ᒐᓂᓯᔅ 7:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᒥᓯᐛ ᑲ ᐱᒪᑎᓯᒥᑲᒡ ᒐᒂᓐ ᐊᔅᒋᒡ ᒋ ᓂᓱᐅᓇᑕᓐ, ᐱᔭᓱᐤ ᑭᔭ ᐊᐛᓯᔅ ᑲ ᑭᓄᐛᔨᒪᑭᓄᐅᑦ ᑭᔭ ᒥᓇᔎᒡ ᑲ ᑕᑦ ᐊᐛᓯᔅ ᑭᔭ ᒥᓯᐛ ᐃᔪᐤ᙮

ᒐᓂᓯᔅ 7:21 Iomraidhean Croise

ᒐᓂᓯᔅ 1:25

ᒋᓴᒪᓂᑐᐤ ᒥᓯᐛ ᒋ ᐅᓯᐊᐤ ᐊᐛᓯᓴ᙮ ᐊᑯ ᑲ ᒋᑕᐸᑕᐧᒃ ᐊᓂᔭ ᒐᒂᔪᐤ ᑲ ᐃᑐᑕᐧᒃ, ᑭᔭ ᒋ ᒥᔽᔪᐤ᙮

ᒐᓂᓯᔅ 6:13

ᐊᑯ ᒋᓴᒪᓂᑐᐤ ᐊᑕᑦ ᓄᐛᔨᒋ, “ᓂᒋ ᐎᔭᔨᑕᓐ ᒐᒋ ᓂᓱᐅᓇᒋᐃᒂᐤ ᒥᓯᐛ ᐃᔪᒡ ᐅᑕ ᐊᔅᒋᒡ, ᐎᔨᐛᐤ ᐛᒋ ᒥᓴᒡ ᒥᒋᑐᑎᒧᐅᓐ ᐅᑕ ᐊᔅᒋᒡ᙮ ᓂᐦᐃ, ᓂᑭ ᓂᓱᐅᓇᒋᑕᓐ ᐊᔅᒋᔾ ᑭᔭ ᐃᔪᒡ᙮

ᒐᓂᓯᔅ 6:17

“ᐛᐸᑕ ! ᓂᑭ ᐃᑎᓴᐊᓐ ᒐᒋ ᐃᔅᒋᐸᒡ ᐊᔅᒋᔾ ᑭᔭ ᒋᑭ ᓂᓱᐅᓇᑎᓯᐅᒡ ᒥᓯᐛ ᐃᔪᒡ, ᒥᓯᐛ ᐊᐛᓐ ᑲ ᐊᔭᑦ ᐱᒪᑎᓯᐤ ᔭᔭᐅᓂᔪᐤ, ᒥᓯᐛ ᒐᒂᓐ ᐊ ᑎᒂᒡ ᐅᑕ ᐊᔅᒋᒡ ᒋᑭ ᓂᓱᐅᓇᑎᓐ᙮

ᒐᓂᓯᔅ 7:4

ᒋ ᓂᔄᐅᑕᒡ ᑕᑐᐤ ᒋᓯᑲᒐ ᓂᑭ ᐃᑎᓴᐊᓐ ᐊ ᒋᒺᒡ ᐃᔅᐱᔅ ᓇᐅᐎᔪᐛ ᒋᓯᑲᐛ ᑭᔭ ᓇᐅᐎᔪᐛ ᑎᐱᔅᑲᐛ, ᑭᔭ ᓂᑭ ᓂᓱᐅᓇᒋᑕᓐ ᒥᓯᐛ ᐊ ᐱᒪᑎᓯᒥᑲᒡ ᒐᒂᓐ ᐅᑕ ᐊᔅᒋᒡ᙮”

ᒪᑎᔪᐤ 24:39

ᓇᒪ ᒪᒃ ᐅᒋ ᒋᔅᒐᔨᑎᒧᒡ ᑕᓐ ᒐ ᐃᔅᐱᔨᒡ ᐸᑐᔅ ᑲ ᐃᔅᒋᐳᑕᔨᒡ ᐊᔅᒋᔪᐤ, ᒥᓯᐛ ᒪᒃ ᒋ ᐅᓇᒋᔨᑯᐅᒡ᙮ ᐊᐅᑯᓐ ᒪᒃ ᒧᔭᒻ ᒐ ᐃᔅᐱᔨᒡ ᐃᔅᐱ ᐸᒋ ᓄᑯᓯᒐ ᐃᔪᐤ ᐅᑯᓯᓴᓐ᙮

