ᒐᓂᓯᔅ 47:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᓂᒋ ᐸᒋᑎᑯᓯᓇᓐ ᒐᒋ ᐛᐃᐱᔅᒋᔅ ᐅᑕ ᐎᒋᔭᒡ, ᐛᔅ ᓴᔅ ᓇᒪ ᑎᑯᓐ ᐊ ᒥᔅᑯᓯᐅᔅᑭᒥᑲᒡ ᒐ ᐅᒋ ᒥᒋᓱᒡ ᓂᑦ ᐊᐛᓯᓯᒥᓇᓐᒡ, ᐛᔅ ᒋᒋᐛ ᐊᔨᒥᓐ ᐊᑲ ᑎᒂᒡ ᒥᒋᒻ ᐊᓐᑕ ᑲᐃᓇᓐ ᐊᔅᒋᒡ᙮ ᐊᑯ ᒪᒃ, ᒋ ᓂᑐᐛᔨᒥᑎᓇᓐ ᒐᒋ ᓇᐃᒥᔭᒡ ᒐᒋ ᐎᒋᔭᒡ ᐊᓐᑕ ᑯᓯᓐ ᐊᔅᒋᒡ᙮”

ᒐᓂᓯᔅ 47:4 Iomraidhean Croise

ᒐᓂᓯᔅ 12:10

ᒋ ᑎᒂᓐ ᓄᑕᐧᑭᑕᐅᓐ ᐊᓐᑕ ᑲᐃᓇᓐ ᐊᔅᒋᒡ᙮ ᐊᑯ ᐊᑉᕋᒻ ᒂ ᐃᑐᑕᑦ ᐱᓯᒧᑕᒡ ᐃᒋᑉᑎᒡ ᒐᒋ ᑕᑦ ᐊᓐᑕ, ᐅᓴᒻ ᒋ ᐊᔨᒥᓐ ᒐᒋ ᐎᒋᓇᓄᐅᒡ ᐊᓐᑕ ᐊᔅᒋᒡ ᐊᑲ ᑎᒂᒡ ᒥᒋᒻ᙮

ᒐᓂᓯᔅ 15:13

ᐊᑯ ᑎᐸᔨᒋᒐᓱᐛ ᐊᑎᑯᑦ, “ᒐ ᐎ ᓂᔅᑐᑎᒥᓐ ᒐᒂᓐ ᒐ ᐎᑎᒪᑕᓐ, ᒋᓂᑕᐅᒋᐊᑭᓐᒡ ᒋᑭ ᐎᒍᐅᒡ ᐊᓐᑕ ᐊᔅᒋᒡ ᐊᑲ ᑎᐸᔨᑕᒡ᙮ ᒋᑭ ᓯᒋᒪᐅᒡ ᐃᔪᒡ ᐛᑎᔅᒋᒡ ᒐᒋ ᐊᑐᔅᒐᔅᑕᑯᒡ ᒋᓂᑕᐅᒋᐊᑭᓇ ᑭᔭ ᓇᐤ ᒥᑕᓯᒥᑎᓄᐛᐳᓇ ᐃᔅᐱᔅ ᒋᑭ ᐱᐛᔨᒪᑭᓄᐎᒡ᙮

ᒐᓂᓯᔅ 43:1

ᐊᔅᒄ ᒋ ᐱᒥᐱᔪᐤ ᐊ ᓯᐛᔨᓇᓄᐅᒡ ᐊᓐᑕ ᑲᐃᓇᓐ ᐊᔅᒋᒡ᙮

ᒐᓂᓯᔅ 45:10

ᑯᓯᓐ ᐊᔅᒋᒡ ᒋᑭ ᐎᒋᓐ, ᒥᒋᒪ ᐊ ᑕᔭᓐ ᒪᒃ ᒋᑭ ᑕᓐ, ᒋᔾ ᒋᑦ ᐊᐛᓯᒥᒡ ᑭᔭ ᒍᓯᒥᒡ, ᒋᑦ ᐊᐛᓯᓯᒥᒡ ᑭᔭ ᒥᓯᐛ ᒐᒂᓐ ᑲ ᐃᓯ ᐊᔭᔨᓐ᙮

