ᒐᓂᓯᔅ 22:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᓐᒋᓇ ᐃᑎᑯᐤ, “ᐊᑲ ᓂᐸᐃ ᒋᑯᔅ, ᐊᑲ ᐃᔭᐱᒡ ᐊᐧᑯᐃᔾ, ᐛᔅ ᐊᓄᒡ ᓂ ᒋᔅᒐᔨᑕᓐ ᐊ ᒋᔅᑕᔨᒥᑦ ᑭᔭ ᓂᔭᐃᑐᐅᑦ ᒋᓴᒪᓂᑐᐤ᙮ ᓇᒪ ᒋ ᐅᒋ ᐊᓏᑕᓐ ᑲ ᐸᐃᑯᓯᑦ ᒋᑯᔅ ᒐᒋ ᐱᔅᑎᓂᒪᒐᔨᓐ᙮”

ᒐᓂᓯᔅ 22:12 Iomraidhean Croise

ᒐᓂᓯᔅ 20:11

ᐊᑉᕋᐊᒻ ᒋ ᐃᑕᐤ, “ᓂᒋ ᐃᑕᔨᑕᓐ ᐊ ᐊᑲ ᐊᐛᓐ ᐅᑕ ᒋᔅᑕᔨᒪᑦ ᒋᓴᒪᓂᑐᐛ᙮ ᓂᑭ ᐎ ᓂᐸᐃᑯᒡ ᐃᔪᒡ ᐊᑯ ᒪᒃ ᒐ ᐅᑎᓇᒡ ᓂᐎᒋᒪᑭᓇ ᓂᒋ ᐃᑕᔨᒪᐅᒡ᙮”

ᒐᓂᓯᔅ 22:13

ᒋ ᐅᐸᐳᐤ ᐊᑉᕋᐊᒻ ᑭᔭ ᒂ ᐛᐱᒪᑦ ᓇᐸ ᒪᔭᑕᓂᓴ ᐊᓴᑲᔅᑯᒋᒪᔨᒋ ᐅᑦ ᐊᔅᑭᓂᔪᐛ ᐊᓐᑕ ᓯᑲᒡ᙮ ᒋᓇᑕᐤ ᑭᔭ ᒂ ᐅᑎᓇᑦ ᑭᔭ ᐸᔅᑎᓂᒐᑦ ᓇᐸ ᒪᔭᑕᓂᓴ ᒧᔭᒻ ᒥᑐᔅᑕᐊᒪᒐᐅᓂᔪᐤ, ᐊᑲ ᒥᔅᑯᒡ ᐊᓂᔭ ᐅᑯᓴ᙮

ᒐᓂᓯᔅ 22:16

ᒂ ᐃᑎᑯᑦ, “ᓂᑦ ᐃᓯᓂᐧᑲᓱᐅᓂᒡ ᐅᒡ ᓂ ᑐᑕᓐ ᐊᓱᑎᒪᒐᐎᓐ ᐃᔅᒋᔄᐤ ᐅᑎᐸᔨᒋᒐᐤ, ᐛᔅ ᐊᓐ ᑎᔭᑈᑐᐎᓐ ᑭᔭ ᐊᑲ ᐅᒋᑯᔅᑎᔨᓐ ᑲ ᐸᐃᑯᑦ ᒋᑯᔅ᙮

ᒐᓂᓯᔅ 22:2

ᐊᑯ ᒋᓴᒪᓂᑐᐛ ᐊᑎᑯᑦ, “ᐅᑎᓐ ᒋᑯᔅ, ᑲ ᐸᐃᑯᓯᑦ ᒥᒄ ᒋᑯᔅ ᐊᐃᓯᒃ ᐊᓐ ᒪᐅᒡ ᑲ ᓴᒋᐃᑦ ᑭᔭ ᒐ ᐃᑐᑕᔭᒄ ᐊᓐ ᐱᔅᑯᑎᓇᐤ ᒐ ᐛᐸᑎᔨᑕᓐ ᐊᓐᑕ ᒧᕋᔭ ᐊᔅᒋᒡ᙮ ᒐ ᐱᔅᑎᓂᒐᔨᓐ ᒋᑯᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᑐᔅᑕᐊᒪᒐᐅᓐ᙮”

ᒐᓂᓯᔅ 26:5

ᒥᓯᐛ ᐅ ᓂᑭ ᑐᑕᓐ ᐛᔅ ᐊᒋ ᑕᑈᑐᐅᑦ ᐊᑉᕋᐊᒻ ᑭᔭ ᒥᓯᐛ ᒐᒂᓂᔪᐤ ᑲ ᐃᑐᑕᐧᒃ ᑲ ᐃᑎᓱᒥᒃ᙮”

