ᒐᓂᓯᔅ 26:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒐ ᑕᔨᓐ ᐅᑕ ᐊᔅᒋᒡ ᑭᔭ ᓂᑭ ᑕᓐ ᐊ ᑕᔨᓐ ᑭᔭ ᒋᑭ ᒥᔪᑐᑕᑎᓐ᙮ ᐛᔅ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔪᐤ᙮ ᓂᑭ ᑭᓄᐛᔨᑎᒺᓐ ᓂᔅᑯᒥᑐᐅᓂᔪᐤ ᑲ ᐃᑐᑎᒧᐅᒃ ᒍᑕᐎᔾ ᐊᑉᕋᐊᒻ᙮

ᒐᓂᓯᔅ 26:3 Iomraidhean Croise

ᒐᓂᓯᔅ 12:7

ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒂ ᐃᑕᑦ, “ᓂᑭ ᒥᔭᐅᒡ ᒋᑦ ᐊᑐᔅᒐᔭᑭᓐᒡ ᐅᔭ ᑲᐃᓇᓐ ᐊᔅᒋᔪᐤ᙮” ᐊᑯ ᐊᑉᕋᒻ ᒂ ᐃᑐᑎᒧᐛᑦ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ ᑲᒋ ᓄᑯᓯᔅᑕᑯᑦ᙮

ᒐᓂᓯᔅ 13:15

ᒥᓯᐛ ᐊᓐ ᐎᔭᐸᑎᒥᓐ ᐊᔅᒋᔾ ᒋᑭ ᒥᔨᑎᓐ ᑭᔭ ᒋᓂᑕᐅᒋᐊᑭᓐᒡ, ᒋᔨᐛᐤ ᓇᓂᑎᒻ ᒋᑭ ᑎᐸᔨᑕᓇᐛᐤ᙮

ᒐᓂᓯᔅ 13:17

ᔅᑐᑕ, ᐱᐸᒧᑕ ᒥᓯᐛ ᒐ ᐃᑐᑕᔨᓐ ᐅ ᐊᔅᒋᔾ, ᐛᔅ ᒋᑭ ᒥᔨᑎᓐ ᐅ᙮”

ᒐᓂᓯᔅ 15:18

ᐊᓂᔭ ᑲ ᒋᓯᑲᔨᒡ, ᑎᐸᔨᒋᒐᓱᐤ ᑭᔭ ᐊᑉᕋᒻ ᒋ ᐃᑐᑎᒧᒡ ᓂᔅᑯᒥᑐᐅᓂᔪᐤ ᑭᔭ ᑎᐸᔨᒋᒐᓱᐤ ᒂ ᐃᑕᑦ, “ᓂᒋ ᐊᓱᑎᒪᒐᓐ ᒐᒋ ᒥᔨᒂᐤ ᒋᓂᑕᐅᒋᐊᑭᓐᒡ ᒥᓯᐛ ᐅᔭᔪᐤ ᐊᔅᒋᔪᐤ, ᐃᒋᑉᑎᒡ ᓯᐱᒡ ᐛᒋᒋᐱᔨᒡ ᐃᔅᐱᔅ ᔪᑉᕆᑎᔅ ᓯᐱᒡ᙮

ᒐᓂᓯᔅ 17:19

ᐊᑯ ᒋᓴᒪᓂᑐᐤ ᐊᑕᑦ, “ᓂᐦᐃ, ᒥᒄ ᒋᐅ ᓴᕋ ᒋᑭ ᒥᔨᒄ ᐅᑯᓯᒪᐛ ᑭᔭ ᐊᐃᓯᒃ ᒋᑭ ᐃᓯᓂᐧᑲᑕᐤ᙮ ᓂᑭ ᐊᔨᒋᑎᒧᐛᐤ ᓂᓇᔅᑯᒧᐅᓂᔪᐤ, ᐊᐅᒄ ᐅᒪ ᓂᓇᔅᑯᒧᐅᓐ ᒐ ᐊᑲ ᓂᑕ ᐃᔎᐱᔨᒡ, ᐎᔾ ᐅᒡ ᑭᔭ ᐅᑦ ᐊᓂᔅᑯᑕᐸᓇ᙮

ᒐᓂᓯᔅ 17:8

ᒋᑭ ᒥᔨᑎᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᓂᔅᒐ ᐱᒪᑎᓯᒡ ᒥᓯᐛ ᐊᓐ ᑲᐃᓇᓐ ᐊᔅᒋᔾ ᐊᓐᑕ ᐊᓄᒡ ᒥᔭᓂᑕᐎᔭᒄ, ᒋᔨᐛᐤ ᒧᔅ ᑲᒋᒡ ᒋᑭ ᑎᐸᔨᑕᓇᐛᐤ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ᙮”

