ᒐᓂᓯᔅ 4:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᑯ ᐊᑕᒻ ᒋ ᐎᐸᒪᐤ ᐎᐛ ᐃᐸᔨᒋ᙮ ᒂ ᐊᓱᐛᐱᒪᐅᓱᑦ ᐃᑉ ᑭᔭ ᒋ ᐅᑯᓱᐤ; ᑲᐃᓐ ᒋ ᐃᓯᓂᐧᑲᑕᐤ (ᓂ ᑭᓄᐛᔨᒪᐤ, ᐊ ᐃᑥᒥᑲᒡ) ᐛᔅ ᒋ ᐃᔅᒋᔄᐤ, “ᑎᐸᔨᒋᒐᓱᐤ ᐊ ᐎᒋᐃᑦ, ᓂᒋ ᑐᑕᓐ ᒐᒋ ᑭᓄᐛᔨᒥᒃ ᐅᑯᓯᒪᐤ᙮”

ᒐᓂᓯᔅ 4:1 Iomraidhean Croise

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᒐᓂᓯᔅ 3:24

ᑲᒋ ᐃᒐᑎᓴᐛᑦ ᒋᓴᒪᓂᑐᐤ ᓇᐸᐛ ᐊᓐᑕ ᑲ ᑎᔭᑦ, ᐊᓐᒋᓇ ᒋ ᐱᔅᑎᓇᐤ ᒐᒋ ᒋᐱᑲᐳᐎᔨᒋ ᐛᐱᓄᑕᒡ ᐊᓐᑕ ᐛᒋ ᐱᒐᓄᐎᒡ ᓂᑕᐅᒋᑕᑭᓂᒡ ᒐ ᐊᑲ ᐊᐛᓐ ᒋ ᐅᑎᑕᑦ ᐱᒪᑎᓯᐅᐤ ᒥᔅᑎᒂ᙮ ᐃᔭᐱᒡ ᓂᑐᐱᔪᐅ-ᒧᐧᑯᒪᓂᔪᐤ ᒧᔭᒻ ᐊ ᐃᔅᑯᑕᐎᒡ ᒥᓯᐛ ᐊ ᐃᔅᐱᔨᒡ ᒋ ᑎᑎᒻ ᒐ ᐊᑲ ᒋ ᐃᑐᑕᑦ ᐊᓐᑕ ᐊᐛᓐ ᒐᒋ ᐅᒋ ᐅᑎᑕᑦ ᐱᒪᑎᓯᐅᐤ ᒥᔅᑎᒂ᙮

ᒐᓂᓯᔅ 4:2

ᓇᓇᒐ ᐃᑉ ᒥᓐ ᒋ ᐅᑯᓱᐤ, ᐊᐳᓪ ᒋ ᐃᓯᓂᐧᑲᑕᐅᒡ᙮ ᑲᒋ ᒋᓯᓂᑕᐅᒋᒡ ᐊᐳᓪ ᑭᔭ ᑲᐃᓐ, ᐊᐳᓪ ᒋ ᒪᔭᑕᓂᓯᐅ-ᐃᔪᐤ, ᑲᐃᓐ ᐎᔾ ᒋ ᓂᑕᐅᒋᑕᐤ ᒥᒋᒥᔪᐤ᙮

ᒐᓂᓯᔅ 4:25

ᐊᑕᒻ ᒥᓐ ᒋ ᐎᐸᒪᐤ ᐎᐛ ᑭᔭ ᒋ ᐊᓱᐛᐱᒪᐅᓱᔪᐛ, ᒋ ᐅᑯᓱᐤ ᑭᔭ ᓴᑦ ᒋ ᐃᓯᓂᐧᑲᑕᐤ (ᒥᔨᐛᐅᓐ ᐊ ᐃᑥᒥᑲᒡ) ᐛᔅ ᐃᔅᒋᔄᐤ, “ᒋᓴᒪᓂᑐᐤ ᓂᒋ ᒥᔨᒄ ᑯᑎᑲ ᐊᐛᓴ, ᒐᒋ ᒥᔅᑯᑎᔅᑯᐛᑦ ᐊᐳᓚ, ᑲᐃᓐ ᑲ ᓂᐸᐊᑦ᙮”

ᒐᓂᓯᔅ 5:29

ᓄᐛ ᒋ ᐃᓯᓂᐧᑲᑕᐤ ᐅᑯᓴ ᓚᒪᒃ, (ᐊᔽᓯᐅᓐ ᐊ ᐃᑥᒥᑲᒡ) ᐛᔅ ᒋ ᐃᔅᒋᔄᐤ, “ᐎᔾ ᒋᑭ ᒥᔨᑯᓄᐤ ᒐᒋ ᐊᔽᓯᐛᐧᒄ ᐊ ᐅᔅᑯᐎᔭᐧᒄ ᐊ ᐎ ᓂᑕᐅᒋᑕᔭᐧᒄ ᒋᒥᒋᒥᓄᐤ ᐊᓐᑕ ᒧᔅᑎᔅᑭᒥᒡ ᒋᓴᒪᓂᑐᐤ ᑲ ᐊᓏᔨᑕᐧᒃ᙮”

ᑎᐱᑦ ᐅᓂᑭᒧᐅᓇ 127:3

ᐛᐸᑎᒧᒃ ᐊᐛᓯᒡ ᑎᐸᔨᒥᑯᐅᒡ ᑎᐸᔨᒋᒐᓱᐛ; ᑭᔭ ᒥᔅᐸᔭᒡ ᑲ ᐅᒋᐱᔨᒡ ᐊᔪᐅᒄ ᐅᒥᔨᐛᐅᓐ᙮

1 ᒠᓐ 3:12

ᓇᒪ ᒋᐸ ᐅᒋ ᓂᔅᐱᑐᐛᓄᐤ ᑲᐃᓐ᙮ ᒥᒋᒥᓂᑐᐛ ᒋ ᑎᐸᔨᒥᑯᐤ ᐊᓂᔭ ᑲ ᓂᐸᐊᑦ ᐎᐧᑲᓂᓴ᙮ ᒐᒂᔪᐤ ᒪᒃ ᐛᒋ ᓂᐸᐊᑦ ? ᒋ ᒪᔭᑎᓂᔪᐤ ᐊᓂᔭ ᑕᓐ ᐎᔾ ᑲ ᐃᑎᑦ, ᒋ ᑯᐃᔅᑯᓇᑯᓂᔪᐤ ᒪᒃ ᐎ ᐊᓂᔭ ᑕᓐ ᑲ ᐃᑎᔨᒋ ᐎᐧᑲᓂᓴ᙮