ᒐᓂᓯᔅ 3:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐃᔨᒪᐊᑦ ᓇᐸᐛ ᐊᑕᑦ, “ᐅᓴᒻ ᒋᔾ ᑲ ᓂᑐᑐᐅᑦ ᒋᐅ ᐊ ᐃᑎᔅᒃ ᑭᔭ ᑲ ᒥᒋᔨᓐ ᒥᓂᓴ ᐊᓐᑕ ᒥᔅᑎᑯᒡ ᐅᒡ ᑲ ᐃᑎᑕᓐ ᒐ ᐊᑲ ᒥᒋᔨᓐ, ᒋᔾ ᑭᔭ ᒋᑭ ᐊᓏᔨᒥᑯᐅᓐ᙮ ᐅᓴᒻ ᐊᑲ ᐅᒋ ᓂᑐᑐᐎᔨᓐ, ᐊᓯᑯᒻ ᒋᓯᑲᐛ ᒐ ᐃᔅᐱᔅ ᐱᒪᑎᓯᔨᓐ, ᓇᒪ ᒋᑭ ᒋ ᒥᔅᑲᓐ ᒥᒋᒻ ᒧᔅᑎᔅᑭᒥᒡ ᒧᔭᒻ ᐅᔅᑭᒡ ᑲᒋ ᐃᑎᔨᓐ᙮

ᒐᓂᓯᔅ 3:17 Iomraidhean Croise

ᒐᓂᓯᔅ 3:11

ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᑯᒂᒋᒪᑦ ᓇᐸᐛ ᐊᑕᑦ, “ᐊᐛᓐ ᑲ ᐃᑎᔅᒃ ᐊ ᒧᓴᔅᑭᑕᔨᓐ ? ᓇᒪ ᒋ ᐅᒋ ᒥᒋᓇᐛᐤ ᐊ ᒥᓂᓴ ᐊᓐᑕ ᒥᔅᑎᑯᒡ ᐅᒡ ᑲ ᐃᑎᑎᑯᒡ ᒐ ᐊᑲ ᐅᒋ ᒥᒋᔭᒄ ?”

ᒐᓂᓯᔅ 3:18

ᒥᒋᒥᔅᑯᓱᐛ ᒥᒄ ᒋᑭ ᓂᑕᐅᒋᓇ ᐊᓐᑕ ᒧᔅᑎᔅᑭᒥᒡ ᐃᔅᐱᔅ ᒪᒃ ᐊ ᒥᔽᒡ ᓂᑕᐅᒋᑕᑭᓐ ᑭᔭ ᒋᑭ ᐱᐸᒧᑕᓐ ᓄᒋᒥᒡ ᐊ ᓇᓂᑐᐛᐸᑎᒥᓐ ᒥᒋᒻ᙮

ᒐᓂᓯᔅ 3:6

ᒋ ᐛᐸᑎᒻ ᐃᔎᐤ ᐊᔅᐱᔅ ᒥᔽᓯᔨᒡ ᑭᔭ ᐊ ᒥᔽᔨᒡ ᒐᒋ ᒥᒋᓇᓄᐎᒡ; ᐃᔭᐱᒡ ᒋᔅᒐᔨᑎᒻ ᒥᒋᑦ ᐊᐛᓐ ᐊᓂᔭ ᒥᓂᓴ ᒋᐸ ᑭᒐᑕᐛᔨᑕᑯᓱᐤ ᑭᔭ ᓇᔅᒡ ᒋ ᓇᓂᑐᐛᔨᑎᒻ ᐃᔎᐤ ᒐᒋ ᑭᒐᑕᐛᔨᑕᑯᔅᑦ, ᐊᑯ ᐛᑎᓇᐧᒃ ᐊᓂᔭ ᒥᓂᓴ, ᒂ ᒥᒋᑦ ᑭᔭ ᒂ ᒥᔭᑦ ᐱᔅᒐ ᐅᓇᐸᒪ ᑭᔭ ᐎᔾ ᓇᐸᐤ ᒪᒋᑦ᙮