ᒐᓂᓯᔅ 20:1

ᐱᓯᒧᑕᒡ ᒋ ᐃᓯ ᐊᑐᒐᐤ ᐊᑉᕋᐊᒻ ᑭᔭ ᑎᔅᑐᐎᒡ ᑲᑎᔅ ᑭᔭ ᓱᕐ ᒂ ᐎᒋᑦ, ᑭᕋᕐ ᐛᐃᐱᔅᒋᔅ ᒋ ᑕᐤ,

ᒐᓂᓯᔅ 25:11

ᑲᒋ ᐳᓂᐱᒪᑎᓯᑦ ᐊᑉᕋᐊᒻ, ᒋᓴᒪᓂᑐᐤ ᒋ ᓱᐛᔨᑕᑯᐃᒪᐤ ᐅᑯᓯᔪᐛ ᐊᐃᓯᑲ, ᒥᒋᒪ ᐱᕐ-ᓚᐊᐃ-ᕈᐃ ᑲ ᐎᒋᔨᒋ᙮

ᒐᓂᓯᔅ 26:12

ᒪᒂᒡ ᑲ ᐎᒋᑦ ᐊᐃᓯᒃ ᐊᓐᑕ ᑭᕋᕐ ᑭᔭ ᑲ ᐛᓴᔄᐱᓂᒐᑦ ᒐᒋ ᓂᑕᐅᒋᑕᑦ ᒥᒋᒥᔪᐤ᙮ ᒋ ᐃᑐᑕᑯᐤ ᑎᐸᔨᒋᒐᓱᐛ ᒐᒋ ᒥᓯᐛ ᒐᒂᔪᐤ ᐃᓯ ᒥᔪᐱᔨᑦ᙮ ᐊᐃᓯᒃ ᒋ ᒪᒧᓴᒋᓂᒻ ᐸᐃᑯ ᒥᑕᓯᒥᑎᓄᐤ ᑕᑥᐤ ᐃᔅᐱᔅ ᐊᓂᔭ ᑲ ᐛᓴᔄᐱᓂᒐᑦ᙮

ᒐᓂᓯᔅ 26:14

ᒥᒐᑦ ᒋ ᑭᓄᐛᔨᒪᐤ ᒪᔭᑕᓂᓴ, ᒥᒋᑎᒂ ᑭᔭ ᐊᐱᒋᐊᑭᓇ, ᒂ ᐅᑕᔨᒥᑯᑦ ᐱᓕᔅᑕᐃᓐ ᐃᔪᐛ᙮

ᒐᓂᓯᔅ 26:24

ᐊᓂᔭ ᑕᐱᔅᑲᔨᒡ ᒋ ᓄᑯᓯᔅᑕᑯᐤ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ᙮ ᐊᑲ ᑯᔅᑕᒋ, ᓂᔾ ᓂᑦ ᐃᑕᓐ ᐊ ᑕᔨᓐ᙮ ᒋᑭ ᒥᔪᑐᑕᑎᓐ ᑭᔭ ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᐛᔅ ᑲ ᐃᓯ ᐊᓱᑎᒧᐅᒃ ᐊᑉᕋᐊᒻ ᓂᑦ ᐊᐱᒋᐊᑭᓐ᙮”

ᒐᓂᓯᔅ 28:13

ᑎᐸᔨᒋᒐᓱᐤ ᐃᔅᐱᒥᒡ ᒋ ᓂᐳᐤ ᑭᔭ ᒋ ᐃᑕᐤ, “ᓂᔾ ᐊᐅᒄ ᑎᐸᔨᒋᒐᓱᐤ, ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᐊᐃᓯᒃ ᐅᒋᓴᒪᓂᑐᒪ, ᒋᑭ ᒥᔨᑎᓐ ᐅ ᐊᔅᒋᔾ ᐊᓐᑕ ᐸᒥᓯᓂᔨᓐ, ᒋᔾ ᒋᑭ ᑎᐱᔨᐛᐅᓯᓐ ᑭᔭ ᒋᑦ ᐊᓂᔅᑯᑕᐸᓐᒡ᙮

