ᒐᓂᓯᔅ 6:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᓄᐛ ᐅᑦ ᐊᓂᔅᑯᑕᐸᓇ᙮ ᓄᐛ ᒥᒄ ᒋ ᐸᐃᑯᓱᐤ ᑲ ᑯᐃᔅᑯᑕᑎᓯᑦ ᐃᔪᐤ ᐅᑕ ᐊᔅᒋᒡ ᑭᔭ ᓇᓂᑎᒻ ᒋ ᓇᐊᔨᑎᒪᐊᐤ ᒋᓴᒪᓂᑐᐛ ᒥᒄ ᒐᒂᔪᐤ ᑲ ᐃᑐᑕᐧᒃ,

ᒐᓂᓯᔅ 6:9 Iomraidhean Croise

ᒐᓂᓯᔅ 10:1

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᒡ ᓄᐛ ᐅᑯᓴ, ᓴᒻ, ᐊᒻ, ᑭᔭ ᒐᐸᑦ ᐅᑦ ᐊᓂᔅᑯᑕᐸᓄᐛᐛ, ᑲ ᐃᔪᔨᒋ ᑲᒋ ᐃᔅᒋᐸᔨᒡ᙮

ᒐᓂᓯᔅ 17:1

ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒋ ᐃᑕᑐᐳᓇᓱᐤ ᐊᑉᕋᒻ ᒥᓐ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊ ᐃᓯ ᓱᐧᑲᑎᓯᑦ᙮ ᓂᑐᑐᐎᓇ ᑭᔭ ᓇᓂᑎᒻ ᑯᐃᔅᒄ ᐃᑐᑎᒥᓇ,

ᒐᓂᓯᔅ 2:4

ᐊᐅᑯᐤ ᑲ ᐃᔅᐱᔨᒡ ᒧᔭᒻ ᒋᓴᒪᓂᑐᐤ ᑲ ᐅᓯᑕᑦ ᒋᓯᑯᔪᐤ ᑭᔭ ᐊᔅᒋᔪᐤ᙮

ᒐᓂᓯᔅ 48:15

ᐊᑯ ᒂ ᒥᔭᑦ ᐅᓱᐛᔨᒋᒐᐅᓐ ᒐᑭᐸ ᑭᔭ ᐅᑯᓯᔪᐛ ᐊ ᐃᔅᒋᔄᑦ, “ᐅ ᒋᓴᒪᓂᑐᐤ ᒋᔾ ᐅ ᓂᒧᓱᒻ ᐊᑉᕋᐊᒻ ᑭᔭ ᓄᑕᐎᔾ ᐊᐃᓯᒃ ᑲ ᐊᔭᒥᐊᔅᑐᐛᒡ, ᒋᔾ ᐅ ᒋᓴᒪᓂᑐᐤ ᑲ ᐸᒋ ᒥᔪ ᑭᓄᐛᔨᒥᔨᓐ ᒥᓯᐛ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔭᓐ᙮

ᒐᓂᓯᔅ 5:1

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᐊᑕᒻ ᐅᑦ ᐊᓂᔅᑯᑕᐸᓇ, ᓇᐸᐤ ᒧᔭᒻ ᒋᓴᒪᓂᑐᐛ ᑲ ᐃᓯᓇᑯᔅᑦ ᐅᔅᑭᒡ ᑲ ᐅᓯᐊᑭᓄᐅᑦ᙮

ᒐᓂᓯᔅ 5:22

ᑲᒋ ᐃᔪᔨᒋ ᐅᑯᓴ ᐃᓄᒃ, ᓂᔅᑐ ᒥᑕᓯᒥᑎᓄᐤ ᑕᑐᐤ ᐱᐳᓇ ᒋ ᐎᒐᐛᐤ ᒋᓴᒪᓂᑐᐛ, ᑭᔭ ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,

