ᒐᓂᓯᔅ 22:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓇᓇᒐ ᒋᓴᒪᓂᑐᐤ ᒋ ᑯᒂᒐᐊᐤ ᐊᑉᕋᐊᒪ ᑭᔭ ᒂ ᐃᑕᑦ, “ᐊᑉᕋᐊᒻ !” ᐊᑉᕋᐊᒻ ᐊᑕᑦ, “ᒐᒂᓐ ᑎᐸᔨᒋᒐᓱᐤ ? ᒋ ᓂᑐᑕᑎᓐ᙮”

ᒐᓂᓯᔅ 22:1 Iomraidhean Croise

ᒐᓂᓯᔅ 15:1

ᓇᓇᒐ ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒋ ᐃᑕᐤ, “ᐊᑲ ᑯᔅᑕᒋ, ᐊᑉᕋᒻ᙮ ᓂᔾ ᐅ ᒋᑦ ᐊᒂᓇᐅᓱᐛᑭᓐ, ᒋᒋᐛ ᒋᑭ ᒥᓴᐤ ᒋᑎᐸᒪᑯᓯᐅᓐ᙮”

ᒐᓂᓯᔅ 21:11

ᒋᒋᐛ ᒋ ᒥᑯᔅᑲᑕᔨᑎᒥᐃᑯᐤ ᐅᔭ ᐊᑉᕋᐊᒻ ᐛᔅ ᐃᔭᐱᒡ ᐎᔾ ᒋ ᐅᑯᓱᐤ ᐃᔅᒪᐃᓚ᙮

ᒐᓂᓯᔅ 22:11

ᓯᔅᒋᑯᒡ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᒋᒋᒋᓯᑯᒡ ᒋ ᐅᒋ ᑕᑈᑎᑯ ᐊ ᐃᑎᑯᑦ, “ᐊᑉᕋᐊᒻ ! ᐊᑉᕋᐊᒻ !” ᐊᑉᕋᐊᒻ ᐃᑕᐤ, “ᓂᑦ ᐃᑕᓐ ᐅᑕ᙮”

ᒐᓂᓯᔅ 22:7

ᐊᐃᓯᒃ ᒋ ᐃᔨᒧᐤ ᑭᔭ ᒂ ᐃᑕᑦ ᐅᑕᐎᔭ ᐊᑉᕋᐊᒪ, “ᓄᑕ !” ᐊᑉᕋᐊᒻ ᒋ ᐃᑕᐤ, “ᒐᒂᓐ ᓂᑯᓴ ?” ᐊᐃᓯᒃ ᐃᑕᐤ, “ᒋ ᑭᓄᐛᔨᑕᓇᓄᐤ ᒥᑕ ᑭᔭ ᐃᔎᔅᒐᐤ ᒐ ᑯᑐᐛᒐᔭᐧᒄ, ᒥᒄ ᑕᓐ ᐊᓐ ᒪᔭᑕᓂᔅ ᒐ ᒥᑐᔅᑕᐊᒪᒐᔭᐧᒄ ?”

ᒐᓂᓯᔅ 37:13

ᒐᑭᑉ ᒋ ᐃᑕᐤ ᒍᓯᐸ, “ᒋ ᓂᑐᐛᔨᒥᑎᓐ ᒐᒋ ᐃᑐᑕᔨᓐ ᓴᑭᒥᒡ, ᐊᓐᑕ ᑲᓄᐛᔨᒪᒡ ᒋᐧᑲᓂᓯᒡ ᒪᔭᑕᓂᓴ᙮” ᒍᓯᑉ ᐃᑕᐤ, “ᓴᔅ ᓂᑦ ᐊᔭᔅᑯᐎᔨᓐ᙮”

ᒐᓂᓯᔅ 46:2

ᒋᓴᒪᓂᑐᐛ ᒋ ᐃᔨᒥᑯᐤ ᐅᐳᐛᒧᐅᓂᒡ ᑕᐱᔅᑲᔨᒡ ᐊ ᐃᑎᑯᑦ, “ᒐᑭᑉ, ᒐᑭᑉ᙮” ᒐᑭᑉ ᐊᑕᑦ, “ᒪᐅᑕ ᐊ ᑕᔭᓐ᙮”

