ᒐᓂᓯᔅ 23:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ “ᓂ ᐎᒋᓐ ᐅᑕ ᒋᑦ ᐊᔅᒋᐛᒡ ᒧᔭᒻ ᒪᓐᑕᐤ ᑭᔭ ᓇᒪ ᓂ ᑎᐸᔨᑕᓐ ᐊᔅᒋᔾ ᐊᓐᑕ ᒐᒋ ᓇᐃᐧᑯᐅᒃ ᓂᐅ᙮ ᐸᒋ ᐊᑕᒥᒄ ᐱᔅᒐ ᒐᒋ ᐊᔭᔭᓐ ᒋᑦ ᐊᔅᒋᐛᐤ᙮”

ᒐᓂᓯᔅ 23:4 Iomraidhean Croise

ᒐᓂᓯᔅ 17:8

ᒋᑭ ᒥᔨᑎᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᓂᔅᒐ ᐱᒪᑎᓯᒡ ᒥᓯᐛ ᐊᓐ ᑲᐃᓇᓐ ᐊᔅᒋᔾ ᐊᓐᑕ ᐊᓄᒡ ᒥᔭᓂᑕᐎᔭᒄ, ᒋᔨᐛᐤ ᒧᔅ ᑲᒋᒡ ᒋᑭ ᑎᐸᔨᑕᓇᐛᐤ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ᙮”

ᒐᓂᓯᔅ 23:5

ᐊᑉᕋᐊᒻ ᒋ ᐃᑎᑯᐤ ᐊᑦ ᐃᔪᐛ,

ᒐᓂᓯᔅ 3:19

ᒋᒋᐛ ᒋᑭ ᐅᔅᑯᔨᓐ ᐊᑐᔅᒐᔨᓐ ᒐ ᐅᒋ ᑲᔅᑎᓂᒥᓐ ᒥᒋᒻ ᒐ ᒥᒋᔨᓐ ᐃᔅᐱᔅ ᐅᑎᒋᐱᔨᒐ ᒐ ᐳᓂᐱᒪᑎᓯᔨᓐ ᑭᔭ ᒥᓄᐛᒡ ᒧᔅᑎᔅᑭᒥᓇᑯᓯᔨᓇ᙮ ᒐ ᒋᔅᒋᔨᓐ ᐊᓯᔅᒍᒡ ᑲ ᐅᒋ ᐅᓯᐃᑯᔨᓐ, ᒋᔾ ᐅ ᐊᓯᔅᒍᐤ ᒥᒄ, ᑭᔭ ᐳᓂᐱᒪᑎᓯᓇ, ᐊᓯᔅᒍᐤ ᒥᓐ ᑲᐤ ᒐ ᐃᓯᓇᑯᓯᔨᓐ᙮”

ᒐᓂᓯᔅ 47:9

ᒐᑭᑉ ᒋ ᐎᑎᒧᐛᐤ, “ᓂ ᐸᐃᑯ ᒥᑕᓯᒥᑎᓄᐛᐳᓇᓯᓐ ᐊᓱ ᓂᔅᑐᔪᐤ᙮ ᐊᔅᒄ ᓇᒪ ᓇᐅᔅ ᓂ ᐱᒪᑎᓯᓐ ᒥᒄ ᓂᑦ ᐊᔨᒥᔪᐅᓐ ᓂᐱᒪᑎᓯᐅᓂᒡ᙮ ᐊᑎᑐᐤ ᓇᐅᔅ ᒋ ᐱᒪᑎᓯᐅᒡ ᓂᑦ ᐊᓂᔅᑯᑕᐸᓐᒡ ᐃᔅᐱᔅ ᓂᔾ᙮”

