ᒐᓂᓯᔅ 32:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒋᒋᐛ ᒋᔅᑎᒪᒐᔨᒧᐛᓐ᙮ ᓇᓂᑎᒻ ᔅᒋ ᑕᓐ ᒐᒋ ᐎᒋᐃᔨᓐ ᐃᔅᐱ ᓇᑐᐛᔨᒥᑕᓂ᙮ ᓇᒪ ᓂᒋ ᒋᔅᑕᔨᑕᑯᓯᓐ ᑲ ᐃᓯ ᒪᒥᔪᑐᑐᐎᔨᓐ᙮ ᒋᑭ ᐊᑐᔅᒐᔅᑕᑎᓐ ᑭᔭ ᒋᑭ ᓇᐃᑕᑎᓐ᙮ ᐃᔅᐱ ᐅᔅᑭᒡ ᑲ ᑎᔅᑭᒥᑲᓯᔭᓐ ᒠᕐᑕᓐ ᓯᐱᔾ ᐊᕋᓐ ᒐᒋ ᐃᑐᑕᔭᓐ, ᓯᔅᑲᐅᓐ ᒥᒄ ᓂᒋ ᑭᓄᐛᔨᑕᓐ᙮ ᐊᓄᒡ ᑲᐤ ᓂ ᒋᐛᓐ ᒋᒡ ᓂᓱᐎᒡ ᐃᔪᒡ ᑭᔭ ᒥᒐᑦ ᐊᐛᓯᓯᒡ᙮

ᒐᓂᓯᔅ 32:10 Iomraidhean Croise

ᒐᓂᓯᔅ 18:27

ᐊᑯ ᐊᑉᕋᐊᒻ ᒥᓐ ᐊ ᐃᔨᒥᑦ, “ᑎᐸᔨᒋᒐᓱᐤ, ᓂᑭ ᒥᔅᑲᓐ ᓱᒋᑕᐅᓐ ᑭᔭ ᒥᓐ ᒐᒋ ᐃᔨᒥᑕᓐ, ᐛᔅ ᐅ ᓂᔾ ᒥᒄ ᓇᐸᐤ, ᓇᒪ ᑭᔭ ᓂ ᑎᐸᒐᔨᑕᑯᓯᓐ ᒐᒋ ᐃᔨᒥᑕᓐ,

ᒐᓂᓯᔅ 24:12

ᐊᑯ ᒂ ᐊᔭᒥᐊᑦ, “ᐅ ᑎᐸᔨᒋᒐᓱᐤ, ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ ! ᐸᒋ ᒥᔨᔾ ᑭᔅᒋᐅᓐ ᒐᒋ ᒥᔅᑭᒥᒋ ᒐ ᐎᔪᑦ ᐊᐃᓯᒃ ᐊᑯ ᑭᔭ ᒐ ᑎᐱᐱᔨᒡ ᐅᓂᑐᐛᔨᑎᒧᐅᓐ ᓄᒋᒪᒻ ᐊᑉᕋᐊᒻ᙮

ᒐᓂᓯᔅ 24:27

ᐊ ᐃᔅᒋᔄᑦ, “ᒋ ᓂᔅᑯᒥᑎᓐ ᑎᐸᔨᒋᒐᓱᐤ, ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ, ᔅᒋ ᑭᓄᐛᔨᑕᓐ ᒋᑦ ᐊᓱᑎᒪᒐᐅᓐ ᑭᔭ ᔅᒋ ᒥᔭᐤ ᑲ ᐃᓯ ᓂᑐᐛᔨᑕᐧᒄ ᓄᒋᒪᒻ ᐊᑉᕋᐊᒻ᙮ ᑯᐃᔅᒄ ᔅᒋ ᐃᑐᑕᔨᓐ ᐊ ᑕᔨᒋ ᓄᒋᒪᒻ ᐎᐧᑲᓂᓴ᙮”

