5 ᐊᑉᕋᐊᒻ ᒋ ᐃᑎᑯᐤ ᐊᑦ ᐃᔪᐛ,
ᑲᐃᓇᓐ ᒋ ᐅᑕᐎᑕᑯᐤ ᓴᐃᑐᓐ, ᐅᓂᔅᑎᒧᓴᓇ ᑭᔭ ᐊᑦ,
ᐊᑯ ᐊᑉᕋᐊᒻ ᓇᑭᑕᐧᒃ ᐊᓐᑕ ᑲ ᐱᒥᓯᓂᔨᒋ ᐎᐛ ᑭᔭ ᐊᑐᑕᑦ ᐅᑕᓇᐤ ᐃᔎᑕᒥᒡ ᐊᓐᑕ ᑲ ᓂᒋᔅᑲᑐᐎᒋ ᐊᑦ ᐃᔪᐛ᙮ ᒋ ᐃᑕᐤ ᒪᒃ,
“ᓂ ᐎᒋᓐ ᐅᑕ ᒋᑦ ᐊᔅᒋᐛᒡ ᒧᔭᒻ ᒪᓐᑕᐤ ᑭᔭ ᓇᒪ ᓂ ᑎᐸᔨᑕᓐ ᐊᔅᒋᔾ ᐊᓐᑕ ᒐᒋ ᓇᐃᐧᑯᐅᒃ ᓂᐅ᙮ ᐸᒋ ᐊᑕᒥᒄ ᐱᔅᒐ ᒐᒋ ᐊᔭᔭᓐ ᒋᑦ ᐊᔅᒋᐛᐤ᙮”
“ᓂᑐᑐᐅᓇᓐ ᒪ ᐅᒋᒪᐤ, ᒋᔅᑕᔨᒥᑯᐅᓐ ᒧᔭᒻ ᐊ ᓱᐧᑲᑎᓯᑦ ᑲᓂᑲᓂᔅᑲᐧᒃ ᐅᑕ ᐊ ᐃᑕᔭᒡ᙮ ᐎᔭᐸᑕ ᒋᐱᐃᒋᐛᑉ ᐊ ᒥᔽᒡ ᒐᒋ ᓇᐃᐧᑯᐅᑦ ᒋᐅ᙮ ᓇᒪ ᐊᐛᓐ ᒋᑭ ᑯᔅᑎᐃᒄ ᒋᐱᐃᒋᐛᐱᔪᐤ ᒐᒋ ᓇᐃᐧᑯᐅᒥᑎ ᒋᐅ᙮”
ᐃᔭᐱᒡ ᒪᒃ ᐃᔅᐸᔨᑕᑯᐊᐤ ᐅᒋᔅᑎᒪᑎᓯᐛ ᐊᒋ ᒪᒂᔨᑎᒥᔨᒋ, ᑭᔭ ᐅᑦ ᐊᐛᓯᒥᓯᔨᐛ ᒧᔭᒻ ᐊ ᒪᒧᒥᒐᑎᔨᒋ ᒪᔭᑕᓂᓴ᙮
