ᒐᓂᓯᔅ 26:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐃᔅᐱ ᓇᐅᔅ ᑲᒋ ᐎᒋᑦ ᐊᓐᑕ ᐊᐃᓯᒃ, ᒋᓴᐅᒋᒪᐤ ᐊᐱᒪᓕᒃ ᒋ ᐅᒋ ᐃᑕᐳᐤ ᐊᓐᑕ ᐛᒋᓴᒋᐛᐱᓇᓄᐎᒡ ᑭᔭ ᒂ ᐛᐱᒪᑦ ᐊᐃᓯᑲ ᐊᐛᐅᒋᓇᔨᒋ ᐎᐎᐛ ᕋᐸᑲᔨᒋ᙮

ᒐᓂᓯᔅ 26:8 Iomraidhean Croise

ᒐᓂᓯᔅ 26:7

ᐃᔅᐱ ᑭᕋᕐ ᓇᐸᐛ ᑲ ᑯᒂᒋᒥᑯᑦ ᐊᐃᓯᒃ ᒐᒄ ᐊᐛᔪᐛ ᐊᓂᔭ ᕋᐸᑲᔨᒋ, ᒋ ᑯᔅᑕᒍᐤ ᒐᒋ ᐎᑎᒧᐛᑦ ᑕᑈᐅᓂᔪᐤ᙮ ᐛᔅ ᒋ ᐃᑕᔨᑎᒻ, “ᒋᒋᐛ ᒥᔪᔎᐤ ᕋᐸᑲ᙮ ᓂᐅ ᐊᓐ ᐃᑎᒂᐛ, ᓂᑭ ᐎ ᓂᐸᐃᑯᒡ ᑭᔭ ᐎᔨᐛᐤ ᒐ ᐅᑎᓂᒪᑎᓱᒡ ᕋᐸᑲᔨᒋ᙮” ᐊᑯ ᒂ ᐎᔭᓯᒪᑦ ᐊᐃᓯᒃ ᑭᔭ ᒂ ᐃᔅᒋᔄᑦ ᐊ ᐅᓯᒥᑦ ᐊᓂᔭ ᕋᐸᑲᔨᒋ᙮

ᒐᓂᓯᔅ 26:9

ᑎᐛᒡ ᒋ ᐃᑎᓴᐛᐤ ᐅᑦ ᐊᐱᒋᐊᑭᓇ ᐊᐱᒪᓕᒃ ᒐᒋ ᓂᑐᐛᐱᒪᔨᒋ ᐊᐃᓯᑲ᙮ ᐃᔅᐱ ᑕᑯᓯᓂᔨᒋ ᒋᓴᐅᒋᒪᐤ ᒋ ᐃᑕᐤ, “ᐛᐸᑕ ! ᓇᒪ ᑎᑯᓐ ᐊᓏᑎᒧᐅᓐ ᐊ ᐎᒋᒪᑭᓂᔨᓐ ᐊᓐ ᐃᔎᐤ᙮ ᒐᒂᓐ ᒪᒃ ᑲ ᐅᒋ ᐃᔅᒋᔄᔨᓐ ᐊ ᐅᓯᒥᔨᓐ ?” ᐊᐃᓯᑲ ᒋ ᐃᑎᑯᐤ, “ᐅᓴᒻ ᓂᑭ ᓂᐸᐃᑯᓐ ᓂᐅ ᐃᔅᒋᔄᔭᓇ ᓂᒋ ᐃᑕᔨᑕᓐ᙮”