ᒐᓂᓯᔅ 28:13

ᑎᐸᔨᒋᒐᓱᐤ ᐃᔅᐱᒥᒡ ᒋ ᓂᐳᐤ ᑭᔭ ᒋ ᐃᑕᐤ, “ᓂᔾ ᐊᐅᒄ ᑎᐸᔨᒋᒐᓱᐤ, ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᐊᐃᓯᒃ ᐅᒋᓴᒪᓂᑐᒪ, ᒋᑭ ᒥᔨᑎᓐ ᐅ ᐊᔅᒋᔾ ᐊᓐᑕ ᐸᒥᓯᓂᔨᓐ, ᒋᔾ ᒋᑭ ᑎᐱᔨᐛᐅᓯᓐ ᑭᔭ ᒋᑦ ᐊᓂᔅᑯᑕᐸᓐᒡ᙮

ᒐᓂᓯᔅ 28:15

ᐛᐸᑕ ᓂᑦ ᐊᓱᑎᒪᒐᓐ ᒐ ᐎᒐᐅᑕᓐ ᑭᔭ ᒐ ᑭᓄᐛᔨᒥᑕᓐ ᒥᒄ ᐊᓐᑕ ᐊ ᐃᑐᑕᔨᓐ ᑭᔭ ᑲᐤ ᒋᑭ ᐸᓱᐅᑎᓐ ᐅᑕ ᐊᔅᒋᒡ᙮ ᓇᒪ ᒋᑭ ᒋ ᓂᑭᑎᑎᓐ ᐸᑎᒪ ᒋ ᐃᑐᑎᒪᓇ ᒥᓯᐛ ᐊᓐ ᑲ ᐊᓱᑎᒪᑕᓐ᙮”

ᒐᓂᓯᔅ 30:43

ᒋ ᐛᔪᑎᓯᐤ ᒐᑭᑉ, ᒥᒐᑦ ᒋ ᑭᓄᐛᔨᒪᐤ ᒪᔭᑕᓂᓴ ᑭᔭ ᒥᔅᑐᓴ, ᑲᐱᔎᐅᑭᓂᔨᒋ, ᑲᓂᐧᑲᑎᓯᔨᒋ ᑲᐸᐃᑭᔎᐛ, ᐃᔎᐤ ᐊᑐᔅᒐᔭᑭᓇ ᑭᔭ ᓇᐸᐤ ᐊᑐᔅᒐᔭᑭᓇ᙮

ᒐᓂᓯᔅ 31:3

ᐊᑯ ᐅᑎᐸᔨᒋᒐᐛ ᒂ ᐃᑎᑯᑦ, “ᑲᐤ ᐊᓐᑕ ᒐ ᐃᑐᑕᔨᓐ ᑲ ᐎᒋᒡ ᒋᑦ ᐊᓂᔅᑯᑕᐸᓐᒡ, ᐊᓐᑕ ᐊᓄᒡ ᐛᒋᒡ ᒋᐧᑲᓂᓯᒡ᙮ ᓂᑦ ᐊᓱᑎᒪᒐᓐ ᒐ ᑭᓄᐛᔨᒥᑕᓐ᙮”

ᒐᓂᓯᔅ 32:5

ᒥᒐᑦ ᐛᔪᑎᓯᐅᓐ ᓂᒋ ᐅᑎᓂᒪᓱᓐ ᒋᒡ ᒥᒋᑎᐧᑯᒡ ᑭᔭ ᑲᓂᐧᑲᑎᓯᒡ ᑲᐸᐃᑭᔎᐅᒡ, ᒪᔭᑕᓂᓯᒡ ᑭᔭ ᒥᔅᑐᓯᒡ, ᓇᐸᐤ ᑭᔭ ᐃᔎᐤ ᐊᐱᒋᐊᑭᓐᒡ᙮ ᒋᑦ ᐃᑎᓴᐊᒪᑎᓐ ᐅ ᐃᔨᒧᐅᓐ, ᐃᓴᐅ᙮ ᒪᐅᒡ ᐊᔅᐱᑕᔨᒥᑕᓐ, ᒐᒋ ᒥᔪ ᐅᑎᓂᔨᓐ ᐃᔅᐱ ᑎᑯᓯᓂᔭᓇ᙮”