ᓗᒃ 17:27

ᒥᒄ ᐛ ᐃᑎᒡ ᒋ ᐃᑐᐅᒡ ᐊᓂᔭᐧᑲ ᐃᔪᒡ, ᒋ ᒥᒋᓱᐅᒡ, ᒋ ᒥᓂᐅᒡ, ᒋ ᓂᐳᐎᒡ ᐱᐃᒻ ᑲ ᐅᑎᒋᐱᔨᒡ ᒐ ᐱᒐᑦ ᓄᐛ ᐅᑦ ᐅᐤᑦ᙮ ᐊᑯ ᑲ ᐃᔅᒋᐳᑕᒡ ᐊᔅᒋᔾ, ᒥᓯᐛ ᒂ ᓂᓱᐅᓇᑎᓯᒡ ᐊ ᑎᓯᒡ ᐊᓐᒡ ᐃᔪᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:20

ᐛᔅ ᒥᓯᐛ ᒐᒂᔪᐤ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᒋ ᐅᓯᑕᐤ ᒐᒃ ᒐᒋ ᐊᑎ ᐅᓂᑎᓂᔨᒡ᙮ ᓇᒪᔭᐤ ᒪᒃ ᐅ ᑲ ᐃᓯ ᓂᑐᐛᔨᑎᒧᒥᑲᒡ ᒥᓯᐛ ᐊᓐ ᑲ ᐃᓯ ᐅᓯᑕᑭᓄᐅᒡ ᒐᒋ ᐃᓯᓇᒂᒡ᙮ ᐎᔾ ᒋᓴᒪᓂᑐᐤ ᑲ ᐃᑕᔨᑕᐧᒃ ᐅᔭ ᒐᒋ ᐃᓯᓇᑯᓂᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:22

ᒋ ᒋᔅᒐᔨᑕᓇᓄᐤ ᐊᓐᑕ ᒥᓯᐛ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᐊ ᑎᑯᓂᔨᒡ ᑕᓐ ᐊ ᐃᓯ ᓂᓇᐧᑲᑕᔨᒧᒥᑭᓂᔨᒡ, ᒧᔭᒻ ᐊ ᐃᓯᓇᑯᓯᑦ ᐃᔎᐤ ᐃᔅᐱ ᐊ ᐊᑎ ᒋᒋᐱᔨᒡ ᒐ ᐛᐱᒪᐅᓱᑦ᙮

2 ᐱᑕᕐ 2:5

ᑭᔭ ᐊᓂᔭ ᓂᔅᑎᒻ ᐊᔅᒋᔪᐤ ᓇᒪ ᐅᒋ ᒥᓇᒋᑕᐤ ᒋᓴᒪᓂᑐᐤ᙮ ᐊᐅᑯᓐ ᑲ ᐃᓯ ᐊᔅᒋᐳᑕᑦ ᑲ ᐃᔅᐱᔅ ᐛᓴ ᒋ ᒥᒐᑎᓯᓇᓄᐎᒡ ᐊᓐᑕ ᐊᓂᔭ ᒪᒂᒡ᙮ ᒥᒄ ᔭᓇᐤ ᐊᐛᔪᐛ ᒋ ᐱᒪᒋᐊᐤ, ᐊᐅᒄ ᐅ ᓄᐛ ᐊᓐ ᑲ ᐊᔨᒧᑕᐧᒃ ᒐᒋ ᑯᐃᔅᒄ ᐃᑕᑎᓯᓇᓄᐎᒡ ᑭᔭ ᐊᓂᔭ ᓂᔄᐅᑕᒡ ᐊ ᑕᒡ ᐊᓐᑕ ᐊ ᐸᐃᑯᔅᑲᓇᓯᑦ᙮