ᒐᓂᓯᔅ 3:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐃᔅᒋᔄᑦ, “ᐅᓴᒻ ᑲ ᒥᒋᑦ ᐊᓂᔭ ᒥᓂᓴ ᑲ ᐃᑎᒃ ᒐ ᐊᑲ ᒋ ᒥᒋᑦ᙮ ᐃᔪᐤ ᓴᔅ ᒋᔅᒐᔨᑎᒻ ᐊ ᒥᔽᔨᒡ ᑭᔭ ᒪᔭᑎᓯᐅᓂᔪᐤ ᒧᔭᒻ ᒋᔭᓄᐤ᙮ ᓇᒪ ᒋᑭ ᒋ ᑕᑈᑐᐛᓄᐤ ᒐᒋ ᐅᒋ ᐅᑎᓇᐧᒃ ᒥᓂᓴ ᐊᓐᑕ ᐱᒪᑎᓯᐅ-ᒥᔅᑎᑯᒡ ᐅᒡ ᒐ ᒥᒋᑦ ᑭᔭ ᑲᒋᒡ ᒐᒋ ᐱᒪᑎᓯᑦ᙮”

ᒐᓂᓯᔅ 3:22 Iomraidhean Croise

ᒐᓂᓯᔅ 1:26

ᒋᓴᒪᓂᑐᐤ ᒂ ᐃᔅᒋᔄᑦ, “ᐊᓄᒡ ᐃᔪᒡ ᒋᑭ ᐅᓴᓄᐅᒡ, ᑭᔭ ᒧᔭᒻ ᐊᓯᓇᑯᓱᐛᐧᒄ ᒋᑭ ᐃᓯᓇᑯᓱᐅᒡ᙮ ᒋᑭ ᒥᔭᓄᐅᒡ ᒐᒋ ᑎᐸᔨᒪᒡ ᓂᒪᓴ, ᐱᔭᓱᐛ, ᑭᔭ ᒥᓯᐛ ᐊᐛᓯᓴ᙮”

ᒐᓂᓯᔅ 2:9

ᑎᐸᔨᒋᒐᓱᐤ ᒋᓴᒪᓂᑐᐤ ᒋ ᐃᑐᑐᐛᐤ ᒐᒋ ᓂᑕᐅᒋᒋ ᒥᓯᐛ ᑕᑐᐎᒡ ᐊᓯᓇᑯᓯᔨᒋ ᒥᓂᓯᐅ-ᒥᔅᑎᒂ, ᓇᔅᒡ ᐊ ᒥᔪᓯᓯᒡ ᐊ ᒋᑕᐱᒪᑭᓄᐅᒡ ᑭᔭ ᒐᒋ ᓂᑕᐅᒋᒋ ᒥᓂᓴ ᐊ ᒥᔽᒋ ᒐᒋ ᒥᒋᓇᓄᔨᒋ᙮ ᒋ ᐃᑐᑎᒻ ᐃᔭᐱᒡ ᐊᓐᑕ ᑕᑕᐅᒡ ᐊ ᒥᔽᔎᔨᒡ ᓂᑕᐅᒋᑕᑭᓂᔪᐤ ᒐᒋ ᓂᑕᐅᒋᒋ ᐱᒪᑎᓯᔪᐤ ᒥᔅᑎᒂ ᑭᔭ ᒋᔅᒐᔨᑎᒧᐤ ᒥᔅᑎᒂ, ᐃᔪᒡ ᒐ ᐅᒋ ᒋᔅᒐᔨᑕᒡ ᐊ ᒥᔽᔨᒡ ᑭᔭ ᐊ ᒪᔭᑎᓂᔨᒡ᙮

ᒐᓂᓯᔅ 3:21

ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐅᑎᓇᑦ ᐊᐛᓯᔅᐅᔭᓇ ᒐᒋ ᐅᓯᑕᑦ ᐊᐱᒋᑕᐅᓇ ᑭᔭ ᒂ ᒥᔭᑦ ᐊᑕᒪ ᑭᔭ ᐎᐎᐛ ᒐᒋ ᐳᔅᑭᒥᔨᒋ᙮