ᒐᓂᓯᔅ 32:7

ᒋᒋᐛ ᒋ ᓴᒋᓱᐤ ᒐᑭᑉ ᑭᔭ ᒋ ᒥᑯᔅᑲᑕᔨᑎᒻ᙮ ᒂ ᓂᓱᐎᒡ ᐃᓯ ᑎᐸᓇᐊᑦ ᐃᔪᐛ ᑲ ᐎᒐᑯᑦ ᑭᔭ ᒋᒡ ᐅᒪᔭᑕᓂᓯᒪ, ᒥᔅᑐᓴ, ᒥᒋᑎᒂ ᑭᔭ ᑲᐱᔎᐅᑯᒡ᙮

ᑎᐱᑦ ᐅᓂᑭᒧᐅᓇ 16:2

ᐅ ᓂᑦ ᐊᒐᐧᒄ, ᔅᒋ ᐃᑕᐤ ᑎᐸᔨᒋᒐᓱᐤ, “ᒋᔾ ᓂᑎᐸᔨᒋᒐᓯᒻ: ᓂᒥᔽᑎᓯᐅᓐ ᓇᒪᐎᔾ ᒋᑦ ᐊᐸᒋᐃᑯᓐ᙮”

ᑎᐱᑦ ᐅᓂᑭᒧᐅᓇ 18:35

ᔅᒋ ᒥᔨᓐ ᑭᔭ ᐱᒪᒋᐃᐛᐤ ᐊᒂᓇᐅᓱᐛᑭᓐ: ᒋᒥᔪᐅᓐ ᓂᒋ ᓯᑐᓂᑯᓐ, ᑭᔭ ᒋ ᒋᔭᒪᐎᓯᐅᓐ ᓂᒋ ᒋᔅᑎᓯᐃᑯᓐ᙮

ᑎᐱᑦ ᐅᓂᑭᒧᐅᓇ 61:7

ᒋᑭ ᑕᐤ ᐅᑎᔅᑯᐤ ᒋᓴᒪᓂᑐᐛ ᑲᒋᒡ: ᐅ ᐛᐛᓯᑕ ᓱᐛᔨᒋᒐᐅᓐ ᑭᔭ ᑕᑈᐅᓐ, ᒐ ᑭᓄᐛᔨᒥᑯᑦ᙮

ᑎᐱᑦ ᐅᓂᑭᒧᐅᓇ 8:5

ᐛᔅ ᐊᐱᓯᔅ ᔅᒋ ᑎᐱᑕᔨᑕᑯᐊᐤ ᐃᔅᐱᔅ ᐊᓐᒋᓇ, ᑭᔭ ᔅᒋ ᐅᒋᒪᐅ-ᐊᑯᓂᔎᐅᓇᐊᐤ ᒋᔅᑕᔨᑕᑯᓱᐅᓂᔪᐤ ᑭᔭ ᒋᔅᑎᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 84:7

ᐊᔭᔅᒄ ᒥᔅᑯᐅᓯᐅᒡ, ᑲ ᐃᑕᒡ ᓴᐃᔭᓂᒡ ᐅᑎᔅᑲᐎᔅᑐᐛᐅᒡ ᒋᓴᒪᓂᑐᐛ᙮

ᑎᐱᑦ ᐅᓂᑭᒧᐅᓇ 85:10

ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ ᒋ ᓂᒋᔅᑲᑐᒥᑭᓇ; ᑯᐃᔅᑯᑕᑎᓯᐅᓐ ᑭᔭ ᒋᔭᒪᔨᑎᒧᐅᓐ ᒋ ᐅᒐᒥᑐᒥᑭᓇ᙮

