ᒐᓂᓯᔅ 42:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒍᓯᑉ ᒋ ᑎᐸᔨᑎᒻ ᐊᓂᔭᔪᐤ ᐊᔅᒋᔪᐤ, ᐎᔾ ᒪᒃ ᒋ ᐊᑕᒪᐤ ᐸᒂᓯᑭᓂᒥᓇ ᐃᔪᐛ ᒥᓯᐛ ᐊᔅᒋᒡ ᐅᒡ, ᐊᑯ ᐃᔅᐱ ᑲ ᑎᑯᓯᓂᔨᒋ ᒍᓯᑉ ᐎᐧᑲᓂᓴ ᑭᔭ ᒋ ᓇᐛᒋᔅᑕᑯᐤ ᐊ ᒋᔅᑕᔨᒥᑯᑦ᙮

ᒐᓂᓯᔅ 42:6 Iomraidhean Croise

ᒐᓂᓯᔅ 18:2

ᐊᑉᕋᐊᒻ ᒋ ᐅᐸᐳᐤ ᑭᔭ ᒋ ᐛᐱᒪᐤ ᓂᔅᑐ ᐊᓐᒋᓇ ᒥᒋᒪ ᑲ ᓂᐳᔨᒋ᙮ ᐃᔅᐱ ᐎᔭᐱᒪᑦ, ᒋ ᓂᑭᑎᒻ ᐅᐱᒍᐎᔭᓂᒋᐛᑉ ᑭᔭ ᒂ ᒋᒋᓇᑦ ᒐᒋ ᓂᒋᔅᑯᐛᑦ᙮ ᒂ ᓂᐱᔅᑯᐱᔅᑐᐛᑦ ᐊ ᒋᔅᑕᔨᒪᑦ᙮

ᒐᓂᓯᔅ 19:1

ᐊᑎ ᐅᑕᑯᓯᔨᒡ ᑲ ᓂᓯᒡ ᐊᓐᒋᓐᒡ ᒋ ᐅᑎᑕᒧᒡ ᓱᑕᒻ ᐅᑕᓇᔪᐤ, ᓗᑦ ᒋ ᐊᐳᐤ ᐊᓐᑕ ᐛᒋ ᐱᒐᓄᐎᒡ ᐅᑕᓇᔪᐤ᙮ ᐃᔅᐱ ᐎᔭᐱᒪᑦ ᐊ ᓂᓯᔨᒋ ᐊᓐᒋᓇ, ᒋ ᐱᓯᑯᓯᐸᑕᐤ, ᒋ ᓇᑕᐤ ᒐᒋ ᓂᒋᔅᑯᐛᑦ ᑭᔭ ᒂ ᓂᐱᔅᑯᐱᔅᑐᐛᑦ ᐊ ᒋᔅᑕᔨᒪᑦ᙮

ᒐᓂᓯᔅ 33:3

ᐎᔾ ᒋ ᓂᑲᓄᑕᐤ ᒐᑭᑉ ᒐᒋ ᓂᒋᔅᑯᐛᑦ ᐃᓴᐅᐛ᙮ ᓂᔄᐅᑕᒡ ᑕᑥᐤ ᒋ ᓄᐛᑲᐳᔅᑐᐛᐤ ᒪᒂᒡ ᐊᑎ ᐅᑎᑕᑦ ᐅᔅᑕᓴ ᐃᓴᐅᐛ, ᐊ ᐎ ᐛᐸᑎᔭᑦ ᐊ ᒋᔅᑕᔨᒪᑦ᙮

ᒐᓂᓯᔅ 41:43

ᒋᓴᐅᒋᒪᐤ ᒋ ᒥᔭᐤ ᒍᓯᐸ ᑯᑎᑲ ᑲ ᑎᑎᐱᔨᒋ ᐅᑕᐸᓇᔎ ᒐᒋ ᐳᓯᔨᒋ ᑭᔭ ᐅᓂᑐᐱᔪᐅ-ᐃᔨᒪ ᓇᑲᓄᐸᑕᔨᒋ ᑭᔭ ᑎᔭᑈᔨᒋ, “ᑐᐎᔅᑐᐛᐧᒄ᙮” ᐊᑯ ᒍᓯᑉ ᒂ ᒋᓴᐅᒋᒪᐧᑲᑕᑭᓄᐅᑦ ᒥᓯᐛ ᐃᒋᑉᑎᒡ᙮

ᒐᓂᓯᔅ 41:54

ᐊᑯ ᒐ ᒋᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᐊ ᓯᐛᔨᓇᓄᐅᒡ, ᒧᔭᒻ ᒍᓯᑉ ᑲ ᐃᔅᒋᔄᑦ ᒐ ᐃᔅᐱᔨᒡ᙮ ᓇᒪ ᐅᒋ ᑎᑯᓐ ᒥᒋᒻ ᐊᓐᑕ ᑯᑎᑲ ᐊᔅᒋᔭ, ᒥᒄ ᒋ ᑎᑯᓐ ᒥᒋᒻ ᐊᓐᑕ ᒥᓯᐛ ᐃᒋᑉᑎᒡ᙮

ᒐᓂᓯᔅ 41:57

ᐃᒋᑉᑎᒡ ᒋ ᐃᑐᑕᐅᒡ ᐃᔪᒡ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ ᐅᒡ ᒐᒋ ᐃᔭᒡ ᒥᒋᒥᔪᐤ ᒍᓯᐸ ᐅᒡ, ᐛᔅ ᒋᒋᐛ ᒋ ᐊᔨᒥᓐ ᑲ ᐅᑎᒋᐱᔨᒡ ᐊᑲ ᐅᒋ ᑎᒂᒡ ᒥᒋᒻ ᐊᓐᑕ ᒥᓯᐛ ᐊᔅᒋᒡ᙮