ᑎᐱᑦ ᐅᓂᑭᒧᐅᓇ 11:5

ᑎᐸᔨᒋᒐᓱᐤ ᑯᒂᒋᐊᐤ ᐅᑯᐃᔅᑯᑕᑎᓯᐛ: ᒪᒃ ᐅᒥᒋᑥᐛ ᑭᔭ ᐊᓂᔭ ᑲ ᓴᒋᑕᔨᒋ ᐊᒂᑎᓯᐅᓂᔪᐤ, ᐅᑦ ᐊᒐᐧᑯᒡ ᐛᐧᑲᑕᐤ᙮

ᐊᒃᓱᑕᔅ 16:4

ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᒋᑭ ᐃᑎᓴᐊᒪᑎᓇᐛᐤ ᐸᒂᓯᑭᓐ ᒋᓯᑯᒡ ᐅᒡ, ᐊᓯᑯᒻ ᒋᓯᑲᐛ ᒋᑭ ᐎ ᓇᒋ ᒪᒧᓴᒋᓇᐅᒡ ᐃᔪᒡ ᐊᓂᔭ ᐸᒂᓯᑭᓇ ᒐ ᐃᔅᐱ ᐃᔅᐱᔨᒡ ᐊᓂᔭ ᒋᓯᑯᔪᐤ᙮ ᐊᑯᑕ ᒐ ᐅᒋ ᑯᒂᒋᐃᒂᐤ ᑭᔭ ᒐᔅᒐᔨᒥᒂᐤ ᒐ ᓇᓴᐊᒥᒂᓂᒋ ᓂᑦ ᐃᑎᓱᐛᐅᓇ᙮

ᐊᒃᓱᑕᔅ 3:4

ᐃᔅᐱ ᑎᐸᔨᒋᒐᓱᐤ ᐎᔭᐱᒪᑦ ᒧᓱᓴ ᒥᒋᒪ ᓂᔭᑎᒥᔨᒋ ᓯᑲᐛ ᐛ ᓇᒋ ᐛᐸᑎᒥᔨᒋ᙮ ᒋᓴᒪᓂᑐᐤ ᒂ ᑕᑈᑕᑦ ᒧᓱᓴ ᐊᓐᑕ ᑕᑕᐅᒡ ᓯᑲᐛ ᐅᒡ, ᐊ ᐃᑕᑦ, “ᒧᓱᔅ, ᒧᓱᔅ !” ᐊᑯ ᐊᑕᑦ ᒧᓱᔅ, “ᒪᐤ ᐅᑕ ᐊ ᑕᔭᓐ᙮”

1 ᑯᕆᓐᑎᔭᓇ 10:13

ᒥᓯᐛ ᐊ ᐃᓯ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ᑯᒂᒋᐃᑯᐅᐛᐧᒄ ᐊᑲ ᒋ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ᑯᒂᒋᐃᑯᐅᐛᐧᒄ ᒋᑭ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ᑯᒂᒋᐃᑯᐅᐛᐧᒄ᙮