ᒐᓂᓯᔅ 5:24

ᓇᓂᑎᒻ ᐊ ᒥᔪᐎᒐᐛᑦ ᒋᓴᒪᓂᑐᐛ ᐃᓄᒃ, ᐊᑯ ᓇᒪ ᐅᒋ ᓄᑯᓱᐤ, ᐛᔅ ᒋᓴᒪᓂᑐᐛ ᐊᒋ ᐅᑎᓂᑯᑦ᙮

ᒐᓂᓯᔅ 6:10

ᑭᔭ ᒋ ᓂᔅᑎᔨᐛ ᐅᑯᓴ: ᓴᒻ, ᐊᒻ ᑭᔭ ᒐᐸᑦ᙮

ᒐᓂᓯᔅ 7:1

ᐊᑯ ᑎᐸᔨᒋᒐᓱᐤ ᐊᑕᑦ ᓄᐛᔨᒋ, “ᐳᓯᒃ ᒋᔾ ᑭᔭ ᐊ ᐸᐃᑯᔅᑲᓇᓯᔨᓐ ᐊᓐᑕ ᐅᐤᑎᒡ, ᒋᔾ ᒥᒄ ᒋ ᐸᐃᑯᓯᓐ ᐊ ᑯᐃᔅᑯᑕᑎᓯᓐ ᐅᑕ ᐊᔅᒋᒡ᙮

ᑎᐱᑦ ᐅᓂᑭᒧᐅᓇ 37:37

ᐱᓯᔅᒐᔨᒥᐧᒄ ᐅᒥᔽᑎᓯᐤ, ᑭᓄᐛᐱᒥᐧᒄ ᒪᒃ ᐅᑯᐃᔅᑯᑐᐤ, ᐛᔅ ᐊ ᐳᓂ ᐃᑕᑦ ᐊᓐ ᐃᔪᐤ ᒋᔭᒪᔨᑎᒻ᙮

ᑎᐱᑦ ᐅᓂᑭᒧᐅᓇ 37:39

ᒪᒃ ᐅᐱᒪᒋᐃᑯᓯᐅᓄᐛᐤ ᐅᑯᐃᔅᑯᑕᑎᓯᐅᒡ ᑎᐸᔨᒋᒐᓯᓇᒡ ᐅᒋᐱᔪᐤ, ᐊᔪᐅᒄ ᐅᔭ ᐅᒥᔅᑯᐅᓯᐅᓄᐛᐤ ᒪᒂᒡ ᐊ ᒋᓯᑲᔨᒡ ᑲ ᐊᔨᒥᓂᔨᒡ᙮

ᓗᒃ 1:6

ᓴᑲᕋᔭ ᑭᔭ ᐃᓕᓴᐸᑦ ᒋ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ᙮

ᓗᒃ 2:25

ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ᑕᐤ ᓇᐸᐤ, ᓯᒥᐅᓐ ᐊ ᐃᓯᓂᐧᑲᓱᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᒋ ᐊᔭᒥᐊᐛᑎᓯᐤ᙮ ᑭᔭ ᒋ ᐸᓱᐛᔨᒪᐤ ᐊᓂᔭ ᑲ ᐸᑕᒋᒪᑭᓄᔨᒋ ᐅᐱᒪᒋᐃᐛᐛ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒋᔅᑲᑯᐤ᙮

ᓗᒃ 23:50

ᒋ ᑕᐤ ᒪᒃ ᐊᓐᑕ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ ᒍᑎᔭ ᐊᔅᒋᒡ, ᐊᕆᒪᑎᔭ ᐊ ᐃᓯᓂᐧᑲᑕᔨᒡ ᒍᐤ ᐅᑕᓇᔪᐤ ᐊᒋ ᐅᒋᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᓇᔅᒡ ᒋ ᒥᔽᔨᑕᑯᓱᐤ ᐅ ᓇᐸᐤ,

