ᒐᓂᓯᔅ 32:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᑲᒋ ᑕᑦ ᐊᓐᑕ ᐸᐃᒄ ᑎᐱᔅᑲᐛ, ᒋ ᐅᑎᓇᐤ ᒐᑭᑉ ᐱᔅᒐ ᐅᑦ ᐊᐛᓯᓯᒪ ᒐᒋ ᒥᔭᑦ ᐅᔅᑕᓴ ᐃᓴᐅᐛ ᒧᔭᒻ ᒥᔨᐛᐅᓂᔪᐤ᙮

ᒐᓂᓯᔅ 32:13 Iomraidhean Croise

ᒐᓂᓯᔅ 13:16

ᓂᑭ ᐃᑐᑐᐛᐅᒡ ᒋᓂᑕᐅᒋᐊᑭᓐᒡ ᒐᒋ ᒥᒐᑎᒡ ᒐ ᐊᑲ ᒋ ᐊᒋᒪᑦ ᐊᐛᓐ᙮ ᐅᔅᑕ ᒋᑭ ᒥᒐᑐᐅᒡ ᐃᔅᐱᔅ ᐊ ᑕᑎᓂᔨᒋ ᐃᔭᑲᐛ ᐅᑕ ᐊᔅᒋᒡ᙮

ᒐᓂᓯᔅ 15:5

ᐊᑯ ᑎᐸᔨᒋᒐᓱᐤ ᐎᐎᑎᒥᒡ ᐊ ᑐᑕᐊᑦ ᐊᑉᕋᒪ ᑭᔭ ᒋ ᐃᑕᐤ, “ᒋᓯᑯᒡ ᐃᑕᐱᔾ ᑭᔭ ᑯᒋᑕ ᒐᒋ ᐊᒋᒥᑥᐤ ᐅᒐᑭᑕᐧᑯᒡ,” ᐊᑯ ᑎᐸᔨᒋᒐᓱᐤ ᐊᑕᑦ, “ᐊᐅᑯᓐ ᒐ ᐃᔅᐱᒐᑎᒡ ᒋᓂᑕᐅᒋᐊᑭᓐᒡ ᒐ ᑭᓄᐛᔨᒥᑥᐤ᙮”

ᒐᓂᓯᔅ 18:2

ᐊᑉᕋᐊᒻ ᒋ ᐅᐸᐳᐤ ᑭᔭ ᒋ ᐛᐱᒪᐤ ᓂᔅᑐ ᐊᓐᒋᓇ ᒥᒋᒪ ᑲ ᓂᐳᔨᒋ᙮ ᐃᔅᐱ ᐎᔭᐱᒪᑦ, ᒋ ᓂᑭᑎᒻ ᐅᐱᒍᐎᔭᓂᒋᐛᑉ ᑭᔭ ᒂ ᒋᒋᓇᑦ ᒐᒋ ᓂᒋᔅᑯᐛᑦ᙮ ᒂ ᓂᐱᔅᑯᐱᔅᑐᐛᑦ ᐊ ᒋᔅᑕᔨᒪᑦ᙮

ᒐᓂᓯᔅ 22:17

ᒋᑭ ᒥᔪᑐᑕᑎᓐ, ᓂᑭ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ᓴᑯᑕᐛᐅᒡ᙮

ᒐᓂᓯᔅ 32:14

ᓂᓱ ᒥᑕᓯᒥᑎᓄᐤ ᓄᓴ ᒥᔅᑐᓴ ᑭᔭ ᓂᓱᔪᐤ ᓇᐸ ᒥᔅᑐᓴ, ᓂᓱ ᒥᑕᓯᒥᑎᓄᐤ ᓄᓴ ᒪᔭᑕᓂᓴ ᑭᔭ ᓂᓱᔪᐤ ᓇᐸ ᒪᔭᑕᓂᓴ,

ᒐᓂᓯᔅ 33:10

ᒐᑭᑉ ᒂ ᐃᑕᑦ, “ᓇᒪ, ᐅᑎᓇ ᓂᒥᔨᐛᐅᓐ ᐊᑯ ᒐᔅᒐᔨᑎᒪᓐ ᐊᑲ ᓴᔅ ᒋᔄᐱᔅᑐᐎᓐ᙮ ᐊᐅᑯᐤ ᒐ ᐛᐸᑎᐛᔨᓐ ᐊᒋ ᐛᐸᔨᑎᒧᔨᓐ, ᒧᔭᒻ ᒋᓴᒪᓂᑐᐤ ᑲ ᐃᓯ ᐛᐸᔨᑎᒧᐅᑦ᙮

ᒐᓂᓯᔅ 33:8

ᐊᑯ ᐃᓴᐅ ᑲ ᑯᒂᒋᒪᑦ ᒐᑭᐸ, “ᒐᒂᓐ ᐛᒋ ᐃᑎᓴᐊᒪᐎᓐ ᐊᐛᓯᓯᒡ ?” ᒐᑭᑉ ᒋ ᐎᑎᒧᐛᐤ ᐊ ᐃᑕᑦ, “ᔅᒋ ᐃᑎᓴᐊᒪᑎᓐ ᐊᓐᒡ ᒧᔭᒻ ᒥᔨᐛᐅᓇ᙮ ᔅᒋ ᐎ ᓇᐊᔨᑎᒥᐃᑎᓐ᙮”

ᒐᓂᓯᔅ 42:6

ᒍᓯᑉ ᒋ ᑎᐸᔨᑎᒻ ᐊᓂᔭᔪᐤ ᐊᔅᒋᔪᐤ, ᐎᔾ ᒪᒃ ᒋ ᐊᑕᒪᐤ ᐸᒂᓯᑭᓂᒥᓇ ᐃᔪᐛ ᒥᓯᐛ ᐊᔅᒋᒡ ᐅᒡ, ᐊᑯ ᐃᔅᐱ ᑲ ᑎᑯᓯᓂᔨᒋ ᒍᓯᑉ ᐎᐧᑲᓂᓴ ᑭᔭ ᒋ ᓇᐛᒋᔅᑕᑯᐤ ᐊ ᒋᔅᑕᔨᒥᑯᑦ᙮

ᒐᓂᓯᔅ 43:11

ᐊᑯ ᐊᑎᑯᒡ ᐅᑕᐎᐛᐛ, “ᐛᓴ ᐊᑯ ᒐ ᐃᓯᓇᑯᓂᒂ, ᐊᑯ ᐃᑐᑎᒥᒄ ᐅᒪ᙮ ᒐ ᐅᑎᓂᒪᒄ ᑲ ᒥᔽᓯᔨᒋ ᒐᒂᔪᐛ ᑲ ᓂᑕᐅᒋᒋ ᒋᑦ ᐊᔅᒋᓇᒡ᙮ ᐃᑐᑐᐛᐧᒄ ᐊᓐ ᐃᔪᐤ ᒧᔭᒻ ᒥᔨᐛᐅᓇ, ᒥᔭᐧᒄ ᓱᑈᒋᐅᓂᔪᐤ, ᑲᓯᐛᓯᐛᐳᔪᐤ, ᑲᐎᒋᒪᑯᓯᔨᒡ, ᑭᔭ ᐱᐧᑲᓇ᙮

ᒐᓂᓯᔅ 43:26

ᐃᔅᐱ ᑕᑯᓯᓂᔨᒋ ᒍᓯᐸ, ᒋ ᒥᔭᐅᒡ ᒥᔨᐛᐅᓇ ᑲ ᐸᑕᒡ ᐊ ᓄᐛᒋᔅᑐᐛᒡ᙮