ᒐᓂᓯᔅ 24:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᑎᐸᔨᒋᒐᓱᐤ ᒋᒋᒋᓯᑯᒡ ᒋᓴᒪᓂᑐᐤ, ᐊᓐ ᓄᑕᐎᔭ ᐎᒋᔨᒡ ᑲ ᐅᒋ ᐅᑎᓂᑦ ᑭᔭ ᓂᐧᑲᓂᓴ ᐅᑦ ᐊᔅᒋᔨᒡ ᐅᒡ, ᓂᒋ ᐃᔨᒥᐃᒄ ᑭᔭ ᓂᒋ ᐊᓱᑎᒪᒄ, ᐊ ᐃᔅᒋᔄᑦ, ‘ᒋᑦ ᐊᓂᔅᑯᑕᐸᓐᒡ ᐅᔭ ᓂᑭ ᒥᔭᐅᒡ ᐊᔅᒋᔪᐤ᙮’ ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᔅᒋᓄᑕᐃᔅᒋᔨᔅᒋ ᑭᔭ ᐊᑯᑕ ᒐ ᐅᑎᓂᒧᐅᑦ ᓂᑯᔅ ᐅᔅᒋᓂᒋᔎᐛ ᒐ ᐎᔪᑦ᙮

ᒐᓂᓯᔅ 24:7 Iomraidhean Croise

ᒐᓂᓯᔅ 13:15

ᒥᓯᐛ ᐊᓐ ᐎᔭᐸᑎᒥᓐ ᐊᔅᒋᔾ ᒋᑭ ᒥᔨᑎᓐ ᑭᔭ ᒋᓂᑕᐅᒋᐊᑭᓐᒡ, ᒋᔨᐛᐤ ᓇᓂᑎᒻ ᒋᑭ ᑎᐸᔨᑕᓇᐛᐤ᙮

ᒐᓂᓯᔅ 15:18

ᐊᓂᔭ ᑲ ᒋᓯᑲᔨᒡ, ᑎᐸᔨᒋᒐᓱᐤ ᑭᔭ ᐊᑉᕋᒻ ᒋ ᐃᑐᑎᒧᒡ ᓂᔅᑯᒥᑐᐅᓂᔪᐤ ᑭᔭ ᑎᐸᔨᒋᒐᓱᐤ ᒂ ᐃᑕᑦ, “ᓂᒋ ᐊᓱᑎᒪᒐᓐ ᒐᒋ ᒥᔨᒂᐤ ᒋᓂᑕᐅᒋᐊᑭᓐᒡ ᒥᓯᐛ ᐅᔭᔪᐤ ᐊᔅᒋᔪᐤ, ᐃᒋᑉᑎᒡ ᓯᐱᒡ ᐛᒋᒋᐱᔨᒡ ᐃᔅᐱᔅ ᔪᑉᕆᑎᔅ ᓯᐱᒡ᙮

ᒐᓂᓯᔅ 16:7

ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᒋ ᒥᔅᑯᐛᐤ ᐦᐊᐃᑲᕋ ᒥᒋᒪ ᒧᓇᐃᐸᓂᒡ ᐅᐱᒪ ᒪᔅᑭᓇᒡ ᓱᕐ ᐊᑎᒧᐎᒡ᙮

ᒐᓂᓯᔅ 17:8

ᒋᑭ ᒥᔨᑎᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᓂᔅᒐ ᐱᒪᑎᓯᒡ ᒥᓯᐛ ᐊᓐ ᑲᐃᓇᓐ ᐊᔅᒋᔾ ᐊᓐᑕ ᐊᓄᒡ ᒥᔭᓂᑕᐎᔭᒄ, ᒋᔨᐛᐤ ᒧᔅ ᑲᒋᒡ ᒋᑭ ᑎᐸᔨᑕᓇᐛᐤ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ᙮”

