ᒐᓂᓯᔅ 8:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᒋ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ ᐊ ᒥᔪᒪᑯᓂᔨᒡ ᒥᑐᔅᑕᐊᒪᒐᐅᓂᔪᐤ, ᑭᔭ ᑎᐸᔨᒋᒐᓱᐤ ᒂ ᐃᔅᒋᔄᑦ, “ᓇᒪ ᓂᑕ ᒥᓐ ᓂᑭ ᐊᓏᔨᑕᓐ ᐊᔅᒋᔾ ᒥᒋᑐᑎᒧᐅᓂᔪᐤ ᐊ ᐃᑐᑕᐧᒃ ᐃᔪᐤ᙮ ᒥᓯᐛ ᐎᔨᐛᐤ ᒋ ᐅᒋ ᒥᒋᒪᒥᑐᓇᔨᑎᒧᒡ ᑲ ᐸᒋ ᐅᔅᑎᓂᒋᐅᒡ, ᒥᒄ ᓇᒪ ᓂᑕ ᓂᑭ ᓂᓱᐅᓇᒋᑕᓐ ᒥᓯᐛ ᒐᒂᓐ ᑲ ᐱᒪᑎᓯᒥᑲᒡ ᒧᔭᒻ ᑲ ᐃᓯ ᐃᑐᑎᒪᓐ᙮

ᒐᓂᓯᔅ 8:21 Iomraidhean Croise

ᒐᓂᓯᔅ 3:17

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐃᔨᒪᐊᑦ ᓇᐸᐛ ᐊᑕᑦ, “ᐅᓴᒻ ᒋᔾ ᑲ ᓂᑐᑐᐅᑦ ᒋᐅ ᐊ ᐃᑎᔅᒃ ᑭᔭ ᑲ ᒥᒋᔨᓐ ᒥᓂᓴ ᐊᓐᑕ ᒥᔅᑎᑯᒡ ᐅᒡ ᑲ ᐃᑎᑕᓐ ᒐ ᐊᑲ ᒥᒋᔨᓐ, ᒋᔾ ᑭᔭ ᒋᑭ ᐊᓏᔨᒥᑯᐅᓐ᙮ ᐅᓴᒻ ᐊᑲ ᐅᒋ ᓂᑐᑐᐎᔨᓐ, ᐊᓯᑯᒻ ᒋᓯᑲᐛ ᒐ ᐃᔅᐱᔅ ᐱᒪᑎᓯᔨᓐ, ᓇᒪ ᒋᑭ ᒋ ᒥᔅᑲᓐ ᒥᒋᒻ ᒧᔅᑎᔅᑭᒥᒡ ᒧᔭᒻ ᐅᔅᑭᒡ ᑲᒋ ᐃᑎᔨᓐ᙮

ᒐᓂᓯᔅ 4:12

ᐎ ᓂᑕᐅᒋᑕᔨᓇ ᒋᒥᒋᒻ, ᓇᒪ ᒐᒂᓐ ᒋᑭ ᓂᑕᐅᒋᓐ; ᒋᑭ ᐱᐸᒧᑕᓐ ᑭᔭ ᓇᒪ ᒋᑭ ᒋ ᑎᒂᓐ ᐊᓐᑕ ᒐ ᐎᒋᔨᓐ ᐅᑕ ᐊᔅᒋᒡ᙮”

ᒐᓂᓯᔅ 5:29

ᓄᐛ ᒋ ᐃᓯᓂᐧᑲᑕᐤ ᐅᑯᓴ ᓚᒪᒃ, (ᐊᔽᓯᐅᓐ ᐊ ᐃᑥᒥᑲᒡ) ᐛᔅ ᒋ ᐃᔅᒋᔄᐤ, “ᐎᔾ ᒋᑭ ᒥᔨᑯᓄᐤ ᒐᒋ ᐊᔽᓯᐛᐧᒄ ᐊ ᐅᔅᑯᐎᔭᐧᒄ ᐊ ᐎ ᓂᑕᐅᒋᑕᔭᐧᒄ ᒋᒥᒋᒥᓄᐤ ᐊᓐᑕ ᒧᔅᑎᔅᑭᒥᒡ ᒋᓴᒪᓂᑐᐤ ᑲ ᐊᓏᔨᑕᐧᒃ᙮”