ᐃᑉᕈᐛ 11:17

ᒥᓐ ᒪ ᒪᒥᑐᓇᔨᒪᐧᒄ ᐊᑉᕋᐊᒻ᙮ ᐊᓂᔭ ᐊᒋ ᐃᔅᐱᔅ ᑕᑈᑕᐧᒃ ᓇᔅᒡ ᒋ ᐎ ᐃᑐᑎᒻ ᒐᒋ ᒥᑐᔅᑕᐊᒪᑦ ᐅᑯᓴ ᐊᐃᓯᑲ᙮ ᐊᐅᒄ ᐅᔭ ᑲ ᐎ ᐃᑎᑦ ᐊᑉᕋᐊᒻ ᐛᔅ ᐊᐅᑯᓐ ᑲ ᐃᑎᓱᒥᑯᑦ ᒋᓴᒪᓂᑐᐛ ᒐᒋ ᐃᑎᑦ ᐊᒋ ᐎ ᓂᑐ ᒋᔅᒐᔨᒥᑯᑦ ᑕᑈ ᒐ ᓂᓇᐃᑎᒧᒂ᙮ ᓇᔅᒡ ᒪᒃ ᒋ ᐊᔭᔅᑯᐎᔪᐤ ᐊᑉᕋᐊᒻ ᒐᒋ ᐃᑐᑎᒧᐛᑦ ᑕᓐ ᑲ ᐃᑎᓱᒥᑯᑦ ᒋᓴᒪᓂᑐᐛ, ᐊᑎ ᐊᒋ ᐎᑎᒧᐛᑭᓄᐅᑦ ᒐᔅᑎᓇᔅ ᒐ ᓱᐛᔨᒪᑭᓄᐅᑦ᙮

ᒋᒥᔅ ᐅᒥᓯᓇᐊᒪᒐᐅᓐ 2:21

ᑕᓐᑕ ᑲ ᐅᒋ ᑯᐃᔅᑯᓇᑯᐊᑭᓄᐅᑦ ᐎᔾ ᐊᓂᔭᐧᑲ ᒍᑕᐎᓄᐤ ᐊᑉᕋᐊᒻ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᓇᒪᔭᐤ ᐊ ᐊᓂᔭ ᐊᒋ ᐱᔅᑕᔨᒪᑦ ᐅᑯᓴ ᐊᐃᓯᑲ ᒋᓴᒪᓂᑐᐛ ᐃᔅ ᐊ ᑕᔨᒋ ᐛᒋ ᑯᐃᔅᑯᓇᑯᐊᑭᓄᐅᑦ, ᐱᔅᑎᓂᒐᐅᓇᐱᔅᑯᒡ ᑲ ᐱᔅᑎᓇᑦ᙮

1 ᐱᑕᕐ 1:7

ᐛᔅ ᐊ ᓂᒋᔅᑭᒪᒄ ᒐᒂᔪᐛ ᐊ ᐊᔨᒪᒋ ᐊᑯᑕ ᐛᒋ ᒋᔅᒐᔨᑕᒂᒡ ᑕᓐ ᐊᓐ ᐊ ᐃᑕᔨᑕᒂᒡ ᒋᑕᑈᑎᒧᐅᓄᐛᐤ᙮ ᐛᐛᒡ ᐎᔄᐅᓱᓇᔭᐱᔅᒄ, ᐊ ᐃᓯᓇᑯᓯᑦ ᒐᒋ ᓂᓱᐅᓇᒋᐊᑭᓄᐅᑦ, ᓂᑐ ᒋᔅᒐᔨᒪᑭᓄᐤ ᐃᔅᑯᑕᒡ ᑕᑈ ᐊ ᐎᔄᐅᓱᓇᔭᐱᔅᑯᐅᒂ, ᒋᑕᑈᑎᒧᐅᓄᐛᐤ ᒪᒃ ᐅᔅᑕ ᐃᑕᔨᑕᑯᓐ ᐊ ᐃᑕᔨᑕᑯᓯᑦ ᐎᔄᐅᓱᓇᔭᐱᔅᒄ, ᐃᑕᔨᑕᑯᓐ ᒐᒋ ᓂᑐ ᒋᔅᒐᔨᑕᑯᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ᙮ ᑕᑈ ᒪᒃ ᐊ ᐃᑕᔨᑕᑯᓂᒂ ᑕᓐ ᒋᐸ ᐃᑕᔨᑕᑯᓐ, ᒋᑭ ᒥᔽᒋᒥᑯᓇᐛᐤ ᑭᔭ ᒋᑭ ᒋᔅᑕᔨᑕᑯᐃᑯᓇᐛᐤ ᑭᔭ ᒋᑭ ᒋᔅᑕᒋᒥᑯᓇᐛᐤ ᒥᓐ ᑎᑯᓯᒐ ᒋᓴᔅ ᙭᙮