ᒐᓂᓯᔅ 38:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒪᒂᒡ ᐊᓐᑕ ᑲ ᑕᑦ ᒍᑕ, ᒋ ᓂᒋᔅᑯᐛᐤ ᑲᐃᓇᓐ ᐃᔎᐛ, ᓱᐊ ᑲ ᐃᓯᓂᐧᑲᓱᔨᒋ ᐅᑕᐎᔪᐛ, ᒂ ᐎᒋᒪᑦ᙮

ᒐᓂᓯᔅ 38:2 Iomraidhean Croise

ᒐᓂᓯᔅ 24:3

ᒋ ᓂᑐᐛᔨᒥᑎᓐ ᒐ ᐊᓱᑎᒪᒐᔨᓐ ᐅᑎᐸᔨᒋᒐᐤ ᐅᑦ ᐃᓯᓂᐧᑲᓱᐅᓂᒡ ᐅᒡ, ᒋᒋᒋᓯᑯᒡ ᑭᔭ ᐊᔅᒋᒡ ᒐ ᒋᓴᒪᓂᑐᐅᑦ, ᐊᓱᑎᒪᒐ ᒐ ᐊᑲ ᐅᑎᓂᒧᐅᑦ ᓂᑯᔅ ᐅᔅᒋᓂᒋᔎᐛ ᒐ ᐎᔪᑦ ᐅᑕ ᐅᒡ ᑲᐃᓇᓐ ᐃᔪᐛ ᐊ ᑕᔨᒋ᙮

ᒐᓂᓯᔅ 28:1

ᐊᑯ ᐊᐃᓯᒃ ᐊᑎᓴᐛᑦ ᐊᐛᔪᐛ ᒐ ᐎᑎᒧᐛᐎᔨᒋ ᒐᒋ ᓂᑐᐛᐱᒥᑯᑦ ᒐᑭᐸ᙮ ᐃᔅᐱ ᐸᒐᔨᒋ ᒐᑭᐸ ᐅᐱᒍᐎᔭᓂᒋᐛᐱᒡ᙮ ᐊᐃᓯᒃ ᒋ ᐊᑎᒥᔅᑯᐛᐤ ᑭᔭ ᒂ ᐃᑕᑦ, “ᐊᑲᐎᔭ ᒋᑭ ᐎᒋᒪᐤ ᐃᔎᐤ ᑲᐃᓇᓐ ᐊᔅᒋᒡ ᐅᒡ᙮

ᒐᓂᓯᔅ 3:6

ᒋ ᐛᐸᑎᒻ ᐃᔎᐤ ᐊᔅᐱᔅ ᒥᔽᓯᔨᒡ ᑭᔭ ᐊ ᒥᔽᔨᒡ ᒐᒋ ᒥᒋᓇᓄᐎᒡ; ᐃᔭᐱᒡ ᒋᔅᒐᔨᑎᒻ ᒥᒋᑦ ᐊᐛᓐ ᐊᓂᔭ ᒥᓂᓴ ᒋᐸ ᑭᒐᑕᐛᔨᑕᑯᓱᐤ ᑭᔭ ᓇᔅᒡ ᒋ ᓇᓂᑐᐛᔨᑎᒻ ᐃᔎᐤ ᒐᒋ ᑭᒐᑕᐛᔨᑕᑯᔅᑦ, ᐊᑯ ᐛᑎᓇᐧᒃ ᐊᓂᔭ ᒥᓂᓴ, ᒂ ᒥᒋᑦ ᑭᔭ ᒂ ᒥᔭᑦ ᐱᔅᒐ ᐅᓇᐸᒪ ᑭᔭ ᐎᔾ ᓇᐸᐤ ᒪᒋᑦ᙮