ᒐᓂᓯᔅ 42:18

ᑲᒋ ᓂᔅᑐ ᒋᓯᑲᔨᒡ ᒋ ᐃᑎᓱᐛᐤ ᒍᓯᑉ ᒐᒋ ᐸᓱᐛᑭᓄᔨᒋ ᐎᐧᑲᓂᓴ ᐅᑎᔅᑯᐤ ᐊ ᑕᑦ ᑭᔭ ᒋ ᐃᑕᐤ, “ᓂᔾ ᐅ ᓇᐸᐤ ᑲ ᒋᔅᑕᔨᒪᑦ ᒋᓴᒪᓂᑐᐛ, ᐊᑯ ᒐ ᐃᑐᑎᒪᒄ ᒐ ᐃᑎᑯᒡ ᐊᑯ ᑭᔭ ᒐ ᐊᑲ ᓂᐸᐃᑯᐅᔭᒄ᙮

ᑎᐱᑦ ᐅᓂᑭᒧᐅᓇ 1:6

ᐛᔅ ᑎᐸᔨᒋᒐᓱᐤ ᒋᔅᒐᔨᑎᒺᐤ ᐅᑦ ᐃᓯᑥᐅᓂᔪᐤ ᐅᑯᐃᔅᑯᑕᑎᓯᐛ: ᒪᒃ ᐅᑦ ᐃᓯᑥᐅᓄᐛᐤ ᐊᑲ ᐊᔭᒥᐊᒡ ᒋᑭ ᓂᓱᐅᓇᑎᓂᔪᐤ᙮

ᑎᐱᑦ ᐅᓂᑭᒧᐅᓇ 111:10

ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ ᐊᑯᑕ ᐛᒋ ᒋᒋᐱᔨᒡ ᑭᒐᑕᐛᔨᑎᒧᐅᓐ: ᒥᔪ ᓂᔅᑐᑎᒧᐅᓂᔪᐤ ᐊᔭᐅᒡ ᒥᓯᐛ ᐊᓐᒡ ᑲ ᐃᑐᑎᒺᒡ ᐅᑦ ᐃᑎᓱᐛᐅᓂᔨᐛ: ᐅᒪᒥᒋᒥᑯᓯᐅᓐ ᑲᒋᒡ ᑎᑯᓂᔪᐤ᙮

ᑎᐱᑦ ᐅᓂᑭᒧᐅᓇ 147:11

ᑎᐸᔨᒋᒐᓱᐤ ᒥᔽᔨᒪᐤ ᐊᓂᔭᔪᐛ ᑲ ᓇᓂᒋᔅᑕᑯᑦ, ᐊᓂᔭᔪᐛ ᑲ ᐊᔅᐸᔨᒧᔨᒋ ᐅᓱᐛᔨᒋᒐᐅᓂᒡ᙮

ᑎᐱᑦ ᐅᓂᑭᒧᐅᓇ 2:11

ᐊᑐᔅᒐᔅᑐᐎᐧᒄ ᑎᐸᔨᒋᒐᓱᐤ ᐊ ᓇᓂᒋᔭᒄ, ᒥᔽᔨᑎᒧᒄ ᒪᒃ ᐊ ᓴᒋᓯᔭᒄ᙮

ᑎᐱᑦ ᐅᓂᑭᒧᐅᓇ 25:12

ᐊᐛᓐ ᐃᔪᐤ ᑲ ᓇᓂᒋᔅᑐᐛᑦ ᑎᐸᔨᒋᒐᓱᐛ ? ᐊᐅᑯᓂᐃ ᒐ ᒋᔅᒋᓄᐅᒧᐛᑦ ᒪᔅᑭᓇᔪᐤ ᒐ ᐛᐛᔭᐸᑎᒥᔨᒋ᙮

ᑎᐱᑦ ᐅᓂᑭᒧᐅᓇ 25:14

ᐅᑲᑎᒪᒐᐅᓐ ᑎᐸᔨᒋᒐᓱᐤ ᐎᒐᐎᑯᔪᐛ ᑲ ᓇᓂᒋᔅᑕᑯᑦ; ᒋᑭ ᐛᐸᑎᔭᐤ ᒪᒃ ᐅᓂᔅᑯᒥᑐᐅᓂᔪᐤ᙮

ᐊᒃᓱᑕᔅ 20:20

ᐊᑯ ᒧᓱᔅ ᐊᑕᑦ ᐃᔪᐛ, “ᐊᑲ ᑯᔅᑕᒋᒄ, ᐛᔅ ᒋᓴᒪᓂᑐᐤ ᔅᒋ ᐸᒋ ᓂᑐᐛᐱᒥᑯᐛᐤ ᒐᒋ ᑯᒂᒋᐃᑕᒄ ᑭᔭ ᐃᑐᑕᑕᒄ ᒐᒋ ᓇᓂᑎᒻ ᓂᓇᐃᑐᐛᒄ, ᐊᑯ ᒪᒃ ᒐ ᐊᑲ ᒥᒋᑐᑎᒪᒄ᙮”

