ᒐᓂᓯᔅ 32:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᑯ ᒐᑭᑉ ᓇᑐᑎᒧᐛᑦ ᒋᓴᒪᓂᑐᐛ, ᐊᑕᑦ, “ᒋᔾ ᐅ ᓂᒧᓱᒻ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᓄᑕᐎᔾ ᐊᐃᓯᒃ ᐅᒋᓴᒪᓂᑐᒪ᙮ ᒋᔾ ᐅ ᒋᓴᒪᓂᑐᐤ, ᐊᓐ ᐊᐛᓐ ᑲ ᐃᓯᑦ ᒐᒋ ᑲᐤ ᒋᐛᔭᓐ ᓂᑦ ᐊᔅᒋᒡ ᑭᔭ ᓂᑐᐛᐱᒥᒂᐤ ᓂᐧᑲᓂᓯᒡ᙮ ᔅᒋ ᐊᓱᑎᒧᐅᓐ ᒐᒋ ᒥᓯᐛ ᒐᒂᓐ ᐃᓯ ᒥᔪᐱᔨᔭᓐ᙮

ᒐᓂᓯᔅ 32:9 Iomraidhean Croise

ᒐᓂᓯᔅ 17:7

ᒧᔅ ᑲᒋᒡ ᓂᑭ ᑭᓄᐛᔨᑕᓐ ᑲ ᐊᓱᑎᒪᑕᓐ ᑭᔭ ᒋᑦ ᐊᓂᔅᑯᑕᐸᓐᒡ ᓂᑲᓐ ᒐ ᐊᑎ ᐊᓂᔅᒐ ᐱᒪᑎᓯᒡ ᒧᔭᒻ ᑲᒋᒡ ᓂᓇᔅᑯᒧᐅᓐ, ᓂᔾ ᒋᑭ ᐅᒋᓴᒪᓂᑐᒥᑐᐅᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐅᒋᓴᒪᓂᑐᒥᒡ᙮

ᒐᓂᓯᔅ 28:13

ᑎᐸᔨᒋᒐᓱᐤ ᐃᔅᐱᒥᒡ ᒋ ᓂᐳᐤ ᑭᔭ ᒋ ᐃᑕᐤ, “ᓂᔾ ᐊᐅᒄ ᑎᐸᔨᒋᒐᓱᐤ, ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᐊᐃᓯᒃ ᐅᒋᓴᒪᓂᑐᒪ, ᒋᑭ ᒥᔨᑎᓐ ᐅ ᐊᔅᒋᔾ ᐊᓐᑕ ᐸᒥᓯᓂᔨᓐ, ᒋᔾ ᒋᑭ ᑎᐱᔨᐛᐅᓯᓐ ᑭᔭ ᒋᑦ ᐊᓂᔅᑯᑕᐸᓐᒡ᙮

ᒐᓂᓯᔅ 28:15

ᐛᐸᑕ ᓂᑦ ᐊᓱᑎᒪᒐᓐ ᒐ ᐎᒐᐅᑕᓐ ᑭᔭ ᒐ ᑭᓄᐛᔨᒥᑕᓐ ᒥᒄ ᐊᓐᑕ ᐊ ᐃᑐᑕᔨᓐ ᑭᔭ ᑲᐤ ᒋᑭ ᐸᓱᐅᑎᓐ ᐅᑕ ᐊᔅᒋᒡ᙮ ᓇᒪ ᒋᑭ ᒋ ᓂᑭᑎᑎᓐ ᐸᑎᒪ ᒋ ᐃᑐᑎᒪᓇ ᒥᓯᐛ ᐊᓐ ᑲ ᐊᓱᑎᒪᑕᓐ᙮”

ᒐᓂᓯᔅ 31:13

ᓂᔾ ᐅ ᒋᓴᒪᓂᑐᐤ ᐊᓐᑕ ᐸᑕᓪ ᑲ ᓄᑯᓯᔅᑕᑕᓐ, ᐊᑯᑕ ᑲ ᐳᐅᓐᑦ ᐱᒥᔾ ᐊᓐᑕ ᐊᓯᓂᒡ ᒐ ᒋᔅᑕᔨᒥᔨᓐ᙮ ᐊᑯᑕ ᐃᔭᐱᒡ ᑲ ᐊᓱᑎᒧᔨᓐ ᒐᒋ ᐊᔭᒥᐊᔅᑐᐎᓐ᙮ ᐊᑯ ᓇᐊᐎᔾ ᑭᔭ ᑲᐤ ᐊᓐᑕ ᒐ ᐃᑐᑕᔨᓐ ᐊᔅᒋᒡ ᑲ ᐅᒋ ᐃᔪᐎᔨᓐ᙮’ ”

ᒐᓂᓯᔅ 31:29

ᓂ ᑭᓄᐛᔨᑕᓐ ᓱᐧᑲᑎᓯᐅᓐ ᒐᒋ ᐊᐧᑯᐃᑕᓐ, ᒥᒄ ᑕᐱᔅᑲᔨᒡ ᓂᒋ ᐃᔭᒂᒥᒄ ᒍᑕᐎᔾ ᐅᒋᓴᒪᓂᑐᒪ ᒐ ᐊᑲ ᐊᐧᑯᐎᑕᓐ᙮

ᒐᓂᓯᔅ 31:3

ᐊᑯ ᐅᑎᐸᔨᒋᒐᐛ ᒂ ᐃᑎᑯᑦ, “ᑲᐤ ᐊᓐᑕ ᒐ ᐃᑐᑕᔨᓐ ᑲ ᐎᒋᒡ ᒋᑦ ᐊᓂᔅᑯᑕᐸᓐᒡ, ᐊᓐᑕ ᐊᓄᒡ ᐛᒋᒡ ᒋᐧᑲᓂᓯᒡ᙮ ᓂᑦ ᐊᓱᑎᒪᒐᓐ ᒐ ᑭᓄᐛᔨᒥᑕᓐ᙮”