ᒐᓂᓯᔅ 34:2

ᐃᔅᐱ ᓴᑭᒻ, ᐦᐊᒧᕐ ᐃᐎ ᐃᔪᐤ ᐅᑯᓴ, ᐅᒋᒪᐤ ᐊᓐᑕ ᐅᑕᓇᒡ᙮ ᐎᔭᐱᒪᑦ ᑕᐃᓇᔨᒋ, ᒋ ᐅᑎᓇᐤ ᑭᔭ ᒂ ᒥᒋᑐᑐᐛᑦ᙮

ᒐᓂᓯᔅ 46:12

ᒍᑕ ᑭᔭ ᐅᑯᓴ: ᐅᕐ, ᐅᓇᓐ, ᓯᓚ, ᐸᕋᔅ ᑭᔭ ᓯᕋ, (ᒥᒄ ᐅᕐ ᑭᔭ ᐅᓇᓐ ᑲᐃᓇᓐ ᐊᔅᒋᒡ ᒋ ᐳᓂᐱᒪᑎᓯᐅᒡ) ᐸᕋᔅ ᒋ ᐅᑯᓯᐤ ᐊᔅᕈᓇ ᑭᔭ ᐊᒧᓚ᙮

ᒐᓂᓯᔅ 6:2

ᒋᓴᒪᓂᑐᐤ ᐅᑦ ᐃᔨᒪ ᒋ ᐛᐱᒪᔪᐛ ᐊᓂᔭ ᐃᔪᐛ ᐅᑕᓂᓯᔪᐛ ᐊᔅᐱᔅ ᒥᔪᔎᐎᔨᒋ ᑭᔭ ᒋ ᐅᑎᓇᒪᓱᐅᒡ ᒐ ᐎᐅᒡ᙮

ᒐᓂᓯᔅ 6:4

ᐃᔭᐱᒡ ᒋ ᑕᐅᒡ ᒥᔅᑕᐸᐅᒡ ᐅᑕ ᐊᔅᒋᒡ, ᒧᔭᒻ ᒋᓴᒪᓂᑐᐤ ᐅᑦ ᐃᔨᒪ ᑲ ᐎᒋᒪᔨᒋ ᐊᓂᔭ ᐃᔪᐛ ᐅᑕᓂᓯᔪᐛ ᑭᔭ ᒋ ᑕᔪᐛ ᐅᑦ ᐊᐛᓯᒧᐛᐛ, ᒋᒋᐛ ᒋᓴᐱᐅᒡ ᐅᒡ ᐎᐱᒡ ᐃᔪᒡ ᑭᔭ ᒋ ᐊᔭᐅᒡ ᒥᔅᑯᓯᐅᓂᔪᐤ᙮

2 ᑯᕆᓐᑎᔭᓇ 6:14

ᐊᑲᐎᔾ ᒋᑭ ᐅᒋ ᐊᓯᑎᐱᓱᓇᐛᐤ ᐊᓐᒡ ᐊᑲ ᑕᑈᑕᒡ ᐊ ᑕᒡ᙮ ᒋᑭ ᒋ ᐊ ᒥᔪ ᐎᒐᐛᐤ ᐊᐛᓐ ᐊ ᑯᐃᔅᑯᑕᑎᓯᑦ ᓇᔅᒡ ᐊ ᒪᔭᒋ ᐱᒪᑎᓯᔨᒋ ᐊᐛᔪᐛ ? ᒋᑭ ᒋ ᐊ ᒥᔪ ᐎᒐᐅᑐᐅᒡ ᐊᐛᓐᒋ ᓂᓱᐎᒡ ᐊ ᐃᓯ ᐱᒧᑕᒡ, ᐸᐃᒄ ᐛᔅᑕᐅᓂᒡ ᐊ ᐃᓯ ᐱᒧᑕᑦ ᐊᑯ ᐊᓐ ᑯᑎᒃ ᐊᓐᑕ ᐊ ᐅᑲᔅᑕᔭᔨᒡ ᐊ ᐃᓯ ᐱᒧᑕᑦ ?