ᒐᓂᓯᔅ 22:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒥᓐ ᒋᔭᒋᓴᐸᔭᔨᒡ ᐎᐱᒡ ᒋ ᐅᓂᔪᐤ ᐊᑉᕋᐊᒻ ᑭᔭ ᒋ ᐛᑕᔭᐤ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮ ᓂᓱ ᒋ ᐅᑎᓇᐤ ᐅᑦ ᐊᐱᒋᐊᑭᓇ ᒐ ᐎᒐᐅᑯᑦ ᑭᔭ ᐅᑯᓴ ᐊᐃᓯᑲ᙮ ᐊᒺᔭ ᔅᑐᑕᑦ, ᐊᑉᕋᐊᒻ ᒋ ᑕᔅᑲᐊᒻ ᒥᑕ ᒐ ᑯᑐᐛᒐᑦ ᑭᔭ ᒋ ᐃᑐᑕᐤ ᐊᓐᑕ ᐃᑕᐅᓂᒡ ᑲ ᐃᑎᑯᑦ ᒋᓴᒪᓂᑐᐛ ᒐᒋ ᐃᑐᑕᑦ᙮

ᒐᓂᓯᔅ 22:3 Iomraidhean Croise

ᒐᓂᓯᔅ 17:23

ᐊᓂᔭ ᐸᐃᑯᑕᐤ ᒋᓯᑯᔪᐤ, ᐊᑉᕋᐊᒻ ᒋ ᓂᓇᐃᑐᐛᐤ ᑲ ᐃᑎᑯᑦ ᒋᓴᒪᓂᑐᐛ ᑭᔭ ᒂ ᒋᔅᒋᓄᐛᒋᔄᑦ ᐅᑯᓴ ᐃᔅᒪᐃᓚ ᑭᔭ ᒥᓯᐛ ᑯᑎᑲ ᓇᐸᐤ ᐊᐱᒋᐊᑭᓇ ᑲ ᑕᔨᒋ ᐊᓐᑕ ᐎᒋᒡ᙮ ᒋᒡ ᒥᓯᐛ ᐊᐱᒋᐊᑭᓇ ᑲ ᐃᔪᔨᒋ ᐊᓐᑕ ᐅᑦ ᐃᑕᐅᓂᒡ ᑭᔭ ᐊᓂᔭ ᒥᓯᐛ ᑲ ᐃᔭᐛᑦ᙮

ᒐᓂᓯᔅ 21:14

ᐎᐱᒡ ᒥᓐ ᒋᔭᒋᓴᐸᔭᔨᒡ ᒋ ᐅᓂᔪᐤ ᐊᑉᕋᐊᒻ, ᒂ ᐅᑎᓇᐧᒃ ᐱᔅᒐ ᒥᒋᒥᔪᐤ ᑭᔭ ᓂᐱᔪᐤ ᐱᓴᑭᓄᐅᑕᒡ ᐊ ᓴᑭᔅᒋᓇᐸᔨᒡ ᑭᔭ ᒂ ᒥᔭᑦ ᐦᐊᐃᑲᕋ᙮ ᐅᑎᑎᒥᓂᔨᒡ ᒋ ᐊᔅᑕᐛᐤ ᐊᑯ ᑭᔭ ᒂ ᒋᑎᓴᐛᑦ ᐊᓯᒡ ᓇᐸᓴ᙮ ᐦᐊᐃᑲᕐ ᒂ ᔅᑐᑕᑦ ᑭᔭ ᒂ ᐱᐸᒧᑕᑦ ᐊᓐᑕ ᐱᕐ-ᓯᐸ ᐸᐧᑯᑎᔅᑭᒥᑲᒡ᙮

ᒐᓂᓯᔅ 22:18

ᒋᑦ ᐊᐛᓯᒥᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐃᔪᒡ ᐊᓐᑕ ᐊᔅᒋᒡ, ᐊᐅᑯᐤ ᒋᑎᐸᐊᒪᑯᓯᐅᓐ ᐊᒋ ᑕᑈᔭᔨᒥᔨᓐ᙮”

ᒐᓂᓯᔅ 22:2

ᐊᑯ ᒋᓴᒪᓂᑐᐛ ᐊᑎᑯᑦ, “ᐅᑎᓐ ᒋᑯᔅ, ᑲ ᐸᐃᑯᓯᑦ ᒥᒄ ᒋᑯᔅ ᐊᐃᓯᒃ ᐊᓐ ᒪᐅᒡ ᑲ ᓴᒋᐃᑦ ᑭᔭ ᒐ ᐃᑐᑕᔭᒄ ᐊᓐ ᐱᔅᑯᑎᓇᐤ ᒐ ᐛᐸᑎᔨᑕᓐ ᐊᓐᑕ ᒧᕋᔭ ᐊᔅᒋᒡ᙮ ᒐ ᐱᔅᑎᓂᒐᔨᓐ ᒋᑯᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᑐᔅᑕᐊᒪᒐᐅᓐ᙮”