ᒐᓂᓯᔅ 46:34

ᐊᑯ ᒐ ᐃᑕᒄ, ‘ᒋᑦ ᐊᐱᒋᐊᑭᓐᒡ ᒋ ᓇᑭᑐᐛᔨᒪᐅᒡ ᐊᐛᓯᓴ ᐊ ᐅᔅᑎᓂᒋᐅᒡ ᐅᒡ ᐃᔅᐱᔅ ᐊᓄᒡ, ᑕᐱᔅᑯᓐ ᓂᔭᓐ ᑭᔭ ᓂᑦ ᐊᓂᔅᑯᑕᐸᓇᓐᒡ,’ ᐊᑯ ᒪᒃ ᒐ ᒥᔨᑕᒄ ᒐᒋ ᐎᒋᐛᒄ ᐊᓐᑕ ᑯᓯᓐ ᐊᔅᒋᒡ, ᐛᔅ ᐃᒋᑉᑦ ᐃᔪᒡ ᓇᒪ ᒥᔽᔨᑎᒧᒡ ᒐᒋ ᒥᒋᒪ ᑕᐛᒡ ᒪᔭᑕᓂᓯᐅ-ᐃᔪᐛ ᐊ ᑕᔨᒋ᙮”

ᒐᓂᓯᔅ 47:5

ᐊᑯ ᒋᓴᐅᒋᒪᐤ ᐸᕈᐤ ᐊᑕᑦ ᒍᓯᐸ, “ᐊᓄᒡ ᓴᔅ ᑲᒋ ᐸᒋᓂᑐᐛᐱᒥᔅᒡ ᒍᑕᐎᔾ ᑭᔭ ᒋᐧᑲᓂᓯᒡ, ᒋᑭ ᐎᒍᐅᒡ ᑕᓐᑕ ᒥᒄ ᐊᓯ ᒥᔽᔨᑎᒥᓐ᙮ ᓇᐃᒥᒡ ᒐᒋ ᐎᒋᒡ ᐊᓐᑕ ᐊ ᒥᔽᔨᒡ ᐊᔅᒋᔪᐤ᙮ ᑯᓯᓐ ᐊᔅᒋᒡ ᒥᔨᒡ ᒐᒋ ᐎᒋᒡ᙮

ᑎᐱᑦ ᐅᓂᑭᒧᐅᓇ 105:23

ᐃᔅᕋᐃᓪ ᐊᓯᒡ ᒋ ᐸᒋ ᐃᑐᑕᐤ ᐃᒋᑉᑎᒡ; ᒐᑭᑉ ᑭᔭ ᒋ ᐎᒋᐤ ᐦᐊᒪ ᐅᑦ ᐊᔅᒋᔨᒡ᙮

ᐊᑈᔅᑕᓇᒡ 7:11

“ᒐᒃ ᒪᒃ ᒋ ᓄᑕᐱᔪᐤ ᒥᒋᒻ ᒥᓯᐛ ᐊᓐᑕ ᐃᒋᑉᑎᒡ ᑭᔭ ᑲᐃᓇᓐ ᐊᔅᒋᒡ᙮ ᐊᓐᑕ ᒪᒃ ᑲᐃᓇᓐ ᐊᔅᒋᒡ ᐊᑯᑕ ᑲ ᑕᔨᒋ ᒍᓯᑉ ᐅᑕᐎᔭ ᑭᔭ ᐎᐧᑲᓂᓴ᙮ ᓇᔅᒡ ᐊᒋ ᓂᓇᐧᑲᑕᔨᒧᒡ ᐊᐛᓐᒋ᙮ ᒐᑭᑉ ᑭᔭ ᐊᓂᔭᔪᐛ ᐅᑯᓴ ᐊᓐᒡ ᒋᑦ ᐊᓂᔅᒐ ᒍᑕᐎᓄᒡ ᓇᒪ ᓇᔅᒡ ᐅᒋ ᒥᔅᑭᒧᒡ ᒥᒋᒥᔪᐤ᙮

ᐊᑈᔅᑕᓇᒡ 7:6

ᒪᐅᔭᔪᐤ ᒪᒃ ᑲ ᐃᑎᑯᑦ ᐊᑉᕋᐊᒻ ᒋᓴᒪᓂᑐᐛ, ‘ᒋᑦ ᐊᐛᓯᒥᒡ ᑭᔭ ᐅᑦ ᐊᐛᓯᒧᐛᐤ ᒋᑭ ᐎᒍᐅᒡ ᐊᓐᑕ ᒪᓐᑕᐤ ᐊᔅᒋᔪᐤ ᐊᑯᑕ ᐊᓐᑕ ᒐ ᓂᓇᐧᑲᑕᔨᒧᒡ᙮ ᒋᑭ ᐊᐱᒋᐊᑭᓄᐅᒡ ᑭᔭ ᒋᑭ ᓂᓇᐧᑲᒋᐊᑭᓄᐅᒡ ᓇᐤ ᒥᑕᓯᒥᑎᓄᐤ ᐱᐳᓇ ᐃᔅᐱᔅ᙮