ᒐᓂᓯᔅ 44:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒥᔅᑯᐅᑕ ᐊᓐ ᐊᐛᓐ ᐊᑎᓯᔭᒡ ᑲᒋ ᒋᒧᑎᒂ ᒥᓂᒂᑭᓂᔪᐤ, ᓂᐳᐅᓂᒡ ᒋᑭ ᒋ ᐃᓯ ᐱᔅᑎᓄᐤ, ᐊᑯ ᒥᓯᐛ ᐊᑎᓯᔭᒡ ᒐ ᐅᑎᓂᔭᒡ ᒧᔭᒻ ᒋᑦ ᐊᑐᔅᒐᔭᑭᓂᒡ᙮

ᒐᓂᓯᔅ 44:9 Iomraidhean Croise

ᒐᓂᓯᔅ 31:32

ᒥᒄ ᓇᒪ ᓂ ᐅᒋ ᐅᑎᓇᐅᒡ ᒋᒪᓂᑐᒥᒡ᙮ ᒥᔅᑯᐅᑕ ᐅᑕ ᐊᐛᓐ ᑲᓄᐛᔨᒪᑦ, ᒋᑭ ᓂᐸᐊᑭᓄᐤ᙮ ᐊ ᑭᓄᐛᐱᒥᔅᑭᒡ ᒋᐧᑲᓂᓯᓄᐅᒡ, ᓇᓂᑐᐛᐸᑕ ᒥᒄ ᒐᒂᓐ ᑕᐱᔨᐛᐅᓯᓐ ᑭᔭ ᒐ ᐅᑎᓂᒥᓐ ᑕᐸᔨᑎᒥᓐ᙮” ᓇᒪ ᐅᒋ ᒋᔅᒐᔨᒪᐤ ᒐᑭᑉ ᐊᓂᔭ ᕋᐃᒍᓚ ᑲ ᒋᒧᑎᔨᒋ ᓚᐸᓇ ᐅᒪᓂᑐᒥᔪᐛ᙮

ᒐᓂᓯᔅ 43:18

ᒪᒂᒡ ᐊᑐᑕᑭᓄᐅᒡ ᒥᒋᐛᐱᒡ, ᒋ ᑯᔅᑕᒍᐅᒡ ᑭᔭ ᒋ ᐃᑎᑐᐅᒡ, “ᒋ ᐸᓱᐅᑯᓄᐤ ᐅᑕ ᐎᒋᒡ ᐊᓐ ᓱᓇᔭᐤ ᐅᒡ ᑲᐤ ᑲ ᐱᑕᐃᑭᓄᒂ ᒋᐅᑎᓇᒡ ᐅᔅᑭᒡ ᐅᑕ ᑲ ᑎᑯᓯᓂᔭᐧᒄ᙮ ᒋᑭ ᑕᒪᔨᒥᑯᓄᐅᒡ ᑭᔭ ᒐ ᒂᔅᑯᑕᑕᐧᑯᒡ ᑭᔭ ᒋᑭ ᐅᑎᓂᑯᓄᐤ ᒐᒋ ᐅᑦ ᐊᑐᔅᒐᔭᑭᓂᒥᑕᑕᐧᒄ ᐊᓯᒡ ᒐ ᐅᑎᓇᒡ ᑲᓂᐧᑲᑎᓯᔨᒋ ᒋᑲᐸᐃᑭᔎᒥᓄᐛ᙮”

ᒐᓂᓯᔅ 44:10

ᐊᑯ ᑭᓄᐛᔨᑎᔭᑭᓐ ᐊᑕᑦ, “ᐊᐅᑯᓐ ᒐ ᐃᓯᓇᒂᒡ ᒧᔭᒻ ᐊᔅᒋᔄᔨᓐ᙮ ᐊᓐ ᐊᐛᓐ ᒪᔅᑯᐛᑭᓄᐅᑦ ᒐ ᑭᓄᐛᔨᑎᒧᒂ ᒥᓂᒂᑭᓂᔪᐤ ᓂᑭ ᐅᑦ ᐊᑐᔅᒐᔭᑭᓂᒥᑐᐛᐤ, ᐊᑯ ᒋᔨᐛᐤ ᒥᓯᐛ ᐊᑎᓯᔭᒄ ᒋᑭ ᒋ ᔅᑐᑕᓇᐛᐤ᙮”

ᒐᓂᓯᔅ 44:16

ᐊᑯ ᒍᑕ ᐊᑕᑦ, “ᓇᒪ ᓂ ᒋᔅᒐᔨᑕᓇᓐ ᒐᒂᓐ ᒐ ᐃᑎᑕᒡ, ᐅᒋᒪᐤ᙮ ᓇᒪ ᓂ ᒋᔅᒐᔨᑕᓇᓐ ᑕᓐᑕ ᒐ ᐅᒋ ᒋᔅᒐᔨᑕᒥᐃᑕᒡ ᐊ ᒥᔽᑎᓯᔭᒡ᙮ ᐛᔅ ᒋᓴᒪᓂᑐᐤ ᒋ ᐛᐸᑎᔨᐛᐤ ᒋᑦ ᐊᑐᔅᒐᔭᑭᓇ ᐅᒥᒐᑎᓯᐅᓂᔪᐛ᙮ ᐊᑯ ᒪᒃ ᐊᓄᒡ, ᓂᔭᓐ ᐅ ᒥᓯᐛ ᒋᑦ ᐊᑐᔅᒐᔭᑭᓐᒡ, ᑕᐱᔅᑯᓐ ᐊᓐ ᐊᐛᓐ ᑲ ᐃᔭᑦ ᒥᓂᒂᑭᓂᔪᐤ ᐎᐅᑎᒡ ᑭᔭ ᒥᓯᐛ ᓂᔭᓐ ᐊᑎᓯᔭᒡ᙮”

ᐊᑈᔅᑕᓇᒡ 25:11

ᑕᑈ ᒪᒃ ᐊ ᑎᑯᓂᒂ ᐊᒋ ᐅᓂᑐᑎᒪᓐ ᐊ ᐃᑕᔨᑕᑯᓂᒂ ᒪᒃ ᒐᒋ ᓂᐸᐃᑯᐅᔭᓐ ᐊᓐ ᐅᒋ, ᑭᑈ ᐸᔅᑎᓂᓱᔭᓐ ᒐᒋ ᓂᐸᐃᑯᐅᔭᓐ᙮ ᒥᒄ ᒪᒃ ᒧᔭᒻ ᐊᑲ ᑎᔭᑈᐛᒂ ᐅᔭ ᑕᓐ ᐊ ᐃᓯ ᒪᒥᓯᒥᒡ ᐅᒡ ᒍᐤ ᐃᔪᒡ ᓇᒪ ᐃᑕᔨᑕᑯᓐ ᐎᔨᐛᐤ ᐊ ᑕᒡ ᒐᒋ ᐃᓯ ᐱᔅᑎᓂᑯᐎᒡ᙮ ᓯᓴᕐ ᐊ ᑕᑦ ᐊᑯᑕ ᓇᑐᐛᔨᑎᒪᓐ ᒐᒋ ᑎᐸᔅᑯᓂᑯᐅᔭᓐ᙮”