ᒐᓂᓯᔅ 5:29

ᓄᐛ ᒋ ᐃᓯᓂᐧᑲᑕᐤ ᐅᑯᓴ ᓚᒪᒃ, (ᐊᔽᓯᐅᓐ ᐊ ᐃᑥᒥᑲᒡ) ᐛᔅ ᒋ ᐃᔅᒋᔄᐤ, “ᐎᔾ ᒋᑭ ᒥᔨᑯᓄᐤ ᒐᒋ ᐊᔽᓯᐛᐧᒄ ᐊ ᐅᔅᑯᐎᔭᐧᒄ ᐊ ᐎ ᓂᑕᐅᒋᑕᔭᐧᒄ ᒋᒥᒋᒥᓄᐤ ᐊᓐᑕ ᒧᔅᑎᔅᑭᒥᒡ ᒋᓴᒪᓂᑐᐤ ᑲ ᐊᓏᔨᑕᐧᒃ᙮”

ᒐᓂᓯᔅ 8:21

ᒋ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ ᐊ ᒥᔪᒪᑯᓂᔨᒡ ᒥᑐᔅᑕᐊᒪᒐᐅᓂᔪᐤ, ᑭᔭ ᑎᐸᔨᒋᒐᓱᐤ ᒂ ᐃᔅᒋᔄᑦ, “ᓇᒪ ᓂᑕ ᒥᓐ ᓂᑭ ᐊᓏᔨᑕᓐ ᐊᔅᒋᔾ ᒥᒋᑐᑎᒧᐅᓂᔪᐤ ᐊ ᐃᑐᑕᐧᒃ ᐃᔪᐤ᙮ ᒥᓯᐛ ᐎᔨᐛᐤ ᒋ ᐅᒋ ᒥᒋᒪᒥᑐᓇᔨᑎᒧᒡ ᑲ ᐸᒋ ᐅᔅᑎᓂᒋᐅᒡ, ᒥᒄ ᓇᒪ ᓂᑕ ᓂᑭ ᓂᓱᐅᓇᒋᑕᓐ ᒥᓯᐛ ᒐᒂᓐ ᑲ ᐱᒪᑎᓯᒥᑲᒡ ᒧᔭᒻ ᑲ ᐃᓯ ᐃᑐᑎᒪᓐ᙮

ᑎᐱᑦ ᐅᓂᑭᒧᐅᓇ 127:2

ᓂᑐᐎ ᒋᑦ ᐃᓯ ᐅᓂᓇᐛᐤ ᐎᐱᒡ ᐊ ᒐᒋᓴᐸᔭᒡ, ᐊ ᓂᐸᔭᒄ, ᐊ ᒧᐛᒄ ᒥᑯᔅᑲᑕᔨᑎᒧᐅ ᐸᒂᓯᑭᓐ: ᐛᔅ ᐊᐅᑯᓐ ᐊᓯ ᒥᔭᑦ ᐅᓴᒋᐊᑭᓇ ᒐᒋ ᓂᐸᔨᒋ᙮

ᒪᑎᔪᐤ 22:12

ᐊᑯ ᒂ ᐃᑕᑦ ᐊᓂᔭ ᓇᐸᐛ, ‘ᓂᐎᒐᐛᑭᓐ ᑕᓐᑕ ᑲ ᐅᒋ ᐱᒐᔨᓐ ᐅᑕ ᐅ ᐊ ᒥᑯᓴᔭᓐ ᐊᑲ ᒪᒃ ᒧᔭᒻ ᐃᑕᔅᐱᓱᔨᓐ ?’ ᓇᒪ ᒪᒃ ᐅᒋ ᒋᔅᑐᐤ ᐊᓐ ᓇᐸᐤ᙮”