ᒐᓂᓯᔅ 28:15

ᐛᐸᑕ ᓂᑦ ᐊᓱᑎᒪᒐᓐ ᒐ ᐎᒐᐅᑕᓐ ᑭᔭ ᒐ ᑭᓄᐛᔨᒥᑕᓐ ᒥᒄ ᐊᓐᑕ ᐊ ᐃᑐᑕᔨᓐ ᑭᔭ ᑲᐤ ᒋᑭ ᐸᓱᐅᑎᓐ ᐅᑕ ᐊᔅᒋᒡ᙮ ᓇᒪ ᒋᑭ ᒋ ᓂᑭᑎᑎᓐ ᐸᑎᒪ ᒋ ᐃᑐᑎᒪᓇ ᒥᓯᐛ ᐊᓐ ᑲ ᐊᓱᑎᒪᑕᓐ᙮”

ᒐᓂᓯᔅ 31:3

ᐊᑯ ᐅᑎᐸᔨᒋᒐᐛ ᒂ ᐃᑎᑯᑦ, “ᑲᐤ ᐊᓐᑕ ᒐ ᐃᑐᑕᔨᓐ ᑲ ᐎᒋᒡ ᒋᑦ ᐊᓂᔅᑯᑕᐸᓐᒡ, ᐊᓐᑕ ᐊᓄᒡ ᐛᒋᒡ ᒋᐧᑲᓂᓯᒡ᙮ ᓂᑦ ᐊᓱᑎᒪᒐᓐ ᒐ ᑭᓄᐛᔨᒥᑕᓐ᙮”

ᒐᓂᓯᔅ 35:12

ᐊᓂᔭ ᐊᔅᒋᔪᐤ ᑲ ᒥᔨᒂᐤ ᐊᑉᕋᐊᒻ ᑭᔭ ᐊᐃᓯᒃ, ᐊᓄᒡ ᒋ ᒥᔨᑎᓐ ᐊᓐ ᐊᔅᒋᔾ ᑭᔭ ᓂᑭ ᒥᔭᐅᒡ ᒋᑦ ᐊᐛᓯᒥᒡ ᒐ ᐊᔭᓂᔅᒐ ᐱᒪᑎᓯᒡ ᐊᓂᔭᔪᐤ ᐊᔅᒋᔪᐤ᙮”

ᒐᓂᓯᔅ 39:2

ᐅᑎᐸᔨᒋᒐᐤ ᒋ ᐎᒐᐛᐤ ᒍᓯᐸ ᑭᔭ ᒋ ᐃᑐᑐᐛᐤ ᒥᓯᐛ ᒐ ᐃᓯ ᒥᔪᐱᔨᒋ ᒪᒂᒡ ᑲ ᐊᑐᔅᒐᔨᒋ ᐊᓐᑕ ᐅᒋᒪᒥᔪᐛ ᐎᒋᔨᒡ᙮

ᒐᓂᓯᔅ 39:21

ᒋ ᐎᒋᐃᑯᐤ ᑭᔭ ᒋ ᒥᔪ ᑐᑕᑯᐤ ᑎᐸᔨᒋᒐᓱᐛ᙮ ᐃᔭᐱᒡ ᐊᓐ ᓇᐸᐤ ᑲ ᑭᓄᐛᔨᒪᑦ ᑲ ᒪᑯᓇᑭᓄᓯᔨᒋ ᒋ ᒥᔽᔨᒪᐤ ᒍᓯᐸ᙮

ᒐᓂᓯᔅ 48:21

ᐊᑯ ᒐᑭᑉ ᐊᑕᑦ ᒍᓯᐸ, “ᒋ ᐛᐸᑕᓐ ᒐ ᐊᑲ ᓇᐅᔅ ᓴᔅ ᐱᒪᑎᓯᔭᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ᑭᓄᐛᔨᒥᑯᐛᐤ ᑭᔭ ᑲᐤ ᒋᑭ ᐃᓯ ᒋᔅᒋᓄᑕᐃᑯᐛᐤ ᐊᓐᑕ ᐊᔅᒋᔪᐤ ᑲ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛᐛ᙮