ᒐᓂᓯᔅ 21:17

ᒋᓴᒪᓂᑐᐤ ᒋ ᐸᑐᐛᐤ ᐊᒪᔨᒋ ᓇᐸᓴ ᑭᔭ ᐅᑦ ᐊᓐᒋᓂᒪ ᒋᒋᒋᓯᑯᒡ ᒋ ᐅᒋ ᑕᑈᑕᔪᐛ ᐦᐊᐃᑲᕋ ᑭᔭ ᒂ ᐃᑕᔨᒋ, “ᐦᐊᐃᑲᕐ, ᒐᒂᓐ ᒪᑯᔅᑲᑕᔨᑎᒥᐃᑯᔨᓐ ? ᐊᑲ ᑯᔅᑕᒋ, ᒋᓴᒪᓂᑐᐤ ᒋ ᐸᑐᐛᐤ ᐊᒪᔨᒋ ᓇᐸᓴ ᐅᑎ ᐱᒥᓯᓂᔾ ᐊᓐᑕ ᑕᒥᓯᑲᒡ᙮

ᒐᓂᓯᔅ 22:11

ᓯᔅᒋᑯᒡ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᒋᒋᒋᓯᑯᒡ ᒋ ᐅᒋ ᑕᑈᑎᑯ ᐊ ᐃᑎᑯᑦ, “ᐊᑉᕋᐊᒻ ! ᐊᑉᕋᐊᒻ !” ᐊᑉᕋᐊᒻ ᐃᑕᐤ, “ᓂᑦ ᐃᑕᓐ ᐅᑕ᙮”

ᒐᓂᓯᔅ 24:3

ᒋ ᓂᑐᐛᔨᒥᑎᓐ ᒐ ᐊᓱᑎᒪᒐᔨᓐ ᐅᑎᐸᔨᒋᒐᐤ ᐅᑦ ᐃᓯᓂᐧᑲᓱᐅᓂᒡ ᐅᒡ, ᒋᒋᒋᓯᑯᒡ ᑭᔭ ᐊᔅᒋᒡ ᒐ ᒋᓴᒪᓂᑐᐅᑦ, ᐊᓱᑎᒪᒐ ᒐ ᐊᑲ ᐅᑎᓂᒧᐅᑦ ᓂᑯᔅ ᐅᔅᒋᓂᒋᔎᐛ ᒐ ᐎᔪᑦ ᐅᑕ ᐅᒡ ᑲᐃᓇᓐ ᐃᔪᐛ ᐊ ᑕᔨᒋ᙮

ᒐᓂᓯᔅ 24:40

ᐊᑉᕋᐊᒻ ᒋ ᐃᔅᒋᔄᐤ ‘ᐊᓐ ᑎᐸᔨᒋᒐᓱᐤ ᒋᓴᒪᓂᑐᐤ ᐊᔭᒥᐊᔅᑐᐅᒃ, ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᔅᒋᓄᑕᐃᔅᒋᔨᔅᒋ, ᒐ ᒥᔨᔅᒃ ᑭᔅᒋᐅᓂᔪᐤ᙮ ᐊᑯ ᒪᒃ ᒐ ᐅᑎᓂᒥᑎ ᒐ ᐎᐅᑦ ᓂᑯᔅ ᓂᐧᑲᓂᓴ ᐅᒡ ᑭᔭ ᓄᑕᐎᔾ ᐅᑐᑕᒪ ᐅᒡ᙮

ᒐᓂᓯᔅ 26:24

ᐊᓂᔭ ᑕᐱᔅᑲᔨᒡ ᒋ ᓄᑯᓯᔅᑕᑯᐤ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ᙮ ᐊᑲ ᑯᔅᑕᒋ, ᓂᔾ ᓂᑦ ᐃᑕᓐ ᐊ ᑕᔨᓐ᙮ ᒋᑭ ᒥᔪᑐᑕᑎᓐ ᑭᔭ ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᐛᔅ ᑲ ᐃᓯ ᐊᓱᑎᒧᐅᒃ ᐊᑉᕋᐊᒻ ᓂᑦ ᐊᐱᒋᐊᑭᓐ᙮”

ᑎᐱᑦ ᐅᓂᑭᒧᐅᓇ 103:20

ᒪᒥᒋᒥᐧᒄ ᑎᐸᔨᒋᒐᓱᐤ, ᒋᔨᐛᐤ ᐅᑦ ᐊᓐᒋᓂᒪ ! ᐊᔪᐛᒃ ᑲ ᒥᔅᑯᐅᓯᔭᒄ, ᑲ ᐃᑐᑎᒺᒄ ᐅᑦ ᐃᑎᓱᐛᐅᓇ, ᐊ ᓂᑐᑎᒺᒄ ᐅᑦ ᐃᔨᒧᐅᓇ᙮

ᑎᐱᑦ ᐅᓂᑭᒧᐅᓇ 136:26

ᐅ ᓂᓇᔅᑯᒥᐧᒄ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ: ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮

ᑎᐱᑦ ᐅᓂᑭᒧᐅᓇ 32:8

ᒋᑭ ᐎᑎᒪᑎᓐ, ᑭᔭ ᒋᑭ ᒋᔅᑯᑎᒪᑎᓐ ᐊᓐᑕ ᒐ ᐃᑐᑕᔨᓐ: ᒋᑭ ᒋᔅᒋᓄᑕᔨᑎᓐ ᓂᔅᒋᓯᒄ ᐅᒡ᙮

ᑎᐱᑦ ᐅᓂᑭᒧᐅᓇ 34:7

ᐅᑦ ᐊᓐᒋᓂᒪ ᑎᐸᔨᒋᒐᓱᐤ ᐛᔅᑲᑲᐳᐅᔅᑐᐛᔪᐛ ᒥᓯᐛ ᑲ ᓇᓂᒋᔅᑕᑯᑦ, ᐱᒪᒋᐃᐛᔪᐛ ᒪᒃ᙮

ᑎᐱᑦ ᐅᓂᑭᒧᐅᓇ 73:24

ᒋᑭ ᒋᔅᒋᓄᑕᔨᓐ ᐊ ᑭᒐᔅᒋᒥᔨᓐ, ᐸᑎᒪ ᒪᒃ ᒋᑭ ᐅᑎᓐ ᒋᔅᑕᔨᑕᑯᓱᐅᓂᒡ ᐃᓯ᙮

ᐊᒃᓱᑕᔅ 13:5

ᐊᑯ ᐸᓱᐅᑕᒂ ᑎᐸᔨᒋᒐᓱᐤ ᐊᓐᑕ ᑲᐃᓇᓐ ᐃᔪᐛ, ᐊᑦ ᐃᔪᐛ, ᐊᒧᕆ ᐃᔪᐛ, ᐃᑉ ᐃᔪᐛ, ᒐᐱᐅᔅ ᐃᔪᐛ ᐅᑦ ᐊᔅᒋᔨᒡ, ᐊᓂᔭ ᐊᔅᒋᔪᐤ ᑲ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓇᐛᐛ ᒐᒋ ᒥᔨᑕᒄ, ᐊᓐᑕ ᐊᔅᒋᔪᐤ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ, ᒐᒋ ᓇᑭᑐᐛᔨᑎᒪᒃ ᐅ ᒥᑯᓴᐅᓐ ᐅ ᐱᓯᒻ᙮

ᐊᒃᓱᑕᔅ 32:13

ᒋᔅᒋᑐᐅᒡ ᒋᑦ ᐊᐱᒋᐊᑭᓐᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᑲ ᐊᓱᑎᒧᐅᑥᐤ ᑲ ᐃᑎᑥᐤ, ‘ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᒥᓯᐛ ᐅᔭ ᐊᔅᒋᔭ ᑲ ᐊᓱᑎᒧᐅᒂᐤ ᑭᔭ ᐎᔨᐛᐤ ᒧᔅ ᑲᒋᒡ ᒋᑭ ᑎᐱᔨᐛᓯᐅᒡ᙮’ ”

ᐊᒃᓱᑕᔅ 33:2

ᓂᑭ ᐃᑎᓴᐛᐤ ᓂᑦ ᐊᓐᒋᓂᒻ ᒐᒋ ᒋᔅᒋᓄᑕᔨᑕᒄ, ᑭᔭ ᓂᑭ ᐎᐎᑎᓴᐛᐅᒡ ᑲᐃᓇᓐ ᐃᔪᒡ, ᐊᒧᕆ ᐃᔪᒡ, ᐊᑦ ᐃᔪᒡ, ᐸᕆᔅ ᐃᔪᒡ, ᐃᑉ ᐃᔪᒡ, ᑭᔭ ᒐᐱᐅᔅ ᐃᔪᒡ ᐊᓐᑕ ᐊᔅᒋᒡ ᐅᒡ᙮