ᒐᓂᓯᔅ 6:13

ᐊᑯ ᒋᓴᒪᓂᑐᐤ ᐊᑕᑦ ᓄᐛᔨᒋ, “ᓂᒋ ᐎᔭᔨᑕᓐ ᒐᒋ ᓂᓱᐅᓇᒋᐃᒂᐤ ᒥᓯᐛ ᐃᔪᒡ ᐅᑕ ᐊᔅᒋᒡ, ᐎᔨᐛᐤ ᐛᒋ ᒥᓴᒡ ᒥᒋᑐᑎᒧᐅᓐ ᐅᑕ ᐊᔅᒋᒡ᙮ ᓂᐦᐃ, ᓂᑭ ᓂᓱᐅᓇᒋᑕᓐ ᐊᔅᒋᔾ ᑭᔭ ᐃᔪᒡ᙮

ᒐᓂᓯᔅ 6:17

“ᐛᐸᑕ ! ᓂᑭ ᐃᑎᓴᐊᓐ ᒐᒋ ᐃᔅᒋᐸᒡ ᐊᔅᒋᔾ ᑭᔭ ᒋᑭ ᓂᓱᐅᓇᑎᓯᐅᒡ ᒥᓯᐛ ᐃᔪᒡ, ᒥᓯᐛ ᐊᐛᓐ ᑲ ᐊᔭᑦ ᐱᒪᑎᓯᐤ ᔭᔭᐅᓂᔪᐤ, ᒥᓯᐛ ᒐᒂᓐ ᐊ ᑎᒂᒡ ᐅᑕ ᐊᔅᒋᒡ ᒋᑭ ᓂᓱᐅᓇᑎᓐ᙮

ᒐᓂᓯᔅ 6:5

ᐊᑯ ᑎᐸᔨᒋᒐᓱᐤ ᒂ ᐛᐱᒪᑦ ᐃᔪᐛ ᓇᔅᒡ ᐊ ᒥᒋᑥᔨᒋ ᐅᑕ ᐊᔅᒋᒡ, ᑭᔭ ᐊᓯᑯᒻ ᒥᒋ ᐃᑕᔨᑎᒧᐅᓂᔪᐤ ᒥᒄ ᒋ ᑎᑯᓂᔪᐤ ᐅᑕᐃᐛᒡ᙮

ᒐᓂᓯᔅ 6:7

ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓂᑭ ᓂᓱᐅᓇᒋᐊᐅᒡ ᒥᓯᐛ ᐃᔪᒡ ᐊᔅᒋᔪᐤ ᑲ ᐅᒋ ᐅᓯᐃᒂᐤ, ᒥᓯᐛ ᐃᔪᒡ ᑭᔭ ᐊᐛᓯᓯᒡ, ᒥᓐᑐᓯᒡ ᑭᔭ ᐱᔭᓱᐅᒡ ᐃᔅᐱᒥᒡ, ᓂ ᒥᒋᔨᐛᓯᓐ ᑲᒋ ᐅᓯᐃᒂᐤ᙮”