ᐊᑈᔅᑕᓇᒡ 10:22

ᒋ ᐃᑕᐅᒡ ᒪᒃ ᐊᓐᒡ ᓇᐸᐅᒡ, “ᓄᒋᒪᒥᓇᓐ ᑯᕐᓂᓕᔭᔅ ᑲ ᓂᑲᓂᔅᑯᐛᑦ ᕈᒻ ᐊᓯᒪᑭᓂᓴ ᓂᒋ ᐸᒋ ᐃᑎᓴᐅᑯᓇᓐ᙮ ᒥᔽᔨᑕᑯᓱᐤ ᐅ ᓇᐸᐤ, ᑭᔭ ᒋᔅᑕᔨᒪᐤ ᒋᓴᒪᓂᑐᐛ, ᒥᓯᐛ ᑭᔭ ᒍᐤ ᐃᔪᐛ ᐃᑕᔨᒥᑯᐤ ᐊ ᒥᔽᔨᑕᑯᓯᑦ᙮ ᐸᐃᒄ ᒋᓴᒪᓂᑐᐤ ᑲ ᐸᔭᒋᓯᔨᒋ ᐅᑦ ᐊᓐᒋᓂᒥᔪᐛ ᒋ ᐃᑎᑯᐤ ᒐᒋ ᐎᓴᒥᔅᒃ ᐊᓐᑕ ᐎᒋᒡ ᐊᑯ ᒪᒃ ᒐᒋ ᐸᑕᐧᒃ ᑕᓐ ᐛ ᐃᓯ ᐎᑎᒥᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:17

ᐊᑯᑕ ᑭᔭ ᒥᔽᒋᒧᐅᓂᒡ ᐛᒋ ᒋᔅᒐᔨᑎᒥᐃᑯᔭᐧᒄ ᑕᓐᑕ ᐛᒋ ᑯᐃᔅᑯᓇᑯᐊᑦ ᒋᓴᒪᓂᑐᐤ ᐊᐛᔪᐛ ᐎᔾ ᐃᔅ ᐊ ᑕᑦ᙮ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᑕᑈᑎᒧᐅᓂᔪᐤ ᐱᒪᒋᐃᑯᐤ ᐊᐛᓐ, ᑭᔭ ᐊᐅᒄ ᐅᔭ ᒐ ᒋᐛᑕᐃᑯᑦ᙮ ᒧᔭᒻ ᐊᑎᔅᑕᒡ ᒥᓯᓇᐃᑭᓂᒡ, ᐊᓐ ᑲ ᑯᐃᔅᑯᓇᑯᓯᑦ ᑕᑈᑎᒧᐅᓂᒡ ᐅᒡ ᐊᐅᒄ ᒐ ᐱᒪᑎᓯᑦ᙮

ᑲᓚᓯᔭᓇ 3:11

ᐊᑯᑕ ᒪᒃ ᐛᒋ ᒥᔪ ᒋᔅᒐᔨᑕᒂᒡ ᐊᑲ ᑕᑦ ᐊᐛᓐ ᐅᑯᐃᔅᑯᑕᑎᓯᐤ ᒐ ᐅᒋ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ ᒥᒄ ᐊᓂᔭ ᐊ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐊᓐ ᐊᐛᓐ ᑲ ᑯᐃᔅᑯᓇᑯᐃᑯᑦ ᒋᓴᒪᓂᑐᐛ ᐊᓂᔭ ᐅᒋ ᐊ ᑕᑈᑕᐧᒃ ᐊᐅᑯᓐ ᐊᓐ ᑲᒋᒡ ᒐ ᐱᒪᑎᓯᑦ᙮