ᒐᓂᓯᔅ 22:4

ᓂᔅᑐ ᒋᓯᑲᐛ ᑲᒋ ᐃᔅᐱᔅ ᐱᒧᑕᒡ, ᐊᑉᕋᐊᒻ ᒋ ᔭᐛᐸᑎᒻ ᐱᔅᑯᑎᓇᔪᐤ᙮

ᑎᐱᑦ ᐅᓂᑭᒧᐅᓇ 119:60

ᓂᒋ ᒋᐱᓐ, ᓇᒪ ᑭᔭ ᓄᒋ ᒋᐱᒋᓐ, ᒐᒋ ᑭᓄᐛᔨᑎᒪᓐ ᒋᑦ ᐃᑎᓱᐛᐅᓇ᙮

ᒪᑎᔪᐤ 10:37

“ᐊᐛᓐ ᐅᔅᑕ ᐅᑕᐎᔭ ᑭᔭ ᒪᒃ ᐅᑲᐎᔭ ᓴᒋᐊᒐ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ᓇᓴᐅᑦ᙮ ᑭᔭ ᐊᐛᓐ ᐅᔅᑕ ᓴᒋᐊᒐ ᐅᑯᓴ ᑭᔭ ᒪᒃ ᐅᑕᓂᓴ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ᓇᓴᐅᑦ᙮

ᓗᒃ 14:26

“ᐊᐛᓐ ᐛ ᓇᓴᐅᒂ ᑕᓐ ᐊ ᐃᓯ ᐱᒪᑎᓯᔭᓐ, ᓂᔾ ᐊᑐᐎᔅ ᓂᑭ ᓴᒋᐃᒄ ᐊᔅᐱᔅ ᓴᒋᐊᑦ ᐅᑕᐎᔭ ᑭᔭ ᐅᑲᐎᔭ, ᐎᐛ, ᐅᑦ ᐊᐛᓯᒪ ᑭᔭ ᑎᐱᔨᐛ ᐎᐧᑲᓂᓴ᙮ ᓂᔾ ᐅᔅᑕ ᓂᑭ ᓴᒋᐃᒄ ᐃᔅᐱᔅ ᐎᔾ ᐊ ᐃᔅᐱᔅ ᓴᒋᑕᑦ ᑎᐱᔨᐛ ᐅᐱᒪᑎᓯᐅᓐ᙮ ᐊᑲ ᒪᒃ ᒋ ᑎᒐ ᓇᒪ ᓂᑭ ᒋ ᐅᒋᔅᒋᓄᐊᒧᐛᑭᓂᑐᑐᐛᐤ᙮

ᑲᓚᓯᔭᓇ 1:16

ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮

ᐃᑉᕈᐛ 11:8

ᐊᑉᕋᐊᒻ ᑭᔭ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᐊᐅᒄ ᐊᓂᔭ ᐛᒋ ᓂᓇᐃᑐᐛᑦ ᐃᔅᐱ ᑲ ᑕᑈᑎᑯᑦ ᑭᔭ ᑲ ᐃᑎᑯᑦ ᒐᒋ ᓂᑭᑕᐧᒃ ᐊᓂᔭ ᐊᔅᒋᔪᐤ ᐊᓐᑕ ᑲ ᐅᒋᑦ ᐊᓐᑕ ᒐᒋ ᐃᑐᑕᑦ ᐊᓂᔭ ᐊᔅᒋᔪᐤ ᑲ ᐃᑎᑯᑦ ᒋᓴᒪᓂᑐᐛ ᒐ ᒥᔨᑯᑦ ᐎᔾ ᒐᒋ ᐊᔭᑦ᙮ ᐊᑉᕋᐊᒻ ᒪᒃ ᒋ ᓂᓇᐃᑎᒻ, ᑎᐛᒡ ᒋ ᔅᑐᑕᐤ ᐊᑎ ᐊᑲ ᐊᔅᒄ ᐅᒋ ᒋᔅᒐᔨᑕᐧᒃ ᑕᓐᑕ ᐊᓐ ᒋᐸ ᐃᑐᑕᐤ᙮