ᒐᓂᓯᔅ 33:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒐᑭᑉ ᒂ ᐃᑕᑦ, “ᓇᒪ, ᐅᑎᓇ ᓂᒥᔨᐛᐅᓐ ᐊᑯ ᒐᔅᒐᔨᑎᒪᓐ ᐊᑲ ᓴᔅ ᒋᔄᐱᔅᑐᐎᓐ᙮ ᐊᐅᑯᐤ ᒐ ᐛᐸᑎᐛᔨᓐ ᐊᒋ ᐛᐸᔨᑎᒧᔨᓐ, ᒧᔭᒻ ᒋᓴᒪᓂᑐᐤ ᑲ ᐃᓯ ᐛᐸᔨᑎᒧᐅᑦ᙮

ᒐᓂᓯᔅ 33:10 Iomraidhean Croise

ᒐᓂᓯᔅ 19:19

ᒋ ᒥᔪ ᐃᑕᔨᒥᓇᐛᐤ ᑭᔭ ᒋ ᐛᐸᑎᔨᓇᐛᐤ ᐊ ᒥᓴᒡ ᒋᓴᐛᑎᓯᐅᓐ ᐊ ᐱᒪᒋᐃᔭᒄ᙮ ᒥᒄ ᓇᒪ ᓂᒋ ᒋᐃᑎᓯᒧᓐ ᐱᔅᑯᑎᓇᒡ, ᓂᑭ ᐅᓇᒋᐅᓐ ᐊᒺᔭ ᓇᑕ ᑎᑯᓯᐸᑕᔭᓐ᙮

ᒐᓂᓯᔅ 32:30

ᒂ ᐃᔅᒋᔄᑦ ᒐᑭᑉ, “ᓂᒋ ᐛᐱᒪᐤ ᒋᓴᒪᓂᑐᐤ ᑭᔭ ᐊᔅᒄ ᓂ ᐱᒪᑎᓯᓐ,” ᐊᑯ ᐱᓂᐊᓪ ᒂ ᐃᓯᓂᐧᑲᑕᐧᒃ ᐊᓂᔭ ᐃᑕᐅᓂᔪᐤ᙮

ᒐᓂᓯᔅ 33:11

ᐅᑎᓇ ᓂᒥᔨᐛᐅᓐ᙮ ᐛᔅ ᓂᒋ ᑐᑕᒄ ᒋᓴᒪᓂᑐᐤ ᒐ ᒥᔪᐱᔪᐅᒡ ᑭᔭ ᓴᔅ ᓂᑦ ᐃᔅᐱᔨᓐ ᐊᐛᓯᓯᒡ᙮” ᐊᑯ ᒐᑭᑉ ᒋ ᓴᐧᑯᒋᒪᐤ ᐅᔅᑕᓴ ᑭᔭ ᐃᓴᐅ ᒐᒃ ᐛᑎᓂᒺᑦ ᐅᒥᔨᐛᐅᓂᔪᐤ᙮

ᒐᓂᓯᔅ 33:9

ᒥᒄ ᐃᓴᐅ ᐃᑕᐤ, “ᓂᑦ ᐃᔅᐱᔨᓐ ᐊᐛᓯᓯᒡ, ᓂᐧᑲᓂᔅ᙮ ᒋᔾ ᒋᐸ ᑭᓄᐛᔨᒪᐅᒡ᙮”

ᒐᓂᓯᔅ 43:3

ᒥᒄ ᒍᑕ ᒋ ᐃᑕᐤ ᐅᑕᐎᔭ, “ᐊᓐ ᐃᔪᐤ ᑲ ᑎᐸᔨᑕᐧᒃ ᐊᓂᔭᔪᐤ ᐊᔅᒋᔪᐤ ᓂᒋ ᐃᔭᒂᒥᑯᓇᓐ ᒐ ᐊᑲ ᒥᓐ ᒋ ᐛᐱᒥᔨᒥᑦ ᐸᑐᔅ ᐎᒐᐅᒥᒋᒐᓂ ᓂᓯᒥᓇᓇ᙮

ᒐᓂᓯᔅ 47:29

ᐃᔅᐱ ᒐᑭᑉ ᒐᔅᒐᔨᑕᐧᒃ ᒐ ᐊᑲ ᓇᐅᔅ ᓴᔅ ᐱᒪᑎᓯᑦ, ᒋ ᐎᓴᒪᐤ ᐅᑯᓴ ᒍᓯᐸ ᒐᒋ ᓂᑐᐛᐱᒥᑯᑦ᙮ ᐃᔅᐱ ᑕᑯᓯᓂᔨᒋ, ᒐᑭᑉ ᒋ ᐃᑕᐤ, “ᓇᔅᒡ ᑕᑈ ᓯᔭᒋᐅᓇ, ᒐ ᐊᓱᑎᒧᐎᔨᓐ᙮ ᐛᐸᑎᔾ ᐊ ᒋᓴᐛᑐᑐᐎᔨᓐ ᑭᔭ ᐊ ᑕᑈᔭᔨᒥᔨᓐ᙮ ᐃᔅᐱ ᐳᓂᐱᒪᑎᓯᔭᓇ, ᒐ ᐊᑲ ᐱᒥᓯᒥᔨᓐ ᐅᑕ ᐃᒋᑉᑎᒡ᙮ ᐊᓱᑎᒧᐎᔾ ᐊ ᐃᔅᒋᔄᔨᓐ ᒐ ᐃᑐᑎᒥᓐ ᐅ ᐊ ᐃᓯ ᓂᑐᐛᔨᑎᒪᑕᓐ᙮

ᒐᓂᓯᔅ 50:4

ᑲᒋ ᐎᒪᐱᔨᒡ ᓂᔄᐅᑕᒡ ᑕᑐᔪᐛ ᒋᓯᑲᐛ᙮ ᒋ ᓂᑐᐛᐱᒪᐤ ᒍᓯᑉ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔪᐛ ᑭᔭ ᐊᑕᑦ, “ᒐ ᐃᑐᑐᐛᒄ ᐅᔭ ᐃᔨᒧᐅᓂᔪᐤ ᒋᓴᐅᒋᒪᐤ:

ᑎᐱᑦ ᐅᓂᑭᒧᐅᓇ 41:11

ᐊᑯᑕ ᐛᒋ ᒋᔅᒐᔨᒥᑕᓐ ᐊ ᒋᔅᑎᒪᒐᔨᒥᔨᓐ, ᐊᓐ ᑲ ᐛᐧᑲᓯᑦ ᐊ ᐊᑲ ᓴᐧᑯᒋᐃᑦ᙮

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 22:4

ᐛᒋᒡ ᒋᑭ ᐛᐸᑎᒥᔪᐛ ᐅᑕᔅᑎᒥᐧᒄ᙮ ᐅᑦ ᐃᓯᓂᐧᑲᓱᐅᓐ ᒋᑭ ᒥᓯᓇᑕᔪᐤ ᐅᔅᑲᑎᑯᐎᒡ᙮