ᒐᓂᓯᔅ 50:24

ᒋ ᐎᓴᒪᐤ ᐎᐧᑲᓂᓴ ᒍᓯᑉ᙮ ᐃᔅᐱ ᒪᒃ ᑕᑯᓯᓂᔨᒋ ᐊᑯ ᐊᑕᑦ, “ᓴᔅ ᐎᐱᒡ ᓂᑭ ᐳᓂᐱᒪᑎᓯᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ᑭᓄᐛᔨᒥᑯᐛᐤ ᑭᔭ ᒋᑭ ᒋᔅᒋᓄᑕᐃᑯᐛᐤ ᐃᒋᑉᑦ ᐊᔅᒋᒡ ᐅᒡ ᐊᓐᑕ ᐊᔅᒋᒡ ᒐ ᐃᓯ ᒋᔅᒋᓄᑕᔨᑕᒄ ᑲ ᐊᓱᑎᒧᐛᑦ ᒐᒋ ᒥᔭᑦ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ᙮

ᑎᐱᑦ ᐅᓂᑭᒧᐅᓇ 105:8

ᒧᓯᓇᐤ ᒋ ᒋᔅᒋᓯᐤ ᑲ ᐃᓯ ᓂᔅᑯᒧᑦ, ᐊᓂᔭᔪᐤ ᐃᔨᒧᐅᓂᔪᐤ ᑲ ᐃᑎᓱᒪᑦ ᐃᔅᐱᔅ ᒐᓯᐱᔪᐤ ᑲ ᐊᑎ ᐊᓂᔅᒐ ᐱᒪᑎᓯᔨᒋ᙮

ᑎᐱᑦ ᐅᓂᑭᒧᐅᓇ 105:9

ᐊᓂᔭᔪᐤ ᓂᔅᑯᒥᑐᐅᓂᔪᐤ ᑲ ᐎᒋᓂᔅᑯᒪᑦ ᐊᑉᕋᐊᒪ, ᑭᔭ ᐊᓂᔭᔪᐤ ᑲᒋ ᒋᒋᐃᑕᑦ ᐊᐃᓯᑲ;

ᑎᐱᑦ ᐅᓂᑭᒧᐅᓇ 32:8

ᒋᑭ ᐎᑎᒪᑎᓐ, ᑭᔭ ᒋᑭ ᒋᔅᑯᑎᒪᑎᓐ ᐊᓐᑕ ᒐ ᐃᑐᑕᔨᓐ: ᒋᑭ ᒋᔅᒋᓄᑕᔨᑎᓐ ᓂᔅᒋᓯᒄ ᐅᒡ᙮

ᑎᐱᑦ ᐅᓂᑭᒧᐅᓇ 39:12

“ᓂᑐᑕ ᓂᑦ ᐊᔭᒥᐊᐅᓐ, ᐅ ᑎᐸᔨᒋᒐᓱᐤ, ᐸᑕᐎᓐ ᒪᒃ ᐊ ᒧᔅᑯᐛᑎᑕᓐ; ᐊᑲᐎᔾ ᒋᐱᑐᐛ ᐊ ᐅᒋᐧᑯᐛᑎᔭᓐ: ᐛᔅ ᓂ ᒪᓐᑕᐅᓐ ᑭᔭ ᓂᐱᒥᐱᒋᓐ, ᒧᔭᒻ ᒥᓯᐛ ᓄᑕᐅᐱᓐᒡ᙮

ᐊᒃᓱᑕᔅ 2:24

ᒂ ᐊᑎ ᒋᔅᒋᑐᐛᑦ ᐊᓂᔭ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᑲ ᐃᑕᑦ ᒐ ᒋᐛᑕᐊᑦ ᐊᓂᔭ ᐅᑦ ᐊᓂᔅᑯᑕᐸᓂᔪᐛ ᓇᑕ ᑲᐃᓇᓐ ᐊᔅᒋᒡ᙮

ᐊᒃᓱᑕᔅ 3:12

ᒋᓴᒪᓂᑐᐤ ᒋ ᐃᑕᐤ, “ᒋᑭ ᐎᒐᐅᑎᓐ᙮ ᐊᐅᑯᐤ ᐅᒪ ᒪᒃ ᒐ ᐅᒋᔅᒋᓄᐛᒋᒋᑭᓂᔨᓐ ᐊᒋ ᐃᑎᓴᐅᑕᓐ᙮ ᐃᔅᐱ ᒋ ᐸᒋ ᐎᐎᑕᔨᑥᐛ ᐊᓐᒡ ᐃᔪᒡ ᐊᓐᑕ ᐃᒋᑉᑎᒡ ᐅᒡ, ᒋᑭ ᐊᔭᒥᐊᔅᑐᐅᓇᐛᐤ ᐅᑕ ᐱᔅᑯᑎᓇᒡ᙮”