ᒐᓂᓯᔅ 44:14

ᐃᔅᐱ ᒍᑕ ᑭᔭ ᐎᐧᑲᓂᓴ ᐛᑎᑕᒺᒡ ᒍᓯᐸ ᐎᒋᔪᐤ, ᐊᔅᒄ ᒋ ᑕᔪᐛ᙮ ᒋ ᓄᒋᔅᑐᐛᐅᒡ ᐊ ᒋᔅᑕᔨᒪᒡ᙮

ᒐᓂᓯᔅ 45:26

ᐊᑯ ᐛᑎᒧᐛᒡ ᐊ ᐃᑕᒡ, “ᒍᓯᑉ ᐊᔅᒄ ᐱᒪᑎᓯᐤ ! ᒥᓯᐛ ᐃᒋᑉᑦ ᐊᔅᒋᔪᐤ ᑎᐸᔨᑎᒻ !” ᒋ ᓯᔅᒋᑯᒋᐃᑯᐤ ᒐᑭᑉ ᐛᔅ ᓇᒪ ᐅᒋ ᑕᑈᑐᐛᐤ᙮

ᒐᓂᓯᔅ 45:8

ᐊᑯ ᓇᒪᔭᐤ ᒋᔨᐛᐤ ᑲᐸᒡ ᐃᑎᓴᐎᔭᒄ ᐅᑕ, ᒥᒄ ᒋᓴᒪᓂᑐᐤ᙮ ᓂᒋ ᐃᓯᐃᒄ ᒐᒋ ᐅᑕᐎᑐᐎᒋ ᐸᕈᐛ, ᑭᔭ ᒐᒋ ᑎᐸᔨᑎᒧᒡ ᒥᓯᐛ ᐎᒋᔨᒡ ᑭᔭ ᒥᓯᐛ ᐊᔅᐱᓴᔨᒡ ᐃᒋᑉᑦ ᐊᔅᒋᔪᐤ᙮

ᒐᓂᓯᔅ 48:12

ᐊᑯ ᒍᓯᑉ ᑲ ᑐᑐᐛᑦ ᐅᑯᓴ ᒐᒋ ᐱᑲᔨᒋ ᑲ ᑕᐧᑯᓇᑭᓄᔨᒋ ᑭᔭ ᓇᐱᔅᑯᐱᑦ᙮

ᐊᑈᔅᑕᓇᒡ 7:10

ᒋ ᐎᒋᐃᑯᐤ ᒪᒃ ᐊᓐᑕ ᒪᒂᒡ ᓇᔅᒡ ᐊ ᐊᔨᒥᓂᔨᒡ ᐊ ᑕᑦ᙮ ᐃᔅᐱ ᒪᒃ ᒍᓯᑉ ᑲ ᐅᑎᔅᑯᑲᐳᔅᑐᐛᑦ ᐊᓂᔭ ᒋᓴᐅᒋᒪᐛ ᐸᕈᐤ ᑲ ᐃᓯᓂᐧᑲᑕᑭᓄᔨᒋ ᐊᓐᑕ ᐃᒋᑉᑎᒡ ᑲ ᑕᔨᒋ, ᒋᓴᒪᓂᑐᐛ ᒋ ᒥᔨᑯᐤ ᒍᓯᑉ ᑭᒐᑕᐛᔨᑎᒧᐅᓂᔪᐤ ᑭᔭ ᒋ ᐃᑐᑕᑯᐤ ᒐᒋ ᒥᔽᔨᑕᑯᓯᑦ᙮ ᒋ ᒥᔽᔨᒥᑯᐤ ᒪᒃ ᐸᕈᐛ, ᐊᑯ ᑲ ᐅᒋᒪᐅᐧᑲᑎᑯᑦ ᐊᓐᑕ ᐊᓂᔭ ᐅᑕᓇᔪᐤ ᐃᒋᑉᑎᒡ ᑲ ᐅᒋᒪᐅᔨᒋ ᑭᔭ ᐊᓂᔭ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᒋ ᒥᔨᑯᐤ ᒐᒋ ᓂᓇᑭᑐᐛᐸᑕᐧᒃ᙮”

ᒋᔅᒐᔨᑕᑯᑕᒐᐅᓐ 3:9

ᓂᑭ ᐃᑐᑐᐛᐅᒡ ᒐᒋ ᐅᒋᒋᐧᑯᓂᐱᔪᐅᒡ ᐊ ᒋᔅᑕᔨᒥᑕᑯᒡ ᐊᓐᒡ ᒥᒋᒥᓂᑐᐛ ᐊ ᑕᔨᒋ ᑲ ᐃᓯ ᐎᒋᐃᐛᒡ, ᐊᓐᒡ ᑲ ᑭᑭᒋᔭᒡ ᐊ ᐃᔅᒋᔄᒡ, ᒍᐤ ᐃᔪᒡ ᓂᔭᓐ, ᒋᓴᒪᓂᑐᐤ ᐅᑦ ᐃᔨᒪ᙮ ᒋᑭ ᒋᔅᒐᔨᑎᒧᒡ ᒪᒃ ᐊ ᓴᒋᐃᑎᑯᒡ᙮