ᐊᑈᔅᑕᓇᒡ 7:5

ᓇᒪ ᒪᒃ ᐅᒋ ᒥᔨᑯᐤ ᐊᓂᔭ ᐊᔅᒋᔪᐤ ᒐᒋ ᑎᐱᔨᐛᐅᓯᑦ, ᓇᒪ ᐛᐛᒡ ᐊᐱᓯᔅ ᐅᒋ ᒥᔨᑯᐤ ᒐᒋ ᑎᐱᔨᐛᐅᓯᑦ᙮ ᒥᒄ ᒪᒃ ᒋᓴᒪᓂᑐᐛ ᒋ ᐊᓱᑎᒪᑯᐤ ᐊᓂᔭ ᐊᔅᒋᔪᐤ ᐊᔅᒄ ᒐᒋ ᑎᐱᔨᐛᐅᓯᑦ ᑭᔭ ᐊᓂᔭᔪᐛ ᐊᓂᔅᒐ ᐅᑦ ᐊᐛᓯᒪ ᒐ ᑎᐱᔨᐛᐅᓯᔨᒋ᙮ ᐅᔭ ᒪᒃ ᑲ ᐃᓯ ᐊᓱᑎᒧᐛᑭᓄᐅᑦ ᐊᓂᔭᐧᑲ ᐊᑉᕋᐊᒻ ᐊᔅᒄ ᓇᒪ ᐅᒋ ᐊᔭᐛᐤ ᐊᐛᓴ᙮

ᐃᑉᕈᐛ 1:14

ᐊᓐᒋᓐᒡ ᒥᒄ ᐊᒐᐧᑯᐎᒡ᙮ ᒋᓴᒪᓂᑐᐛ ᐃᑎᓴᐅᑯᒡ ᒐᒋ ᐛᐎᒋᐊᒡ ᐊᓂᔭ ᒐ ᐱᒪᒋᐊᑭᓄᔨᒋ᙮

ᐃᑉᕈᐛ 11:9

ᒐᒃ ᒪᒃ ᒋ ᐅᑎᑎᒻ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ᐊᓱᑎᒪᑯᑦ᙮ ᐊᑯᑕ ᑲ ᑕᑦ ᐊ ᒪᓐᑕᐅᑦ ᑭᔭ ᐊ ᑕᑈᔭᔨᒪᑦ ᒋᓴᒪᓂᑐᐛ᙮ ᒋ ᐱᐸᒪ ᐊᑐᒐᐤ ᒥᒄ ᒥᒋᐛᐱᒡ ᐊ ᑕᑦ᙮ ᐊᓂᔭ ᐅᑯᓴ ᐊᐃᓯᑲ ᑭᔭ ᐊᓂᔭ ᐅᓯᒪ ᒐᑭᐸ ᒋ ᐱᐸᑕᔪᐛ ᐊᓐᑕ ᑲ ᑕᑦ᙮ ᒋ ᐃᔅᒋᔄᑯᐱᓇᓂ ᒋᓴᒪᓂᑐᐛ ᑭᔭ ᐎᔨᐛᐤ ᒐ ᐊᓱᑎᒧᐛᑭᓄᐅᒡ ᐊᓂᔭ ᐊᔅᒋᔪᐤ ᒐ ᒥᔭᑭᓄᔨᒋ ᐊᑉᕋᐊᒪ᙮

ᒋᔅᒐᔨᑕᑯᑕᒐᐅᓐ 11:13

ᐃᔅᐱ ᒪᒃ ᑲ ᐃᔅᐱᔨᒡ ᐅ, ᒋ ᒥᔅᑎ ᑯᐃᐧᑯᓐ᙮ ᐸᐃᒄ ᐊᓯᑯᒻ ᐸᐃᑯᔪᐤ ᒥᒋᐛᐸ ᐊᓐᑕ ᐊᓐ ᐅᑕᓇᒡ ᒋ ᓂᓱᐅᓇᑎᓇ᙮ ᓂᔄᐅᑕᒡ ᑕᑥᐤ ᒐᓯᐱᔪᐤ ᐊᐛᓐᒋ ᒋ ᓂᓱᐅᓇᑎᓯᐅᒡ ᐊᓂᔭ ᑲ ᒥᔅᑎ ᑯᐃᐧᑯᓂᔨᒡ᙮ ᐊᑯ ᐊᓐᒡ ᐊᐛᓐᒋ ᐊᔅᒄ ᐊ ᑕᒡ ᐊᔅᒋᒡ ᒋ ᒥᔅᑎ ᓴᒋᓱᐅᒡ᙮ ᒋ ᐃᔅᒋᔄᐅᒡ, ᑕᑈ ᓱᒐᔨᑕᑯᓯᔪᐤ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ᙮