ᐊᒃᓱᑕᔅ 6:4

ᓂᒋ ᐃᑐᑎᒧᐛᐅᒡ ᑕᑈᐅᓂᔪᐤ ᑭᔭ ᓂᒋ ᐊᓱᑎᒪᒐᓐ ᒐ ᒥᔨᒂᐤ ᑲᐃᓇᓐ ᐊᔅᒋᔪᐤ, ᐊᓐᑕ ᐊᓄᒡ ᒥᔭᓂᑕᐅᒡ᙮

ᐊᒃᓱᑕᔅ 6:7

ᒋᑭ ᐅᑎᓂᑎᓇᐛᐤ ᒧᔭᒻ ᓂᑦ ᐃᔨᒥᒡ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ, ᐊᑯ ᒐ ᒋᔅᒐᔨᑎᒪᒄ ᓂᔾ ᐅ ᑎᐸᔨᒋᒐᓱᐤ, ᐊᓐ ᐊᐛᓐ ᑲ ᐱᐧᑯᐎᑕᒄ ᐃᒋᑉᑦ ᐃᔪᐛ ᐅᒡ᙮

ᐊᒃᓱᑕᔅ 6:8

ᒋᑭ ᐃᑐᑕᔨᑎᓇᐛᐤ ᐊᓐᑕ ᐊᔅᒋᒡ ᑲ ᒋᒋ ᐊᓱᑎᒧᐅᒂᐤ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ᙮ ᒋᔨᐛᐤ ᒋᑭ ᑎᐱᔨᐛᐅᓯᓇᐛᐤ ᐅ ᐊᔅᒋᔾ, ᓂᔾ ᐅ ᑎᐸᔨᒋᒐᓱᐤ᙮’ ”

ᐱᓕᐱᔭᓇ 4:9

ᒋᐸ ᑐᑕᓇᐛᐤ ᐊᓐ ᑲ ᐃᓯ ᒋᔅᑯᑎᒪᑎᑯᒡ ᑭᔭ ᐊᓐ ᑲ ᐃᓯ ᐛᐱᒥᔭᒄ ᐊ ᐃᑕᑎᓯᔭᓐ᙮ ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᓇᐛᐤ᙮

ᐃᑉᕈᐛ 11:9

ᒐᒃ ᒪᒃ ᒋ ᐅᑎᑎᒻ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ᐊᓱᑎᒪᑯᑦ᙮ ᐊᑯᑕ ᑲ ᑕᑦ ᐊ ᒪᓐᑕᐅᑦ ᑭᔭ ᐊ ᑕᑈᔭᔨᒪᑦ ᒋᓴᒪᓂᑐᐛ᙮ ᒋ ᐱᐸᒪ ᐊᑐᒐᐤ ᒥᒄ ᒥᒋᐛᐱᒡ ᐊ ᑕᑦ᙮ ᐊᓂᔭ ᐅᑯᓴ ᐊᐃᓯᑲ ᑭᔭ ᐊᓂᔭ ᐅᓯᒪ ᒐᑭᐸ ᒋ ᐱᐸᑕᔪᐛ ᐊᓐᑕ ᑲ ᑕᑦ᙮ ᒋ ᐃᔅᒋᔄᑯᐱᓇᓂ ᒋᓴᒪᓂᑐᐛ ᑭᔭ ᐎᔨᐛᐤ ᒐ ᐊᓱᑎᒧᐛᑭᓄᐅᒡ ᐊᓂᔭ ᐊᔅᒋᔪᐤ ᒐ ᒥᔭᑭᓄᔨᒋ ᐊᑉᕋᐊᒪ᙮

ᐃᑉᕈᐛ 6:17

ᒋᓴᒪᓂᑐᐤ ᒋ ᐃᑕᐤ ᒐᔅᑎᓇᔅ ᒐ ᓱᐛᔨᒪᑦ ᐅᑦ ᐃᔨᒪ᙮ ᐊᐅᒄ ᐅᔭ ᑲ ᐃᑕᑦ ᒐᒋ ᒋᔅᒐᔨᑎᒥᔨᒋ ᒐ ᐊᑲ ᓂᑕ ᐅᒋ ᐊᒋᑕᑦ ᑕᓐ ᑲ ᐎ ᐃᑐᑎᒧᐛᑦ᙮ ᐊᑯ ᒪᒃ ᐊᔪᐤ ᑲ ᓇᔅᐱᒡ ᑕᑈᑦ ᐊ ᐃᑕᑦ ᒐᔅᑎᓇᔅ ᒧᔅ ᒐ ᓱᐛᔨᒪᑦ᙮