ᒐᓂᓯᔅ 49:30

ᒪᒃᐱᓚ ᓂᑕᐅᒋᑕᑭᓂᒡ ᑎᑯᓐ ᐅ ᐛᑎᒄ, ᐛᐱᓄᑕᒡ ᒪᒻᕋ ᐃᑕᒐ ᐊᓐᑕ ᑲᐃᓇᓐ᙮ ᐊᑉᕋᐊᒻ ᐅᔭ ᒋ ᐃᔭᐤ ᑕᐱᔅᑯᓐ ᐛᑎᑯᔪᐤ ᑭᔭ ᓂᑕᐅᒋᑕᑭᓂᔪᐤ ᐃᑉᕋᓇ ᐊᑦ ᐃᔪᐛ ᐅᒡ, ᐎᔾ ᑎᐱᔨᐛ ᒐᒋ ᑎᐱᔨᐛᐅᓯᑦ᙮

ᒐᓂᓯᔅ 50:13

ᑲᐃᓇᓐ ᐊᔅᒋᒡ ᒋ ᐃᑐᑕᔪᐛ ᐎᔪᐤ ᑭᔭ ᐊᑯᑕ ᒂ ᓇᐃᐧᑲᑯᑦ ᐊᓐᑕ ᒪᒃᐱᓚ ᐛᑎᑯᒡ ᐛᐱᓄᑕᒡ ᒪᒻᕋ ᐃᑕᒐ ᐊᓂᔭ ᐊᑉᕋᐊᒻ ᑲ ᐃᔭᑦ ᒧᔭᒻ ᐛᑎᑯᔪᐤ ᑭᔭ ᓂᑕᐅᒋᑕᑭᓂᔪᐤ ᐃᑉᕋᓇ ᐊᑦ ᐃᔪᐛ ᐅᒡ ᐎᔾ ᑎᐱᔨᐛ ᒐᒋ ᑎᐱᔨᐛᐅᓯᑦ᙮

ᑎᐱᑦ ᐅᓂᑭᒧᐅᓇ 119:19

ᓂ ᒪᓐᑕᐅᓐ ᐊᔅᒋᒡ: ᐊᑲᐎᔾ ᑲᑐᐎ ᒋᑦ ᐃᑐᓱᐛᐅᓇ᙮

ᑎᐱᑦ ᐅᓂᑭᒧᐅᓇ 39:12

“ᓂᑐᑕ ᓂᑦ ᐊᔭᒥᐊᐅᓐ, ᐅ ᑎᐸᔨᒋᒐᓱᐤ, ᐸᑕᐎᓐ ᒪᒃ ᐊ ᒧᔅᑯᐛᑎᑕᓐ; ᐊᑲᐎᔾ ᒋᐱᑐᐛ ᐊ ᐅᒋᐧᑯᐛᑎᔭᓐ: ᐛᔅ ᓂ ᒪᓐᑕᐅᓐ ᑭᔭ ᓂᐱᒥᐱᒋᓐ, ᒧᔭᒻ ᒥᓯᐛ ᓄᑕᐅᐱᓐᒡ᙮

ᐊᒃᓱᑕᔅ 2:22

ᐊᑯ ᒋ ᐅᑯᓱᐤ ᓯᐳᕋ, ᑭᕐᓱᒻ ᒋ ᐃᓯᓂᐧᑲᑕᑭᓂᔨᐛ, (ᒪᓐᑕᐤ ᐃᔅᒋᔄᒥᑯᓂᔪᐤ) ᐛᔅ ᒧᓱᔅ ᒋ ᐃᔅᒋᔄᐤ, “ᓂᔾ ᓂ ᒪᓐᑕᐅᓐ ᐅᑕ ᒪᓐᑕᐤ ᐊᔅᒋᒡ᙮”

ᐊᑈᔅᑕᓇᒡ 7:16

ᐃᔅᐱ ᒪᒃ ᑲ ᐳᓂᐱᒪᑎᓯᒡ, ᓴᑭᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲᐤ ᑲ ᐃᑐᑕᑭᓄᔨᒋ ᐎᔪᐛᐛ᙮ ᐊᑯ ᐊᓐᑕ ᑲ ᓇᐅᔅᑕᑭᓄᔨᒋ ᐊᓐᑕ ᐊᓂᔭ ᒋᐱᐃᒋᐛᐱᒡ ᐊᓂᔭᐧᑲ ᐊᑉᕋᐊᒻ ᓴᔅ ᑲ ᐃᔭᒂ ᐊᓐᑕ ᐸᒋ ᐛᔅᑭᒡ᙮ ᐊᒧᕆ ᐅᑦ ᐃᔨᒥᔪᐛ ᐊᒋ ᐊᑕᒥᑯᑦ ᐅᔭ ᒋᐱᐃᒋᐛᐱᔪᐤ᙮”