ᒪᑎᔪᐤ 16:24

ᐊᑯ ᒋᓴᔅ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᐛᓐ ᐛ ᓇᓴᐅᒂ ᐊᑯᔅ ᒋᑭ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᑭ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᑭ ᐸᒋ ᐎᒐᐅᒄ᙮

ᒪᑎᔪᐤ 19:29

ᒥᓯᐛ ᐊᐛᓐ ᑲ ᓂᑭᑕᐧᒃ ᐎᒡ ᑭᔭ ᑲ ᓂᑭᑕᑦ ᐎᐧᑲᓂᓴ, ᐅᓂᒋᐃᒂ ᑭᔭ ᐅᑦ ᐊᐛᓯᒪ ᑭᔭ ᒪᒃ ᑲ ᓂᑭᑕᐧᒃ ᐅᑦ ᐊᔅᒋᔾ ᓂᔾ ᐅᒋ, ᐅᔅᑕ ᐸᐃᒄ ᒥᑕᓯᒥᑎᓄᐤ ᒋᑭ ᒋᐛᒥᔭᑭᓄᐤ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᒥᔭᑭᓄᐤ᙮

ᒪᑎᔪᐤ 5:16

ᐊᐅᑯᓐ ᒪᒃ ᒧᔭᒻ ᒋᐸ ᐃᓯ ᐛᔅᑕᓂᒪᑯᐅᒡ ᐊᐛᓐᒋ ᒋᐛᔅᑕᐅᓄᐛᐅᔪᐤ ᐊᓐᑕ ᒋᐱᒪᑎᓯᐅᓄᐛᒡ ᑲ ᑎᒂᒡ, ᒐᒋ ᐛᐸᑕᒡ ᐊᓂᔭ ᐊ ᐃᓯ ᒥᔪᑐᑎᒪᒄ ᐊᑯ ᒪᒃ ᒐ ᒪᒥᒋᒪᒡ ᒍᑕᐎᐛᐛ ᒋᒋᒋᓯᑯᒡ ᐊ ᑕᔨᒋ᙮”

ᒠᓐ 3:16

ᐛᔅ ᒋᓴᒪᓂᑐᐤ ᐊ ᐃᔅᐱᔅ ᒋ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᒥᔨᐛᐤ ᑲ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᐊᑈᔅᑕᓇᒡ 9:31

ᐊᓐᒡ ᒪᒃ ᑲᒪᒧᐊᔭᒥᐊᐛᑎᓯᒡ ᒥᓯᐛ ᐊᓐᑕ ᐊᓂᔭ ᐊᔅᒋᒡ ᑲ ᑕᒡ ᒍᑎᔭ ᑭᔭ ᑲᓕᓕ ᑭᔭ ᓴᒪᕆᔭ ᑲ ᐃᓯᓂᐧᑲᑕᔨᒋ, ᐛᐃᐱᔅᒋᔅ ᓇᒪ ᐅᒋ ᓂᓇᐧᑲᒋᐊᑭᓄᐅᒡ᙮ ᒋ ᒋᔅᑕᔨᒪᐅᒡ ᐅᑎᐸᔨᒋᒐᐛ ᐅᒡ ᐃᔪᒡ ᑭᔭ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐎᒋᐃᑯᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:8

ᒋᓴᒪᓂᑐᐤ ᒪᒃ ᐎᔾ ᓇᔅᒡ ᔅᒋ ᐛᐸᑎᔨᑯᓄᐤ ᑕᓐ ᐊᔅᐱᔅ ᓴᒋᐃᑕᐧᒄ, ᒋ ᐱᔅᑎᓇᐤ ᙭ᑕ ᒐᒋ ᓂᐱᔅᑎᒪᑎᔨᑕᐧᑯ ᐊᔅᒄ ᒪᒂᒡ ᒥᒋᑥᐅᓂᒡ ᐊᒋ ᐃᑕᐛᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:32

ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮

1 ᑯᕆᓐᑎᔭᓇ 10:13

ᒥᓯᐛ ᐊ ᐃᓯ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ᑯᒂᒋᐃᑯᐅᐛᐧᒄ ᐊᑲ ᒋ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ᑯᒂᒋᐃᑯᐅᐛᐧᒄ ᒋᑭ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ᑯᒂᒋᐃᑯᐅᐛᐧᒄ᙮