ᒐᓂᓯᔅ 3:23

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐃᑲᑎᓴᐛᑦ ᓇᐸᐛ ᑭᔭ ᐃᔎᐛ ᐊᓐᑕ ᐃᑎᓐ ᓂᑕᐅᒋᑕᑭᓂᒡ ᐅᒡ᙮ ᒋ ᐃᑎᓴᐛᐤ ᒐᒋ ᓂᑕᐅᒋᑕᔨᒋ ᐅᒥᒋᒥᔪᐤ᙮ ᒋᓴᒪᓂᑐᐤ ᒋ ᐊᐱᒋᐊᐤ ᐊᓯᔅᒍᐛ ᑲ ᐅᓯᐊᑦ ᓇᐸᐛ, ᒧᔅᑎᔅᑭᒥᔪᐤ ᒋᑭ ᒧᓇᐊᒻ ᒐᒋ ᐅᒋ ᐱᒪᑎᓯᐅᑦ᙮

ᒐᓂᓯᔅ 3:5

ᒋᓴᒪᓂᑐᐤ ᒋ ᐃᔅᒋᔄᐤ ᐅᔭ ᐅᓴᒻ ᒋᔅᒐᔨᑎᒻ ᒥᒍᐛᒂ ᐊᓂᔭ ᒥᓂᓴ ᒋᑭ ᑭᒐᑕᐛᔨᑕᑯᓯᓇᐛᐤ, ᒋᑭ ᒋᔅᒐᔨᑕᓇᐛᐤ ᐊ ᒥᔽᒡ ᑭᔭ ᒪᔭᑎᓯᐅᓐ, ᒧᔭᒻ ᒋᓴᒪᓂᑐᐤ᙮”

ᑎᐱᑦ ᐅᓂᑭᒧᐅᓇ 22:26

ᐅᔪᔅᑲᑎᓯᐅᒡ ᒋᑭ ᒥᒋᓱᐅᒡ ᑭᔭ ᒋᑭ ᒋᔅᐳᐅᒡ: ᒋᑭ ᒪᒥᒋᒪᐅᒡ ᑎᐸᔨᒋᒐᓱᐛ ᐊᓐᒡ ᑲ ᓇᓂᑐᐛᔨᒪᒡ: ᒋᑕᐃᐛᐛ ᓇᓂᑎᒻ ᒋᑭ ᐱᒪᑎᓯᒪᑭᓂᔨᐛ᙮

ᒋᔅᒐᔨᑕᑯᑕᒐᐅᓐ 2:7

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᐊᐛᓐᒋ ᒐ ᓴᐧᑯᒋᑕᒡ ᒥᒐᑎᓯᐅᓂᔪᐤ, ᓂᑭ ᒥᔭᐅᒡ ᒐᒋ ᒥᒋᒡ ᒥᓂᓴ ᐊᓐᑕ ᐅᒋ ᐱᒪᑎᓯᐤ ᒥᔅᑎᑯᒡ᙮ ᐊᐅᒄ ᒥᔅᑎᒄ ᐊ ᑕᑦ ᐊᓐᑕ ᒋᓴᒪᓂᑐᐛ ᐅᓂᑕᐅᒋᑕᑭᓐ ᐊᔅᒋᔨᒡ᙮”

ᒋᔅᒐᔨᑕᑯᑕᒐᐅᓐ 22:14

ᑕᑈ ᒋᑭ ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 22:2

ᑕᑕᐅᔅᑭᓄᐤ ᒪᒃ ᐊᓐ ᒥᔅᑎᒪᔅᑭᓄᐤ ᐊᓐᑕ ᐊᓐ ᐅᑕᓇᐤ, ᐊᑯᑕ ᐸᒪᒍᐅᒡ᙮ ᐃᑐᑲᒻ ᒪᒃ ᐊᓐ ᓯᐱᔾ ᒋ ᒋᒥᓱᐅᒡ ᒥᔅᑎᑯᒡ ᐊᓐᑕ ᐛᒋ ᐊᔭᑦ ᐊᐛᓐ ᐱᒪᑎᓯᐅᓂᔪᐤ᙮ ᐊᓯᑯᒻ ᐱᓯᒺ ᒪᒃ ᒋ ᓂᑕᐅᒋᓇ ᒥᓂᓴ ᐊᓐᑕ ᐊᓐᒡ ᒥᔅᑎᑯᒡ, ᓂᓱᓴᑈᐤ ᐸᐃᒄ ᐱᐳᓇ᙮ ᐊᓂᔭ ᒪᒃ ᓂᐱᓯᔭ ᐊᑯᑕ ᐛᒋ ᒥᓏᒋᐃᓱᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ᙮