱᔅᑎᓂᒪᑎᓇᐛᐤ ᒐᒋ ᑎᐸᔨᒪᑯᒡ,

ᒐᓂᓯᔅ 9:2 Iomraidhean Croise

ᒐᓂᓯᔅ 1:21

ᒋᓴᒪᓂᑐᐤ ᒋ ᐅᓯᐊᐤ ᐊ ᒥᓯᑎᔨᒋ ᐊᐛᓯᓴ ᒐ ᑕᔨᒋ ᐊᓐᑕ ᓂᐱᒡ, ᓂᒪᓴ ᒋ ᐅᓯᐊᐤ ᑭᔭ ᒥᓯᐛ ᑕᑐᐎᒡ ᐊ ᐃᓯᓇᑯᓂᔨᒡ ᒐᒂᔪᐤ ᒐᒋ ᑎᑯᓂᔨᒡ ᐊᓐᑕ ᓂᐱᒡ, ᒋ ᐅᓯᐊᐤ ᐃᔭᐱᒡ ᒥᓯᐛ ᑕᑐᐎᒡ ᐊᓯᓇᑯᓯᔨᒋ ᐱᔭᓱᐛ᙮ ᒋᓴᒪᓂᑐᐤ ᒋ ᒋᑕᐸᑎᒻ ᐊᓂᔭ ᒐᒂᔪᐤ ᑲ ᐃᑐᑕᐧᒃ, ᑭᔭ ᒋ ᒥᔽᔪᐤ᙮

ᒐᓂᓯᔅ 1:26

ᒋᓴᒪᓂᑐᐤ ᒂ ᐃᔅᒋᔄᑦ, “ᐊᓄᒡ ᐃᔪᒡ ᒋᑭ ᐅᓴᓄᐅᒡ, ᑭᔭ ᒧᔭᒻ ᐊᓯᓇᑯᓱᐛᐧᒄ ᒋᑭ ᐃᓯᓇᑯᓱᐅᒡ᙮ ᒋᑭ ᒥᔭᓄᐅᒡ ᒐᒋ ᑎᐸᔨᒪᒡ ᓂᒪᓴ, ᐱᔭᓱᐛ, ᑭᔭ ᒥᓯᐛ ᐊᐛᓯᓴ᙮”

ᒐᓂᓯᔅ 1:28

ᒋᓴᒪᓂᑐᐤ ᒋ ᒥᔭᐤ ᐅᓱᐛᔨᒋᒐᐅᓐ ᑭᔭ ᒂ ᐃᑕᑦ, “ᒐ ᒥᒐᑥᐊᑯᒡ ᐊᐛᓯᒡ, ᒐᒋ ᒥᒐᑎᑦ ᐃᔪᐤ ᐅᑕ ᐊᔅᐱᑎᔅᑭᒥᑲᒡ ᐊᔅᒋᒡ ᑭᔭ ᒋᔨᐛᐤ ᒐ ᑭᓄᐛᔨᑎᒪᒄ᙮ ᒋᔨᐛᐤ ᒋᑭ ᐅᒋᒪᐅᓇᐛᐤ ᐊᓐᒡ ᓂᒪᓯᒡ ᐊᓐᑕ ᓂᐱᒡ, ᐱᔭᓱᐅᒡ ᐊᓐᑕ ᒋᓯᑯᒡ ᑭᔭ ᒥᓯᐛ ᐊᐛᓯᓯᒡ ᐅᑕ ᐊᔅᒋᒡ᙮

