ᒐᓂᓯᔅ 6:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒋᓴᒪᓂᑐᐤ ᐅᑦ ᐃᔨᒪ ᒋ ᐛᐱᒪᔪᐛ ᐊᓂᔭ ᐃᔪᐛ ᐅᑕᓂᓯᔪᐛ ᐊᔅᐱᔅ ᒥᔪᔎᐎᔨᒋ ᑭᔭ ᒋ ᐅᑎᓇᒪᓱᐅᒡ ᒐ ᐎᐅᒡ᙮

ᒐᓂᓯᔅ 6:2 Iomraidhean Croise

ᒐᓂᓯᔅ 12:11

ᒥᒄ ᐊᔅᒄ ᐊᑲ ᑎᑯᓯᒡ ᐊᓐᑕ ᐃᒋᑉᑎᒡ, ᐊᑯ ᐊᑕᑦ ᐎᐛ ᓴᕋᐃᔨᒋ, “ᓂ ᒋᔅᒐᔨᑕᓐ ᐊᔅᐱᔅ ᒥᔪᔎᐎᓐ,

ᒐᓂᓯᔅ 24:3

ᒋ ᓂᑐᐛᔨᒥᑎᓐ ᒐ ᐊᓱᑎᒪᒐᔨᓐ ᐅᑎᐸᔨᒋᒐᐤ ᐅᑦ ᐃᓯᓂᐧᑲᓱᐅᓂᒡ ᐅᒡ, ᒋᒋᒋᓯᑯᒡ ᑭᔭ ᐊᔅᒋᒡ ᒐ ᒋᓴᒪᓂᑐᐅᑦ, ᐊᓱᑎᒪᒐ ᒐ ᐊᑲ ᐅᑎᓂᒧᐅᑦ ᓂᑯᔅ ᐅᔅᒋᓂᒋᔎᐛ ᒐ ᐎᔪᑦ ᐅᑕ ᐅᒡ ᑲᐃᓇᓐ ᐃᔪᐛ ᐊ ᑕᔨᒋ᙮

ᒐᓂᓯᔅ 26:35

ᒋᒋᐛ ᓇᒪ ᐅᒋ ᒥᔽᔨᑎᒥᑯᐅᒡ ᐊᐃᓯᒃ ᑭᔭ ᕋᐸᑲ᙮

ᒐᓂᓯᔅ 27:46

ᐊᑯ ᕋᐸᑲ ᓇᑐᐛᐱᒪᑦ ᐊᐃᓯᑲ ᑭᔭ ᐊᑕᑦ, “ᓇᒪ ᓂ ᒥᔽᔨᑎᒪᐛ ᐃᓴᐅ ᐎᐛ, ᐊᓐᒡ ᐃᑕᐃᑦ ᐃᔎᐅᒡ ᑲᐃᓇᓐ ᐅᒡ᙮ ᐃᑐᑎᒧᒡ ᒐ ᐊᑲ ᓴᐸᔨᑕᑯᓂᔨᒡ ᓂᐱᒪᑎᓯᐅᓂᔪᐤ᙮ ᓇᒪ ᓂᑐᐛᔨᒪᐤ ᒐᑭᑉ ᒐᒋ ᐅᑎᓇᑦ ᐅᑕ ᐃᔎᐛ ᒐ ᐎᔪᑦ, ᒧᔭᒻ ᑲ ᐃᑎᑦ ᐃᓴᐅ᙮ ᐃᐛᒃ ᓂᑐᐛᔨᑕᓐ ᒐᒋ ᐳᓂᐱᒪᑎᓯᔭᓐ ᐃᔅᐱᔅ ᒐᒋ ᒥᔨᒃ ᒐ ᐎᒋᒪᑦ ᐃᑕᐃᑦ ᐃᔎᐛ᙮”

ᒐᓂᓯᔅ 3:6

ᒋ ᐛᐸᑎᒻ ᐃᔎᐤ ᐊᔅᐱᔅ ᒥᔽᓯᔨᒡ ᑭᔭ ᐊ ᒥᔽᔨᒡ ᒐᒋ ᒥᒋᓇᓄᐎᒡ; ᐃᔭᐱᒡ ᒋᔅᒐᔨᑎᒻ ᒥᒋᑦ ᐊᐛᓐ ᐊᓂᔭ ᒥᓂᓴ ᒋᐸ ᑭᒐᑕᐛᔨᑕᑯᓱᐤ ᑭᔭ ᓇᔅᒡ ᒋ ᓇᓂᑐᐛᔨᑎᒻ ᐃᔎᐤ ᒐᒋ ᑭᒐᑕᐛᔨᑕᑯᔅᑦ, ᐊᑯ ᐛᑎᓇᐧᒃ ᐊᓂᔭ ᒥᓂᓴ, ᒂ ᒥᒋᑦ ᑭᔭ ᒂ ᒥᔭᑦ ᐱᔅᒐ ᐅᓇᐸᒪ ᑭᔭ ᐎᔾ ᓇᐸᐤ ᒪᒋᑦ᙮

ᒐᓂᓯᔅ 4:26

ᑲᒋ ᒋᓯᓂᑕᐅᒋᑦ ᓴᑦ, ᒋ ᐅᑯᓱᐤ ᐃᓄᔅ ᒋ ᐃᓯᓂᐧᑲᑕᐤ᙮ ᐊᑯᑕ ᐃᔪᒡ ᓂᔅᑎᒻ ᑲ ᐅᒋ ᒋᒋᐱᔨᒡ ᐊ ᐃᓯᓂᐧᑲᑕᒡ ᒋᓴᒪᓂᑐᐛ, “ᒋᓴᒪᓂᑐᐤ”, ᑭᔭ ᐊᔭᒥᐊᔅᑐᐛᒡ᙮