ᑎᐱᑦ ᐅᓂᑭᒧᐅᓇ 51:5

ᐛᔅ, ᓂᒋ ᐅᓯᐃᑯᐅᓐ ᒥᒐᑎᓯᐅᓂᒡ; ᒥᒋᑥᐅᓂᒡ ᑭᔭ ᓂᒋ ᐊᔭᐅᒄ ᓂᑲᐎᔾ᙮

ᑎᐱᑦ ᐅᓂᑭᒧᐅᓇ 58:3

ᐅᒥᒋᑥᐅᒡ ᒪᓐᑕᐎᐛᒡ ᒥᔅᐸᔭᒡ ᐅᒡ: ᒋᓴᒡ ᐊᑎ ᓂᑕᐅᒋᒡ, ᐊᑎ ᐅᓂᓯᓄᐅᒡ, ᐊ ᑭᑭᒋᔭᒡ᙮

ᑎᐱᑦ ᐅᓂᑭᒧᐅᓇ 58:4

ᐅᐱᒋᐳᔨᐛᐅᓄᐛᐤ ᐃᓯᓇᑯᓂᔪᐤ ᒧᔭᒻ ᐅᐱᒋᐳᔨᐛᐅᓂᔪᐤ ᒥᔅᑎᒋᓇᐱᒂ; ᓂᔅᐱᑐᐛᐅᒡ ᐊᑲ ᐸᑎᒥᔨᒋ ᒋᓇᐱᒂ ᐊᑲ ᓂᑕᑎᒥᔨᒋ;

ᐊᒃᓱᑕᔅ 29:18

ᒐ ᐃᔎᓱᑦ ᒥᓯᐛ ᓇᐸ ᒪᔭᑕᓂᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᒋᒻ ᐱᔅᑎᓂᒐᐅᓐ᙮ ᓂ ᓇᐊᔨᑎᒥᔨᑯᓐ ᐊᓐ ᐊ ᒥᔭᒂᒡ ᐱᔅᑎᓂᒐᐅᓐ᙮

ᐊᒃᓱᑕᔅ 29:25

ᒋ ᑐᑕᐧᑲᐛ ᐅᔭ ᐊᑯ ᒐ ᐅᑎᓂᒧᑦ ᑭᔭ ᒐ ᐊᑎ ᑕᐧᑯᑎᔅᑕᔨᓐ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᑕᐧᑯᒡ ᐊᓐᑕ ᑲ ᒥᑐᔅᑕᐊᒪᒐᓄᒋ ᒐᒂᔪᐛ᙮ ᐊᐅᑯᓐ ᐃᔭᐱᒡ ᒐ ᐱᔅᑎᓂᒪᑯᐅᔭᓐ ᑭᔭ ᓂᑭ ᓇᐊᔨᑎᒥᔨᑯᓐ ᐊᓐ ᐊ ᒥᔭᒂᒡ᙮

ᒪᑎᔪᐤ 15:19

ᐛᔅ ᒥᑕᐃᒡ ᐅᒋᐱᔪᐤ ᒥᒋ ᒪᒥᑐᓇᔨᑎᒧᐅᓐ, ᓂᐸᐃᐛᐅᓐ, ᐱᓯᒂᑎᓯᐅᓐ, ᓂᑎᒥᒄ ᐃᑐᐅᓐ, ᑭᒐᒧᑐᐅᓐ, ᑭᑭᒋᔪᐅᓐ, ᑭᔭ ᐸᔅᑕᒧᐅᓐ᙮

ᒠᓐ 3:6

ᒥᓯᐛ ᒋᓂᒋᐃᑯᓄᐅᒡ ᐊ ᑕᒡ ᔅᒋ ᐅᒋ ᐊᔭᓇᓄᐤ ᐅ ᐎᔭᔅ ᐱᒪᑎᓯᐅᓐ᙮ ᒥᒄ ᒪᒃ ᑲ ᐸᔭᒋᓯᑦ ᐊᒐᐧᒄ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᐊᒐᐧᒄ ᐱᒪᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:21