2 ᑯᕆᓐᑎᔭᓇ 8:12

ᓄᒂᒐ ᓇᔅᒡ ᐊ ᐊᓯᒐᔨᑎᒪᒄ ᒐᒋ ᐱᔅᑎᓂᒐᔭᒄ ᐊᐅᒄ ᐅᔭ ᒐ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᑕᐸ ᐊᓂᔭ ᐊᑲ ᐊ ᐊᔭᐅᑦ ᒋᑭ ᐅᒋ ᑭᓄᐛᐸᑎᒻ᙮ ᐊᓂᔭ ᑕᓐ ᐊ ᐃᓯ ᐊᔭᐅᑦ ᐊᔪᐅᒄ ᐊᓂᔭ ᒐ ᑭᓄᐛᐸᑕᐧᒃ᙮

ᐃᑉᕈᐛ 11:19

ᐊᑉᕋᐊᒻ ᒋ ᒋᔅᒐᔨᑎᒻ ᒋᓴᒪᓂᑐᐛ ᒐᒋ ᐅᓂᔅᑲᓇᔨᒋ ᐊᐛᔪᐛ ᓂᐳᐅᓂᒡ ᐅᒡ᙮ ᐊᓂᔭ ᒪᒃ ᑲᐤ ᐊᒋ ᒥᔭᑭᓄᐅᑦ ᐊᑉᕋᐊᒻ ᐅᑯᓴ ᐊᐃᓯᑲ, ᒧᔭᒻ ᓂᐳᐅᓂᒡ ᐊᒋ ᐅᒋ ᐅᓂᔅᑲᓇᑭᓄᔨᒋ ᒋ ᐃᓯᓇᑯᓂᔪᐤ᙮

ᐃᑉᕈᐛ 12:28

ᐊᐅᒄ ᒪᒃ ᐅᔭ ᒋᐸ ᐅᒋ ᓂᓇᔅᑯᒪᓄᐤ ᒋᓴᒪᓂᑐᐤ ᐊ ᒥᔨᑕᐧᒄ ᒋᓴᐅᒋᒪᐅᓂᔪᐤ ᐊᓐ ᐊᑲ ᓂᑕ ᒐᒋ ᐃᑐᑕᑭᓄᐅᒡ ᒐᒋ ᐊᒋᐱᔨᒡ᙮ ᐊᑯ ᒪᒃ ᐊᔭᒥᐊᔅᑐᐛᑕᐤ ᐊᓂᔭ ᐎᔾ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐊᔭᒥᐊᔅᑐᐛᐧᒄ ᑭᔭ ᒐᒋ ᒥᔪ ᐊᑐᔅᑯᐅᐛᐧᒄ ᓇᔅᒡ ᐊ ᒋᔅᑕᔨᒪᐧᒄ᙮

ᒋᒥᔅ ᐅᒥᓯᓇᐊᒪᒐᐅᓐ 2:18

ᒋᑭ ᒋ ᐃᓯᓇᑯᓐ ᐱᔅᒐ ᐊᐛᓐᒋ ᒐᒋ ᐃᔅᒋᔄᒡ, “ᒋ ᑭᓄᐛᔨᑕᓐ ᒋᔾ ᑕᑈᑎᒧᐅᓐ, ᐊᑯ ᓂᔾ ᓂ ᒥᔪ ᐊᑐᔅᒐᓐ᙮” ᓂᐸ ᐃᑕᐤ ᐅ ᐊᐛᓐ, “ᐸᒋ ᐛᐸᑎᔨ ᐊᓐ ᒋᑕᑈᑎᒧᐅᓐ ᐊᑲ ᐊᔅᑎᓂᒥᓐ ᒋ ᒥᔪ ᐊᑐᔅᒐᐅᓐ ᑭᔭ ᒐ ᐛᐸᑎᔨᑕᓐ ᓂᔾ ᓂ ᒥᔪ ᐊᑐᔅᒐᐅᓐ ᐊ ᐊᔅᑎᓂᒪᓐ ᐊᓐᑕ ᓂᑕᑈᑎᒧᐅᓐ᙮”

ᒋᔅᒐᔨᑕᑯᑕᒐᐅᓐ 19:5

ᐊᑯ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒂ ᐅᒋ ᐸᑕᑯᓯᑦ ᐊᐛᓐ ᐊ ᐃᔅᒋᔄᑦ, “ᒪᒥᒋᒪᑕᐤ ᒋᒋᓴᒪᓂᑐᒥᓄᐤ, ᒥᓯᐛ ᒋᔨᐛᐤ ᑲ ᐊᑐᔅᑯᐛᒄ, ᒋᔨᐛᐤ ᑲ ᓇᓂᒋᔅᑐᐛᒄ, ᒥᓯᐛ ᑲ ᒋᔅᑕᔨᑕᑯᓯᔭᒄ ᑭᔭ ᒋᔨᐛᐤ ᐊᑲ ᒋᔅᑕᔨᑕᑯᓯᔭᒄ᙮”