ᒐᓂᓯᔅ 24:44 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁴ ᓂᔅᑯᒧᒐ ᑭᔭ ᐃᔭᐱᒡ ᐎᒥᓇᐊᒐ ᓂᑲᐱᔎᐅᑭᓂᒪ᙮ ᐊᑯ ᒐᔅᒐᔨᑎᒪᓐ ᐊᓐ ᑎᐸᔨᒋᒐᓱᐤ ᑲ ᐛᔭᐱᒥᒪᑦ ᐊᓂᔭ ᐃᔎᓴ ᒐ ᐎᒋᒪᑭᓂᔨᒋ ᐊᑉᕋᐊᒻ ᐅᑯᓴ᙮’

ᒐᓂᓯᔅ 24:44 Iomraidhean Croise

ᒐᓂᓯᔅ 2:22

ᑎᐸᔨᒋᒐᓱᐤ ᒋᓴᒪᓂᑐᐤ ᒋ ᐅᑎᓂᒺᐤ ᐸᐃᒄ ᐅᔅᐱᒐᑭᓂᔪᐤ ᑭᔭ ᑲᐤ ᒂ ᒋᐸᐅᒺᑦ ᐊᓐᑕ ᑲ ᐅᒋ ᐅᑎᓂᒺᑦ᙮ ᒂ ᐅᑎᓇᐧᒃ ᐊᓂᔭ ᐅᔅᐱᒐᑭᓂᔪᐤ ᐊᓐᑕ ᓇᐸᐛ ᐎᔭᔨᒡ ᑲ ᐅᒋ ᐅᑎᓂᒺᑦ, ᒂ ᐃᑐᑕᐧᒃ ᒧᔭᒻ ᐃᔎᒡ ᒐᒋ ᐃᓯᓇᑯᓂᔨᒡ, ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐅᑎᓇᑦ ᐃᔎᐛ ᑭᔭ ᒂ ᐛᐸᑎᔭᑦ ᐊᓂᔭ ᓇᐸᐛ᙮

ᒐᓂᓯᔅ 24:14

ᓂᑭ ᑯᒂᒋᒪᐤ ᐸᐃᒄ ᐃᔎᔅ ᒐᒋ ᒥᓇᐃᑦ ᓂᐱᔪᐤ᙮ ᓂᔅᑯᒧᒐ ᒪᒃ ᑭᔭ ᐊᓯᒡ ᒥᔭᒐ ᒐᒋ ᒥᓂᔨᒋ ᑲᐱᔎᐅᑯᔨᒋ᙮ ᐊᑯ ᒐᔅᒐᔨᒥᒋ ᐊᓂᔭ ᑲ ᐛᔭᐱᒥᑎ ᒐ ᐎᔪᑦ ᐊᐃᓯᒃ᙮ ᐊᐅᑯᐤ ᒐᒋ ᐅᒋ ᒋᔅᒐᔨᑎᒪᓐ ᑲᒋ ᒥᔨᑦ ᑲ ᐃᓯ ᓂᑐᐛᔨᑕᐧᒃ ᓄᒋᒪᒻ᙮”

ᒐᓂᓯᔅ 24:43

ᒪᐅᑕ ᐊ ᑕᔭᓐ ᒧᓇᐃᐸᓂᒡ, ᐃᔅᐱ ᓇᒋ ᒂᐱᒐᒐ ᐅᔅᒋᓂᒋᔎᐤ ᓇᒋᒂᐸᐊᒐ ᒪᒃ ᓂᐱᔪᐤ, ᓂᑭ ᑯᒂᒋᒪᐤ ᒐᒋ ᒥᓇᐃᑦ ᓂᐱᔪᐤ ᐅᐛᐱᑎᓂᔅᒋᐳᑕᒥᒡ ᐅᒡ᙮

ᒐᓂᓯᔅ 24:45

ᐊᒺᔭ ᒋᔅᑕᔭᓐ ᐊᔭᒥᐊᔭᓐ ᓂᑕᐃᒡ ᐅᒡ, ᕋᐸᑲ ᒋ ᑎᑯᓯᓐ ᐅᑎᑎᒥᓂᒡ ᐊ ᐎᐅᓯᑦ ᐛᐱᑎᓂᔅᒋᐳᑕᔪᐤ ᑭᔭ ᒂ ᓂᑎᒋᐛᑦ ᒐᒋ ᒂᐸᐧᒃ ᓂᐱᔪᐤ᙮ ᓂᒋ ᐃᑕᐤ ᒪᒃ, ‘ᐸᒋᒥᓇᐃ ᒪ ᓂᐱᔾ᙮’

1 ᑎᒧᑎ 2:10

ᐅᔅᑕ ᐊᓂᔭ ᐊ ᑯᐃᔅᑯᐱᒪᑎᓯᒡ ᑭᔭ ᐊ ᒥᔪᑐᑎᒧᐛᒡ ᐊᐛᔪᐛ ᒋᐸ ᒋᐧᑲᓇᑯᐃᑯᒡ ᐛᔅ ᐊᐅᑯᓐ ᐊ ᐃᓯ ᓂᑐᐛᔨᑕᑯᓯᒡ ᐃᔎᐅᒡ, ᐊᓐᒡ ᑲ ᐃᔅᒋᔄᒡ ᐊ ᒋᔅᒐᔨᒪᒡ ᒋᓴᒪᓂᑐᐛ᙮

ᐃᑉᕈᐛ 13:2

ᒋᔅᒋᓯᒄ, ᒧᔅ ᒐᒋ ᐊᔭᔅᑯᐎᔭᒄ ᒐᒋ ᐱᑎᑲᐊᑯᒡ ᒪᓐᑕᐅᒡ ᒋᒋᐛᐛᒡ᙮ ᐱᔅᒐ ᐊᐛᓐᒋ ᓴᔅ ᒋ ᐱᑎᑲᐊᐅᒡ ᒪᓐᑕᐛ ᐊᓐᑕ ᐊ ᑕᒡ, ᓇᒪ ᒪᒃ ᐅᒋ ᒋᔅᒐᔨᒪᐅᒡ ᐱᔅᒐ ᐊᓂᔭ ᒪᓐᑕᐛ ᑲ ᐱᑎᑲᐊᒡ ᐊᒋ ᐊᓐᒋᓄᐎᑯᐱᓇᓂ᙮

1 ᐱᑕᕐ 3:8

ᐅ ᒪᒃ ᒥᓯᐛ ᑲ ᐃᓯ ᐊᔨᒧᑎᒪᑎᑯᒡ ᒥᓯᐛ ᐊ ᑎᓯᔭᒄ ᓱᒃ ᐸᐃᑯᓄᒡ ᐃᓯ ᒪᒥᑐᓇᔨᑎᒧᒄ ᐊ ᒋᔅᑎᒪᒐᔨᒥᑐᔭᒄ ᑭᔭ ᓴᒋᐃᑐᒄ ᑕᐱᔅᑯᓐ ᐊ ᐎᐧᑲᓂᓯᑕᑐᔭᒄ ᑭᔭ ᒋᓴᐛᑐᑕᑐᒄ᙮ ᓱᒃ ᒧᔅ ᑎᐱᑕᔨᒧᒄ᙮