ᓗᒃ 17:10

“ᒋᔨᐛᐤ ᒪᒃ ᐃᔅᐱ ᑲ ᒋᔅᑕᔭᒄ ᒥᓯᐛ ᒐᒂᓐ ᑲ ᐃᑎᓱᒥᑯᐅᔭᒄ ᒐᒋ ᐃᑐᑎᒪᒄ, ᒋᐸ ᐃᔅᒋᔄᓇᐛᐤ, ‘ᐛᔅ ᒥᒄ ᐊᐱᒋᐊᑭᓐᒡ ᓂᔭᓐ᙮ ᓂᒋ ᐃᑐᑕᓇᓐ ᑕᓐ ᐊᓐ ᑲ ᐃᑎᓱᒥᑯᐅᔭᒡ ᒐᒋ ᐃᑐᑎᒪᒡ᙮’ ”

ᓗᒃ 5:8

ᐃᔅᐱ ᒪᒃ ᓴᐃᒥᓐ ᐱᑕᕐ ᐎᔭᐸᑕᐧᒃ ᐊ ᐃᔅᐱᔨᒡ ᒋ ᐅᒋᒋᐧᑯᓂᐱᔪᐤ ᐅᑎᔅᑯᐤ ᒋᓴᓴ ᐊ ᑕᔨᒋ, ᐊ ᐃᔅᒋᔄᑦ, “ᓇᑭᓯ, ᐅᑎᐸᔨᒋᒐᐤ, ᐛᔅ ᓂ ᒥᒐᑎᓯᓐ᙮”

2 ᑯᕆᓐᑎᔭᓇ 12:11

ᓇᒪ ᓂ ᒥᔽᔨᑕᓐ ᐊ ᓂᓇᐸᐅᒧᔭᓐ ᐊ ᐃᑎᑕᑯᓯᔭᓐ ᐛᔅ ᒧᔭᒻ ᐊ ᒋᔎ ᐃᔨᒥᔭᓐ ᐊᑯᓐ ᐊ ᐃᑕᔨᑎᒪᓐ᙮ ᒋᔨᐛᐤ ᑲ ᐃᑐᑐᐅᔭᒄ ᐅ ᐛᒋ ᐃᓯ ᐃᔨᒥᔭᓐ᙮ ᒋᔨᐛᐤ ᐛᔅ ᒋᐸ ᒥᔪ ᐊᔨᒧᒥᓇᐛᐤ᙮ ᐛᔅ ᑕᐸ ᓄᑕᔭᔅ ᓂᑦ ᐃᑕᔨᑕᑯᓯᓐ ᑕᓐ ᐊ ᐃᑕᔨᑕᑯᓯᒡ ᐊᓐᒡ ᐊᑈᔅᑕᓇᒡ ᑲ ᐃᓯᓂᐧᑲᑕᑯᒡ ᐊᑎ ᒪᒃ ᐊᑲ ᓇᔅᒡ ᒐᒂᓐ ᐃᓯᓇᑯᓯᔭᓐ᙮

1 ᐱᑕᕐ 5:5

ᐊᑯ ᒪᒃ ᒋᔨᐛᐤ ᑲ ᐅᔅᒋᐱᒪᑎᓯᔭᒄ ᒋᐸ ᓂᓇᐃᑐᐛᐛᐅᒡ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ᙮ ᒥᓯᐛ ᒪᒃ ᐊ ᑎᓯᔭᒄ, ᒋᐸ ᐊᑐᔅᑲᑐᓇᐛᐤ ᐊ ᑎᐱᑕᔨᒥᑎᓱᔭᒄ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒋᓴᒪᓂᑐᐤ ᓇᒪ ᓇᐃᐱᒪᐤ ᐊᓂᔭ ᒋᒋᐛ ᑲ ᐃᑕᔨᒥᓱᔨᒋ, ᐊᑯ ᐊᓂᔭ ᑲ ᑎᐱᑕᔨᒥᓱᔨᒋ ᒋᓴᐛᑐᑐᐛᐤ᙮