ᒐᓂᓯᔅ 3:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐃᔨᒪᐊᑦ ᐃᔎᐛ ᐊᑕᑦ, “ᒪᐅ ᒐ ᐃᓯ ᐊᓏᔨᒥᑯᔨᓐ ᐅᓴᒻ ᐅ ᑲ ᐃᓯ ᐃᑐᑎᒥᓐ, ᑕᑥᐤ ᐊ ᐊᓱᐛᐱᒪᐅᓱᐎᓂ, ᒋᑭ ᐊᐧᑯᓯᓐ ᑭᔭ ᐛᐃᔪᐅᒋ ᒋᑦ ᐊᐛᓯᒻ ᐊᑎᑐᐤ ᒋᑭ ᐊᐧᑯᓯᓐ᙮ ᒥᒄ ᒋᒋᐛ ᒋᑭ ᓂᑐᐛᔨᑕᓐ ᒐᒋ ᑕᐅᑦ ᐊ ᑕᑦ ᒋᓇᐸᒻ, ᑭᔭ ᐎᔾ ᒋᑭ ᐅᒋᒪᐅ᙮”

ᒐᓂᓯᔅ 3:16 Iomraidhean Croise

ᒐᓂᓯᔅ 4:7

ᓇᒪ ᒋᔅᒐᔨᑕᓐ ᐊ, ᐃᑐᑎᒥᓇ ᐊ ᒥᔽᒡ ᒋᑭ ᐸᐱᒂᔨᓐ ? ᒥᒄ ᓇᑭᑐᐛᔨᑕ ᐛᔅ ᐊᑲ ᐃᑐᑎᒥᓇ ᐊ ᒥᔽᒡ, ᒧᔭᒻ ᒥᒋᒥᓂᑐᐅᒡ ᐃᓯᓇᒂᓐ ᒥᒋᑥᐅᓐ ᓇᔅᒡ ᐊ ᐸᓱᓇᑯᓯᑦ, ᓇᓂᑐᐛᔨᑎᒻ ᒐᒋ ᑎᐸᔨᒥᔅᒃ᙮ ᓇᔅᒡ ᒋᐸ ᐎ ᓱᒋᓯᓐ ᒐᒋ ᓴᑯᑕᔨᓐ ᐅ ᑯᒂᒋᐃᐛᐅᓐ᙮”

ᑎᐱᑦ ᐅᓂᑭᒧᐅᓇ 48:6

ᑯᔅᑕᒍᐅᓂᔪᐤ ᒋ ᐅᑎᑎᓂᑯᐅᒡ ᐊᓐᑕ, ᑭᔭ ᐎᓯᒐᔨᑎᒧᐅᓂᔪᐤ, ᒧᔭᒻ ᐃᔎᐤ ᐊ ᐎ ᐛᐱᒪᐅᓱᑦ᙮

ᒠᓐ 16:21

ᐃᔅᐱ ᒐ ᐛᐱᒪᐅᓱᑦ ᐃᔎᐤ ᒥᓯᒪᔨᑎᒻ ᐛᔅ ᐅᑎᒋᐱᔪᐤ ᐊᑯ ᒐ ᐎᓯᒐᔨᑕᐧᒃ᙮ ᐃᔅᐱ ᒪᒃ ᑲ ᐱᒪᑎᓯᔨᒋ ᐊᓂᔭᔪᐛ ᐅᑦ ᐊᐛᓯᒪ ᐅᓂᒋᔅᒋᓯᑐᑎᒻ ᑕᓐ ᑲ ᐃᓯ ᐎᓯᒐᔨᑕᐧᒃ ᐛᔅ ᓇᔅᒡ ᑕᑈ ᒥᔽᔨᑎᒻ ᐊ ᒋᔅᒐᔨᑕᐧᒃ ᐊᐛᓴ ᐊᒋ ᐱᒪᑎᓯᔨᒋ ᐅᑕ ᐊᔅᒋᒡ᙮

1 ᑯᕆᓐᑎᔭᓇ 11:3

ᒥᒄ ᒪᒃ ᒪᐅ ᓇᑐᐛᔨᒥᑎᑯᒡ ᒐᒋ ᒋᔅᒐᔨᑎᒪᒄ᙮ ᙭ ᓂᑲᓂᔅᑯᐛᐤ ᒥᓯᐛ ᓇᐸᐛ᙮ ᓇᐸᐤ ᒪᒃ ᐎᐛ ᓂᑲᓂᔅᑯᐛᐤ, ᐊᑯ ᒋᓴᒪᓂᑐᐤ ᙭ᑕ ᓂᑲᓂᔅᑯᐛᐤ᙮

1 ᑯᕆᓐᑎᔭᓇ 14:34

ᒪᐅ ᒪᒃ ᒋᐸ ᐃᑕᔨᑕᑯᓇ ᐊᔭᒥᐊᐅᒋᐛᐸ ᒥᓯᐛ ᐊᓐᑕ ᓇᔅᑐᐎᒡ ᑲ ᑕᑈᑕᒡ᙮ ᐃᔎᐅᒡ ᓇᒪ ᒋᐸ ᐅᒋ ᐃᔨᒧᐅᒡ ᐊ ᐊᔭᒥᐊᓄᐎᒡ᙮ ᐛᔅ ᒋ ᒋᑕᐊᒧᐛᑭᓄᐎᒡ ᒐᒋ ᐃᔨᒥᒡ, ᒐᒋ ᐱᔅᑕᔨᒥᑐᓱᔅᑐᐛᒡ ᐅᓇᐸᒧᐛᐛ ᒧᔭᒻ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐎᓱᐛᐅᓂᔪᐤ᙮