ᒐᓂᓯᔅ 31:42

ᐊᑲ ᐅᒋ ᑭᓄᐛᔨᒥᑕᒂ ᐊᐃᓯᒃ ᑭᔭ ᐊᑉᕋᐊᒻ ᐅᒋᓴᒪᓂᑐᒧᐛᐛ, ᒐᔅᑎᓇᔅ ᐱᓯᒄ ᒋᐸ ᒋᑎᓴᐅᓇᐱᓐ᙮ ᒋ ᐛᐸᑎᒻ ᒋᓴᒪᓂᑐᐤ ᑲ ᐃᓯ ᐎᓯᒐᔨᑎᒧᒡ ᑭᔭ ᑲ ᐃᓯ ᐅᔅᑯᐎᔭᓐ ᐊ ᐊᑐᔅᒐᔭᓐ᙮ ᐊᐅᑯᓐ ᑲ ᐅᒋ ᐛᐸᑎᔨᔅᒃ ᐅᑎᐸᔅᑯᓂᒐᐅᓐ᙮”

ᒐᓂᓯᔅ 31:53

ᑭᒪ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᓇᐃᐅᕐ ᐅᒋᓴᒪᓂᑐᒪ ᑐᑕᑕᐧᒄ ᔭᐃᑕᔾ ᒐᒋ ᑭᓄᐛᔨᑎᒪᐧᒄ ᑲ ᐃᓯ ᓂᔅᑯᒥᑐᔭᐧᒄ᙮” ᐊᑯ ᐊᓂᔭ ᐅᑕᐎᔭ ᐊᐃᓯᑲ ᒋᓴᒪᓂᑐᐛ ᑲ ᐊᔭᒥᐊᔅᑐᐛᔨᒋ ᐅᑦ ᐃᓯᓂᐧᑲᓱᓂᔨᒡ ᐅᒡ, ᒋ ᐊᓱᑎᒪᒐᐤ ᒐᑭᑉ ᒐᒋ ᑭᓄᐛᔨᑕᐧᒃ ᐅᒋᓴᓂᔅᑯᒧᐅᓐ᙮

ᒐᓂᓯᔅ 32:8

ᒂ ᐃᔅᒋᔄᑦ, “ᒋᒋᓇᒐ ᐃᓴᐅ ᐊᓂᔭ ᓂᔅᑎᒻ ᑎᐸᓐ ᐊ ᑕᔨᒋ, ᒂᔄᓐ ᑯᑎᑭᒡ ᒋ ᐸᒋ ᒋᑎᓯᒧᐅᒡ᙮”

ᒐᓂᓯᔅ 49:25

ᐊᐅᑯᓐ ᐊᓐ ᐊᔭᒥᐊᔅᑐᐅᒃ ᒋᓴᒪᓂᑐᐤ ᒐ ᐛᐎᒋᐃᔅᒃ᙮ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐊᓐ ᒐ ᓱᐛᔨᒥᔅᒃ, ᒐ ᒥᔨᔅᒃ ᓱᐛᔨᒋᒐᐅᓇ ᒋᒋᒋᓯᑯᒡ ᐅᒡ, ᓂᐱᔪᐤ ᒧᔅᒋᒍᐅᓇᐳᒡ ᐅᒡ ᐊᓐᑕ ᑕᒥᔅᑭᒥᑲᒡ ᐅᒡ, ᑭᔭ ᓱᐛᔨᒋᒐᐅᓇ ᒐᒋ ᒥᒐᑎᒡ ᒋᒥᒋᑎᐧᑯᒥᒡ ᑭᔭ ᒋᑦ ᐊᐛᓯᒥᒡ᙮

ᑎᐱᑦ ᐅᓂᑭᒧᐅᓇ 50:15

ᓇᓂᑐᒥ ᒪᒃ ᐊᔨᒥᓱᐤ ᒋᓯᑲᒐ: ᒋᑭ ᐎᐧᑯᒋᐃᑎᓐ, ᐊᑯ ᒐ ᒋᔅᑕᒋᒥᔨᓐ᙮”

ᑎᐱᑦ ᐅᓂᑭᒧᐅᓇ 91:15

ᓂᑭ ᓇᓂᑐᒥᒄ, ᓂᑭ ᓂᔅᑯᒪᐤ ᒪᒃ: ᓂᑭ ᐎᒐᐊᐤ ᐊᔨᒥᓯᒐ; ᓂᑭ ᐱᒪᒋᐊᐤ, ᑭᔭ ᓂᑭ ᒋᔅᑕᔨᒪᐤ᙮

ᐊᒃᓱᑕᔅ 3:6

ᐃᔭᐱᒡ ᒂ ᐃᑎᑯᑦ, “ᓂᔾ ᐅ ᒋᑦ ᐊᓂᔅᑯᑕᐸᓐᒡ ᐅᒋᓴᒪᓂᑐᒧᐛᐛ᙮ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᐅᒋᓴᒪᓂᑐᒧᐛᐛ᙮” ᐊᑯ ᐃᔭᑯᐛᓂᑎᓱᑦ ᒧᓱᔅ ᐛᔅ ᒋ ᑯᔅᑕᐤ ᒐᒋ ᒋᑕᐱᒪᑦ ᒋᓴᒪᓂᑐᐛ᙮