ᒐᓂᓯᔅ 6:1

ᐃᔅᐱ ᑲ ᒥᒐᑎᒡ ᐃᔪᒡ ᐅᑕ ᐊᔅᒋᒡ ᑭᔭ ᑲ ᐃᔪᔨᒋ ᐅᑕᓂᓱᐛᐛ,

ᒐᓂᓯᔅ 6:3

ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓇᒪᔭᐤ ᓇᓂᑎᒻ ᒐ ᑕᔨᒋ ᓂᑦ ᐊᒐᒂ ᐊ ᑕᑦ ᐃᔪᐤ, ᐊ ᒪᔭᑎᓯᑦ, ᒥᒄ ᐸᐃᑯ ᒥᑕᓯᒥᑎᓄᐤ ᐊᓱ ᓂᓱᔪᐤ ᑕᑐᐳᓇ ᓂᑭ ᒥᔭᐤ ᐊᐛᓐ ᒐ ᐃᔅᐱᔅ ᐱᒪᑎᓯᑦ᙮”

ᐊᒃᓱᑕᔅ 34:16

ᐃᔭᐱᒡ ᒋᑯᓱᐛᐅᒡ ᒋᑭ ᐎ ᐎᒋᒪᐅᒡ ᐊᓂᔭ ᐅᑕᓂᓯᔨᐛ ᑭᔭ ᒋᑭ ᓯᒋᒥᑯᐅᒡ ᒐᒋ ᐊᔭᒥᐊᔅᑐᐅᒪᒡ ᐊᓂᔭ ᐅᒥᓂᑐᐅᒥᔪᐛ᙮

1 ᑯᕆᓐᑎᔭᓇ 7:39

ᐊ ᓂᐳᐅᑦ ᐃᔎᐤ ᓇᒪ ᐃᑕᔨᑕᑯᓱᐤ ᒐᒋ ᐎᒋᒪᑦ ᑯᑎᒃ ᓇᐸᐤ ᐊᔅᒄ ᐊ ᐱᒪᑎᓯᔨᒋ ᐅᓇᐸᒪ᙮ ᒥᒄ ᒪᒃ ᓂᐱᒐᓂ ᐅᓇᐸᒪ ᒋᑭ ᒋ ᐎᒋᒪᐤ ᒥᒄ ᐊ ᐃᓯᓇᑯᓯᔨᒋ ᓇᐸᐛ ᐊ ᒂᔅᑲᑎᓯᒂᓂ᙮

2 ᑯᕆᓐᑎᔭᓇ 6:18

ᒋᑭ ᐅᑕᐎᒪᐅᑐᑐᓇᐛᐤ᙮ ᓂᑯᓯᒡ ᑭᔭ ᓂᑕᓂᓯᒡ ᒋᑭ ᐃᓯ ᑭᓄᐛᐱᒥᑎᓇᐛᐤ,” ᐃᔅᒋᔄᐤ ᐅᑎᐸᔨᒋᒐᐤ ᐊᓐ ᒪᐅᒡ ᓯᔪᐧᑲᑎᓯᑦ᙮

2 ᐱᑕᕐ 2:14

ᓇᒪ ᓂᑕ ᐳᓂᐱᔪᐤ ᓂᑐᐎᔾ ᐊ ᐃᓯ ᑭᓄᐛᐱᒪᒡ ᐃᔎᐛ᙮ ᓇᒪ ᒋ ᐳᓂᑕᐅᒡ ᒥᒋᑐᑎᒧᐅᓂᔪᐤ᙮ ᐛᐎᔭᓯᒪᐅᒡ ᑭᔭ ᐊᓂᔭ ᐊᐛᔪᐛ ᐊᑲ ᐊᔨᒋᑲᐳᔨᒋ ᑕᑈᑎᒧᐅᓂᒡ᙮ ᓴᑭᔅᒋᓇᔪᐤ ᐅᑕᐃᐛᒡ ᒧᔅᑕᓂᒪᒐᐅᓂᔪᐤ᙮ ᒪᔭᑎᓯᐅᒡ ᐅᒡ ᐅᔭ ᑲ ᐃᑕᔨᑕᑯᓯᒡ,

1 ᒠᓐ 2:16

ᒥᓯᐛ ᑕᓐ ᐊ ᐃᑕᑎᓯᓇᓄᐅᒡ ᐅᑕ ᐊᔅᒋᒡ, ᐊ ᒥᒋ ᒧᔅᑕᓇᐸᑕᐧᒃ ᐊᐛᓐ ᒐᒂᔪᐤ, ᐊ ᐃᓯ ᒥᒋ ᒧᔅᑕᓇᔨᑕᐧᒃ, ᑭᔭ ᐊᓂᔭ ᐊ ᒋᔅᑕᔨᒧᑦ ᑕᓐ ᐊ ᐃᓯ ᐱᒪᑎᓯᑦ, ᓇᒪ ᒋᓴᒪᓂᑐᐤ ᐊ ᑕᑦ ᐅᒋᐱᔪᐤ ᐅ ᐃᑕᑎᓯᐅᓐ, ᐅᑕ ᐊᔅᒋᒡ ᐅᒋᒥᑭᓐ᙮