ᒐᓂᓯᔅ 26:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᒋ ᐅᓯᑕᐤ ᐊᓐᑕ ᐊᐃᓯᒃ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ᓂᑐᑎᒧᐛᐤ ᑎᐸᔨᒋᒐᓱᐛ᙮ ᐊᑯᑕ ᑲ ᒪᓂᑲᓱᒡ ᑭᔭ ᐅᑦ ᐊᐱᒋᐊᑭᓇ ᑲ ᒧᓇᐊᒥᔨᒋ ᒧᓇᐃᐸᓂᔪᐤ᙮

ᒐᓂᓯᔅ 26:25 Iomraidhean Croise

ᒐᓂᓯᔅ 13:18

ᐊᑯ ᐊᑉᕋᒻ ᒋ ᐊᑐᒐᐤ ᑭᔭ ᒋ ᐎᒍᐤ ᒥᒋᒪ ᒪᒻᕋ ᒥᔅᑎᒂ ᐊ ᑕᔨᒋ ᐊᓐᑕ ᐃᑉᕈᓐ, ᐊᑯᑕ ᑲ ᐃᑐᑕᐧᒃ ᐱᔅᑎᓂᒐᐅᓇᐱᔅᑯᔪᐤ ᒐᒋ ᓂᑐᑎᒧᐛᑦ ᑎᐸᔨᒋᒐᓱᐛ᙮

ᒐᓂᓯᔅ 13:4

ᐊᓐᑕ ᐅᔅᑭᒡ ᑲ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ᙮ ᐊᑯᑕ ᑲ ᓂᑐᑎᒧᐛᑦ ᑎᐸᔨᒋᒐᓱᐛ᙮

ᒐᓂᓯᔅ 22:9

ᐃᔅᐱ ᐛᑎᑕᒡ ᐃᑕᐅᓂᔪᐤ ᑲ ᐊᔨᒧᑎᒪᑯᑦ ᒋᓴᒪᓂᑐᐛ, ᒋ ᐅᓯᑕᐤ ᒪᒃ ᐊᑉᕋᐊᒻ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ᑕᐧᑯᑎᔅᑕᐤ ᐊᓐᑕ ᒥᑕ᙮ ᒋ ᒪᑯᐱᑕᐤ ᐅᑯᓴ ᐊᐃᓯᑲ ᑭᔭ ᐱᔅᑎᓂᒐᐅᓇᐱᔅᑯᒡ ᒂ ᑕᑯᒋᐱᔅᑎᓇᑦ ᒥᑎᒡ᙮

ᒐᓂᓯᔅ 26:32

ᐸᐃᑯᑕᐤ ᒋᓯᑯᔪᐤ ᐊᐃᓯᒃ ᐅᑦ ᐊᐱᒋᐊᑭᓇ ᒋ ᑎᑯᓯᓂᔨᐛ ᑭᔭ ᒋ ᐎᑎᒪᑯᐤ ᒧᓇᐃᐸᓂᔪᐤ ᑲ ᒧᓇᐊᒥᔨᒋ ᑭᔭ ᒋ ᐃᑎᑯᐤ, “ᓂᒥᔅᑲᓇᓐ ᓂᐱᔾ᙮”

ᒐᓂᓯᔅ 33:20

ᐊᑯᑕ ᐊᓐᑕ ᒐᑭᑉ ᑲ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ ᑭᔭ ᐃᓪ ᐃᓗᐃ ᐃᔅᕋᐃᓪ ᒂ ᐃᓯᓂᐧᑲᑕᐧᒄ, “ᒋᓴᒪᓂᑐᐤ ᐊᐅᑯᓐ ᐃᔅᕋᐃᓪ ᒋᓴᒪᓂᑐᐤ᙮”

ᒐᓂᓯᔅ 35:1

ᓇᓇᒐ ᐊᑯ ᒋᓴᒪᓂᑐᐤ ᐊᑕᑦ ᒐᑭᐸ, “ᐸᑕᓪ ᐅᑕᓇᐤ ᐃᑐᑕ ᑭᔭ ᐊᑯᑕ ᒐ ᐎᒋᔨᓐ᙮ ᓂᔾ ᐅ ᒋᓴᒪᓂᑐᐤ ᑲ ᓄᑯᓯᔅᑕᑕᓐ ᐃᔅᐱ ᑲ ᒋᑎᓯᒥᑦ ᒋᔅᑕᔅ ᐃᓴᐅ᙮ ᐊᑯ ᒐ ᐅᓯᑕᔨᓐ ᐱᔅᑎᓂᒐᐅᓇᐱᔅᒄ ᐊᓐᑕ ᐸᑕᓪ ᑭᔭ ᐊᑯᑕ ᒐ ᐊᔭᒥᐊᔅᑐᐅᔭᒄ᙮” ᐊᑯ ᒐᑭᑉ ᒋ ᑕᑈᑐᐛᐤ ᒋᓴᒪᓂᑐᐛ ᑲ ᐃᑎᓱᒥᑯᑦ᙮

ᒐᓂᓯᔅ 4:26

ᑲᒋ ᒋᓯᓂᑕᐅᒋᑦ ᓴᑦ, ᒋ ᐅᑯᓱᐤ ᐃᓄᔅ ᒋ ᐃᓯᓂᐧᑲᑕᐤ᙮ ᐊᑯᑕ ᐃᔪᒡ ᓂᔅᑎᒻ ᑲ ᐅᒋ ᒋᒋᐱᔨᒡ ᐊ ᐃᓯᓂᐧᑲᑕᒡ ᒋᓴᒪᓂᑐᐛ, “ᒋᓴᒪᓂᑐᐤ”, ᑭᔭ ᐊᔭᒥᐊᔅᑐᐛᒡ᙮

ᒐᓂᓯᔅ 8:20

ᒋ ᐃᑐᑎᒧᐛᐤ ᓄᐛ ᐅᑎᐸᔨᒋᒐᐛ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒂ ᓂᐸᐊᑦ ᐊᓐᑕ ᐱᔅᒐ ᐊ ᒥᔪᓯᔨᒋ ᐊᐛᓯᓴ ᑭᔭ ᐱᔭᓱᐛ ᑭᔭ ᒋ ᒥᑐᔅᑕᐊᒪᒐᐤ ᐱᔅᑎᓂᒐᐅᓇᐱᔅᑯᒡ ᐊ ᓂᑐᑎᒪᑦ᙮

ᑎᐱᑦ ᐅᓂᑭᒧᐅᓇ 116:17

ᒋᑭ ᐸᒋᑎᓇᒪᑎᓐ ᓂᓇᔅᑯᒧᐅ ᐱᔅᑎᓂᒐᐅᓇ, ᑭᔭ ᓂᑭ ᓂᑐᑎᒺᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ᙮

ᐊᒃᓱᑕᔅ 17:15

ᒧᓱᔅ ᒂ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ ᑭᔭ “ᑎᐸᔨᒋᒐᓱᐤ ᓂᒋ ᒥᔨᒄ ᐱᔅᒋᔭᒐᐅᓂᔪᐤ᙮” ᒂ ᐃᓯᓂᐧᑲᑕᐧᒃ᙮