9 ᐊᑯ ᓇᑐᐛᐱᒪᑦ ᐃᔅᒪᐃᓚ ᐊᑉᕋᐊᒪ ᐅᑯᓯᔪᐛ ᑭᔭ ᓇᐳᐅᐛᑦ ᐅᑕᓂᓯᔪᐛ ᒪᐊᓚᑕ, ᐊᓂᔭ ᓇᐸᐃᐅᑕ ᐅᓯᒥᔪᐛ᙮
ᐃᔅᐱ ᑲ ᓇᐎᔪᐛᐳᓇᓯᑦ ᐃᓴᐅ, ᓂᓱ ᐊᑦ ᐃᔪᐛ ᐃᔎᐛ ᒋ ᐎᒋᒪᐤ, ᒍᑎᑦ ᐸᕆ ᐅᑕᓂᓯᔪᐛ ᑭᔭ ᐸᓴᒪᑦ ᐃᓚᓐ ᐅᑕᓂᓯᔪᐛ᙮
ᐃᓴᐅ ᐅᑯᓴ, ᕋᐅᓪ, ᒋ ᓇᐎᔪᐛ ᐅᑯᓴ: ᓇᐊᑦ, ᓯᕋ, ᓴᒪ ᑭᔭ ᒥᓴ᙮ ᒥᓯᐛ ᐅᔭ ᒋ ᐅᔅᒋᒧᐤ ᐸᓯᒪᑦ, ᐃᓴᐅ ᐎᐛ᙮
ᐅᒡ ᑲ ᐃᑎᔅᑲᓇᓯᒡ ᐃᓴᐅ ᐎᐛ, ᐅᐅᓕᐸᒪ, ᐊᓇ ᐅᑕᓂᓴ, ᒋ ᐅᒋ ᐊᓂᔅᑯᑕᐸᓄᐎᒡ: ᒐᐅᔅ, ᒐᓚᒻ ᑭᔭ ᑯᕋ᙮
ᓇᒪ ᐅᒋ ᐎᒋᒪᐤ ᐃᔎᐛ ᐊᓐᑕ ᐎᒡ ᐃᔪᐛ ᐅᒡ, ᒥᔅᑯᒡ ᐃᔭᒡ ᐊ ᐃᑎᔅᑲᓇᓯᔨᒋ ᐃᔪᐛ ᒋ ᐅᑎᓇᐤ ᐃᔎᐛ ᐊᓐᑕ ᑲᐃᓇᓐ ᐊᔅᒋᒡ ᑲ ᐎᒋᔨᒋ᙮ ᒋ ᓂᔅᑎᔨᐛ ᐎᐛ; ᐊᑕ, ᐅᐅᓕᐸᒪ ᑭᔭ ᐸᓯᒪᑦ᙮ ᐊᑦ ᐃᔪᐛ ᒋ ᐅᑕᐎᔪᐤ ᐊᑕ, ᐃᓚᓐ ᐃᓯᓂᐧᑲᓱᔪᐛ᙮ ᐅᐅᓕᐸᒪ ᐊᓇ ᒋ ᐅᑕᐎᔪᐤ ᑭᔭ ᓯᐱᔭᓇ ᒋ ᐅᒧᓱᒧᐤ, (ᐃᐎ) ᐃᔪᐛ᙮
ᐸᓯᒪᑦ ᐃᔅᒪᐃᓪ ᒋ ᐅᑕᐎᔪᐤ ᑭᔭ ᓇᐸᐃᐅᑦ ᒋ ᐃᓯᓂᐧᑲᓱᔪᐛ ᐅᔅᑕᓴ᙮