ᒐᓂᓯᔅ 2:19

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐅᑎᓇᑦ ᐊᓯᔅᒍᐛ ᑭᔭ ᒂ ᐅᓯᐊᑦ ᒥᓯᐛ ᑕᑐᐎᒡ ᐊᐛᓯᓴ ᑭᔭ ᐱᔭᓱᐛ, ᒂ ᐃᑐᑐᐛᑦ ᐅᔭ ᓇᐸᐛ ᒐᒋ ᐸᑐᐛᑦ ᑕᓐ ᒋᐸ ᐃᓯᓂᐧᑲᑕᔪᐛ᙮ ᐊᓂᔭ ᓇᐸᐤ ᑲ ᐃᓯ ᐎᔭᑦ ᒥᓯᐛ ᐱᒪᑎᓯᐤ ᐊᐛᓯᓴ, ᐊᐅᑯᓐ ᑲ ᐃᓯᓂᐧᑲᑕᑭᓄᔨᒋ᙮

ᒐᓂᓯᔅ 35:5

ᐊᑯ ᒐᑭᑉ ᑭᔭ ᐅᑦ ᐃᔨᒪ ᓇᑭᑕᒡ ᓴᑭᒻ ᐸᑕᓪ ᐃᔅ ᒐᒋ ᐃᑐᑕᒡ᙮ ᒋ ᑭᓄᐛᔨᒥᑯᐅᒡ ᒋᓴᒪᓂᑐᐛ ᒪᒂᒡ ᐊᑎ ᐱᒧᑕᑕᐤ, ᓇᒪ ᐛᐛᒡ ᐸᐃᒄ ᐃᔪᐛ ᑲᐃᓇᓐ ᐅᑕᓇᐛ ᐅᒡ ᒋ ᓇᓴᐅᑯᒡ ᐛᔅ ᒋᓴᒪᓂᑐᐤ ᒋ ᐃᑐᑐᐛᐤ ᐃᔪᐛ ᐊᓐᑕ ᐅᑕᓇᐛ ᒐᒋ ᒋᒋᐛ ᑯᔅᑕᔨᒋ ᒐᑭᐸ ᑭᔭ ᐅᑦ ᐃᔨᒥᔪᐛ᙮

ᒐᓂᓯᔅ 9:1

ᒋᓴᒪᓂᑐᐤ ᒋ ᓱᐛᔨᑕᑯᐛᐤ ᑭᔭ ᒋ ᐃᑕᐤ ᓄᐛᔨᒋ ᑭᔭ ᐅᑯᓯᔪᐛ, “ᓇᑐᐛᔨᑕᓐ ᒥᓯᐛ ᒐᒂᓐ ᒐᒋ ᐃᓯ ᒥᔪᐱᔨᔭᒄ᙮ ᒐ ᒥᒐᑥᐊᑯᒡ ᒋᑦ ᐊᐛᓯᒧᐛᐅᒡ ᑭᔭ ᒍᓯᒧᐛᐅᒡ, ᐊᑯ ᒐᒋ ᒥᒐᑎᒡ ᐃᔪᒡ ᐅᑕ ᐊᔅᒋᒡ᙮

ᒐᓂᓯᔅ 9:3

ᑭᔭ ᒋ ᒥᔨᑎᓇᐛᐤ ᐅᒡ ᒐ ᐅᒥᒋᒥᔭᒄ᙮ ᒋᑭ ᒋ ᒧᐛᐛᐅᒡ ᐅᒡ, ᒧᔭᒻ ᑲ ᐃᓯ ᒥᔨᑎᑯᒡ ᑲ ᓯᐸᑯᐅᒋ ᓂᐱᔭ᙮

ᒋᒥᔅ ᐅᒥᓯᓇᐊᒪᒐᐅᓐ 3:7

ᑭᔅᒋᐅᐤ ᓇᐸᐤ ᒥᓯᐛ ᐊ ᐃᑕᔨᑕᑯᓯᔨᒋ ᐊᐛᓯᓴ ᒐᒋ ᔪᔅᐸᓴᐊᑦ᙮ ᑯᑎᑲ ᓴᔅ ᒋ ᔪᔅᐸᓴᐊᐤ, ᒧᔭᒻ ᐱᔭᓯᓴ, ᓂᓇᐧᑯᐤ ᒥᓐᑐᓴ, ᑭᔭ ᓂᒪᓴ᙮