ᒐᓂᓯᔅ 32:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒋᔅᒋᓯ ᑲ ᐊᓱᑎᒧᔨᓐ ᒐᒋ ᒥᓯᐛ ᐃᓯ ᒥᔪᐱᔨᔭᓐ ᑭᔭ ᐊᑎᑐᐤ ᒐᒋ ᒥᔨᓐ ᐊᓂᔅᑯᑕᐸᓐᒡ ᒧᔭᒻ ᐊᑕᑎᒡ ᐃᔭᑲᐤ ᓇᓯᐸᑎᒥᒡ ᒐ ᐊᑲ ᐊᐛᓐ ᒋᒋᒪᑦ᙮”

ᒐᓂᓯᔅ 32:12 Iomraidhean Croise

ᒐᓂᓯᔅ 22:17

ᒋᑭ ᒥᔪᑐᑕᑎᓐ, ᓂᑭ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ᓴᑯᑕᐛᐅᒡ᙮

ᒐᓂᓯᔅ 32:6

ᐊᑯ ᒂ ᔅᑐᑕᒡ ᓇᐸᐅᒡ ᒐ ᐃᑐᑐᐛᒡ ᐃᓴᐅᐛ ᐃᔨᒧᐅᓂᔪᐤ᙮ ᓇᓇᒐ ᑲᐤ ᒋ ᑎᑯᓯᓄᐅᒡ ᑭᔭ ᒂ ᐃᑕᒡ ᒐᑭᐸ, “ᓂᒋ ᓂᑐᐛᐱᒪᓇᓐ ᒋᔅᑕᔅ ᐃᓴᐅ ᑭᔭ ᓴᔅ ᐸᒋ ᔅᑐᑕᐤ ᒐᒋ ᓂᒋᔅᑲᔅᒃ᙮ ᓇᐤ ᒥᑕᓯᒥᑎᓄᐤ ᐃᔪᐛ ᐎᒐᐛᐤ᙮”

ᐊᒃᓱᑕᔅ 32:13

ᒋᔅᒋᑐᐅᒡ ᒋᑦ ᐊᐱᒋᐊᑭᓐᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᑲ ᐊᓱᑎᒧᐅᑥᐤ ᑲ ᐃᑎᑥᐤ, ‘ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᒥᓯᐛ ᐅᔭ ᐊᔅᒋᔭ ᑲ ᐊᓱᑎᒧᐅᒂᐤ ᑭᔭ ᐎᔨᐛᐤ ᒧᔅ ᑲᒋᒡ ᒋᑭ ᑎᐱᔨᐛᓯᐅᒡ᙮’ ”

ᒪᑎᔪᐤ 24:35

ᒋᒋᒋᓯᒄ ᑭᔭ ᐊᔅᒋᔾ ᒋᑭ ᐃᔎᐱᔪᐛ ᒥᒄ ᒪᒃ ᓂᑦ ᐃᔨᒧᐅᓐ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ᙮”

2 ᑎᒧᑎ 2:13

ᐊᑲ ᒪᒃ ᑯᐃᔅᒄ ᐃᑎᔭᒂ, ᐃᔭᐱᒡ ᑯᐃᔅᒄ ᒋᑭ ᐃᑐᐤ ᐎᔾ ᙭, ᐛᔅ ᓇᒪ ᐃᔭᒡ ᒋᑭ ᒋ ᐃᑕᔨᑕᑯᓱᐤ ᑕᓐ ᐊ ᐃᑕᔨᑕᑯᓯᑦ᙮”

ᑕᐃᑕᔅ 1:2

ᐊᓂᔭ ᒪᒃ ᑕᓐ ᐊ ᐃᓯ ᒋᔅᑯᑎᒧᐅᒂᐤ ᐊᑯᑕ ᒐ ᐅᒋ ᒐᔅᑎᓇᑕᔨᑕᒡ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒋᓴᒪᓂᑐᐛ ᐊᓐᑕ ᐸᒋ ᐛᔅᑭᒡ ᒐᔅᑎᓇᔅ ᒐ ᐊᔭᐛᑯᐱᓇ᙮ ᓇᒪ ᒪᒃ ᓂᑕ ᑭᑭᒋᔭᐤ ᒋᓴᒪᓂᑐᐤ᙮

ᐃᑉᕈᐛ 11:12

ᐊᑯᑕ ᒪᒃ ᑲ ᐅᒋ ᐃᓯᓇᑯᓂᔨᒡ ᐊᑉᕋᐊᒻ ᒐᒋ ᐅᑕᐎᒪᐅᑦ ᐊᑎ ᓴᔅ ᑭᔭ ᐎᔾ ᓇᔅᒡ ᐊᒋ ᒋᓴᐃᔪᑦ᙮ ᐊᑯ ᒪᒃ ᐊᑉᕋᐊᒻ ᒪᒐᑎᔨᒋ ᐅᑦ ᐊᓂᔅᒐ ᐅᑦ ᐊᐛᓯᒪ ᐊᑲ ᐛᐛᒡ ᒥᓯᐛ ᒋ ᐊᒋᒪᑭᓄᔨᒋ᙮ ᒧᔭᒻ ᑕᓐ ᐊᔅᐱᔅ ᒥᒐᑎᒡ ᐅᒐᑭᑕᐧᑯᒡ ᐊᓐᑕ ᒋᓯᑯᒡ ᐊᐅᑯᓐ ᐊ ᐃᔅᐱᒐᑎᔨᒋ ᐅᑦ ᐊᐛᓯᒪ, ᒧᔭᒻ ᑕᓐ ᐊᔅᐱᔅ ᐊᑲ ᒋ ᐊᒋᑕᑭᓄᐅᒡ ᓯᓱᒡ ᑲ ᑎᒂᒡ ᐃᔭᑲᐤ ᐛᓴ ᐊ ᐱᓴᐅᐧᑲᔅᒡ ᐊᐅᑯᓐ ᐊ ᐃᔅᐱᒐᑎᔨᒋ᙮

ᐃᑉᕈᐛ 6:17

ᒋᓴᒪᓂᑐᐤ ᒋ ᐃᑕᐤ ᒐᔅᑎᓇᔅ ᒐ ᓱᐛᔨᒪᑦ ᐅᑦ ᐃᔨᒪ᙮ ᐊᐅᒄ ᐅᔭ ᑲ ᐃᑕᑦ ᒐᒋ ᒋᔅᒐᔨᑎᒥᔨᒋ ᒐ ᐊᑲ ᓂᑕ ᐅᒋ ᐊᒋᑕᑦ ᑕᓐ ᑲ ᐎ ᐃᑐᑎᒧᐛᑦ᙮ ᐊᑯ ᒪᒃ ᐊᔪᐤ ᑲ ᓇᔅᐱᒡ ᑕᑈᑦ ᐊ ᐃᑕᑦ ᒐᔅᑎᓇᔅ ᒧᔅ ᒐ ᓱᐛᔨᒪᑦ᙮