ᒪᑎᔪᐤ 25:45

ᐊᑯ ᒪᒃ ᒐ ᐃᑎᑯᒡ ᐅᑎᐸᔨᒋᒐᐛ, ‘ᑕᑈ ᒋ ᐎᑎᒪᑎᓇᐛᐤ ᐊᓐ ᐊᑲ ᐅᒋ ᐎᒋᐊᒄ ᐸᐃᒄ ᓂᐧᑲᓂᔅ ᐊᓐ ᐊᑲ ᓇᔅᒡ ᐊᐱᑕᔨᑕᑯᔅᑦ ᑲ ᐃᑕᔨᒪᑭᓄᐅᑦ, ᓂᔾ ᑭᔭ ᓇᒪ ᒋ ᐅᒋ ᐎᒋᐃᓇᐛᐤ᙮’

ᓗᒃ 19:22

“ᐊᑯ ᐊᓂᔭ ᐅᒋᒪᒪ ᒋ ᐃᑎᑯᐤ, ‘ᒋᔾ ᑲ ᒥᒋᑯᐸᓇᐎᔨᓐ, ᓂᑭ ᐊᐱᒋᑕᓐ ᐊᓐ ᑲ ᐃᔅᒋᔄᔨᓐ ᐊ ᓂᓱᐅᓇᒋᒥᑕᓐ᙮ ᒋᑦ ᐃᑕᔨᒥᓐ ᐊ ᒥᒋᑥᔭᓐ, ᐊ ᐅᑎᓂᒪᓐ ᒐᒂᓐ ᐊᑲ ᑎᐸᔨᑎᒪᓐ ᑭᔭ ᐊ ᒪᒧᓴᒋᓂᒪᓐ ᒐᒂᓐ ᐊᑲ ᓂᔾ ᐅᒋ ᓂᑕᐅᒋᑕᔭᓐ ?

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:19

ᒋ ᒋᔅᒐᔨᑕᓇᓄᐤ ᐊᓐᒡ ᑲ ᒥᔭᑭᓄᐎᒡ ᐅᔭ ᐎᓱᐛᐅᓂᔪᐤ ᒋᐸ ᓂᓇᐃᑕᒧᒡ ᒥᓯᐛ ᑕᓐ ᐊ ᐃᑎᓱᐛᒥᑭᓂᔨᒡ᙮ ᐊᐅᒄ ᒪᒃ ᐅ ᒐ ᐅᒋ ᐊᑲ ᓇᔅᒡ ᒋ ᐃᔅᒋᔄᑦ ᐊᐛᓐ ᐊᑲ ᐅᒋ ᒋᔅᒐᔨᑕᐧᒃ ᐊᒋ ᒥᒋᑐᑕᐧᒃ ᑭᔭ ᐊᐅᑯᓐ ᐛᒋ ᒥᓯᐛ ᐊᐛᓐ ᐅᑕ ᐊᔅᒋᒡ ᐃᓯᓇᑯᓂᔨᒡ ᒐᒋ ᑎᐸᔅᑯᓂᑯᑦ ᒋᓴᒪᓂᑐᐛ᙮

ᐃᑉᕈᐛ 6:8

ᑎᒂᒡ ᒪᒃ ᐊᔅᒋᔾ ᐊᓐᑕ ᓇᑕᐅᒋᒡ ᒐᒂᓐ ᐊᑲ ᐅᔭᔅ ᐃᑕᐱᑎᒡ, ᓇᒪ ᒐᒂᓐ ᒋᑭ ᒋ ᐃᑕᐱᑎᓐ ᐊᓐ ᐊᔅᒋᔾ᙮ ᓇᒪ ᒋᑭ ᐅᒋ ᓱᐛᔨᑎᒻ ᒋᓴᒪᓂᑐᐤ ᐊᓂᔭ ᐊᔅᒋᔪᐤ᙮ ᒋᑭ ᒋ ᐃᓯᓇᑯᓂᔪᐤ ᒐᒋ ᐃᔎᓴᐧᒃ ᐊᓂᔭ ᐊᔅᒋᔪᐤ᙮