ᐊᑈᔅᑕᓇᒡ 7:5

ᓇᒪ ᒪᒃ ᐅᒋ ᒥᔨᑯᐤ ᐊᓂᔭ ᐊᔅᒋᔪᐤ ᒐᒋ ᑎᐱᔨᐛᐅᓯᑦ, ᓇᒪ ᐛᐛᒡ ᐊᐱᓯᔅ ᐅᒋ ᒥᔨᑯᐤ ᒐᒋ ᑎᐱᔨᐛᐅᓯᑦ᙮ ᒥᒄ ᒪᒃ ᒋᓴᒪᓂᑐᐛ ᒋ ᐊᓱᑎᒪᑯᐤ ᐊᓂᔭ ᐊᔅᒋᔪᐤ ᐊᔅᒄ ᒐᒋ ᑎᐱᔨᐛᐅᓯᑦ ᑭᔭ ᐊᓂᔭᔪᐛ ᐊᓂᔅᒐ ᐅᑦ ᐊᐛᓯᒪ ᒐ ᑎᐱᔨᐛᐅᓯᔨᒋ᙮ ᐅᔭ ᒪᒃ ᑲ ᐃᓯ ᐊᓱᑎᒧᐛᑭᓄᐅᑦ ᐊᓂᔭᐧᑲ ᐊᑉᕋᐊᒻ ᐊᔅᒄ ᓇᒪ ᐅᒋ ᐊᔭᐛᐤ ᐊᐛᓴ᙮

ᐃᑉᕈᐛ 11:9

ᒐᒃ ᒪᒃ ᒋ ᐅᑎᑎᒻ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ᐊᓱᑎᒪᑯᑦ᙮ ᐊᑯᑕ ᑲ ᑕᑦ ᐊ ᒪᓐᑕᐅᑦ ᑭᔭ ᐊ ᑕᑈᔭᔨᒪᑦ ᒋᓴᒪᓂᑐᐛ᙮ ᒋ ᐱᐸᒪ ᐊᑐᒐᐤ ᒥᒄ ᒥᒋᐛᐱᒡ ᐊ ᑕᑦ᙮ ᐊᓂᔭ ᐅᑯᓴ ᐊᐃᓯᑲ ᑭᔭ ᐊᓂᔭ ᐅᓯᒪ ᒐᑭᐸ ᒋ ᐱᐸᑕᔪᐛ ᐊᓐᑕ ᑲ ᑕᑦ᙮ ᒋ ᐃᔅᒋᔄᑯᐱᓇᓂ ᒋᓴᒪᓂᑐᐛ ᑭᔭ ᐎᔨᐛᐤ ᒐ ᐊᓱᑎᒧᐛᑭᓄᐅᒡ ᐊᓂᔭ ᐊᔅᒋᔪᐤ ᒐ ᒥᔭᑭᓄᔨᒋ ᐊᑉᕋᐊᒪ᙮

1 ᐱᑕᕐ 2:11

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᒥᒄ ᐛᔅ ᐊᓐ ᒋ ᒪᓐᑕᐅᓇᐛᐤ ᑭᔭ ᒥᒄ ᒋ ᐱᐸ ᑕᓇᐛᐤ ᐅᑕ ᐊᔅᒋᒡ᙮ ᐊᐅᒄ ᒪᒃ ᐅ ᐛᒋ ᐎ ᓯᒋᒥᑎᑯᒡ ᓇᔅᒡ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔭᒄ ᐊᓂᔭ ᒥᒋ ᓂᑐᐛᔨᑎᒧᐅᓇ ᐊᓂᔭ ᒧᔅ ᒥᔭᓯᒐᐱᔨᒋ ᒋᑦ ᐊᒐᐧᑯᐛᒡ᙮