ᐃᑉᕈᐛ 11:7

ᓄᐛ ᒋ ᐃᓯᓂᐧᑲᓱᐤ ᒥᓐ ᑯᑎᒃ ᓇᐸᐤ ᐊᒋ ᑕᑈᔭᔨᒪᑦ ᒋᓴᒪᓂᑐᐛ᙮ ᐃᔅᐱ ᒋᓴᒪᓂᑐᐛ ᑲ ᐎᑎᒪᑯᑦ ᑕᓐ ᒐ ᐃᔅᐱᔨᒡ ᐃᔅᒋᐳᑕᔨᒐ ᐊᔅᒋᔪᐤ, ᐊᑎ ᐊᑲ ᐅᒋ ᐛᐸᑕᐧᒃ ᐊᓂᔭ ᒐᒋ ᐃᔅᐱᔨᒡ ᐃᔅᐱ ᑲ ᐎᑎᒧᐛᑭᓄᐅᑦ, ᐃᔭᐱᒡ ᒋ ᑕᑈᑐᐛᐤ ᒋᓴᒪᓂᑐᐛ ᐊᑯ ᑲ ᒋᒋ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ ᐊᓐᑕ ᒐ ᑕᑦ ᐊ ᐸᐃᑯᔅᑲᓇᓯᑦ ᒐ ᐊᑲ ᒋ ᓂᔅᑕᐸᐛᒡ᙮ ᐊᓂᔭ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᓄᐛ ᑭᔭ ᐊᒋ ᓂᓇᐃᑐᐛᑦ, ᒋ ᐛᐸᑎᔨᐛᐤ ᒋᓴᒪᓂᑐᐛ ᒐ ᑎᐸᔅᑯᓇᔨᒋ ᑭᔭ ᒐ ᐛᐛᓯᐊᔨᒋ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐛᔅ ᓇᒪ ᐅᒋ ᐎ ᑕᑈᑎᒥᔪᐛ᙮ ᓄᐛ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐅᑯᐃᔅᑯᑕᑎᓯᐤ ᒋ ᐃᓯ ᑭᓄᐛᐱᒥᑯᐤ᙮

1 ᐱᑕᕐ 2:5

ᒧᔭᒻ ᐊ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᐛᐤ ᐊᓐᑕ ᐛᒋ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ, ᐊᓐᑕ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮ ᐊᑯᑕ ᒪᒃ ᐊᓐᑕ ᒧᔭᒻ ᐊᔭᒥᐊᐅᒋᒪᐅᒡ ᐊ ᐸᔭᒋ ᐱᒪᑎᓯᒡ ᐊ ᐃᑕᐱᒋᔨᑕᒄ᙮ ᒥᓯᐛ ᑕᓐ ᒐ ᐃᓯ ᐱᔅᑎᓂᒧᐛᒂ ᒐᒂᓐ ᒋᓴᔅ ᙭ ᐊ ᑕᑦ, ᒋᑭ ᓇᐊᔨᑎᒥᐃᑯᐤ ᒋᓴᒪᓂᑐᐤ᙮

2 ᐱᑕᕐ 2:5

ᑭᔭ ᐊᓂᔭ ᓂᔅᑎᒻ ᐊᔅᒋᔪᐤ ᓇᒪ ᐅᒋ ᒥᓇᒋᑕᐤ ᒋᓴᒪᓂᑐᐤ᙮ ᐊᐅᑯᓐ ᑲ ᐃᓯ ᐊᔅᒋᐳᑕᑦ ᑲ ᐃᔅᐱᔅ ᐛᓴ ᒋ ᒥᒐᑎᓯᓇᓄᐎᒡ ᐊᓐᑕ ᐊᓂᔭ ᒪᒂᒡ᙮ ᒥᒄ ᔭᓇᐤ ᐊᐛᔪᐛ ᒋ ᐱᒪᒋᐊᐤ, ᐊᐅᒄ ᐅ ᓄᐛ ᐊᓐ ᑲ ᐊᔨᒧᑕᐧᒃ ᒐᒋ ᑯᐃᔅᒄ ᐃᑕᑎᓯᓇᓄᐎᒡ ᑭᔭ ᐊᓂᔭ ᓂᔄᐅᑕᒡ ᐊ ᑕᒡ ᐊᓐᑕ ᐊ ᐸᐃᑯᔅᑲᓇᓯᑦ᙮