ᐛᔅ ᒪᐅ ᑲ ᐃᓯᓇᒂᒡ᙮ ᒋ ᒋᔅᒐᔨᑎᒧᒡ ᑕᑈ ᐊ ᑕᔨᒋ ᒋᓴᒪᓂᑐᐛ, ᒥᒄ ᓇᒪ ᐅᒋ ᐎ ᒋᔅᑕᔨᒪᐅᒡ ᑕᓐ ᒋᐸ ᐃᓯ ᒋᔅᑕᔨᒪᐅᒡ ᑭᔭ ᓇᒪ ᐅᒋ ᐎ ᓂᓇᔅᑯᒪᐅᒡ᙮ ᐅᔭ ᐊ ᐃᑎᒡ ᓇᒪ ᐱᐸᔅᐱᓇ ᐅᒋ ᐃᑕᔨᑕᑯᓂᔪᐤ ᑕᓐ ᑲ ᐃᑕᔨᑕᒡ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᑯᐃᔅᒄ ᐅᒋ ᐃᓯ ᑭᓄᐛᐸᑎᒧᒡ ᒐᒂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:23

ᒥᓯᐛ ᐊᐛᓐ ᒋ ᒥᒋᑐᑎᒻ᙮ ᐊᑯᑕ ᒪᒃ ᐛᒋ ᒥᓯᐛ ᐊᐛᓐ ᓄᑕᔅᑭᒺᑦ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔪᐤ᙮

2 ᑯᕆᓐᑎᔭᓇ 2:15

ᐅ ᐊ ᐃᑎᔭᐧᒄ ᒧᔭᒻ ᙭ ᐊ ᐱᔅᑎᓂᒧᐛᑦ ᒋᓴᒪᓂᑐᐛ ᑲᐎᒋᒪᑯᓯᔨᒡ ᒐᒂᔪᐤ ᐊᐅᑯᓐ ᐊ ᐃᓯᓇᒂᒡ᙮ ᐊᓐ ᒪᒃ ᐊ ᐎᒋᒪᔅᑕᒡ ᐊᓐᑕ ᐊᓐᒡ ᒐ ᐱᒪᒋᐅᒡ ᐊᐛᓐᒋ ᑭᔭ ᐊᓐᒡ ᐊᐛᓐᒋ ᒐ ᐅᓂᓯᓂᒡ ᐊᑯᑕ ᐊ ᐃᑕᐸᑕᒡ᙮

ᐃᐱᓯᔭᓇ 5:2

ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᐱᓕᐱᔭᓇ 4:18

ᐊᑯᑕ ᐅ ᐛᑎᒪᑎᑯᒡ ᓴᔅ ᒥᓯᐛ ᐊᒋ ᒥᔅᑭᒪᓐ ᐊᓐ ᑲ ᐃᓯ ᐸᒋ ᐛᐎᒋᐃᐛᔭᒄ᙮ ᓴᔅ ᐊᑐᐎᔅ ᓂᑦ ᐃᔅᐱᔅ ᐊᔭᓐ ᑕᓐ ᑲ ᐃᓯ ᓄᑕᐱᔭᓐ᙮ ᐊᑯ ᒪᒃ ᒥᓯᐛ ᐊ ᐊᔭᔭᓐ ᑕᓐ ᑲ ᐃᓯ ᓄᑕᐱᔭᓐ ᐃᐸᑉᕋᑕᐃᑕᔅ ᐊᒋ ᐸᑐᐅᑦ ᐊᓂᔭᔪᐤ ᒋᒥᑯᓴᐅᓄᐛᐛ ᐅ ᑲ ᐃᓯ ᒥᔭᒄ ᓇᔅᒡ ᐊ ᒥᔽᓯᒡ ᐱᔅᑎᓂᒐᐅᓐ ᐃᓯ ᑭᓄᐛᐸᑎᒻ ᒋᓴᒪᓂᑐᐤ ᑭᔭ ᓇᔅᒡ ᓇᐊᔨᑎᒥᐃᑯᐤ᙮

1 ᒠᓐ 5:19

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊ ᐅᑦ ᐊᐛᓯᒥᑐᑕᑕᐧᒄ᙮ ᒥᓯᐛ ᐊᓐᒡ ᐅᑕ ᐊᔅᒋᒡ ᐊ ᑕᒡ ᑎᐸᔨᒥᑯᐅᒡ ᒥᒋᒥᓂᑐᐛ᙮