ᒐᓂᓯᔅ 45:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒍᓯᑉ ᒪᒃ ᒋ ᐃᑕᐤ ᐎᐧᑲᓂᓴ, “ᓂᔾ ᐅ ᒍᓯᑉ; ᐊᔅᒄ ᐊ ᐱᒪᑎᓯᐤ ᓄᑕᐎᔾ ?” ᓇᒪ ᐅᒋ ᐎᑎᒪᑯᐤ ᒪᒃ ᐎᐧᑲᓂᓴ, ᐛᔅ ᒋ ᓴᒋᓯᔨᐛ ᐊ ᑭᓄᐛᐱᒪᑦ᙮

ᒐᓂᓯᔅ 45:3 Iomraidhean Croise

ᒐᓂᓯᔅ 37:20

ᒐ ᓂᐸᐊᐧᒄ ᐊᑯ ᑭᔭ ᒐ ᐱᑕᐛᐱᓂᒺᐧᒄ ᐎᔪᐤ ᐊᓐᑕ ᐸᐃᒄ ᐊ ᐸᒂᔨᒡ ᒧᓇᐃᐸᓂᔪᐤ᙮ ᒐ ᐃᔅᒋᔄᔭᐧᒄ ᒥᒋ ᐊᐛᓯᓴ ᐊ ᓂᐸᐃᑯᑦ᙮ ᐊᑯ ᒐ ᐛᐸᑎᒺᐧᒄ ᒐ ᑕᑈᒥᑭᓂᒂᓂ ᐅᐳᐛᒧᐅᓇ᙮”

ᒐᓂᓯᔅ 42:21

ᐎᐧᑲᓂᓯᒪᐅᒡ ᒂ ᐃᔨᒥᑐᒡ ᐅᑦ ᐃᔨᒧᐅᓄᐛᒡ, “ᐊᐅᑯᐤ ᐊᓯᓇᑯᓯᔭᐧᒄ ᑲ ᐃᓯ ᐎᓂᑐᑐᐛᐧᒄ ᒋᐧᑲᓂᓯᓄᐤ᙮ ᐃᔅᐱ ᑲ ᐳᑎᓯᐛᐱᓇᐧᒄ ᒧᓇᐃᐸᓂᒡ, ᑲ ᐱᑯᓴᔨᒥᑕᐧᒄ ᒐ ᒋᔅᑎᒪᒐᔨᒪᐧᒄ ᒥᒄ ᓇᒪ ᒋ ᐅᒋ ᓂᑐᑐᐛᓄᐤ᙮ ᐊᐅᑯᐤ ᐛᒋ ᐅᔅᑕᐱᐃᔭᐧᒄ᙮”

ᒐᓂᓯᔅ 42:22

ᕈᐱᓐ ᒂ ᐃᑕᑦ, “ᒋᒋᐃᑎᓇᐛᐤ ᒐ ᐊᑲ ᐊᐧᑯᐊᒄ ᓇᐸᔅ, ᒥᒄ ᓇᒪ ᒋ ᐅᒋ ᓂᑐᑐᓇᐛᐤ᙮ ᐊᓄᒡ ᒪᒃ ᒋᑦ ᐊᓏᔨᒥᑯᓄᐤ ᒋᓴᒪᓂᑐᐤ ᑲᒋ ᐅᑎᓂᒺᐧᒄ ᐅᐱᒪᑎᓯᐅᓐ᙮”

ᒐᓂᓯᔅ 43:27

ᒋ ᐛᒋᔭᒪᐤ ᒍᓯᑉ ᑭᔭ ᒂ ᐃᑕᑦ, “ᒥᔪ ᐱᒪᑎᓯᐤ ᐊ ᒍᑕᐎᐛᐤ, ᐊᓐ ᒋᓴᐃᔪᐤ ᑲ ᐊᔨᒧᒪᒄ ? ᐊᔅᒄ ᐊ ᐱᒪᑎᓯᐤ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:50

ᒥᓯᐛ ᒋ ᓴᒋᓱᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐃᔅᐱ ᐎᔭᐱᒪᒡ ᒋᓴᓴ᙮ ᒋᓴᔅ ᒪᒃ ᑎᐛᒡ ᒋ ᐃᔨᒪᐊᐤ ᐊ ᐃᑕᑦ, “ᒋᔭᒪᔨᑎᒧᒄ, ᐊᐅᒄ ᐛᔅ ᐊᓐ ᓂᔾ᙮ ᐊᑲᐎᔾ ᑯᔅᑕᒋᒄ᙮”

ᓗᒃ 5:8

ᐃᔅᐱ ᒪᒃ ᓴᐃᒥᓐ ᐱᑕᕐ ᐎᔭᐸᑕᐧᒃ ᐊ ᐃᔅᐱᔨᒡ ᒋ ᐅᒋᒋᐧᑯᓂᐱᔪᐤ ᐅᑎᔅᑯᐤ ᒋᓴᓴ ᐊ ᑕᔨᒋ, ᐊ ᐃᔅᒋᔄᑦ, “ᓇᑭᓯ, ᐅᑎᐸᔨᒋᒐᐤ, ᐛᔅ ᓂ ᒥᒐᑎᓯᓐ᙮”

ᐊᑈᔅᑕᓇᒡ 7:13

ᒥᓐ ᒪᒃ ᒂ ᐃᑐᑕᒡ ᐊᓐᑕ ᐃᒋᑉᑎᒡ ᐊᑯ ᒂ ᒋᔅᒐᔨᑕᑯᐅᑦ ᒍᓯᑉ ᐊᓂᔭᔪᐛ ᐎᐧᑲᓂᓴ ᐊ ᑕᔨᒋ᙮ ᐊᑯᑕ ᒪᒃ ᐸᕈᐛ ᒂ ᐅᒋ ᒋᔅᒐᔨᒪᑦ ᐊᓂᔭᔪᐛ ᒍᓯᐸ ᐎᐧᑲᓂᓯᔪᐛ᙮

ᐊᑈᔅᑕᓇᒡ 9:5

ᐊᑯ ᓴᓪ ᒂ ᐃᔅᒋᔄᑦ, “ᐊᐛᓐ ᒪᒃ ᒋᔾ, ᐅᑎᐸᔨᒋᒐᐤ ?” ᐊᑯ ᑲ ᐃᑎᑯᑦ ᐊᓂᔭ ᐊᐛᔪᐛ, “ᐊᐅᒄ ᓂᔾ ᒋᓴᔅ, ᐊᓐ ᐊᐛᓐ ᑲ ᑯᒂᒋᐃᑦ᙮

ᒋᔅᒐᔨᑕᑯᑕᒐᐅᓐ 1:7

ᐃᑕᐱᒄ ᒪ᙮ ᐸᒋ ᑎᑯᓯᓄᐤ ᑭᔅᑯᐅᓂᔅᑯᒡ ᐊ ᐸᒋ ᔭᓯᑦ᙮ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ, ᐛᐛᒡ ᐊᓂᔭᔪᐛ ᑲ ᑕᐧᑭᒥᑯᑦ᙮ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒋᑭ ᒥᔅᑎ ᒪᔪᐛ ᐛᐱᒥᑯᒐ᙮ ᒐᔅᑎᓇᔅ ᒋᑭ ᐃᔅᐱᔪᐤ ᐅ᙮ ᐊᒥᓐ᙮