1 ᑯᕆᓐᑎᔭᓇ 7:4

ᐛᔅ ᐃᔎᐤ ᑲ ᐅᓇᐸᒥᑦ, ᓇᒪ ᒥᒄ ᐎᔾ ᑎᐸᔨᑎᒻ ᐎᔪᐤ᙮ ᐛᔅ ᐅᓇᐸᒪ ᑎᐸᔨᑎᒥᔪᐛ᙮ ᐊᐅᑯᓐ ᒪᒃ ᑭᔭ ᓇᐸᐤ, ᓇᒪ ᒥᒄ ᐎᔾ ᑎᐸᔨᑎᒻ ᐎᔪᐤ᙮ ᐛᔅ ᐎᐛ ᑎᐸᔨᑎᒥᔪᐛ᙮

ᑯᓚᓯᔭᓇ 3:18

ᒋᔨᐛᐤ ᐃᔎᑐᒄ ᑲ ᓂᐳᐅᔭᒄ ᓂᓇᐃᑐᐛᐧᑯᒡ ᒋᓇᐸᒧᐛᐅᒡ᙮ ᐊᐅᒄ ᐅ ᒋᐸ ᐃᑎᓇᐛᐤ ᐊ ᓇᓴᐛᒄ ᐅᑎᐸᔨᒋᒐᐤ᙮

1 ᑕᓴᓗᓂᔭᓇ 5:3

ᒪᒂᒡ ᐃᔅᒋᔄᑥᐛ ᐊᐛᓐᒋ, “ᒥᓯᐛ ᒐᒂᓐ ᒥᔪᐱᔪᐤ, ᓇᒪ ᑎᑯᓐ ᒐᒋ ᓴᒋᓯᔭᐧᒄ,” ᓯᔅᒋᑯᒡ ᒋᑭ ᒥᔅᑎ ᓂᓇᐧᑲᑕᔨᒧᐅᒡ᙮ ᒧᔭᒻ ᐊ ᐃᔅᐱᔅ ᓯᔅᒋᑯᒡ ᐊ ᒧᓯᐅᑦ ᐃᔎᐤ ᐃᔅᐱ ᒐ ᐛᐱᒪᐅᓱᑦ ᐊᐅᑯᓐ ᒐ ᐃᔅᐱᔅ ᓯᔅᒋᑯᒡ ᒥᔅᑎ ᓂᓇᐧᑲᑕᔨᒧᒡ ᐊᐛᓐᒋ᙮ ᓇᒪ ᒪᒃ ᒋᑭ ᐃᑐᐅᒡ ᒐ ᐊᑲ ᓂᓇᐧᑲᑕᔨᒧᒡ᙮

1 ᑎᒧᑎ 2:13

ᐛᔅ ᐊᑕᒻ ᓂᔅᑎᒻ ᒋ ᐅᓯᐊᑭᓄᐤ ᐊᑯ ᐃᔭᒄ ᐃᑉ ᑲ ᐅᓯᐊᑭᓄᐅᑦ᙮

1 ᑎᒧᑎ 2:15

ᐃᔭᐱᒡ ᒪᒃ ᒋᑭ ᐱᒪᒋᐊᑭᓄᐤ ᐃᔎᐤ ᐊᓂᔭ ᐅᒋ ᐊ ᐛᐱᒪᐅᓱᑦ ᐃᔭᐱᒡ ᒪᒃ ᒧᔅ ᓇᔅᒡ ᐃᓯ ᓂᓇᑭᑐᐛᔨᒥᓱᑦ ᑕᑈᑎᒧᐅᓂᒡ ᑭᔭ ᓴᒋᐃᐛᐅᓂᒡ ᑭᔭ ᐸᔭᒋ ᐱᒪᑎᓯᐅᓂᒡ ᒐᒋ ᐃᓯ ᐱᒧᑕᑦ᙮

ᑕᐃᑕᔅ 2:5

ᑭᔭ ᒋᐸ ᒋᔅᒋᓄᐊᒧᐛᐅᒡ ᒐᒋ ᐃᑈᐧᑲᔨᒋ, ᒐᒋ ᐸᔭᒋ ᐱᒪᑎᓯᔨᒋ ᑭᔭ ᒐᒋ ᒥᔪ ᐊᐱᑎᓯᔨᒋ ᐊᓐᑕ ᐎᒋᔨᒡ, ᑭᔭ ᑯᐃᔅᒄ ᒐᒋ ᐃᑎᔨᒋ ᐊ ᓂᓇᐃᑐᐛᔨᒋ ᐅᓇᐸᒥᔪᐛ᙮ ᐅᔭ ᒪᒃ ᐃᑕᑎᓯᔨᒐ ᓇᒪ ᐊᐛᔪᐛ ᒋᑭ ᐅᒋ ᒥᒋ ᐊᔨᒧᑎᒥᔪᐛ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